麵屋武蔵 武骨相傳 (朗豪坊)

Open Now

Now Closed

新開就即刻想試，呢間係日本過江龍，本來唔抱有咩希望，但諗住都抵食就試下。好鍾意佢既麵！麵有摺，超級吸湯🥰 同埋我坐係師傅前面食，見到佢哋好認真切豬肉😋 今次試左黑蒜油，完全唔苦！好食過「彩」

老實講，我唔係一個鍾意食拉麵嘅人😅就算去到日本都唔會去食拉麵！今次因為唔好意思推卻朋友，所以硬着頭皮食一次！平日下午去到人比較少，地方都好闊落坐得好舒服！攞住本Menu，本來仲諗住睇吓有冇飯或者烏冬，點知真係剩係得拉麵😅今次唯有焗食！我點咗一個”二刀流拉麵” 揀選了黑蒜豬骨湯底！除咗有叉燒之外仲有一舊五花腩肉，出奇地非常非常非常之好味😱尤其呢舊五花腩又淋又入味，未試過既一定要試吓👍🏻完全唔覺得肥膩！湯底亦非常適合香港人口味，味道濃郁！拉麵亦好有口感非常彈牙！可能我從此就會喜歡食拉麵😂另外仲見到Menu有牛肝菌雞白湯泡飯，因為職員話份量非常之細碗所以我都叫咗一碗試吓😋不過可能之前食完個拉麵湯底非常濃味，變相泡飯味道淡咗少少！不過味道亦都唔錯👌🏻

假日去朗豪坊閒逛下搵下食適逢近來被點燃番嘅沾麵愛去左一訪麺屋武蔵 一嚐佢嘅沾麵和拉麵天氣漸涼食碗熱湯麵再加炸物小食就最適合了🥢二刀流沾麵-黑湯👉🏻有白、紅、黑三款豚骨湯選擇 第一次食想一嚐黑蒜豚骨湯 黑蒜味突出 口感有厚度👉🏻欣賞自家出品坑紋麵條 有嚼口又掛湯👉🏻厚切豚角和燒叉燒都有 可以兩種都食到🥢牛肝菌雞白湯拉麵👉🏻本店限定嘅雞白湯拉麵 以雞肋熬煮8小時而製成的 香味濃郁👉🏻除了牛肝菌 仲有牛肝菌醬配雞肉 牛肝菌味好突出🥢狼牙手羽👉🏻用薯片作炸衣嘅炸雞翼 外皮自帶鹹香又超級脆 係必點惹味小食🥢五輪燒餅👉🏻以蠔仔、野菜混在粉團中 再燒成的五輪燒餅 就係大阪燒嘅味道

朗豪坊行街，行到攰坐低搵嘢食，見到呢間拉麵店裝修幾靚，俾佢吸引咗就行入去試吓鍾意食拉麵，又想食多啲叉燒嘅呢度就啱晒，呢個二刀流拉麵有齊叉燒同埋豚角燒兩種，叉燒都幾厚肉，豚角燒就更加正，肥瘦均勻，煮嘅時間啱啱好，入口鬆軟 湯底方面，我哋揀咗黑蒜豚骨湯，味道香濃，鍾意食辣嘅朋友揀呢個赤辛豚骨湯就更加啱啦另外小食方面都幾好，我哋叫咗呢個田之最強，以沙律來講都算幾豐富，大大嚿牛油果，加上溫泉蛋蛋汁，都算幾有誠意另外，呢個狼牙手羽就好得意，其實佢係單骨雞翼，但係包左好厚嘅薯粉喺外面，唔知係咪用薯片做㗎呢？非常脆口邪惡，食到停唔到口食龍尾嘅拉麵，當然要配返杯冰凍飲品，叫杯梅子青檸梳打，或者一杯冰凍嘅烏龍茶，就夠晒解膩

未去得日本，我同翠翠約咗黎食日本沾麵。這間有朗豪坊的日本沾麵有朋友去過話好食，所以我哋嚟品嚐下環境服務都唔錯，乾淨舒服、背景音樂、柔和光線，令我哋係一個輕鬆愉快的環境下一邊傾談一邊品嘗美食我哋每人點了一個沾麵：1. 相傳叉燒沾汁麵（黑）2. 二刀流沾汁麵（白）相傳叉燒沾汁麵（黑）叉燒好大片又香、厚身好有口感，配上糖心蛋、筍片、香蔥，好靚的配搭，沾麵麵底比較硬身，沾麵汁有3種選擇（白/黑/紅）我選了黑（黑蒜）好香濃、配有香蔥絲，蒜汁唔算好濃烈二刀流沾汁麵（白）二刀流有一件五花腩豚角，好香好滑好入味，入口即容的感覺我覺得白汁（香濃豚肉骨湯）好香濃好滑好好味沾麵都好掛汁，彈牙麵感糖心蛋剛剛好，蛋黃好香滑好味（五輪燒餅）配有蠔肉的燒餅好香口，配上醬汁、木魚都好飽肚

個日係樓上做完facial太肚餓就係food court是但搵間餐廳頂住肚先～同朋友兩個人叫左碗拉麵&黑鳥（炸雞）～二刀流拉麵 （$85）送到黎個湯底係黑色（我大鄉里第一次食），見到個樣以為好好食，兩大舊豬肉望落都好靚，但食落就普通，D肉有少少🤏🏻韌，最奇怪係個湯底冇乜味，完全食唔到係咩味嘅湯底😳😳，拉麵質地正常，但食哂成碗都唔知食左乜野🤣🤣。黑鳥 （$45)呢個炸雞好食，脆得黎唔會太硬，D雞肉都好嫩滑，最正係佢個黑色醬，夾埋真係好好食（埋單個陣問店員係咩醬，佢話有千島醬～）Overall好唔好食？拉麵先係個精髓，但配菜黑鳥仲好食過佢，ok啦會唔會再幫襯？未必會，旺角有比佢好食嘅拉麵

之前聽我媽媽話好耐冇去食拉麵啦，我作為一孝順女媽媽有要求架會盡量滿足佢啦，咁啱之前在朗豪坊4樓見到有間新開的日式拉麵店叫「麵屋武藏武骨相傳」見到果環境好有日本Feel，所以就帶左媽媽來食飯啦。二刀流沾麵內有勁厚叉燒及豚肉煮及糖心蛋，湯底我就選左豬骨湯底，真係好讚下果麵，果麵條係有啲坑紋係到令到更易掛汁及果麵質地勁彈牙，我好鐘意。牛肝菌雞白湯沾麵媽媽就叫左呢個麵，果湯底好濃郁，而牛肝菌雞白湯係每日限量供應，果湯底係要慢煮8小時，所以雞肉及牛肝菌全部都係晒果湯底到。南蠻黑鳥佢做法係日式炸雞，炸得香脆但最特別係果黑色醬，味道帶少少酸味好特別。五輪燒餅大板燒又係我最愛，如果餐牌上有提供的話我都係必叫的菜餚，佢特別加入蠔仔令到個燒餅更鮮味。

今日去左旺角朗豪坊一間人氣拉麵食晚餐🍜 雖然呢間拉麵店係主打食沾麵 但我個人都係鍾情食湯麵，而且呢間拉麵店都有好多唔同拉麵選擇😋我地一行2人，叫左一個牛肝菌雞白湯拉麵，另外叫左一個套餐 有日本牡蠣🦪拉麵 小食連飲品。雖然係湯拉麵，但2款湯底都好濃郁，特別係牡蠣湯底 好濃🦪味 又唔會太咸，岩岩好！ 另外雞白湯 真係好濃郁 又creamy 我飲哂成碗湯啊❣️ 加上湯底比較杰身 好掛麵 每一啖都好滋味😋😋小食要左炸雞塊，上台時熱辣辣，配上美奶滋 好juicy🐥😋我晚餐時間大約7:15左右 等左約30mins，見都不斷有人拎飛等，幾高人氣😗

男朋友話好耐冇食拉麵～即刻帶佢去食🤭一search之下發現【麵屋武藏】開左好多間分店！其中一間就係朗豪坊✨見咁方便我地就揀左呢間試試😋餐廳環境夠乾淨企理，店員仲安排左卡位俾我地，坐得好舒服🫶🏼我地平日晚上去，7點開始越黎越多人，後來仲滿座添！果然係受歡迎💗我地本來想食普通拉麵，但見呢度既沾汁麵都好出名😆因為平時比較少食沾汁麵，所以決定叫黎試試！❥ 二刀流沾汁麵（香濃豚骨湯）$88沾汁麵同拉麵唔同，湯汁同麵底係分開上✨二刀流沾汁麵有豚角+叉燒～豚角好大件，肥瘦相間，食落有入口即化感覺😍叉燒都好腍好入味❣️麵質煙韌彈牙，每條麵條都掛滿湯汁，好食！❥ 相傳叉燒沾汁麵（黑蒜豚骨湯）$85湯底超級香濃，黑蒜味道突出🖤又唔會搶過麵質既小麥味道！叉燒好厚身大件，menu寫係用左歐洲梅花豚肉，再淋上醃製72小時既自家醬汁💗食落果然鮮嫩多汁！每碗沾麵仲配埋溏心蛋，好加分💯❥ 五輪燒餅 $58燒餅賣相好靚🫶🏼即叫即製，熱辣辣❤️‍🔥（記得趁熱食🫶🏼）燒餅用料好足，除左蔬菜仲有廣島蠔，好有鮮味👍🏻一啲都唔會腥！❥ 狼牙手羽 $48作為雞翼控我超級推介😋💕💕係單骨雞翼，食落口幾方便！重點係佢連埋薯仔碎一齊炸，炸得

濃厚湯底好滋味呢排好忙，日日做到八九點先收工去公司附近睇吓有咩食見到呢間餐廳唔洗等位就試吓餐廳食物選擇唔算好多環境都坐得舒服我哋叫咗兩碗拉麵，份量望落好細碗咁但食完都夠飽（男人應該唔夠飽）我本身食量細就啱啱好牛肝菌雞白湯拉麵 $98湯底勁濃雞鮮味，忍不住飲晒拉麵彈牙有口感，十分有水準二刀流拉麵（黑蒜豚骨湯）$85黑色嘅黑蒜豚骨湯底更濃烈食到底會有啲咸拉麵彈牙越食越想食麺屋武蔵 武骨相傳 (旺角)旺角亞皆老街8號朗豪坊4A樓5號舖

今日同朋友黎到旺角行行下好肚餓就見到呢間全新拉麵店就決定入去試下招牌沾麵有三款口味，期間限定係鮑魚好吸引亦有拉麵小食提供赤相傳二刀流沾麵二刀流意思係有豚骨同叉燒两舊肉既份量好大肉質軟淋，油香十足啖啖肉好滿足湯底好濃郁，豚骨加上辣味辣度剛好，沒有掩蓋豚骨味2個味道都好特出食得到師傅的功力麵條爽口彈牙掛湯原來係香港首創自家特製坑紋麵 唔怪得之黑鳥唐揚炸雞配上黑色既千島醬非常之夾炸雞皮脆內滑一咬肉汁就爆出黎推薦！相傳煎餃煎餃火喉剛好餡料飽滿，皮薄餡靚食到停唔到

我一向喜歡食拌麵，耐唔耐就想食下沾麵，於是乎就釣定朋友，收工就直接上去朗豪坊4樓，麵屋武藏武骨相傳。我跟老友都點了二刀流沾麵，湯底分別是黑蒜豚骨湯&辛辣豚骨湯，有洋蔥同京蔥調劑成嘅濃湯底，超濃厚很掛麵，坑紋麵的麵條很索汁，咬落彈牙很煙韌有嚼勁。糖心蛋流心很好吃。豚肉厚厚的一件，肥瘦適中很入味，而叉燒好滑有油脂香，食極唔厭😋😊。田之最強有溫泉蛋、新鮮沙律🥗同半個熟透好味的牛油果🥑，灑上芝士粉，健康又好味😋。五輪燒餅，用日本廣島蠔，買相吸引的燒餅很厚身，蠔仔份量多裏，每一口燒餅都有，食到非常飽飽了。點了蜜桃🍑培茶跟梅子青檸梳打，清爽微甜得來又很解渴👍。

赤相傳二刀沾汁麵 $88二刀流有豚角同叉燒做配料，岩哂鍾意食肉既我。配上辛味豚骨湯更加惹味，只係辣度不太足夠。黑相傳叉燒沾汁麵 $85鍾意重口味既可以試吓黑蒜豚骨湯🧄湯汁濃厚，叉燒又用左特製醬汁醃製，肉汁豐富，麵條有特制既坑紋，可以掛到更多既湯汁，麵條口感彈牙仲有少少既小麥味。狼牙手羽 $48雞翼同薯片一齊炸，十分香口好味😋選用廣島蠔黎做燒餅🦪材料新鮮，蠔味十分特出。蜜桃培茶🍑 $28番茄梳打🍅 $28

📌 麺屋武蔵 武骨相傳📍 旺角亞皆老街8號朗豪坊4A樓5號舖☎️ 63338516★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*麵屋武藏喺日本有好多分店，每間都有唔同店名及不同口味嘅拉麵。香港嘅麵屋武藏都走相類似嘅路線，有唔同分店唔同名，菜式都各有不同。朗豪坊嘅 麵屋武藏 武骨相傳 主打沾麵，我同朋友都不約而同話要試下呢間過江龍沾麵。雖然身處四樓Food Court 樓層，不過餐廳入面都不會太嘈，被安排坐卡位，空間寬敞。🥢二刀流沾汁麵（$88）沾麵有白豚骨、紅辛辣、黑蒜油三款湯底，我同朋友揀咗一黑一白。配料有豚角煮、叉燒、溏心蛋及筍片。五花腩先煎後燉，去除咗腩肉嘅肥膩感，入口即化；叉燒厚切大大塊，自家醃製咗72小時，再掃上秘製燒汁，口感扎實有甘香。 湯頭用上豚骨，豚肉，多種日本魚介等熬製而成，白色湯底嚐到濃郁嘅豚骨湯汁，黑色湯底就再加上一重蒜香，兩款湯汁都濃杰而不膩，麵條係香港首創自家特製坑紋麵，好特別，口感Q彈煙靱， 非常掛湯亦很有飽足感。🥢五輪燒餅（$58）燒餅上面淋上燒汁同沙律醬，外觀已經好靚有驚喜，入面有廣島蠔、椰菜等配料

麺屋武蔵 武骨相傳 (旺角).呢到嘅沾麵幾出色，食過一次都覺得好食，位置又方便.▪️二刀流沾汁麵▪️.咁耐無食今次仲覺得好味左，沾麵汁唔會過鹹，好多葱絲，二刀流有叉燒一大片同埋好大舊豚角肉，仲有蛋，葱粒同筍！. ▪️五輪燒餅▪️.其實就即係大阪燒，上面充滿着沙律醬同埋燒汁，入面有椰菜！.▪️狼牙手羽▪️.不得了呢個狼牙手羽真係食物如其名，真係成個狼牙棒，非常之炸，但好食🤤.▪️蕃茄/巨峰提子梳打▪️.呢度嘅梳打係日本支裝，出面買呢啲都要10幾廿蚊支，最特別嘅係今次我試咗蕃茄梳打，以為會奇怪但都幾好飲！(⁎⁍̴̛ᴗ⁍̴̛⁎).📌 麺屋武蔵 武骨相傳 (旺角)旺角亞皆老街8號朗豪坊4A樓5號舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.