麗都美食 (Closed)

諗住食個下午茶 正街最多食肆就開始去搵食 見呢間好似好多款式 又粥又炒粉麵 又湯面 下午茶大路野 仲有甜品 就入去試下入到去見有兩枱坐左人 原來全部都係員工 因為無客所以坐係到吹水 仲要傾計勁大聲 無諗住做生意咁款諗住睇下餐牌 點知連D員工都唔知D餐牌擺左係邊 之後叫左個乾炒豬扒公仔麵 廈門炒米泥到個賣相一D都唔吸引 食落口簡直想獲利回吐乾炒豬扒公仔麵👉🏻 個麵黐埋一pat 一D有豉油色 一D完全無色 D豬扒一陣怪味好似變壞左咁廈門炒米👉🏻碟米粉太濕 似撈米多過炒米 一食落口 D米粉酸嘅 雖然廈門炒米正常係酸酸地 但呢個好明顯係變左嘅酸味辣椒醬👉🏻諗住用D辣醬送下會好D 點知連辣椒醬都係酸 好在仲有支甜醬係正常未試過去食野 所有食物都唔得 D野食好似廚餘咁 同埋隻手掂到咩都會有陣up味 無論枱面 筷子 碟定碗仔 下次下次 沒有再下一次

以往也曾光顧過這家食店，那時的用料倒也新鮮，而且又不會將貨就價。所以每次經過，也會入內幫襯。今日再來，已是人面全非了，侍應還不大聽得懂廣東話，需重複了幾次才能勉強明白。茄汁豬扒火腿飯（$40） ～ 説是茄汁，不如說是茄醬吧（食薯條那還可以），味道又濃又怪，豬扒唔新鮮又無味兼且煎得過熟，不要説用口咬了，就是用刀切也要費一番氣力才能把它「分拆」⋯⋯吃不了半件便放棄了，無奈之下唯有吃幾口白飯充飢吧😭熱檸水 ～ 檸檬唔新鮮，頗酸。這樣的質數，還可以再來嗎！😖