點‧粵 (Closed)

大熱天時又要涼住冷氣食雞煲🤭.｜秘製雞煲火鍋 半隻 雞煲醬汁濃郁有層次 係偏甜既醬汁但有少少花椒味 幾惹味😋 醬汁甜味主要係紫洋蔥煮到好冧同入味既甜🧅雞件數目都幾多同大件 兩個人食哂D雞其實都已經有D飽.. 所以就無再叫邊爐料.｜涼拌豬肚絲 呢個涼菜做前菜好抵食 份量好多! 青瓜爽脆 豬肚絲又唔硬 煮得岩岩好👍🏻.｜香芒凍布甸 / 火龍果椰汁糕 🍮布甸係好多料好多芒果蓉 比較結實 唔係超滑個款😉 配埋花奶 覺得好好味好香甜椰汁糕就係幾有趣既配搭～ 火龍果味唔出 少少酸甜 主要重椰汁味 適合椰汁愛好者🥥.基本入座既茶位錢每位$13 幾欣賞有其他中菜餐廳未必有既茶葉揀 例如烏龍同玫瑰荔枝☺️ 我地試左玫瑰荔枝 好飲! 淡淡荔枝甜味 重點係無好假既香精玫瑰味🫶🏻.以將軍澳南區黎講都幾抵食 假日晚市都幾滿座 建議訂左位先呀 同埋OpenRice訂座有85折😙

假日同屋企人飲茶，去咗將軍澳點‧粵，點心即點即蒸，款式好特別，賣相精緻。除咗鐵觀音、香片等傳統茶葉，仲有得揀玫瑰荔枝茶(瑰荔堂煌)，認真唔錯！🪄點粵生輝蝦蝦蝦餃呢度點心即叫即蒸，蝦餃餃皮煙韌唔會厚，包住滿滿彈牙蝦肉，鮮味十足🪄羊肚菌燒賣皇后賣相特別，用上綠色燒賣皮，面頭有一塊羊肚菌，口感爽嫩，味道清香，燒賣食落口感十分彈牙🪄黑金流沙包外表型格嘅黑金流沙包，以竹炭粉製作外皮，再刷上金粉，餡料包住流沙奶黃，味道甜而不膩，記得要趁熱食🪄點粵小三 拼盤共有三款點心，擺盤精美▶️美顏酪梨炸蝦角蝦角加入牛油果，食落有軟綿口感▶️天鵝芋角芋角口感綿密，炸粉好薄身，外脆內軟▶️帶子鳳眼餃有帶子同蝦係入面，好足料，味道鮮美🪄點點灌湯小籠包小籠包個皮都算薄，咬開好滿滿湯汁🪄點粵Q彈雪梨角 口感食落似鹹水角，入面包住雪梨做餡料，味道清甜，幾特別🪄滑嘟嘟牛肉腸粉腸粉皮薄嫩滑，牛肉餡料好多，入口軟嫩且牛香四溢，口感豐富！

原來最近澳南果頭開左間新既中式餐廳，主要都係食點心為主，見到都幾多人食就諗住試下佢。 點粵生輝蝦蝦蝦餃 $48.8 一籠有4隻，蝦餃既皮好薄，蝦既份量都幾足，而且佢既蝦味好濃，口感彈牙，比一般出邊既高質。 羊肚菌燒賣皇后 $48.8 呢個燒賣皮唔係平身見開既黃色燒賣皮，而係綠色既，反而個味道幾特別，再加上羊肚菌既香味混合一齊，十分有特色。 滑嘟嘟牛肉腸粉 $38.8 呢道真係好似佢個名咁滑嘟嘟，佢地既腸粉皮非常滑溜，牛肉餡料都好飽滿，加埋豉油，每啖都好滋味。 點粵Q彈雪梨角 $38.8 炸雪梨真係好少見，呢個雪梨角食落煙韌得黎又會保留返雪梨既水份同清甜，中和左油炸既膩感，非常特別。 點粵小三 $68.8 呢個小三有三款，分別係炸蝦角，芋角同帶子餃。炸蝦角同芋角都炸得幾香脆，食完唔會成口油。帶子餃鮮甜嫩滑，上面鋪滿厚厚既帶子，每一啖都食到帶子既鮮甜味。

食物不錯，點咗6道菜，6道都不會令人失望，店員服務態度很好，只可惜人手嚴重不足，起菜慢，侍應忙裡忙外，好多時斟水，攞牙簽，攞碗筷要自助，希望請到人幫輕下，下次再去，期待有改善。

點‧粵 @diy_tko 📍：將軍澳澳南海岸唐俊街23號MONTEREY Place地下G19號舖🚗：將軍澳地鐵A2出口 步行13分鐘📞：+852 2861-1226💲：~HKD70/head for teaFood quality✔️：下午茶套餐乾炒牛河 $108、點心拼盤👌🏼：灼時菜、瑰麗堂隍總結：😋將軍澳海傍一帶真係食肆林立 超多餐廳選擇 上次試完seoulmate 今次就試試飲茶嘅粵菜😋以呢邊定位嚟講 價錢比我想像中平 豪宅人士嘅生活就係如此樸實無華 閑閑哋食嗰tea都百幾蚊 呢間100蚊樓下好似算抵😋今次兩條友試咗下午茶餐乾炒牛河 除咗一大碟乾炒牛河 仲配上點心拼盤同灼時菜 都係$108only 雖然每位$13茶介偏貴 但整體食物質素唔錯 顯得幾抵食😋佢最好食就係點心拼盤 包蝦餃 鮮蝦菜苗餃 馬拉糕同雪梨角 四款都唔錯 尤其佢啲蝦真係大粒新鮮彈牙 呢個價錢驚艷到我 不過蝦餃嗰皮薄啲會好啲 鮮蝦菜苗餃所有材料都夾 雪梨角就小朋友最愛 馬拉糕正常鬆軟😋乾炒牛河份量足 比我想像中好食 牛肉唔韌 河粉都幾高質 可惜欠啲鑊氣 但都唔錯了👍🏼🤔️灼時菜就正常啦 淡冇咩大調味🤔️客多過員工 所

6:45到落單等到7:30d 野食都未黎，問佢原來落漏單咁都唔緊要，重要好似冇發生過咁，好似冇做錯野咁問你想要落乜。我因為之前試過所以再幫襯過幾次，不過試過今次之後唔好再來。之前係佢老闆講到自己有幾有心做好，又話d員工幾有心做，你講乜都冇用..一句講晒冇下次冇下次冇下次No more no more no more no more no more No more no more no more no more no moreNo more no more

位於將軍澳南，是這裏少數的中菜館。最令人印象深刻的是錦鹵雲吞。這是一道懷舊經典粵菜，這款雲吞外皮炸得酥脆，內裏則是鮮美的肉馅，加上甜酸汁的調味，味道鮮美，讓人回味無窮。避風塘雞翼，每隻雞中翼都十分巨大，而且炸得十分香脆，而且蒜蓉的香氣十分濃郁，讓人垂涎欲滴。蝦仁蛋白炒飯也十分出色，米粒煮得剛好，炒飯夠乾身，每粒飯都吸收了蛋白的鮮味，配上炒得十分入味的蝦仁，非常美味。金銀蛋小棠菜也十分值得一試，鹹蛋皮蛋的味道與小棠菜的鮮脆口感完美結合，另外高湯也做得十分出色。

原來澳南海岸第一間中菜餐廳易左手，餐廳改名為點．粵，裝潢仍然高尚，而食物種類比之前更多，而家多咗雞煲，而且保留返招牌菜銀芽肉絲脆麵🤩平時夜晚飲茶例如普洱、鐵觀音都好驚訓唔著，不過餐廳有其他選擇，我地叫左荔枝茶，滲透陣陣玫瑰香味，最重要係夜晚訓得著，唔駛眼光光望天花🤣- 懷舊蝦多士麵包炸得香脆，上面既大蝦肥美鮮嫩，非常惹味😋- 秘製雞煲半隻雞煲雞件份量好多，我哋四個人都係啱啱好食得晒😝。雖然雞件唔算啖啖肉，但好入味。配料包括薯仔、紅青椒、洋蔥、芫荽等等。整體味道唔算好辣。- 金銀蛋浸時蔬時蔬揀左小棠菜，鹹蛋黃同皮蛋切成細粒，整體味道清甜健康，可以稍為中和雞煲嘅膩。- 銀芽肉絲脆麵銀芽肉碎脆麵係餐廳嘅招牌菜，凌空既筷子同麵條好似打破咗地球嘅地心吸力咁🙀。職員會等客人影相打卡之後就幫大家煎開脆麵。麵餅好脆口，鐵板保持麵條嘅熱度，而且醬汁分開上，令客人可以自己選擇軟稔程度。最後仲有免費甜品。以上菜式價錢都幾親民，職員服務態度都好好，食物水準甚至比之前更好👍🏻

今晚行到澳南見到「點粵」想食中菜，入去一試 打開餐牌除左粵菜，仲有川菜酸菜魚、重慶麻辣烤魚、雞煲，好多選擇！入到去新派裝修，中國風得黎又帶有現代感加上卡位，感覺舒服待應殷勤有禮貌，推介一試玫瑰荔枝茶，入口玫瑰荔枝幾香而且唔甜，飲落好舒服招牌鴻運脆皮雞（半隻） $250雞皮炸到皮脆卜卜皮薄食落薄零脂肪，做到皮脆肉滑金銀蒜粉絲蒸娃娃菜 $98金銀蒜夾娃娃菜真係幾香口椒鹽雞軟骨 $68雞軟骨炸得香脆身，椒鹽咸味適中好惹味，一粒接一接食到停唔到口.Menu

Guangdong Fusion Cuisine🐥🐟🦑🥬🍵🥢💫..做完野返黎將軍澳同媽咪食飯🥢，知道有間高質素中菜廳就係澳南附近，之前食過他家既手工點心係現場製作 (有創意而且精緻)，中菜則由前米芝蓮餐廳 & 知名食府既主廚👨🏻‍🍳 主理，吸引吧❓ 趁住放工即慶同媽咪👩🏻 來吃個晚餐。款款色香味俱全，更可預訂懷舊菜，無論同家人聚餐 or 朋友相聚都不錯之選。🔸秘製滑滑雞煲 $190 half / $380 whole🔸椒鹽鮮魷 $118🔸瑤柱魚滑上湯浸時蔬 $138餐前來個香口小食，炸得香酥不油膩🦑，加上避風塘佐料更惹味，送啤酒一流啊啊啊！魚滑🐟 略嫌有點散，但小棠菜🥬 仍保持著爽脆，加上瑤柱薑絲，湯品好香濃白胡椒香，喝下鮮甜又暖胃喔！個雞煲真係好惹味😍，仲好香茜味💚，出色！佐料有薑片、乾蔥、蒜頭、青椒、花椒八角、洋蔥、仲有炸香左薯仔🥔，呢個餸飯一流啊啊啊！餐廳帶古典宮廷味道既裝修風格，播住古裝劇既經典純音樂🎵🎶，好抒壓又放鬆，好好享受這刻小時光、好好吃飯吧。..×××××ש將軍澳澳南海岸唐俊街23號MONTEREY Place地下G19號舖..

將軍澳新開幕嘅粵菜館好似好吸引🤩，今日黎到附近就即刻試下啦🥳椒鹽鮮魷 $118呢個咁經典嘅菜式當然要叫啦🌟，椒鹽味道好香，而且啱啱炸起外皮香脆，魷魚都爽口🔥秘制雞煲半隻 $190呢個麻辣雞煲都好高質😋，雞肉肉質鮮嫩，麻辣調味好惹味😎豉汁安格斯牛柳條炒河粉 $188炒河粉鍋氣十足，而且味道方面都好香口😝金銀蛋浸時蔬 $118賣相一流，加上皮蛋鹹蛋更加正🤪香芒凍布甸 $48甜品方面當然唔少得經典嘅芒果布甸😌，芒果真材實料，配上花奶完美搭配😻椰汁杞子桂花糕 $48好鍾意佢椰汁嘅味道好出，好有特色😜

呢間中餐廳算係modern d . 燈光好光猛，感覺好乾淨～ 牆身有趣嘅壁畫～ 中餐原來唔係淨係揀香片烏龍…有玫瑰茶揀嫁！ 茶味好香～ 另外前菜都唔係深係得花生揀啦😂 呢啲係味叫枝豆…不再只是日本餐先有啦！ 醃製咗嘅枝豆好味呀！ 椒鹽脆豆腐外皮超脆！ 一咬落去係熱辣辣嘅豆腐～ 好正 ！ 黃金蝦餃… 個皮有金咁… 打卡一流😂裡面既蝦大大隻！ 黎到重頭器： 雞煲！ 2 個人就叫左半隻， 裡面有入晒味既薯仔， 所以一定夠飽！ 雞都算滑， 同濃味👍🏻

餐廳環境寬敞舒適，係海旁附近，飲完茶散下步吹下海風好寫意～-招牌鴻運脆皮雞(半隻) $250脆皮雞係必食嘅推介菜式，由人手淋油炮製，外皮薄而香脆，雞肉新鮮嫩滑，雞肉本身有醃過味道微咸，如果想更加濃味仲可以落淮鹽同青檸汁，點左半隻雞兩人食份量剛好。-小黃瓜拌海蜇頭 $98海蜇好大件好厚肉，食落彈牙爽口，而小黃瓜爽脆清甜，拌入有麻油香味調配嘅醬料，好適合作為開胃前菜。-銀杏鮮腐竹扒時蔬 $118銀杏腐竹清菜湯好大碗好足料，時蔬係小棠菜，湯底微咸冇味精，係健康嘅菜式。-茶位 $13/ppl餐廳有四款茶品選擇，我揀左烏龍茶，飲落清香回甘，茶葉泡耐左都冇苦澀味，一壼已經夠飲好多杯。

將軍澳海濱附近有好多餐廳、cafe，行過Monterey place 個條餐廳臨立既巷，見到呢間有雞煲食就被佢吸引了。▫️秘製雞煲 ($190)半隻雞份量，夠我地兩個人食。好大一鍋，配料好足，有乾蔥、紅青椒、洋蔥、芫茜、薯仔粒，加上餐廳既秘製醬汁，一上枱已經聞到好香有鑊氣既味道。雞斬成細細件，方便食，而且有炒過煎過，食落好香口，加上秘製醬汁味道辣辣地好惹味！▫️椒鹽脆豆腐 一粒粒炸到金黃色既豆腐磚，面頭灑上椒鹽粉同芝麻粒，望落幾吸引，外面脆入面軟腍腍入口即溶咁，豆腐好滑，點埋汁食會更有味！▫️金銀蛋浸時蔬(小棠菜) 食左咁多香口野，要叫菜食中和返😆 小棠菜份量都幾多，上面舖滿咸蛋粒、皮蛋粒，湯底幾鮮甜。呢度坐得真係好舒服，地方闊落，有梳化座又有好傳統既中式椅，裝修modern得黎又帶點中式風格👍🏼店員們亦服務周到。

點粵就喺MONTEREY住宅隔離，一落樓就有得食，超方便。茶位每位$13。可選普洱、烏龍、鐵觀音、熱水或玫瑰荔枝。我揀左玫瑰荔枝。入口好香玫瑰🌹味～🥰❤️蟹肉扒時蔬蟹肉一梳梳好鮮甜😋。小棠菜好嫩又翠綠，食落爽脆。嗌左呢度嘅招牌菜：❤️鴻運脆皮雞(半隻）雞皮真係又薄又脆，連我呢個平時唔食雞皮嘅人都食埋塊雞皮！雞夠新鮮，雞肉嫩滑啖啖肉～😙旁邊重有青檸同椒鹽可供調味。我唧左青檸汁落去d雞度，酸酸地解油膩😋，食埋雞皮都唔會有罪惡感🙊。之於椒鹽我唔建議點，因為雞本身已經好夠味。嗌埋呢度另一個招牌菜：❤️酸甜大海蝦飛天脆麵呢個菜式必點！打卡一流👍🏻！但注意製作需時，要耐心等候。一上枱我嘩左聲！因為真係好正！有對筷子🥢凌空咁「夾起」d脆麵，睇落好似魔術咁不可思議！😱打完卡之後，侍應會幫你淋上酸甜汁同埋剪麵。除左大海蝦，重有菠蘿🍍、青椒🫑、紅椒同蔥。大海蝦夠新鮮肉唔會霉👍🏻。酸甜汁另上，好似鋸扒咁醬汁都係另上。將酸甜汁淋上脆麵同吃，酸酸甜甜好開胃😋。脆麵好脆口！👏🏻