Video
Exit B, Tuen Mun MTR Station
continue reading
Telephone
26683133
Opening Hours
Today
07:30 - 22:30
Mon - Sun
07:30 - 22:30
Above information is for reference only. Please check details with the restaurant.
點心加持火鍋店✨🤩又有新嘢啦，係台式火鍋+點心！打邊爐又得食點心又得，佢哋啲蝦餃燒賣全部都好靚，火鍋我最推介就係佢哋嘅和牛，每一片都厚薄適中，而且油脂紋理靚，入口軟滑！揀咗套餐之後就揀湯底，我揀咗壽喜燒同台灣紅燒牛肉湯，超級推薦壽喜燒湯。店舖採用澳洲無激素牛肉，美國安格斯牛肉，重點推介澳洲純血和牛，超香牛肉味勁好食！另外可以試埋澳洲上腹牛五花，牛舌芯，牛舌非常之爽口彈牙好好食！唔牛的朋友也有豚肉、雞肉同海鮮選擇。火鍋配料用料十足，有多款海鮮選擇，如海蝦、扇貝、魷魚、墨魚滑等。值得一提。佢哋同時間有中式點心供應，可以一次過滿足兩種願望，淮山杞子燒賣入邊蝦肉大大粒，而且係唔會食到成大嚿脂肪，用料質素高！鳳城鮮蝦水餃仲正，餡料十足外層嘅水晶皮厚薄適中！點心由店內點心師傅每日新鮮製作，咁就可以放心食！飲品基本上係自取講得出嘅都會有，自助區總共有40幾款嘢食，茶啊丸啊，全部都幾靚仔。側邊仲有肉燥飯、牛腩等等，食完之後後仲有杯雪糕！點滾鮮點心火鍋 (屯門)屯門屯合街2號屯門時代廣場南翼L2樓26-27號舖樓
continue reading
呢排天氣太凍，今日放工即刻想去打邊爐，近近地見到這一間可以打邊爐之餘又有點心食，感覺幾新穎。每個座位都附有獨立電視，叫職員幫手調教你想睇既台就可以。日式壽喜燒火鍋和蟲草養生雞火鍋壽喜燒的醬汁甜中帶鹹，濃郁的味道讓人一試成主顧。牛肉在醬汁的調味下煮熟，鮮嫩可口，入口即化。蟲草養生雞火鍋的湯底清淡而鮮美，雞肉的鮮香與冬蟲夏草的獨特風味相互交融，讓人感受到自然的味道。澳洲和牛的風味濃郁，肉質鮮嫩，入口即化，油脂的香氣與肉的鮮味相得益彰。安格斯牛肉的味道豐富，肉香四溢，口感層次分明，適合各種烹飪方式，兩種牛肉各有不同的口感。炸地瓜條炸至金黃色的地瓜條外皮酥脆，內部柔軟，口感對比豐富，這道小食簡單又美味。鳳爪和蝦餃點心鳳爪外皮滑嫩，內部骨頭和筋膜的口感使得吃起來富有嚼勁。蝦餃主要以新鮮的蝦仁為主料，經過剁碎和調味，餡料鮮甜可口。海蝦和墨魚滑海蝦肉質緊實，味道鮮甜，富含蛋白質和多種營養素。墨魚滑由墨魚製成，味道獨特，帶有海洋的鮮味。另外叫了少量丸和蔬菜，最特別係可以叫生點心打邊爐，感覺幾特別。丸類蔬菜款式都好足夠，飲品亦有多款選擇。最後還有haagen-daz雪糕免費贈送，晚市指定時間還有折扣優惠，非常滿足。
continue reading
聽到有台式火鍋+點心放題， 立刻食指大動，與家人晚飯來試試。一進門便見到自助區，丸類和蔬菜類都很豐富。選了C餐， 澳洲和牛火鍋餐每位$348，加一服務費。有一家食肉獸在，這個C餐比較多牛肉選擇就最適合，而且是澳洲冇激素牛肉。海鮮類有海蝦、魷魚、鱸魚片、扇貝、青口、蝦滑、墨魚滑。點心火鍋料也有鮮蝦餃、韭菜餃、鳳城鮮蝦水餃、淮山杞子燒賣，真的第一次吃火鍋用中式燒賣配料。坐下見到每桌都有螢幕，可以自己投屏喜歡的影片，邊吃邊看很不錯！湯底充滿台灣風味，我們的鴛鴦湯底，選了阿里山野菌湯和鳳梨濃鮮蕃茄湯。我喜歡蕃茄湯，用鮮蕃茄煮味道甜而不酸，而野菌湯可以連什菌都吃光光，清淡但有菌香。先吃肉類，澳洲純血和牛肩肉，牛肉味比較好，薄切，稍微灼熟一下就可以吃；安格斯精選牛肉肉質結實爽口；澳洲Q彈牛五花趾，的確口感最爽，但牛肉味較淡。其他肉還有牛舌心、精選豬梅花、荷蘭豬五花，各種口味任君選擇。海鮮類都最喜歡海蝦，大大隻，超新鮮爽口，味道非常鮮甜。鱸魚片又滑又新鮮，一再翻點；墨魚滑是我的至愛，吸收湯味，再吃煙韌的墨魚滑和墨魚粒粒，口感非常好！魷魚、青口、扇貝都非常新鮮好吃！餃類都很出色，鮮蝦餃又爽又甜；韮菜餃韭菜很多而肉味少；第一次用燒賣打邊爐，原來很好吃，煮完的燒賣豬肉，爽口多汁來一點台灣小食，最喜歡台灣香腸，爽口又有臘腸油香，煙韌有口感。梅香地瓜條，炸得外層香脆，灑上梅子粉，酸酸甜甜超開胃。酥炸花枝丸，香口又爽口，也是邊吃邊談天的佳品。再吃點心，喜歡吃流沙包，即點即蒸，上桌熱騰騰，流沙的奶黃很香甜，很好吃；叉燒包，叉燒用料足，啖啖肉；牛肚炆得夠淋，醬汁入味，非常好吃；牛柏葉則味道較淡，份量很多。自助區還有醬炆鳳爪、麻辣鴨血，煮得非常入味，賣相還不錯。最後吃甜品，雪櫃自助取的一口甜品，最好預先去取，因為很受歡迎。還有中式糖水椰汁紫米露，是熱食的，甜度適中，椰汁味很香，很好吃。整體來說，這裏的食物都令人滿意，吃過會更加喜歡點心放題，所有點心和台式火鍋配料都不錯，性價比高。有宵夜時段，更加超值，有機會再來試試。
continue reading
屯門時代廣場稻香隔離易咗手做火鍋🍲一段時間 一直想試，今晚咁啱冇飯開一於過嚟同老公撐枱腳😬優惠折扣有力度🫢🫢120分鐘台式火鍋 成十款湯底任揀，仲有茶樓點心 台式小食 fusion 😎2人同行，八五折優惠3人同行，一人半價4人同行，一人免費親子同行，兩個大人，1位小童免費敬老同行，兩個大人，1位長者免費主要分三個餐，主要分別糸牛品種，我哋都係牛魔王當然食返澳洲和牛餐最抵啦😍😍一飲品火鍋配料自助形式仲有炆牛腩夠火候、豬手入味夠腍台式火鍋又點少得鴨血😌自家隻鴨血夠麻夠辣夠風味台灣腸熱辣辣一口下去脆卜卜真係要小心焫親呀🤣揀左台式麻辣拼養生雞湯湯底湯底足料，有台式風味澳洲純血和牛～～牛脂均勻、牛味濃郁，未去到入口即溶，頗有咬口，稍稍5、6秒就食得 不斷encore嗜牛之選😍😍澳洲Q彈牛五花趾～~放題好少會吃到高質牛花趾 非常有肉味口感豐富 牛舌蕊 ～～有驚喜嘅項目，放題食到高價貴嘢，爽口有牛味，五碟不過份吧😝😝澳洲精選牛板腱，另外一種口感，老公表示非常喜歡🥰🥰私房麻辣鴨血 ~~直接食就可以，嫲嫲辣辣口感海鮮方面，鱸魚片鮮甜，厚切！經過少少醃製非常嫩滑 有魚味蝦滑、墨魚滑亦都高質海蝦大大隻，爽口彈牙！仲有糖水 、點心🥧 蝦餃 燒賣 排骨 包類樣樣齊 不過太飽啦要下次再試哈哈每人一杯Häagen-Dazs雪糕🍧性價比非常高店員服務非常非常好😘😘已經約定下次家庭聚會嚟呢間啦哈哈🥳
continue reading
就快完結2024，為左慰勞自己，所以食返個放題開心下。朋友住屯門推介左一間平靚正嘅放題。這間放題位於屯門時代廣場二樓，喺平時商場與商場通道嗰層，要落一層，即係麥當勞扶手電梯落一層。這間放題麻雀雖小，五臟俱全。枱好大，就算兩個人都可以坐卡位，都好舒服。入去之前店員為我們點好湯底，我們點咗最貴個C餐，最多野食，食足120分鐘。這間放題主打台灣食品，同埋飲夜茶，啱曬平時飲唔到早茶嘅我。落咗單之後出去巡下，見到有熱葷，台灣肉燥飯，香鹵豬手，五香牛腩，蘿蔔牛肚。還有不少甜品，如椰汁紫米露，香芒布丁，黑糖仙草，鮮桔愛玉，法式燉蛋，椰汁紅豆糕。第一時間夾咗法式燉蛋同椰汁紅豆糕試試。他們甜而不膩，質量好，而且不算細件，份量不錯。到最後食完晚餐，每一款甜品都有試下，每一款都唔會令你失望。他的甜品真係要讚讚。朋友同我都好鍾意食點心，而且對點心又一定嘅要求。今晚所點各款嘅點心，即叫即蒸，分量十足，所有點心都係平時食開，有啲唔喺孖寶入面，已經好耐冇食奶黃包，他做得特別香滑，十分推介。香滑奶黃包/大良炸鮮奶/菜苗餃/蝦餃/粉果/燒賣/芒果糯米糍/叉燒包另外佢都可以點一啲台灣嘅小食，酥炸杏鮑蔬，椒鹽四季豆，麻辣鴨血，豬血糕，台灣香腸，梅香地瓜條，甜不辣。其中杏鮑蔬和四季豆有驚喜，第一口咬落去杏鮑菇，好彈牙，不會好油膩。四季豆原來同椒鹽可以咁配搭，令人停唔到口。梅香地瓜子我都好鍾意食㗎，酸酸甜甜，老少皆宜。食完呢啲台灣小食，覺得好似去完夜市咁，滿載而歸。P.S.豬血糕係炸起嘅，所以好硬，在一嚿之後，我把它們放落熱湯，浸返淋，最後先食。雖然好好食，但始終因為係糯米，所以食兩三件就已經脹胃。如果像我沒有朋友可以分享，要慎點豬血糕和食用次序哦。講返個主打澳洲和牛火鍋，店員一上來就為我地送上肥牛和牛板腱。朋友同我都覺得牛肉鮮甜，絕對係一個好好嘅開胃菜。另外我們點了好多海鮮，有海蝦，鱸魚片，扇貝，魷魚，蝦滑，墨魚滑和青口。我特別推介他的蝦，真係好大隻，每次只可以點四隻，我地點左幾輪，最後都係要點它做終結，可想而知，今晚蝦蝦係我哋嘅主角。同時希望2025年，大家都可以哈哈大笑。滿分為10分（一分最低，10分最高）食物：9.5環境：9衛生：9服務：9價錢：9舒適度：9.5總分：9
continue reading