麵棧 (Closed)

很可惜，經常去的麵店因租約問題結業了之後想再食返要去到荃灣至可以，感到非常非常可惜................醉雞脾：雞味好新鮮，帶少少酒味，但不會影響雞脾本身應有既鮮味 ~~~~ 芹菜餃：比白菜更爽口，咬入去粒粒爽既口感令人回味

今天因有事晨早出了旺角機緣巧合下竟簡左依間黎食個早餐我諗我地係今日既第1批客人食左:雲吞面炸豬扒擔擔面i/h豆漿個雲吞1碗有5大粒,真係大大粒圓碌碌咁係多菜少肉款,勁好味!!!!!一d都唔油膩!!!!!最緊要d面彈牙嫁真係,,唔似平時食上海面淋晒冇咩口感咁!!而男朋友既炸豬扒擔擔面就麻麻地..............................擔擔面唔香唔辣...豬扒就係平常野...冇特別囉食到佢扁晒嘴而且加一個食送要7蚊唔抵囉仲有一樣野佢個豆板醬係我食過咁奈已黎最好既一間!!!!一食就即刻問牙姐有冇得買走好開心佢話有,不過就係用紙杯裝....可惜等陣仲有野做唔係咁方便找走唯有下次!!個豆漿熱旽好飲好多因為凍既只係暖既姐....d牙姐服務都唔錯。。

夜晚同媽咪去左行街，行到累梗係要搵間野坐低食下野透下，今晚就係呢度食晚飯啦，因為今晚唔想食D太滯既野，見平時呢間都幾多好評，所以就黎左啦我地兩個人叫左一碗炸醬麵同埋一碗東坡肉麵，仲有杯豆漿添佢D麵真係好煙UN好彈牙呀，我好鍾意食，口感好好，唔鍾意D麵太淋一團野咁炸醬麵勁多料，撈埋一齊好好味，佢仲有好多芽菜，好爽口!!!而且佢有一碗湯跟上，我地發現同碗東坡肉麵比佢呢個湯係濃D架 我開頭以為佢會有D辣，點知一D都唔辣喎，個口味剛剛好，好惹味東坡肉都幾好食，但佢始終唔係正宗，而且唔係真係好靚，所以入口唔夠鬆化，同埋佢D肉都幾UN下，不過佢勝在夠入味，成個麵配合埋其他材料都幾好食湯底比上面個個淡D，但清清地都幾好，因為反正D東坡肉都幾夠味反而杯豆漿麻麻，因為覺得佢淡左D。但呢間D麵真係幾好食，唔怪得今晚去到發現佢都有幾多客下，應該會再來的。

每次同男友諗唔到食乜時...就黎呢間食麵....平平地既選擇...食左咁耐質素都無變...韮菜餃麵最愛餃麵...餃子大大隻...而且餃子無穿無爛好完整...上到枱好靚仔...仲有配菜...麵又煙韌彈牙喎~好鍾意呢到既麵...湯亦夠清...唔會太咸太味精...好味道..不過有時發覺職員唔太留心客人需要...一餐飯時間...經常見到佢地將食物放錯枱....有客入到黎又顧唔切落單...有少少"呢咁HEA"

我多數都係食綠茶白肉麵, 清甜的湯, 白肉又爽, 唔肥, 整體感覺香口亦唔肥膩.至於友人食冷麵, 個醬則太濃味

有人話堂食先試得出一間食店既水準我就唔係幾同意如果一間舖頭有得叫外賣就應該KEEP到佢既水準如果唔係既話就唔好有外賣供應不過當然外賣應該比堂食差少少所以今次食評都係寫佢既外賣同事介紹話呢間好食麵棧唔叫麵都都可以叫飯由於仲要番工驚麵唔夠飽叫左個薑蔥雞塊飯等左15MINS先有因為係即叫即整行番去10MINS後開始食一打盒飯已經幾滿意下飯既份量夠亦唔會硬仲要有幾條非常正幾生菜比你送飯呢幾條生菜絕對好過好多十幾廿蚊碟既生菜亦夠爽口絕對係驚喜打開盒雞已經幫你切左一小一小塊薑蔥味適中唔會搶左雞肉既味食落好好唔會話鞋口如果堂食更好就更加高水準啦下次當然會再去試下麵啦!總結:外賣水準已經高過好多堂食既舖頭

近日買左一本蔡姓食家的新書, 有frd話佢的介紹唔錯, 有d就話唔得, 所以都係打算自己親口試一試~ 今日選左麵棧, 原因係佢主打我鄉下"山東"的麵食.裝修來說, 算是正正常常, 不會有太窄的感覺, 以一間麵店來說, 屬正常佈置, 亦算整潔.員工方面, 態度算好, 唯落錯單的情況頗常見, 亦會有漏單的情況發生, 執枱的速度亦略為慢.好, 到最重要的食物方面, 是晚叫左4樣食物+2杯豆漿肥佬炸醬麵($26) - 據說係獨家, 食落同細個食的味道唔同, d肉醬唔算好好味, 不過d麵條就真係整得幾好味~秘制羊肉面($30) - 羊肉整得幾好, 唔會酥, 亦夠淋, 份量適中, 喜愛食羊肉的人, 應該一試綠茶白肉($20) - 餐牌上沒有的, 茶味清淡, 肉質爽口, 值得一食蘿蔔煎餃($19) - 淡而無味, 無甚特別總括來說, 我自己頗喜歡此店的, 因為佢碗羊肉麵好食p.s. 蔡姓食家書中話, 芹菜餃好味, 大家有緣可以試一試~

行到支力一支力..要食番d野填番個肚...白色的舖面..係旺角黎講呢類細既店舖裝修都唔錯..薑蔥鐵板雞麵麵身煙靭..一睇就知真係手打..正!湯底唔錯wo..清得黎..無味精..雞好香薑蔥..好入味..醃得唔錯..睇D相就知d色水靚到...蜜味醉雞脾加佐蜜糖的雞脾..唔太鞋..卥水汁整得好好..好香..用心之作..整體來說..味道, 環境..服務各方面都好好..但份量就唔太夠..如果多番少少會好好多..下次有機會..想試下..冰鎮雞絲涼麵

八方云集太多人了..所以來到這麵店..抱著期望來的..因為早前看見蔡生介紹過..點了一客炸醬麵,朋友點了東玻肉麵炸醬麵湯底很清,沒加味精.麵條煙煙韌韌. 很好吃.炸醬雖然不太突出, 但整體感覺仍然很好..

last friday, seminar 完咗之後同個fd食埋dinner至番屋企。7點半去到mk，本想去譚仔，但從遠處已見到有一大堆人群在外。於是轉戰麵棧。7點幾嘅麵棧都好多人，不過就唔洗等。環境就是迫迫的，坐到背對背。我要了佢話新推的蕃茄牛肉撈麵。等了一陣子就到。都幾大碗，面頭鋪了大量蕃茄蓉同牛肉。蕃茄唔會太酸；牛肉完全無嗱過，好有咬口同肉味。麵條份量多，質地帶點煙韌彈牙，唔會削。

上星期六下雨天, 去massage前就亂找一間食完個lunch就算.2個人一心來此店食個麵就算...我叫左個炸醬麵, 友人叫左個味菜豬腸麵...此店既麵真係好好味煙煙un un唔錯, 我個碗炸醬都好多用來撈麵唔加湯都好好味, 友人既味菜腸都好好味d腸好味又唔會話又咩怪味d味菜亦唔會太咸十分可口...只係覺得此店d位好迫食時唔係太舒服

今天跟位同事 (好姊妹/兄弟) 來試試旺角分店, 荃灣店差不多一個月最少幫襯一次, 這裡是首次光臨, 下午接近一時, 吃中午飯時, 人最多, 以為地方會大一點, 奈何比荃灣還要少, 通道亦很狹窄, 幸運地找到近門口一張枱!同事叫了雞翼麵 + 豆漿, $26 + $3, 我則叫了雜錦菜餃麵, $28! 我的餃麵先上...如果自己食...便只叫蘿蔔餃, 因為一絲絲的蘿蔔最啱口味, 但想給同事試試其他餃子, 韭菜味不太濃, 芹菜最差....咩都食唔出, 只有蘿蔔餃不變! 它的麵條是 Al Dente 的, 也是我的 favourite, 有咬口, 但不是人人也愛, 搭枱的兩個女仔就要求麵是腍啲! 雞翼遲一點上...新鮮炸...味道如何就不知, 雞翼配上酥炸, 肥上加肥, 不是人人能接受!

成四點先食lunch, 原本想去河泰國料理，點知執咗粒。於是就諗到去呢度食冷面。兩個人，叫了一個冰鎮雞絲涼麵同一個擔擔面share 食。冰鎮雞絲涼麵有一大碟面，加一堆紅蘿蔔絲同一堆青瓜絲，一碟麻醬再加一個清湯。雞絲粗身，紅蘿蔔絲同青瓜絲就好幼。碟醬由麻醬、甜醬同蘿蔔茸組成，幾特別。醬汁不算多，只是剛夠而已。味道很清新，面條很煙韌彈牙，不會黐埋一齊。凍冰冰，好fresh！醬汁算幾香，麻醬味濃，加埋甜醬又反而幾好味喎！擔擔面中規中矩，算唔錯。面條一樣係幼身、煙韌彈牙。湯底的麻醬味道不濃，也不辣，欠惹味。兩個食到飽飽，埋單都只係$50，抵食又好食！

位於旺角嘅麵棧真係有佢嘅存在價值!每當唔知食咩同埋想是但食d打嘅時候~搵佢!呢度嘅山東麵弄得頗出色~雖然係的機攪出來~不過勝在夠彈牙~正!最鍾意食佢的麻醬雞絲涼麵~好清新~濃香嘅麻醬配上涼涼嘅麵條和爽口嘅青瓜~佢嘅醉雞脾都唔錯~送麵之選!呢間店最大嘅缺點係無野飲~只有豆漿同汽水~同埋無餐叫~不過有些時候簡簡單單食一碗麵已經好開心~知足常樂~

尋日0係聯合廣場搏殺完(SHOPPING)肚餓, 本來諗住去金寶食海南雞飯, 但係由聯合行過去頗為遠, 橫掂都係一個人, 就諗起去麵棧食麵叫左碗鐵板雞扒麵, 等左15分鐘碗麵都仲未黎, 隔離枱同時間一齊嗌都幾乎食完, 我就開口問阿姐我碗麵得未, 佢竟然記得我叫0個碗係雞扒麵, 仲好有禮貌話幫我睇一睇, 感覺非常窩心雞扒幾入味, 食唔到雪藏味, 不過個人唔係咁鍾意食上海麵, 所以碗麵就因為上海麵而扣左少少分