Video
Opening Hours
Today
06:15 - 13:00
Mon - Tue
06:15 - 12:30
Wed
Closed
Thu - Sat
06:15 - 12:30
Sun
06:15 - 13:00
Above information is for reference only. Please check details with the restaurant.
Review (28)
次次去長洲都會食嘅靚粥，呢碗艇仔粥先$26，又大碗又足料，個粥底好鮮甜，入邊有勁多魷魚，魚片，完全停唔到口😋 面頭仲有啲蔥同埋花生，令到成碗粥嘅口感更加豐富！就咁樣$30都唔夠就已經可以完成一個晚餐，當時知道呢一間粥舖都係因為有個街坊推薦我去試，就知道呢間粥舖唔簡單，去到嘅時候側邊仲有啲粢飯可以買，或者有啲配粥嘅油炸鬼，有機會嘅話去長洲一定會再試，相信鍾意海鮮嘅人一定好鍾意呢一碗粥，而家喺香港真係好難再搵到啲又平又靚嘅粥鋪😋
continue reading
今日孖老伴往長洲遊，到步往覓食，見到有間粥品店，像兒時的粥品就坐吓落單，極力推薦他們的魚腩粥、艇仔粥及碎牛粥。油炸鬼及鹹占餅亦很出色，鹹占餅有淡淡南乳香味。飽滿的一個簡單午餐。
continue reading
本來是想食旁邊的大牌檔 沒開門 所以就來食這間腸粉很滑嫩 好吃😋要了一碗艇仔粥和皮蛋肉丸粥配料比粥水還要多 超滿的一碗 現在在香港已經很少會見到這份量了真正大件夾抵食🤭
continue reading
㊙️ 今日嚟到呢間食店，嗌咗碗艇仔粥，真係有驚喜㊙️！粥底滑溜溜嘅，啲魚片正宗爽滑，魚腩肥美入味，竟然仲有啲碎牛滋味滿分。魷魚同花生嗰陣脆香，撈埋啲粥仔，噢，口感層次分明得嚟好搭，每啖都嘆為觀止，叫人忍唔住keep住食😋。跟住試咗油炸鬼，叫你知道啲乜嘢叫做外酥內軟。喺呢個早晨，心情都跟住咬一啖嘅脆滿足咗起上嚟😌。啲杏仁豆漿同腸粉就相對平平，不過都算順口，真心吾錯。食左呢餐，覺得今日起得咁早嚟食早餐真係值得。要揀我最推介嘅，非粥同油炸鬼莫屬，真係過癮得滯👍！食完呢啖，成個人元氣滿滿，一個字——正！下次仲要試埋其他粥品呀！
continue reading
好耐好耐之前一直想去長洲粥這間粥店,可惜每次去到太晏已關門. 所以心需要1點前到達(逢星期三休息).今次帶媽媽一起去試下,2人合共$107. 馬上介紹食咗啲乜:1) 生滾及第粥~媽媽的食評:豬雜全熟而且有鮮味煮得剛剛好.材料很多(豬肚/豬肉丸/豬肉片/豬腸).其中豬肚不堅韌,老人家也可食到.2) 皮蛋肉丸粥~粥底味道偏少少鹹,超多皮蛋及有5粒手打肉丸.材料十足.3) 白粥~粥底綿綿帶少少咸(應該幾下火清熱氣🤭)4) 豉油王炒米粉~驟眼看以為是炒麵,其實是炒米粉.用豉油去炒,帶了一份鹹香.都算幾特別.5) 上海粢飯~即叫即到,所以是暖暖的.配上超多肉碎,但是炸菜很少,油炸鬼亦不脆.我覺得麻麻地.有少少失望.6) 陳皮紅豆糕~有驚喜,紅豆味陳皮味都好出香港這些老字號粥店,越來越少,好食又抵食已不多.推薦大家早些入長洲試一試.地址: 長洲碼頭旁的冬菇亭環境: 沒有冷氣只有風扇,大排檔,一路食一路出汗🤣特色: 抵食份量又多人均價格: $40-50
continue reading
You may be interested in