麻甩佬狗仔粉 (Closed)

冇可能再返去食，狗仔粉即係油渣麵，油渣真係可憐得幾粒，而且非常唔新鮮！完全唔得，你話呢個價錢10幾20蚊可以接受但$35完全唔會接受，寧願食其他。相當差而且食完好口渴，味精好勁！唔怪之得冇乜人真係差。

店鋪位於長沙環較僻靜的街道上，附近人流不算多。店內裝修整潔企理也衛生，沒有用隔板，但枱與枱之間隔得較遠，相對衛生問題不大。服務是挺好的，點餐後很快就送到來。狗仔粉是必吃，口感軟綿綿，但沒有什麼味道。奶白色的麵湯是挺濃的，裏面有菇片和蝦皮，十分之香口。豬油炸得脆一點更好。豆腐花不是挺出名的嗎？但就有點失望，沒什麼豆味，和其他豆品名店比也略嫌不夠滑。但灑在表面的薑母黑糖就十分之香，薑味濃郁，甜度適中。此小食店食物品種是挺多的，下次有機會經過會試一試碗仔翅。

雖然今次食嘅時間係下午茶時間，但係都覺得如果想食個下午茶或者食宵夜我都推薦呢一間麻甩佬狗仔粉。佢嘅小食好多種類，煎釀三寶狗仔粉就一定走唔甩啦，仲有多款糖水任君選擇，不過今次我哋兩個人淨係叫咗少少嘢食，不過都飽到我哋食唔晒。真心推薦佢哋嘅紅豆冰，係下午茶時間只需要加$8就可以有一杯超級足料嘅紅豆冰，當然佢哋嘅狗仔分都係必須介紹之一，因為真係好足料好好食，如果你食得辣嘅話仲可以加菜脯，味道一流。六點過後佢哋仲有串燒之前試過都覺得好好味，如果想約三五知己食少少野，我真心推薦呢一間麻甩佬狗仔粉。

1.狗仔粉比十八座的大碗好多，食得飽，湯底我飲曬，用大量蝦皮熬既湯底好好味2.蜆芥鯪魚球個醬好正宗，鯪魚球即做，熱辣辣超正🤩3.蛋花馬蹄露見到原來套餐仲抵，一眼就對呢杯野有興趣，果然無失望，好好味，啱曬夏天即感覺

見到狗仔粉就想試一試，點知一試就覺得非常之驚喜又好味，狗仔粉質素有18座狗仔粉一樣咁好味，另外有香茅豬扒+腸仔飯都勁好食，仲有陳皮魚蛋、南腐炸雞翼炸得都好好，一碟3隻！餐裏邊有豆漿附送，豆漿叫熱的很濃豆味好好飲。仲有埋甜品糖水，價錢都算係合理！一家3口叫埋糖水（豆腐花、芒果涼粉、雜果西米露）外賣攞走都係$250幾，超級讚，每樣野都好好味道，超出想像咁驚喜，原來鋪頭重要收夜晚11:30，想食宵夜嘅朋友不妨試一試依間鋪頭，值得一試！

成日都聽到、見到狗仔粉呢個名，但就真係無食過，今天經過這小店，見到店舖名是主打狗仔粉，於是入去試吓。店舖細細，座落於一棟新落成的大廈地下，簡潔乾淨。一坐下便望望餐牌，看見除了狗仔粉外，還有碗仔翅，生菜魚肉之類的懷舊小食，真不錯。我點了一碗加大的狗仔粉，原來麵條外型近似豬油渣麵但切到短短一條，麵身口感可以，不會太淋。湯頭比較稠身濃厚但絕不黏口，加上櫻花蝦米，冬菇及蔥作伴令湯身更香。至愛舖面的幾舊豬油渣，炸得香脆可口，一點油益味也沒有。旁邊有辣及不辣的冬菜供應，加上一點點辣味的更添惹味。

今日陪朋友嚟到長沙灣嘅麻甩佬狗仔粉到食嘢~朋友就嗌咗一個狗仔粉，至於我就嗌咗一個清心丸馬蹄綠豆爽😍清心丸嘅糖水其他地方真係比較少見，平時想食嘅話我會去九龍城🙈今次好難得係長沙灣揾到，就即刻嗌咗碗試下😛清心丸係潮州嘅甜品，無乜味，但係就有啲煙韌同彈牙😚呢到嘅清心丸有做到呢個口感👍🏼整體感覺唔錯，夠哂消暑😆但係略嫌開邊緣豆煮得未夠淋，馬蹄粒可以再多少少🤭不過咁大碗嘅綠豆爽都只係$22，好抵食🤓

在「開飯喇」戶口剛剛開始之時，我曾經在食評裡面講過，我曾經前往位於長沙灣的新戲院看電影，順便在附近光顧了兩間食店。期間我曾經徒步經過「元州街」，發現新商場「喜漾」樓下開了新食店。這間位於長沙灣新商場「喜漾」樓下的新港式食店，食店改的名稱其實蠻有意思，叫做「麻甩佬狗仔粉」。「麻甩佬狗仔粉」第一時間讓我想起，十多年前黃子華跟張達明、吳鎮宇做的楝篤笑表演「鬚根Show」。我進入「麻甩佬狗仔粉」裡面，發現除了有招牌食品，分別有大小不同版本的「狗仔粉」之外，跟其他港式食品，例如「碗仔翅」、「煎釀三寶」以及「鯪魚球湯」。我想也不想，就立刻決定了選擇一般份量，另外加蔥花的食品「招牌狗仔粉」，下午茶版本的食品「招牌狗仔粉」價錢不算昂貴，才港幣二十六元而已。就算是加大版本的「招牌狗仔粉」食品，售價亦只是賣港幣三十三元，就憑我在「麻甩佬狗仔粉」裡面食到的味道，我覺得我已經逐漸找回，童年的時候食到的「狗仔粥」感覺。不管我在「麻甩佬狗仔粉」裡面食到的食品，是「狗仔粉」抑或是「狗仔粥」，我總算在將軍澳已結業的「狗仔」粉食品店「寶琳粉仔」食過「狗仔粉」之後，終於再食到「粉仔」「狗仔粉」了。「麻甩佬狗仔粉」雖然被稱

街外太熱，所以今日同班同事叫外賣送餐到公司食「招牌狗仔粉」叫了5碗加大狗仔粉，湯落了蝦米仔，提升了湯香味，豬油渣被湯浸淋了，如分開上更好味，辣菜甫，不錯👍「蜆蚧鯪魚球」鯪魚球都算大粒同彈牙👍但蜆蚧醬稀似水😣「涼拌海蜇」海蜇爽 可惜淡而無味 連麻油同芝麻都沒有😓「花雕醉豬腳筋」 豬腳筋入晒花雕味，夠香，腳筋爽，不錯👍👍

之前去過龍門居食過幾次，估唔到長沙灣有分店！同屯門的一樣咁好食，狗仔粉湯底香濃，十分足料！魚肉很有彈性！雲吞鮮蝦爽口！桂花味豆腐花叫了一熱一凍，桂花味濃，強烈推薦食熱的，凍的豆腐花唔滑！

其實經過呢間舖頭多次都唔敢入去，因為個店名夠哂麻甩，好似好伏咁。但今日放lunch突然好想食狗仔粉，於是就俾次機會佢啦。餐廳樓面唔大，落單用紙仔形式。菜單選擇方面，除左有狗仔粉，仲有涼拌，滷味，小食，糖水同豆腐花，都幾多元化。我叫左一碗細既狗仔粉，但其實份量對女仔黎講都幾多。下午茶時段只係$24， 抵食！狗仔粉望落好普通咁，有幾粒豬油渣，幾片冬菇片同埋蔥作配料。重點係個湯底，湯底好重蝦味，見到細細隻蝦米、蝦皮，非常鮮甜。狗仔粉就不會過淋身，有咬口。每張檯上都會有調味架，包括菜脯（有辣有唔辣）、麻油、胡椒粉。食既時候每樣落少少，令成碗狗仔粉更惹味。另外仲叫左件滷水豆腐，豆腐有半隻手掌咁大，滷水入味，帶少少甜味，唔錯。總括黎講，係無咩期望下，呢間狗仔粉都算係性價比高，窮L恩物，我會再回頭。

我住在隔離大厦，幾乎想日日食😋狗仔粉無敵，開張至今從未加價，質素穩定，又朝開到晚，由開頭拍烏英到而家日漸多人，依然保持質素，地方清潔，非常難得推介狗仔粉，碗仔翅，煎釀四寶

一個人想在15分鐘內完成晚餐， 除了燒賣魚蛋牛肉 ，可以有什麼選擇呢…… 終於發現長沙灣這間小店。今晚選了狗仔粉，湯底香，充滿細蝦米乾，內有油渣，上面灑上葱粒，在桌上可以任加菜脯，還有辣的菜譜。還有很多小食，例如碗仔翅，生菜魚肉，爆汁肉飽，魯水雞蛋，雞翼……也有多款糖水…… 套餐再加豆漿都係$30...

叫左兩碗細嘅狗仔粉$24🐶，份量都唔少，而且湯底用左蝦皮去煮都幾鮮味，最值得一讚係個豬油渣！🐷酥脆得黎唔濃，好味！當然唔少得要加菜圃啦！有辣有唔辣，任你選擇～再加多$10咖哩陳皮魚蛋！咖哩味可以甜番少少～ 👅：6.5/10

先前食過覺得好正既前排去又差左, 鹵水既味咸左又無以前咁好口感, 仲想回味下個豆腐同雞旦以為一次唔好彩, 再搵日去食佢跟既 豬油撈飯, D飯攪到唔夠熱或林林地口感好古怪2次去都覺衛生差左好多好多蚊芝仔飛來飛去, LAST 果次直頭有自殺式飛行MODE 飛入我杯野飲到