龍德樓 (Closed)

第一次來龍德樓，看過食評不算太差，於是點了鹿兒島花魚蒸飯丶例湯和鹿兒島紫薯煎餅。先來了鹿兒島紫薯煎餅，實物跟餐牌上的照片略有不同，咬下去尚算外脆內軟而且不太甜（7/10）今天的例湯是粟米椰子排骨湯，椰子香味欠缺而且偏咸（6/10）鹿兒島花魚蒸飯來的時侯我覺得今天一定要浪費食物了，原來花魚肉質和味道是有點像日本靖魚又咸又腥，實在太咸結果只吃了少許白飯（3/10)

蝦米腸粉D蝦米完全無洗過同無煮過,好多沙！鮑片綿花雞上枱完全唔見到塊鮑片. 只係問一下係有定係無.佢話唔記得放.其實我哋都諗住是但㗎啦,無話响lee d 地方有乜expectatoin, 點知佢掉返塊好似一蚊銀咁上下大嘅鮑片响枱,好悔氣話"嗱"!! 好細好細...不如唔好寫上menu話係鮑片!!!! 以上食物質素同職員返映過但係佢地無回應,完全唔出聲!!

今天晚餐選了位於大角咀吉之島的龍德樓，其實之前早就想光顧，但人實在太多，所以一等再等，等到今次才有機會。點了一個二人套餐($168)，有湯、飯、點心、油菜和甜品，份量真不少。虾餃皮薄虾爽甜，比很多樓酒還要好。黑椒汁牛肚，夠腍，底層南瓜的清甜再吸了醬汁，很美味。咸旦肉餅飯 -- 味道調得不錯，十分足料，多得有餸多過飯的感覺，如果咸旦是打在肉餅面上蒸的會更好竹絲雞燉螺頭，很清甜。虫草花水鴨湯 -- 十分濃郁，香甜..

近日天氣開始轉涼，入夜後更感秋意正濃，因此份外心思思想吃餐暖笠笠的煲仔飯。位於荔枝角區的龍德樓，似乎正合心意。龍德樓主打老火燉湯、中式點心和煲仔飯，燉湯約有六至八款供應，如杏汁燉白肺湯、淮山杞子燉螺頭等等時令的滋潤湯水大約三十至四十元便有交易。煲仔飯選擇和花款更多，除了傳統見慣見熟的鳯爪排骨飯、雲耳金針滑雞飯、梅菜肉餅飯等等之外，還有比較創新的泡菜牛肉飯、梅菜煎鵝肝飯和鹿兒島黑豚肉飯。一數之下，原來大大話話有二十二款選擇！一碟健康的白灼菜芯($16)之後，終於是時候轉入正題。小時候時常吃家母做的梅菜蒸肉餅，今晚也特別刻意懷舊一番，來一煲梅菜肉餅飯($48)。想不到肉餅剁得如此嫩滑，面層加了少許梅菜後，更有家庭小菜 feel。特別欣賞這裡的煲仔飯採用的「無添加」製作，沒有醬油，沒有調味，原來煲仔飯也可以吃得很健康。另一款的煲仔飯雲耳金針滑雞飯($48)相比之下遜色得多了。雖然同樣是煲仔飯的經典，但金針和滑雞的份量明顯略少，雲耳也做得較為乾硬，不得不在此扣分。各款的煲仔飯水準不一，但勝在選擇多。例如簡單的吃個鳯爪排骨飯只需 $44 ，價錢跟普通茶餐廳的消費其實相差不多。豐富則可一嚐這裡的原

昨午行開JUSCO買嘢,其實已經吃了午飯,但看見龍德樓門口寫着下午茶八折,被吸引入了去.看見點心紙價錢都唔平,蝦餃 燒賣$28.00元, 牛肉腸$22.00 最平潮州粉果園$14.00 咁就試了三樣嘢先.........牛肉腸普普通通,雖然即拉,但粉漿太厚皮唔夠薄.蝦餃:蝦肉彈牙,皮薄好食.潮州粉果:古唔到原來最平景然最好食,成個粉果很飽滿,餡料又多,比其他點心專門店做得好..

我同老婆放工後行Jusco，肚餓就順道選了這餐廳，座低後就發現侍應態度有D問題，D人其實唔算忙，但係就無人埋枱，舉極手都無人理，明明望到我哋都扮睇唔到，已感到這裹的員工士氣及管理應有問題。再看看餐牌，價錢並不便宜，我們選了二人套餐：2 x 燉湯 + 2 x 點心 + 1 x 肉餅飯 + 油菜 + 甜品 = HK$268.燉湯選了花膠响螺及鮑魚蟲草花燉鵪，D湯料都算足，味道亦可以，但是我同老婆都發現落多咗D師傅，咁多料又點解要落咁重手味精呢？唔通D湯燉唔够火候？我哋重懷疑D响螺係假(未經証實)。點心揀咗韮菜餃及排骨，韮菜餃其實就係日本餃子，這時才發現該店同鳴門日本料理是相連舖，同一老板，我哋就咁用幾十元食咗嗰無咩韮菜嘅日本餃子，係日本舖食應該係隨碗拉麵附送嗰種。碟排骨應該係今餐最可取食品，排骨選料OK，蒸得恰到好處。到個肉餅飯，起初覺得無問題，D肉重好似好鮮嫰，於是大啖大啖食，Oh My God！我老婆突然大叫，我問咩事，才發現D肉入面重係粉紅色，呈透明，明顯係唔熟，告知侍應，侍應話幫我哋換，但我們已飽了，唔想食一個勾起快回憶的肉餅飯，其實唸起都想嘔，所以我們就算了唔駛佢換。

竹戰前到這裡醫肚, 第一次幫襯, 裝修企履, 坐位有點窄, 編排入座亦很有原則, 我們二人想坐卡位, 被拒絕了, 不過無所謂啦, 最緊要食物對辦, 二人叫了套餐再追加一碟蝦腸 :1. 杏汁豬肺燉湯 - 香, 濃, 夠熱2. 兩個點心 - 蝦餃 與 四寶雞扎 (忘了影相) 蝦餃 - 皮薄蝦爽 四寶雞扎 - 不過不失, 不太油膩3. 油菜 - 不多油, 但可惜太細碟4. 鹿兒島黑豚肉煲仔飯 - 不知是否真的是鹿兒島黑豚肉, 四大塊加一條菜, 餸比較少, 但飯幾靚, 豚肉亦幾爽口5. 蝦腸(另加) - 蝦爽, 腸粉滑最後送上綠豆沙 - 不太甜, 但太杰, 似粥多一點埋單一百九十六個大洋, 已經是免茶免加一, 不算平。不過整體來說還算滿意, 相信會有下次的。