鶴亀 (Closed)

呢間位於尖沙咀，屬於香港人既拉麵舖我自己bookmark左好耐，前排終於得閒去試啦👍🏻！講明，呢間拉麵店主要賣特色既拉麵🍜，所以一碗拉麵價錢由$85-$200。但佢呢度口味真好特別，例如黑松露慢煮安格斯牛沾麵🤤同柚子炙燒三文魚沾麵。我就叫左個海老帆立貝拉麵🍜，雖然$158，但份量十足。首先，麵都幾大碗，又有4塊叉燒，又蛋又蝦又帶子，非常豐富。湯式係豚骨湯底，但好重蝦味，我估係表面果層蝦油，所以即使湯底無落魚去熬製，都依然好香，提昇左海老同帶子鮮味。可惜兩樣主角都係急凍貨，本身鮮味唔夠，幸好廚師都處理得唔錯，D肉唔覺老唔覺鞋。配菜就相當唔錯，糖心蛋真係非常流心，叉燒每塊都微微煎過，荀食落都無渣。總體上表現都OK la！我另外叫左碟餃子🥟，因為入面無加到椰菜，同埋煎到有點乾同脆口，覺得比其他餐廳整得更吸引！仲要細細隻，岩哂同朋友share！呢間餐廳表現都唔錯啦。餐廳其實就係六兩三隔離！眼見呢排少左人出街，好多餐廳lunch都好冷清！大家去開尖沙咀，就去罰下佢地啦！

好豐富既拉麵🍜💛海老帆立貝拉麵湯底飲落好香豚骨味，湯頭旁邊加咗櫻花蝦，令到湯底味道更豐富。海老帆立貝拉麵配料超多，大大隻虎蝦仲要預先剝埋殼，真係好貼心，帶子煎香呈現半熟狀態，咬落有口感，流心蛋不過不失。我覺得尼間拉麵好有誠意，除咗因為隻虎蝦一早剝咗殼，連叉燒都經過火炙，食落非常香口，對比其他拉麵店嘅叉燒真係令人印象深刻！吉列芝士蝦球即叫即炸熱辣辣，芝士流心程度一百分，不過如果大粒d會更加好 😣😣

晚上7點黎到 全店得2個客人但一過左15分鐘就多左好好好多人全店坐到滿晒！😁😁😁😁😁▪️▪️▪️▪️▪️▪️▪️櫻花蝦拉麵好味再足料！湯底又唔太咸！流心蛋都好流心♥️♥️♥️沾麵都唔錯！▪️▪️▪️▪️▪️▪️▪️整體來講 值得再試！

另一半係日本菜fans成日時不時就想食拉麵沾麵依家咁少出街 要食就當然要擇間支持下💪🏻首先要讚下舖頭嘅防疫都做得好足每枱都會有洗手液放便大家用都可以問佢地拎zip袋袋住口罩我地今日都係揀沾麵櫻花蝦好足料😍個汁有啲偏稀 如果再濃啲就好另外加多左份小丸子 細細份兩個人share 岩岩好貪得意叫多左支士多啤梨味波子汽水 好有童年回憶😚

本身諗住食隔離間黃店 去到見到太多人排隊所以放棄咗 見呢間都係黃店所以就入咗去食位置坐得有啲逼 不過店員態度好好而碗沾麵都幾出色 啲豚肉好食 肥瘦啱啱好個汁濃味得黎又唔會大鹹

果時想食日本野，咁岩見到有間日本店大排長龍，所以就走去望下食咩（原來係沾麵）間店舖其實幾細，有機會要同唔識既人/情侶一齊坐。等左差唔多15分鐘，終於入得去啦！我地都各自叫左碗沾麫，同埋一碟餃子。佢碗湯嘅味道超級濃，每次食面都會特登用匙羹裝裝少少湯，超級高質！然後豬肉都幾好🤩食完碗面係會飽嘅😂😍

有好多文宣同埋有捐錢既小黃店💛·豚骨沾麵 $85佢個面質幾好食 唔會太lum得黎有啲咬口 我幾鐘意😋😋個湯個鹹淡度都幾好 不過佢個麵好似唔係好掛湯咁 你就咁點會冇乜味 但係我之後將佢浸耐啲咁樣食就幾好食啦🥰佢個叉燒都唔錯嘅 但係對我黎講覺得略嫌肥咗少少 不過唔食啲肥膏就OK wakakaka😎整體黎講都唔錯既keke·📍尖沙咀漢口道19-21號漢宜大廈地下L號舖

去開尖沙咀想食拉麵,選擇好多,但行過比呢間嘅海報吸引左,係sell緊一條魚再加柚子湯底嘅沾麵,不過最後都冇叫到因為有其他更想食嘅嘢:呢個係辛辣沾麵,我叫左中辣,都幾刺激,如果你唔太食得辣但又想叫黎過癮嘅,小辣就夠個幾片豚肉好正,唔會好軔身,又有少少油香,個湯都有好多菜係度,啱哂我口味!!!男朋友叫左櫻花蝦湯底,完全滿足哂櫻花蝦迷嘅願望!係滿滿嘅一層,個湯本身都重蝦味,所以會好似飲緊一豌蝦湯咁唯一美中不足就係食完加嘅木魚湯不夠熱,同埋個份量有d少

其實呢間拉麵鋪我已經經過好多次，但一直都冇機會食，今日終於有機會黎試吓。晏晝黎到都要排一陣隊先有得食，不過有良心嘅店舖等多陣都唔緊要晏晝有啲拉麵有得九折再送餃子，即刻覺得抵食好多我叫咗個雞湯拉麵，一送到黎先發現個湯真係好清，同其他拉麵唔同。飲落去發現味道有啲淡，如果佢個雞味再出啲就好啦佢嘅麵偏硬，係我最鍾意嘅口感，再加埋啲雞又真係煮得好嫩滑，成個拉麵都煮得好好食，Feel到佢係用心製作下次有機會我一定會試吓其他拉麵

尖沙咀都可以話係美食集中地，今日就黎到呢間拉麵店試試佢！見人地食沾麵覺得好吸引，所以同朋友都係揀沾麵，叫左一個特濃豚骨同一個柚子三文魚。特濃豚骨好香濃，但又唔覺得太飽滯，一般沾麵個麵底都好多，我通常食唔晒，但呢間嘅麵底份量就啱啱好，而且個麵好掛湯，好食！仲要讚下佢個叉燒，有少少火炙過嘅香味，而且真係１Ｄ都唔肥，好好食。至於朋友個三文魚沾麵，見圖都知道塊三文魚好足料，淨係食魚都半飽。佢話個湯配上柚子好清，幾特別又好食，但由於佢有少許感冒徵狀，呢個肺炎高峰期，我都係唔試佢個湯為妙。整體黎講，非常滿意，一定會再去！

2019 年除夕日，午市約12:30 光顧。當時要排隊，前面有4個，但好快有位。環境不錯，店內抽氣設施好，唔會有廚房油煙味；冷氣通風好，座位舒適。食物方面有拉麵沾麵還有小食，款式算多。我地點選了櫻花蝦拉麵 和 豚骨湯拉麵 炙燒鰻魚。櫻花蝦湯底超多櫻花蝦，好有鮮味。豚骨湯底好香濃。每碗拉麵都有半隻流心蛋，幾塊肉，麵條份量都非常充足。服務方面雖然當日好忙，但店員態度仍然友善，好忙都會主動加水。埋單唔收加一，性價比高值得推薦

去了漢口道的拉麵小店，晚上人流不算多，不用排隊就可以進入店內了。小店座位不多，需要兩人坐在一邊，而店員都有禮貌。由於第一次來吃，選了一碗沾麵加一碗拉麵嚐試滿滿的櫻花蝦鋪在麵上很吸引，而且湯亦很有蝦的味道，好喝😋由於可自由選擇麵同湯的硬度及濃度，選了中度，麵身剛好不會太軟，不錯👍沾麵叫了多蔥，先試試湯，選了小辣，比想像中不夠辣，可以叫中辣🙂。湯可以再濃一點，稀了一些，而且不夠熱，所以麵放入湯中沒有很掛汁的感覺 ～感覺與拉麵沒有太大分別，有點失望，吃拉麵比較好😛加了$35有餃子同汽水，餃子皮脆，味道不錯如果不喜歡太濃味，這間小店值得一吃～～

小妹係尖沙咀返工 早2日同同事係條街到搵食 咁岩見到呢間拉麵店個樣唔錯喎 (外貌協會會長🤭🤭） 就入左去啦😂😂😂入到去比格離枱個碗櫻花蝦拉麵吸引住🤤諗都唔諗就點左佢喇！終於都到我個碗拉麵🍜上枱喇 全碗都鋪滿櫻花蝦 仲有糖心蛋加2片叉燒 店舖真係唔會慳住慳住咁怕蝕比你 好香好有食欲😋😋👍🏻👍🏻👍🏻仲有 佢地lunch time每人送多2隻餃子🥟計返都係90幾蚊一個人 以尖沙咀嘅消費黎講 真心推介大家 好食又超超超抵食！

尖沙咀真係有好多小店好好食，唔去連鎖店仲有好多選擇。拉麵同沾麵都好味，湯唔會太鹹，無味精，份量足，食到好飽。另外吉列蠔炸得好好食，熱辣辣。店員好有禮貌，會不停走過黎幫你加水。加油

無意中見到噶餐廳，決定入黎試下，我就叫左黑松露慢煮安格斯牛沾麵，朋友就叫左柚子灸燒三文魚沾麵，三文魚煎得岩岩好，口感一流啊，加埋柚子噶清新，真系唔錯，黑松露噶香味融入安格斯牛度，真系整的好有水準！