點‧粵 (Closed)

餐廳幾闊落，裝修都幾靚，招呼親切有禮，餐牌也有很多選擇，炸饅頭，外脆內軟，蘸上香甜的煉奶，味道很夾，正！XO醬炒腸粉，份量很多，好抵食，味道不會太辣，頗惹味，配上芝麻很香口，鮮竹陳皮牛肉球，牛肉球很滑嫰，調味剛剛好，喼汁也不會太咸，香茜叉燒腸粉，腸粉皮薄餡靚，夠滑溜，很足料，包裹了很多叉燒，點粵Q彈雪梨角，最特別的一款點心，內裡是雪梨餡料，外面香脆，內裡清甜軟糯。將軍澳飲茶首選，飲完茶仲可以去隔離行Donki

呢間中菜地方好大，唔難搵位，加上座位闊落，坐得幾舒服，又見到有新推廣，一於試下好唔好食。秘製雞煲🐣🍲見到秘製呢兩個字真係抗拒唔到好想試下！仲要係我鍾意食既雞煲，所以我地兩個人就嗌半隻雞食，一黎到估唔到個份量有咁多，雞件多肉唔痴骨，重點係個秘製醬汁真係好惹味😍，完全唔輸專食雞煲既餐廳，而配料仲有薯仔添呀！青瓜麻辣皮蛋🥚我地仲揀左青瓜麻辣皮蛋做小食，皮蛋有兩款，一款係普通黑色，另一款係黃金皮蛋，兩款都係有d流心狀態，口感唔錯，下面就舖滿大量青瓜，非常解膩！銀杏鮮腐竹扒時蔬🥬食左咁多重口味既餸菜，食返個菜就最適合不過，今日既時令蔬菜係小棠菜，菜同腐竹新鮮之餘份量仲好多，抵食！

又去到將軍澳海旁搵食啦,因為真係好多食店選擇,每間都唔同特式既,今日去左食點粵,中式食店,都不錯既選擇特式雞腳好香辣呀,而且都幾有特色既,作為前菜不錯的選擇。青瓜雞絲粉皮好好味既雞絲粉皮,而且佢既青瓜好新鮮,醬汁都好吸引既乾炒牛河炒得好香,睇得出依度既小炒係不錯的,見到其他人叫小炒都不錯,仲有椒鹽魷魚都好似好正,等我下次黎試下先兩個人食真係好飽,因為佢係好足料料而且好大碟,好值得一家大細黎既,食完仲可以行下海傍,其實晚上真係好熱鬧

今日來到點粵中菜餐廳，先來一壺荔枝茶招呼，清香唔會濃味，好啱晚餐飲用，店員特別推介的。等野食到既空閒時間，留意到餐廳餐具花紋各有中國色彩。揀左前菜陳醋泡椒鳳爪，味道辣中帶酸，鳳爪入味且彈牙，搭配著一片片薑片，非常開胃，很適合夏天食。食哂雞腳，我仲淨飲啲醋汁，好順唔濁喉，好有補身感覺。之後，我們主菜蜜汁叉燒出場，叉燒外脆內嫩，肉質鮮美，用鐵板熱住上菜，將蜜汁糖醬的甜味與肉質的搭配非常完美，蜜糖燒到少少脆口，超驚喜似食緊豬肉乾！！最後，我們點了咸魚雞粒炒飯。米飯顆粒分明，每一口都散發出濃郁的風味。滿足之際， 還有甜品奉上。這家餐廳環境舒適，給人一種家常粵菜的感覺。服務員態度友好且專業。

秘制手撕雞作為開胃菜佢既份量好多，食落有酸同辣味但又唔會過份調味，雞肉撕到一條條亦都保留左雞皮，食落啖啖肉，肉質亦都夠爽滑。青瓜應該有一大條，爽口又清新，夾埋小小辣味好惹味!懷舊咕嚕肉咕嚕肉全部都係一口size，口感一流而且即叫即炸，脆卜卜又岩岩好夠熱掛到汁。咕嚕肉食落肥瘦適中又唔會太韌，加埋酸甜既醬汁調味好平均!安格斯牛柳粉河粉呢個賣相好靚而且份量好多，用左安格斯牛柳肉質相對更加嫩滑有牛味，調味亦都岩岩好唔會太咸!

點粵經過門口見到下午茶tea set$108 咁抵食。即刻入去坐低飲啖茶食個飽先啦！原來超值下午茶套餐有干炒肉絲公仔麵/乾炒牛河/鹹魚雞粒炒飯/楊州炒飯/厦門炒米5款任選一款再加四色點心拼盤同油菜一碟乾炒牛河牛肉大塊食落肉質鬆軟，配埋芽菜芝麻同香蔥好惹味。河粉入味爽口😋四色點心拼盤有馬拉糕、鮮蝦菜苗餃、蝦餃同雪梨角馬拉糕鬆軟可口、兩款餃啲蝦肉都好爽彈。雪梨角香脆得嚟好有特色油菜一碟菜芯新鮮好味呢壺瑰荔堂煌都好好飲最後仲叫咗呢個甜品椰汁火龍果糕(3件）特別得嚟又幾好食

-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-🥢香茜叉燒腸粉 🆙腸粉皮嫩滑，爭d夾都夾唔起😂叉燒肥瘦適中又唔鞋👍🏻。🥢點心拼盤 $58 🆙1️⃣點粵生輝蝦蝦蝦餃 🆙蝦餃皮上塗左一層金箔做點綴，蝦餃皮又薄又多肉，蝦肉亦好彈牙👍🏻。2️⃣笑哈哈鮮蝦菜苗餃天 🆗大大隻既鮮蝦菜苗餃，同蝦餃一樣皮薄多餡，蝦肉彈牙之餘菜苗鮮嫩😋。3️⃣羊肚菌燒賣皇后 🆙未食過羊肚菌，估唔到加上燒賣上面又幾特別幾好味😋。4️⃣黑金流沙包 🆗竹炭麵包鬆軟，包住流沙奶皇餡，味道唔會過甜，一流！！記得趁熱食啊！！！🥢麻辣手拍青瓜條 $68 🆙青瓜爽口，夏日炎炎食個辣辣地又酸酸地既前菜就最開胃啦👍🏻。🥢養顏紅棗糕 🆙煙煙靭靭有咬口，有淡淡嘅紅棗味好香甜🤤。😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.625/10-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-🗺 點‧粵 (將軍澳)將軍澳澳南海岸唐俊街23號MONTEREY Place地下G19號舖-#bakdiu港式 #bakdiu點心 #bakdiu將軍澳

鄰居兼好朋友要去加拿大移民🥲，所以約左佢係屋企附近食farewell dinner，我揀左平時我地食開既餐廳。雖然餐廳已經轉左名叫點．粵，但入面裝潢大致上一樣，食物款式一樣有我地鍾意既銀芽肉絲脆麵🥰銀芽肉絲脆麵真係食極唔厭，而且打卡一流，脆麵好似識飛天咁😱。芡汁淋係脆麵上面，令麵條又脆又軟。另外配料有豬肉絲、銀芽、菇絲等，口感豐富。職員會等我打完卡先帶我地煎開麵條，非常貼心😍懷舊蝦多士亦係平時必點食物，多士非常脆口，鮮蝦肉質彈牙，整體唔油膩😋秘製雞煲係餐廳新菜式，我哋叫咗半隻，雞件切得好細件，味道唔錯夠入味，入面仲有薯仔同洋蔥。均衡飲食好重要，所以最後叫左金銀蛋浸小棠菜，面頭好多鹹蛋黃同皮蛋粒，小棠菜好清甜。希望我同朋友既友情好似呢間餐廳一樣，雖然名字改左，但最重要嘅菜式仍然屹立不倒。到時等朋友返黎香港再食過！

將南海傍少有中菜館，假日相約朋友黎嘆茶，靜靜地傾下計都不錯!鮮竹陳皮牛肉球山竹陳皮牛肉球是著名的廣東點心之一, 這個牛肉球滑嫩彈牙, 有筍絲的脆爽, 有陳皮芳香, 蔥、芫茜的香味!醬皇蒸鳳爪雞爪經過炸制，在調味里浸泡，繼而蒸，紅香酥軟，一吮即脫骨，再加上醬料的入味，齒頬留香！古早味馬拉糕入口感覺蓬鬆柔軟，而且蛋糕的香甜恰到好處，不油不膩。香滑即拉布腸粉 腸粉即叫即拉就最好味，將米漿蒸熟成薄皮，白滑而泛油光的熱辣辣腸粉，就算不加餡料、捲成豬腸般的齋腸，加添豉油及各式醬料，都一樣食得好滋味。椰汁火龍果糕（3件）夏日炎炎最適合吃椰汁糕消暑，入口清爽，甜度適中。

秘製雞煲火鍋🥘（半隻）真心講雞件煮得非常之嫩滑，啖啖都係肉兼且入晒味，唔係太辣我都接受到，在於雞煲黎講配料都好重要，蒜頭、薯仔、蔥等…都係一個靈魂，整個雞煲可以消滅😂😂😂椒鹽脆豆腐🥢選用日本豆腐，所以好好好滑，皮又夠薄夠脆，細細粒一啖一口，完全唔同其他地方食個d，值得一試。銀杏鮮腐竹扒時蔬🥬銀杏味香到不得了，個湯又清甜，鮮腐竹吸晒d湯好味，菜心都唔似平時食個d，食落口好脆口好嫩一d都唔老，簡簡單單都煮得好出色。值得一試。

呢間自從轉手後都仲未試過，今次專登同屋企人落嚟試睇下菜式有冇唔同。環境同之前一樣，依然充滿中式古典味道，每個角落都帶有優雅嘅氣息。茶方面我地簡咗桂花烏龍，唔會好澀而且有好香嘅桂花味。———————————————🌟麻醬雞絲粉皮 $98醬汁份量適中而且撈得好均勻，粉皮有啲似水晶寬粉咬落煙煙韌韌，雞絲食落都好滑身，全部連埋麻醬食有咸香味好唔錯。.🌟金沙大海蝦 $158呢個金沙大海蝦要大推，金沙係指外面果層咸蛋黃，一上台已經充滿香味，放落口啖啖咸香更令人陶醉。蝦外殼亦都炸得好香脆，每隻都忍唔住要咬到碎曬避免錯過咸蛋黃嘅精華。大蝦本身都好新鮮彈牙，而且每隻都大大隻，蝦頭都充滿香味，每隻都比我地食得乾乾淨淨。.🌟銀杏鮮腐竹扒時蔬 $118鮮腐竹食落有清香嘅豆香味，而且有好多舊可以食，菜心全部都好翠綠咬落好爽口，湯底本身都充斥住菜同豆香，食完菜仲忍唔住飲左幾啖個湯底。.🔸整體評價🔸感覺菜式質素依然高質，之前有食過佢地既脆皮雞同埋醉鴿，味道都非常高質建議大家可以試下。

💡飲茶好地方好耐都無同屋企人飲茶，襯假日就搵番個好地方享受下，呢間點心即點即蒸，而且款式有好多，最特別係除左平時茶樓飲開傳統茶葉外，仲有玫瑰荔枝茶，好特別。🍽點粵生輝蝦蝦蝦餃一籠有4隻，蝦餃皮薄，蝦的份量都幾足，蝦味濃得黎仲好彈牙。🍽羊肚菌燒賣皇后第一次食羊肚菌燒賣，仲要係綠色的燒賣皮，好特別。本身燒賣肉質鮮嫩彈牙，要加埋羊肚菌的香味混入一齊，好有特色。🍽點粵Q彈雪梨角呢個真係好少見，開頭以為平平無奇，點知原來入面係用左雪梨做餡料，食落煙韌，又唔會覺得油膩。🍽滑嘟嘟牛肉腸粉叫得滑嘟嘟果然腸粉皮薄嫩滑，非常滑溜，入包裹住豐富嘅牛肉餡料，肉質鮮嫩多汁，食落好香牛肉味。

將軍澳有唔少西餐廳，但係以小炒為主既中餐真係少之又少好彩呢度有一間！簡直係飯堂🙂松子魚外面脆卜卜，魚肉唔會好實，醬汁味道酸甜度剛剛好！係坊間數一數二好味嘅松子魚！酸菜魚呢個有啲失望，因為一啲都唔辣，味道略嫌唔夠酸，不過魚肉質素係唔錯。金銀蒜粉絲蒸娃娃菜呢個配搭一向都唔會出錯非常惹味，亦都好足料大家嚟到一定要試呢個玫瑰荔枝茶，味道清香大點甜！大推！晚飯仲有甜品送火龍果椰汁糕味道清新又唔會太甜地址：將軍澳唐俊街23號 MONTEREY Place 地下G19號舖

🔹️最近到了將軍澳開張不久的 “點粤” 飲茶☕️ 店內地方寬敞舒適, 充滿空間感🤗服務貼心🤵‍♀️🔹️有多款點心、小菜和套餐選擇🍲🥢🧐🔸️香茜义燒腸粉🌯腸粉皮晶瑩剔透, 义燒鮮嫩多汁👍🔸️點粤生輝蝦蝦蝦餃🦐🥟皮層塗上金箔, 皮薄蝦多, 啖啖肉, 彈牙嫩滑😋🔸️笑哈哈鮮蝦菜苗餃🦐🥦🥟大大隻鮮蝦菜苗餃, 十分鮮嫩可口🤤🔸️羊肚菌燒賣皇后🫑燒賣以綠色的外皮, 餡料以鮮甜蝦,面層加上羊肚菌, 鮮味無窮🥢🔸️黑金流沙包🧆包包鬆軟, 流出熱辣辣的流心餡So Yummy 👍🔸️18禁雪茄春卷🫔以雪茄造型春卷, 春卷皮十分香脆, 內裡以爽口彈牙的蝦作餡料, 好開胃🤤🔸️椒鹽田雞腿🐸🦵以香口椒鹽製法, 味道鹹鹹香香, 田雞腿充滿彈性, 肉質嫩滑, 十分惹味😋🔸️香芒爆爆珠凍布甸🥭🍮濃郁芒果香, 粒粒芒果肉, 鮮甜多汁🥭今餐食了很多蝦🦐🦐蝦😀哈😄蝦😃哈😁

見到呢間粵菜館嘅點心幾有特色, 一於趁假期唻試吓, 果然冇失望, 全部點心上枱都係熱辣辣, 勁新鮮點粤生輝蝦蝦蝦餃蝦餃皮同個名一樣閃閃生輝😆皮薄飽滿, 蝦味濃又特別大隻羊肚箘燒賣皇后幾款入面最鍾意係燒賣😋用羊肚菌夠新穎之餘又增加口感, 成件事好好味, 好滿足盉茜叉燒腸粉食開嘅叉燒腸通常啲叉燒都比較’鞋’, 呢度用咗肥叉燒, 淋好多好味好多, 令到個腸粉特別滑🤤鮮竹陳皮牛肉球牛肉球有好香芫荽味, 質地好好, 唔似加咗好多粉👍🏻特別要推介嘅佢哋辣椒油, 夠香夠辣, 有潮州辣椒油嘅風味, 鍾意食辣一定唔可以錯過😝