鵬哥叉燒燒鵝大王 (Closed)

朋友介绍，所以去左食晚餐。因為人多，所以叫左一隻燒鵝，鵝皮少許脆，D肉好入味，上碟仲熱，所以好食!仲叫左碟叉燒，肥瘦適中，甜甜地，加埋碗瀨粉，好滿足。叫左支手工啤酒試下，都幾好飲!

是日一班舊朋友聚餐，之前有朋友介紹哩間餐廳話小菜好食。平時鐘意試新嘢，一於試下啦。有驚喜喎，小菜海鮮新鮮夠火候，朋友個個都話好食，食得過！環境乾淨舒服，暢飲暢食嘅一晚，今晚好開心。

俾錢食垃圾！叉燒柴口，以為我食緊豬肉乾，好意思叫叉燒大王？垃圾老闆！！！老闆脾氣差到一個點，經常行過都會見到老闆無緣無故大鬧伙記，視伙記為出氣袋！有個咁嘅老闆，班伙記點會出到好品質同好服務？？係元朗又好食又平嘅燒味大有選擇！

今日好想食燒味然後諗住叫外賣，一打開見到得幾舊雞。。。仲要無咩肉。。。又唔好食！！！元朗街坊不要買如果唔係你會好失望！！！幾十蚊買個空虛。。。我冇諗過燒味飯咁基本嘅菜式都可以做得唔好，食咗兩啖已經食唔落去了。。。冇味不特止，仲要斬得幾件冇咩肉既切雞！！！食到成肚火！！！真係會blacklist！！！本身都想支持小店，諗住試吓，點知遇到咁樣嘅質素希望好好改善啦，不過我唔會再比第二次機會買黎食了！

說話今日去買外賣燒鵝，有朋友推薦佢啲燒味唔錯，咁我就叫半隻燒鵝一斤叉燒，燒臘佬叫我等10分鐘，話會比一隻新鮮嘅我，點知有個熟客過嚟，個燒臘佬俾人遲來內先上岸。隻燒鵝斬到九唔搭八。完全散晒。俾個熟客打尖，仲要我等足45分鐘。以後唔會有下次。所以唔好問點解香港飲食業做唔掂，完全咎由自取。到最後個老細只係識講對唔住。對唔住，我白白等足45分鐘。結果嘢食俾人先，我哋好似個傻仔喺度等。一啲悔意都冇。非常失望。😞😞😞

又係中午放飯又想試新野，搵到呢間新開既燒味店而家店內格局唔錯，又有2層，就入去試下啦，其實睇返原來就係以前乳豬大王個位黎。入到坐底店員就指住牆上既午餐餐牌，除左燒味以外仲有其他中式飯的，但黎得就當然係想食燒味啦，要再問先有餐牌俾我地睇，燒味飯方面就唔算話好貴，燒鵝飯$5x，其他單拼飯4x，加飲品就貴d熱飲6蚊，凍飲8蚊，由於唔記得影餐牌所以靠記憶大約寫返幾樣野個價錢。望多兩望見到是日午餐有個燒鵝5寶飯$53，凍飲都係加2蚊，咁唔洗諗啦，同同事都一齊揀左心呢個黎食。先黎碗例湯，湯幾甜幾好飲，感覺味精唔會太重，唔錯。首先要講下個出餐有d慢，呢個飯我地應該都等左10分鐘，果陣店內客人唔多計埋我地先3枱客，仲要已經食緊，現成燒味又唔洗煮齋斬好好奇點解咁耐都未有，落單個阿返見我地仲未食都主動去幫我地吹下單先有個飯黎，唔知係咪漏左單啦。燒鵝5寶飯，先睇個賣相都唔錯，有燒鵝，叉燒，油雞，紅腸，分蹄，有別於其他燒味店唔用咸蛋，由於有5樣唔同既燒味都拆開以下黎講：燒鵝燒鵝分到既就係胸位比較厚肉同實，就唔熱既，少少凍皮都唔脆，皮下都有d脂肪鵝香味唔重，感覺唔太出色。叉燒叉燒有2件，肉質有筋位有d難咬，而且

今日寶貝放假，專登同佢去元朗行街，經過小巴站，見到對面鋪啲油雞好靚，諗住博一搏，本身想食下午茶，点知飽到晚餐都食唔落😜义燒同雞都唔錯，不過價錢唔算平，但係叫飯仲有例湯送，抵讚👍🏻👍🏻

去到元朗想食燒鵝就開apps搵左間新開的鋪頭食,入到去搵個位坐低但係比較熱,可能係唔夠冷氣加上射燈的熱力,後來坐入啲的位置就好少少跟住就嗌左個燒鵝乳豬飯,諗住好快有得食,點知等左二十分鐘都未有飯食,後來樓面姐姐幫我睇原來出面不停斬緊俾外賣!姐姐幫我追完都要十分鐘後先有得食,雖然味道唔錯但係等到一肚氣,應該唔會再有下次了

之前都一直喺元朗附近都搜羅唔同嘢食不過就慨嘆呢區鋪租貴食物質素好唔好都好快轉咗下手咁今次見到呢間叫燒鵝大王就試試招牌菜叫咗個下庄嚟試皮薄同唔會嚡口，食落都唔會太膩朋友就唔覺過鹹，我食食下就有少少，可能我淨食🤪又點少少汁整體嚟講都👍🏻另外下午茶時間都叫咗個$32脆豬餐朋友一咬時我無見到🙈😹只係聽到好脆嘅聲音（無誇張到）到我試試嗰時真係豬扒香脆，外面層包都脆有驚喜😋👍🏻鋪面環境現時係乾淨，都有見員工清潔中希望新店加油💪🏻keep住食物質素