龍德樓 (Closed)

天氣凍，突然間想食蒸飯，於是下午茶同同事過咗龍德樓食Tea，有個下午茶餐，有蝦餃燒賣各兩粒，叉燒腸，三個叉燒包，有三件桂花糕。呢個set $72。燒賣同蝦餃都好味，蝦腸個皮一般又唔係太薄，桂花糕都好味。另外仲叫咗個蒸飯，章魚肉餅飯，個飯粒粒飯好味，章魚同肉餅都好入味，天氣凍之時食個蒸飯，都係不錯的選擇。個蒸飯送埋個燉湯，今日係螺頭燉竹絲雞雞腳湯，個湯好飲，有少少油，但夠熱，服務態度一般啦，下午茶時候比較少人。

今次唔打算詳細介紹食物, 因不是特別好食, 當然唔係唔好食, 只能說質素算是合格, 不過性價比唔高!!$34一籠灌湯餃，$22一籠牛肉,$58一個蒸飯加一碟菜, 以此質素就顯得性價比唔高!!!

一心諗住落去supermarket入貨，順便去食埋晚飯，以前好鍾意去依間飲湯食點心，點知質數差咗好多，我老公話唔會再去。先講服務D姐姐根本唔想理你，算點好野食就送2杯茶過嚟仲途無人幫你再添加算...諗住食物補償都好，個湯仲可以但就係有D肥膩，但D點心無一樣係ok，蝦腸唔夠滑又厚粉，燒賣連個賣相都唔得，咬落去粉粉地好似有D唔熟，個叉燒包完全唔好食，連個鳳爪排骨飯，排骨味道都可以，但個飯係偏濕，原本想再叫多2個點心，最終都係無叫寧願去第二間食。

今晚去左荔枝角上堂，成九點先去食飯，諗左一陣都唔知去邊度食好，朋友突然話不如去Aeon超級市場附近搵下有乜食，原來呢度都有好多食店。朋友話龍德樓啲湯好出名，就決定入去試下。因為都已經過咗食飯時間，所以已經唔係太多人，餐牌上原來都有好多原煲蒸飯，仲有好多唔同款式嘅燉湯添，今晚就叫左個鱆魚雞粒飯、鳳爪排骨飯、原煲蒸飯仲可以優惠價配燉湯一盅，我地加左杏汁菜膽燉白肺、淮杞螺頭燉竹絲雞，D湯又真係足料又好味。

放假有時真係忙過返工 😌小秘書今日一朝早就出去做facial、 剪頭髮，中午仲要約咗朋友食lunch，之後又要落荔枝角練波🏌🏻‍♀️ 真係忙到出哂煙💨💨💨 所以只好簡簡單單食個晚餐，爭取時間休息😴由D2出發，我哋行吓行吓嚟到Aeon，因為下晝已經食咗日本嘢，夜晚就想食啲飯落肚，暖暖胃！今晚我哋揀咗「龍德樓」，貪佢有蒸飯、有燉湯夠補身💪🏻「龍德樓」嘅蒸飯做得相當出色，件「咸魚」經我拆肉後特別好味😋 厚厚嘅肉餅配埋蒸飯豉油，好野味呀！至於個燉湯都唔差、夠足料，只係湯面頭果層雞油有啲嚇人，不過飲落又幾順喉wow!

今晚人少少不想煮飯，就和爸爸媽媽到附近吃個晚餐。原本沒什麼想法，但行到Aeon附近就想吃個煲仔飯暖下胃咁，於是就來到了龍德樓。.我們一共點了三個蒸飯和一個燉湯。准杞竹絲雞燉湯 - 湯一來，味道不濃，眼見很多油浮面。爸爸的評語是，一飲就知唔係老火湯。黑椒洋蔥牛仔骨飯 - 牛仔骨只有數塊，但是骨為多。沒關係，胃口小小的我份量少少也能填飽我的肚子，但所咬到的肉全是筋，最後少少都無食。也沒關係，我吃飯好了，吃了幾口，也太油膩了。唉，這個飯向來是我必點的。但現在的質素也太大不如前了。梅菜排骨飯 - 排骨太肥膩，多是脂肪的部位，沒有汞水，雪味很重。梅菜有沙。飯照舊油膩。HAHAHA,, 報告完畢。只能說，會來吃蒸飯燉湯的人，大多是追求養生健康的，但來吃到的是這個質素，實在沒意思。

今日到這間食點心嘅餐廳試試，非常失望。首先茶係全涷既！waitress 都係懶洋洋既樣子，就好似係茶餐廳一樣。但重點係- 佢要收加一。燒賣$31-蝦是唔新鮮的，且調味好怪。煎韭菜餃- 更加令人意外，根本就係係超市買嗰種雪藏韓國餃子，裏面根本無韭菜。作為一間點心餐廳，點心最重要，這基本要求，無論用料和味道都做唔到、且地方唔舒適（地下有點污穢）、點心又唔好食，茶餐廳服務，價錢唔平，仲要收加一。即使我住喺附近，我諗我唔會再去。

今日星期日，同老公去左荔枝角既aeon行下，午餐係入面食野，揀左食龍德樓食點心🥧。仲有成個鐘先2:30 享受唔到8折！！揀左一個假日午市蒸飯套餐 另外再加點心。叫左個菠蘿叉燒包， 比想像中細個，入面就好足料，另外仲叫左鳳爪，唔記得影相個套餐 我地加$12 要左杏汁菜膽燉白肺, 都好足料呀，絕無欺場！個飯就揀左鱆魚雞粒飯， 呢個飯就差d, 完全有唔覺有鱆魚！埋單成為$132.

我同寶寶都覺得食蒸飯感覺健康正氣,而且龍德樓仲有燉湯,冬天黎講,倍感溫暖!今次仲見到有個秋冬臘味飯,我放棄左叫蟲草花蒸雞飯,叫左臘腸滑雞飯,而寶寶依舊叫左咸蛋蒸肉餅飯,另外單點晚市燉湯- 黑豆栗子合桃腰果素湯,首先黎左我個臘腸滑雞飯,有1條臘腸幾件雞,臘腸好大陣玫瑰露既味,酒味濃,口感一般,雞件有5件,其中3件都係雞翼與雞翼尖既三角位,其餘2件都係皮包骨,完全無肉可言...咁大個飯,拆哂肉都唔知有無1粒麥樂雞咁大,傷心💔反而寶寶嗰個蒸肉餅就多啲肉,但嗰半邊咸蛋又係勁細,應該係切得唔好,大細邊,寶寶分左啲蒸肉餅俾我,同加啖湯先食得到個飯,素湯味道都一般般,淡到水咁

飯好諗，唔知煮左幾多耐。肉餅同排骨超肥。唯有個湯叫做ok。最慘連豉油都無咩味。唔怪得晚市隔離爆場，佢就全部空枱阿姐仲要未食完急住收個煲，亦可能係無野做所以搵野做。

今晚本想再次挑戰放題, 不過同行者想就近吃頓飯, 所以沒法成行。由於今日除放題外, 都沒心水, 故把抉擇權交給對方。他提議到這家吃點心蒸飯的餐廳, 或許是周末, 大家都往鬧市地區吃飯的緣故吧！這商場的食店的人流很少, 基本都不用輪候就可以入座。由於被安排了卡位座, 所以坐得尚算舒適。餐廳的點心選擇比外面的少, 部份想吃的點心如金錢肚和蒸土魷, 雖然是基本款式, 但這兒都沒有, 有點失望鮮蝦燒賣皇燒賣肥肉不是太多, 餡料調味不錯, 不過外皮油了一點, 普通吧！鮮蝦莧菜餃菜餃比較大隻, 裡面塞滿莧菜, 蝦肉份量相對較少。外皮跟內餡都很油膩, 吃了一隻已停手。韮王鮮蝦腸很滑, 每條腸粉有兩隻中型蝦肉和少許韮王,有淡淡的韮王味, 味道可以。但粉皮略嫌有點厚, 整體一般流沙奶皇包包皮鬆軟但很厚, 奶黃餡呈很淡的黃色, 單看色水已不吸引, 而且不夠流沙, 很失望唉…都懶得換了。味道跟平常吃到的完全不同, 這個有很重的椰奶味, 有點奇怪, 而且甜度顯然不足, 完全不好食除了食物水準需改善外, 餐廳對員工的培訓亦應加強, 是晚雖然食客不多, 但服務員也不應在大聲嬉戲吧！這兒不是遊樂場, 太吵會滋擾食客

作為工作忙忙碌碌的夫婦，根本冇機會喺屋企煮飯，所以我哋都習慣咗每晚去屋企附近搵嘢食 。今晚亦唔例外，但係都好似想搵返一啲住家菜嘅感覺，我地今晚去咗龍德樓，話曬有湯有飯仲有碟油菜感覺健康啲！今晚我哋點左個溫馨二人套餐: 我哋兩公婆異口同聲揀選咗個杏汁白肺湯， 個湯都算係幾足料，不過白肺就細粒咗啲，菜就好多，湯亦都夠味，不過如果再多啲杏汗咁就更加完美嘞！點心方面，我哋揀咗個灌湯餃食，因為其餘點心感覺上都冇灌湯餃咁貴，好似揀灌湯餃抵食啲！ 灌湯餃 亦都冇令我哋失望， 皮薄餡靚 ，有好多肉同埋啲分量都啱啱好！食落都幾好味！主菜我哋揀咗個鹿兒島豬頸肉煲仔飯再加碟油菜， 豬頸肉唔錯，味亦都啱啱好，不過有啲啲肥。油菜就一般水準！最後個甜品揀咗蛋白杏仁茶，呢個就麻麻地啦！半邊凍半邊熱 ，覺得做呢有啲馬夫！另外龍德樓嘅碗碟亦都唔算好乾淨，基本上要重新再洗一次，所以衞生上要扣分。值得一提其中有一個侍應係後生仔，服務態度非常非常好，亦都好體貼對客人，好有禮貌，做野好勤快值得嘉許。最後埋單150蚊有找以兩公婆晚餐嚟計算係抵食!

天氣開始凍又得2條友就無煮飯同阿媽落街食去咗龍德樓點了溫馨2人套餐$218再加一先上2燉湯，媽媽係淮山竹絲雞燉螺頭，我就花旗參無花果燉竹絲雞，其實2者味道都幾似，只係我果個多咗少量花旗參味，竹絲雞肉質都幾嫩滑，可當餸食埋油菜一碟都幾新鮮，但偏細條鳳爪排骨飯，係蒸飯嚟，只係用咗沙鍋煲上，飯粒都幾分明，排骨肉嫩無雪味，唔錯幾好食另外仲有魚湯鮮竹卷雞，魚湯鮮味又夠熱，入面蔬菜爲主北菇蒸棉花，魚肚吸哂味好正，雞件有少少肥，但都尚算肉嫩另附上甜品紅豆沙兩碗飽是夠飽，但價錢可再便宜一點就好

Lunch 有時真係唔知食乜好，唔係飲茶，就係茶記，或者日式西式，食得多都想食清淡少少。今日朋友同我去一間鏈鎖百貨公司買嘢，内裡發現有一間小店，有沙煲蒸飯喎，即本入去試一試。我叫咗一個北菇滑雞，飯蒸得很軟熟，仲有少少焦，好似食緊煲仔飯，但冇咁熱氣，配一碟烚菜，幾輕盈，唯一不太滿意係北菇太細粒，有點孤寒。朋友就叫咗咸魚肉餅，咸魚咸香，少少甘甜，肉餅就比較多生粉，口感一般。呢度除了蒸飯外，都有點心，而且主打燉湯，不過我哋冇試，留番下次。另外，如果有百貨公司的會員咭，埋單仲有折添

最愛試平時少人食的食肆、餐廳。新期愛上了碧海藍天AEON 裡面的餐應，決定逐一試試。　長期缺乏湯水滋潤的我，沒有選擇困難症，即試龍德樓。兩人套餐要200大元，價錢算相宜。一定會再去竹絲雞燉螺頭湯, 湯很清甜, 亦很足料, 有烏雞, 雞腳, 瘦肉, 但可惜卻少了螺頭。蟲草花水鴨湯, 一樣足料, 冬菇, 雞腳, 水鴨件, 瘦肉等材料, 入口比螺頭湯更好, 只可惜兩個湯略略偏鹹。整體不錯, 但如果要單點4X - 6X 一個盎湯, 我就未必考慮。跟餐單了梅菜排骨飯, 煲仔上, 夠熱, 甜梅菜好醒胃, 撈飯一流, 排骨豉椒味不重, 唔錯, 只是我覺得梅菜都是搭肉餅比較夾。蝦餃1籠4粒, 大大粒, 皮薄彈牙, 餡靚, 蝦爽甜, 多汁, 裡面魚漿等餡料調味做得比某些高級酒樓還好。流沙奶黃包, 好多人也喜歡點, 喜歡食, 但試問有幾多間可做到流沙而又皮薄? 熱騰騰的包特別好食。一試難忘!