麵棧 (Closed)

兩個人...叫左...香蘇雞亦面+秘制羊肉面+蒜泥白肉+豆漿+可樂香蘇雞亦.............個皮林晒.....入面d肉尚可秘制羊肉.....我覺得係用整牛腩的方法去整d羊肉咁....d 味好濃....但係唔係咁好味...蒜泥白肉....味道好正好香...但係d肉太厚所以好"UN".....only好的就係佢的面....真係軟硬適中......服務都幾好....對我兩個都好有禮貌但係其中一個服務員真係好唔得我對面果個人向店員問食客: "我想問...菜肉雲吞同菜肉餃有咩分別..."店員: "em....雲吞咪呢種law" 指著餐牌中的有三種顏色的餃的圖"菜肉餃就有三種你揀law"指住餐牌的文字食客: "咁即係菜肉雲吞即係邊隻呀?"(因有三隻顏色)店員: "咪呢隻law" 再指剛才的三色餃子圖....但沒有明確回答食客: "咁究竟餃子係點樣架?"店員: "餃子就有三種味道你揀" 指住餐牌的文字食客: "所以我就問菜肉雲吞同菜肉餃有咩分別law"店員: "雲吞咪呢種law" 指著餐牌中的有三種顏色的餃的圖"菜肉餃就有三種你揀law"指住餐牌的文字食客: "咁我要菜肉餃面啦"店員: "

(9/8/07)今日在估唔到之際,滿足左第三個「願望」,發現呢間蔡瀾、Jackey都黎過既店,應該真係食得過。詢問店員,冷麵醬係,麻醬、蘿蔔蓉、秘製醬,就即選這雞絲冷麵,及招牌綠茶白肉湯麵。冷麵勁煙韌!麻醬較秘製醬重味。回應前食評,其實麵仍有少少水份也不是什麼「過失」,因為麵撈過醬料後,會變得乾mun mun,濕濕地反而無咁漏。而且雞絲也醃埋味,好多麵店,其實都會疏忽左呢個「步驟」。白肉湯麵,應是豬頸肉吧,整體較淡味,可推介大家,落落枱上的辣椒醬油,夠辣,少沙嗲味,很冶味。有位白髲哥哥,一路都好親切招呼客人,我走時,也不禁讚好味,他說,係呀,我地在荃灣做呢行,做左八年咯。哈哈,我想住下次再吃呢~

在荃灣總店食過一次，仍然記得佢的山東手打麵爽口及有韌度。去旺角入貨後，順路來分店一試。煎餃子-有芹菜、韮菜及蘿蔔三款，樣子完全唔似煎過，又唔夠熱，餃子皮好諗，料無味。雞絲冷麵-麵身較腍外，而且麵帶濕潤，唔夠乾爽，做不出冷麵效果。附上撈麵的麻醬只得鹹味，一點麻香味也沒有。擔擔麵-一點也稱不上擔擔麵，當作普通的湯麵會好一點。湯底好淡，勝在麵身夠爽，比冷麵好。除了食物非常非常一般外，服務唔得，一來人手唔夠，二來侍應唔夠醒目，聽到好多客人投訴食物還未到及經常上錯枱的情況。總體來講，荃灣總店好十倍有多。

好差差差呀呢間野既服務EVEN成班都係師奶似的女人.但係都無理由.叫食野就叫做.但係我叫既野食比人遲來先上岸完全無落單架佢地.又唔知邊張台打邊張台WOR!!!!!真係好無奈!!!!D野食就係無味......我遲來的擔擔面.D 醬不合比例地少......

炎熱的天氣,熱到近乎發瘋,要找點東西來降一降火.得知位如西洋菜街的麵棧,有道冰鎮雞絲冷麵,就前來一試,這個酷熱天氣,吃一碗冷麵絕對深慶得人.冷麵底下沒有冰鎮,心想一係熱到溶掉,一係在上桌之前已將冰塊拿走,照推理,應該是後者.諗深一層,開著冷氣的室溫,沒有可能在幾秒之內,有本事將冰塊完全溶解.麻醬同冷麵分開上,這種態度,我喜歡,喜歡落幾多醬就落幾多,不過很多時,最後也全部倒下去.麵身帶點煙齦,麻醬加點蘿蔔茸,撈在麵內同吃,十分開胃.手撕的雞絲,口感也佳.其他如綠茶白肉麵,羊肉麵,留待下次再來品嘗.

有一日同太座去太子飲酒行過始創中心後面西洋菜街見到呢檔野咩招牌橡筋麵好似好得意於是就入去試下我同太座分別要了一個東坡肉麵一個菜肉雲吞麵一個醉雞少食先講主打食物- -麵好好食好彈口爽滑......然後-菜肉雲吞, 多肉多菜, 每一隻都好飽滿好味-東坡肉好過濃酸味重手左少少不過都算OK-醉雞不知所謂, 勁雪雞脾, 勁雪味, 勁實, 一D都冇雞味冇酒味, 仲衰過街邊鹵水雞脾縱觀見人地食既都算可以值得一試不過千祈千祈唔好食醉雞.************************************旺角西洋菜街216號電話: 2391 9922

2007年6月2日。麵棧從沙田走到太子，天氣很熱。經過麵棧，從店員手上接過傳單，另一半被它的冷麵吸引，於是便試試看。1．雞絲冰鎮冷麵$24: 天氣這麼熱，本以為這個冷麵可以一振食欲，但它卻溫溫吞吞的，令人失望。還寫“冰鎮”，罪加一等。一篇宣傳報導說冷麵的麵發酵時間比較長，所以麵較腍，但我就是覺得它腍不好吃，不爽口。醬汁則不錯。2．薑蔥鐵板雞麵$24: 本來二人均想叫餃子，但我被“薑蔥”二字吸引，諗住香口D，但點知無鐵板（預）不特止，竟然連薑絲都無條。叫來夥計問清楚，答案是“薑蔥”只是醃料。預都係呢類答案啦。真係激氣。後來，坐在我們後面比我們遲來的一對情侶也叫了這個麵，聽見女方也說：點解無薑蔥？雖然如此，但雞件的賣相不差（好像很入味的樣子），味道也不錯，沒有雪味。3．豆漿$5：豆味唔夠，勝在夠凍。D冷麵應該是這個溫度。4．通菜$8：少油，我鍾意。（但賣相就因而差了點。）個腐乳醬則甜甜地，有D怪。

由荃灣總店吃到旺角新分店, 一樣的裝潢格局, 阿姐服務親切, 點了一碗菜餃牛舌麵, 菜餃仍是大大隻, 白菜切得又細又有口感, 可惜肉較少, 少了些鮮味, 牛舌入味, 麵條很有嚼勁, 加了東坡汁的湯底美味非常, 凍豆漿雖然不夠豆味, 但應該是自家製, 甜味適中, 價錢合理!!

當日叫左一碗炸醬麵一碟酸甜鴨,豆漿炸醬麵食到底好多油,酸甜鴨好似用油浸咁,得個豆漿比較正常!!

無目標之下見到此店有下午茶餐仲要係$16包一個麵及豆漿...抵食呀..即入去啦menu內都有多款麵食供應..最後選擇我至愛既牛利麵加凍豆漿....此店係用山東麵...麵質比較粗身同埋我覺得無咁彈牙...唔太喜歡..牛利唔錯幾香不過份量就少d只得3小片仲要係薄身...豆漿唔太甜幾正啦..不過應該唔係自製貨式.

之前已經食過荃灣果間。今次試下呢間先。叫了醬爆鮮筍麵，有好多筍，好滿足。我好鍾意食筍，但有人話係好毒同好易令腸胃唔好架。暖暖叫了麻辣雞塊麵。都好好味呀，我好鍾意個麻辣汁呀。價錢一般。但都坐得舒服。下次會想試下雞脾麵。

6/3(二) 7pm放工後相約男友於太子的麵棧,草草填肚後得返家開夜車.久聞此店大名,是晚終可小試牛刀.此時段店內場面頗冷清,食客三數臺而已.環境沒花巧裝潢,白色長木桌配棕色圓椅,感覺企理簡潔.我倆點了秘製羊肉麵$26,綠茶白肉麵拼芹菜餃$28,酸菜$3,蜜味醉雞脾$10,灼芥蘭$8,豆漿$5.秘製羊肉麵--羊肉味濃而羶,肉質尚可.而標榜每日手打的麵條有點期望過高,不夠麵粉香,縱彈牙卻欠缺煙韌,湯底則沒啥特別!綠茶白肉麵拼芹菜餃--招牌菜;份量挺足,白肉不覺有何綠茶幽香,肉質倒軟腍入味,配料如酸菜及黃芽蔔份量略少.至於芹菜餃皮滑而略厚;菜餡菜跟肉的比例乃9比1,正合我意,餡料亦新鮮爽口,富菜香!酸菜--辣度嗆鼻,需浸泡於湯良久緩和其辣度.蜜味醉雞脾--體型對辦,滷至深褐色;混集了蜜糖,醬油味及微微酒香,醬油味偏重但不盡入味,肉質也講不上鮮嫩滑溜.灼芥蘭--芥蘭份量慷慨,質地爽甜!豆漿--大大杯而沒豆渣,甜度恰到好處,亦具一定豆香.食物水準不甚了了,服務水平卻是意料之外的優越,年青女侍應招呼落力,熱心待客,應記一功!

以前係荃灣番工, 曾經食過此店, 當時已經覺得好好味..不過轉工後...好少再入tw 啦前排行過見到開o左分店, 不過當時食飽飽, 今日特登黎食..2個人叫o左一碟麻辣雞, 一碗担担麵, 一碗羊肉麵, 後加一碗麻辣雞麵<- 因為個雞真係勁好食..所以encore麻辣雞<-勁好食, 有少少辣, 不過真係好味呀..一定要試担担麵<- ok 啦..平時我都好鐘意食, 不過佢唔係平時食個d 口味..唔錯唔錯羊肉麵<- 我唔食羊, 不過男朋友話好味, 佢係分開上o架..個碗清湯麵都幾好既, 不過我食o左麻辣之後有少少覺得淡o左d後加一個麻辣雞麵因為小食都$18 , 有埋麵就$ 22 好似抵d..不過好飽呀....仲有叫o左一杯豆漿, 冇特別, 不過好在冇燶味..整體上, 真係好好味, 又唔貴p.s. 入去個陣有個阿叔企係門口話, " 食下我打既麵呀" 好搞笑, 不個佢人手好似唔係好夠呀..得2個阿姐同一個收銀, 好多人都係叫外賣, 都做唔切合共$ 89

上星期經過見佢開左分店已經好想食今朝出開旺角帶朋友仔黎試點知去到門口仲係開半閘老闆好好出黎俾張傳單我話過多一陣先開一心黎試唯有行個圈再黎最後都成功試到兩個人叫左羊肉麵($26)同菜肉餃麵($22)羊肉麵～羊肉同麵分開上,羊肉應該係用鹵水炆,肉炆得幾淋,味道唔錯又唔算肥,湯麵同羊肉分開上唔會令個湯底變油同濁,欣賞！麵或者因為係熱食,記憶中無以前冷麵咁煙韌菜肉餃麵～菜佔大部份,切得夠碎,雖然話係九菜餃,但應該加左其他菜一齊mix,好好味朋友仔話辣椒油好辣各位食時要小心喇因為新店加上剛剛開門關係等出菜真係耐左d仲要有位侍應唔小心打爛碟

跟女朋友逛街逛夜了, 想吃點東西, 竟給我見到在荃灣開店的麵棧竟也來這街開店, 心想這街「大大話話」十多間食肆, 競爭是多麼的激烈呢!!女朋友未食過, 我就提議試試, 因為我在荃灣吃過幾次, 覺得不錯!想不到麵棧也有連鎖餐\廳的格調, 裝修與荃灣店幾無異致, 不論牆身的顏色, 枱椅, 碗碟都一式一樣!本想叫綠茶白肉麵, 怎料竟然沽清, 心想女朋友也吃羊, 提議她吃羊肉麵好了, 就叫了兩碗羊肉麵!數分鐘後, 羊肉麵來了, 女友看見, 面色一沉, 我一眼看出, 她覺得羊肉很肥, 但在我看來卻不然, 不肥的羊肉好吃嗎?不過坦白說那天的羊肉的確肥美, 不過我對羊是較偏心的, 對羊脂的接受程度也較高!麵質的確不錯, 很有質感, 羊肉是分開上, 也很入味, 女朋友專挑瘦的吃, 不過她也覺得不錯, 入味。以夜宵的份量來說, 份量剛好, 作為晚飯或午餐\, 對我來說是少了一丁點!不過以二十六元的價格吃到有一碗有質素的麵, 誠然難得! 質素不用說, 跟荃灣的一樣好吃, 麵店本身環境感覺乾淨, 其裝修可說居功\至偉, 就算是荃灣店看上去也是窗明几淨的, 當時十一點多仍舊坐了八成客人, 大家不妨試試, 女孩