黃明記燒味

Open Now

Now Closed

週前在楊屋道街市買餸時,行至2樓就被這裡的$20半隻白切雞吸引著,雖然價錢便宜但那些白切雞卻很肥美,似乎很超值!不過我還是買了比較少見的燒乳豬骨。乳豬骨骨多肉少,喜啖啖肉的朋友應該不會選擇! 小豬骨醃得入味,那少量的肉還算滑溜,有時還有一點骨髓在其中,蘸上咸中帶甜的叉燒汁來吃,美味!鹵水盤裡的豬耳個子小小的,又來2隻。 誰知豬仔耳吃來韌皮,難道這小豬生前是頭頑皮豬仔?豬耳彈得有點吃橡膠感覺,幸好中間脆骨仍很爽脆,只是吃這2隻耳朵需要頗花牙力而已!鹵水味道不是很濃,不會過咸或過甜,普普通通。阿姐說豬脷用上鄰店供應的新鮮豬脷, 所以這裡的鹵水豬脷會有豬天梯的!第一次吃豬天梯,原來是很爽口的,雖然樣子有點醜但吃來又頗有趣;豬脷煮得不會太淋,只是又是味道平平,所以印象平平;結果2樣鹵水食物要加咸酸菜再煮才好吃一點,尤其那小豬耳,煮過後沒那麼橡皮筋了。 楊屋道街市肉檔多的是,反而燒臘店不多,難怪其門如市了!臨離開時見老闆斬開一件燒腩肉,從切口看到肉汁相當豐富,買完餸回來已見賣了大部份,利害!!

因為要還神，我哋一家人慣咗每年都要買一隻乳豬，今年啲原隻乳豬好貴，我哋喺唔同嘅區分格過晒啲價錢，都要四百八十至五百八十不等！我記得楊屋道街市啲嘢係荃灣區最平嘅，就過去睇吓入面有冇燒味舖，上咗一樓果然見到有一間，一問之下，呢間燒味舖嘅原隻乳豬只需三百五十，真係平好多，就訂咗一隻嘞！基本上係今日訂，第二日就有嘅，我落咗一百蚊做訂金，還神日再攞！之後我又問阿叔朝早開幾點，佢話六點幾，仲問我要唔要早啲，真係好週到喎！還神日朝早上到去，佢成個檔口都企滿晒人，因為佢啲燒味真係好平，好多街坊都嚟買啩！我比張單佢，佢雖然好唔得閒，但知道我趕時間，就叫個阿姐幫手整比我！啲乳豬燒好晒，掛喺檔口度，阿姐仲叫我慢慢揀添！ 我要咗隻比較瘦嘅，阿姐好殷勤咁幫我為隻豬插頂花，鋪紅玻璃紙，包乳豬醬，袋乳豬醬入面閒閒地都有十幾包，不過阿姐佢仲係咁問我夠唔夠，搞掂晒之後又好有禮貌講多謝，仲提我小心地下好滑，真係細心！還完神返到屋企，我哋就斬開隻乳豬一家人一齊食嘞！隻乳豬攤咗咁耐，一攞出嚟仲係好香，塊皮係芝麻皮，食落好香之餘，竟然仲好脆而且冇肥膏！呢隻乳豬唔會因為平只係得層皮食吓，啲肉都幾厚，亦好似阿姐講咁，一啲都唔肥，又