龍津美食

Open Now

Now Closed

出到旺角見肚餓，左諗右諗去左巴士站附近既龍津。地點簡直就係為佢度身訂造，門前有少少空間俾人企定定食埋先起行，唔駛滴住行，仲有垃圾筒(常滿!請自行搵空間放垃圾)。5蚊有兩串魚蛋/燒賣，即買加辣汁。嘩，果然各有五粒(邊度夠佢抵)…魚蛋彈牙但味淡。魚肉燒賣亦不過不失……不過辣汁真係要改善吓，都幾多油仲要無咩香味

新年出旺角行花墟，置在同人迫下，預左買唔到野。行完轉戰花園街，真係好多人，想買串魚蛋都要迫迫迫。叫左一個細牛雜（$12），兩串魚蛋（$5），價錢真係幾平，唔怪得咁多人。牛雜一早剪好哂，叫嘅時候拖拖水，咁樣到ok熱，而且入味。有牛肚，牛肺，豆卜，蘿蔔等。蘿蔔無渣最好味。魚蛋就麻麻，唔彈，又無乜味。要辣先加咖哩汁係上面，個咖哩汁就幾好。企係街食嘅人好多，迫到條路無得行。買野嘅人又唔排隊，大家都係叫入去，唔惡都買唔到。

以前住大角咀，喺公司行返屋企途中，會特登走黎買野食，燒賣魚旦，$3一串有五粒，$5兩串，可以每樣一串都得味道，可以話係次次唔同，水準極度浮動，但無可否認真係好平1.魚旦~ 間中會遇到啲又淋又梅嘅，淨係得入味兩個字，個咖喱汁就唔差嘅，如果遇上魚旦係放左落煲無幾耐咁就會好食啲，細細粒有咬口，魚肉味有嘅，有時附送魚骨2. 燒賣~ 同樣要講彩數，睇下蒸左幾耐啦，睇下阿姐有冇時問拌勻佢試過五粒都未熟透，硬開仲係白色一團粉，吐都吐唔切，今次僥倖地粒粒晶瑩且不過腍，魚味唔覺眼，口感尚算煙## 令我有好幾次不良經驗都間中會黎幫襯嘅原因除左係平之外係因為佢個辣汁味道唔錯，唔係咁多地方係買燒賣魚旦都跟辣汁多數都係隨意放啲辣油就算，有左辣汁嘅扶持，接受程度高左五蚊雞有十粒燒賣魚旦吉下過下口癮，呢個市道，算係咁嫁喇

花園街除咗多又平又靚既衫，仲有平靚正既小食，岩哂我呢啲行行吓又口癢既人行到中段，又見到龍津美食，其實佢係我花園遊既其中一個動力幫襯咗十蚊燒賣魚蛋，佢話我係咪拎走，我話係，但原來佢既意思係洗唔洗要蓋同膠袋跟住阿姐就好熟手咁吉咗5粒魚蛋5粒燒賣過我啦，本人愛吃辣，當然唔可以放過佢既辣汁ｄ醬汁係”杰”身ｄ既，而且入面有蒜蓉，唔食蒜蓉既朋友仔千其唔好話要辣丫！阿姐淋汁既時候好容易整咗落個發泡膠碗度，所以大家最好自備定紙巾先燒賣’林’得岩岩好，又大粒，魚蛋好彈牙！　魚蛋冇魚肉味，食落都係佢既醬汁味，但都好正但魚蛋本來既色比較淺，加咗豉油先係咁既色，會好睇ｄ同吸引ｄ雖然佢唔係話咸，但味道都幾濃，食完會搵野飲

香港最有特色既野, 其中一樣就係街邊檔. 本牛都係鐘意一路行一路篤野食既人, 一有機會我都會去試下新既, 未試過既小吃.我以前係抗拒內臟既, 以前係嫌佢唔乾淨, 不過有一次朋友極力要我一試既情況下得知其美味, 之後就去試下接觸了, 當日身一間店就係呢一間.龍津美食長年都係好多人前來買野食, 所以要買野食都要比d耐性同技巧, 一個唔好彩隨時等左十幾分鐘都未買到. 當日好米彩無咩人.一般只有一個阿姐去準備野食, 係假期或繁忙時間先有兩個人幫手, 所以都幾慢...,,仲要個空間勁窄, 睇落都覺得辛苦佢地幾出名既係好抵食好味既燒賣魚旦, 不過我睇中左既係佢d牛雜, 特別係大腸, 所以我叫左鐘意食既野既大混合 : 韮菜 , 豬紅, 大腸 豬腸食過幾次都好乾淨, 而且佢準備時會見到佢會多次以浸牛雜, 充滿香料既熱湯去沖大腸同牛雜, 算食得幾放心.韮菜因為吸收了湯料, 所以很入味, 和大腸和豬紅配住食, 很有口感.佢會"免費"送幾舊大大舊既蘿蔔, 之前食過都幾入味, 唔係哥d仲未灼過又硬又充滿蘿蔔辛辣哥種, 不過如果唔好蘿蔔既, 記得緊記係佢準備之前大聲同佢講"蘿蔔換晒豆腐卜", 佢地就會換. 豆

今日不吃午餐, 想來個輕食, 於是先買咗個麵包食, 意猶未盡之餘, 就諗起上個星期六巳經幫親左隔離既阿媽荳腐花, 今次就要試下呢間龍津美食, 同樣都是主打燒賣, 魚蛋, 羅白牛什等小食, 款式又多, 價錢便宜兼大眾化, 唔介意企係街食, 不失為一個幾好的選擇, 不過就非常之熱這間價錢比隔離便宜小許, 同樣HK$3一串, 但買兩串, 只收HK$5, 慳了HK$1, 我今次買了燒賣魚蛋各一串HK$5, 阿姐用了個發泡膠碗仔盛載, 再淋上辣的沙嗲汁, 入口非常惹味 隔離既阿媽荳腐花標榜自己的燒賣是A級貨, 入口不同, 但我個人口味, 覺得兩者沒有太大分別, 就算每個MTR站都有售賣燒賣那店舖, 都是這般貨色, 只要加入調味醬汁, 又夠熱的話, 真令人回味無窮, 而呢度既魚蛋入口至少沒有腥味, 不過食後有輕微的口渴數元的消費, 偶然來一嘗街頭小食的滋味, enjoy enjoy

剛才既米線,令我有D意猶未盡.再下一城,嚟多一ROUND小食行動先.不過......今次既雞蛋仔......2分:一來唔係即烘.所以有D失望. 二來連我唔係太要求多.都食得出有粉.真係糟蹋晒.SORRY LA!喊面一個!

六月二十八日 (星期二)不知道為何這陣子經常覺得肚餓,忍不住口見到這家那麼多人幫襯的小食店怎樣都要吃點東西才行金魚街見到橫額大大隻字寫著:5元兩串:燒賣和魚蛋一串只是$3,以現在的物價來說,是超值回想小時候,三元一串的比比皆是,媽媽也常常買給我做下午茶呢因為我很肚餓,拍照前已經吃了半粒,所以圖中有一粒SIZE比較小的魚蛋味道不過不失,細細粒,尚算彈牙等了五分鐘牛丸才到手,因為是即叫即滾的比較硬,似乎是雪得太久了加上7元一串,相比下比較昂貴還是魚蛋燒賣最實惠!

鋪頭以外都企左好多人食緊野而大部份人都食緊燒賣魚蛋好鍾意食野既我點會錯過 好友介紹佢話呢間賣既魚蛋燒賣好平 所以經過買黎試是關$5兩串 都幾抵買既算係,咁就燒賣魚蛋各一串試試魚蛋就麻麻地 燒賣都仲可以接受不過燒賣有d皮會'那'埋一舊舊 咬落去好怪既感覺個皮可以"林"身d會好少少 呢個價錢食到呢個都算係咁 不過不失

我果日諗住去旺角食雞蛋仔,錦就是但選擇左尼到點知佢竟然比個凍同埋個碎到乜錦ge雞蛋仔我我好聲好氣錦叫佢弄過個新GE比我la佢竟然態度超差又冇整過個新GE比我wor之後我食到D雞蛋仔有怪味好難食懊…..>,<

今日過嘉禾睇戲…掛住買野…睇野~~搞到勁趕所以諗住搵d即食快捷食物 好耐未食過2蚊燒賣l~~~而且又經開,所以一次過買左2串燒賣+1串魚旦…溝沙o嗲醬…勁正!!total 加埋都係6蚊…仲未埋個杯…平時要買10蚊先個盒真係好抵!!!有野裝住,就唔洗怕整到周圍都係ma!!! 雖然間間燒賣都差唔多味..不過有沙嗲醬就唔係咁多間啦….又可以自己落wo!!!落幾多都得~~ 魚旦細細粒~~真係好一般… 今日落街諗住食完早餐先返工…行開牛皇星就想入去試下佢個早餐因為見到好多人係度食緊…入到去望左一陣先搵到個位坐

在好旺角食完麵後,口有點乾,就在上火車站附近的小店買飲品,所謂椰汁大王,還及不上土瓜灣的禮記.龍津賣的多是外賣食品,種類要多,不過水準麻麻,除了尖沙嘴的是通宵營業外,這區夜半時分客人不多,再晚一點便要打佯了.蔗條是一早切好放在熱水中保溫,有客人時再用機器搾汁,一來可以保持新鮮,二來不用考慮賣不完的問題.幾蚊一杯,比起飲汽水好得多了,天然的甜味,清香的甘蔗味,飲管也不用,大啖大啖的飲著,不用半分鐘已見杯底,多舒服的感覺.

因為係旺角番工關係呢間野基本上我成日都會行過淨係知道次次行過都勁多人但就從來無留意過有咩特別啦，以為都係一般小食店點知，今日個頭伸一伸諗住８下有咩咁吸引果陣就真係比我睇到好野啦！＄２蚊一串魚旦／燒賣！！！！！心諗唔係眼花嘛，但咁大隻字點都唔會呃人啦而且仲好多人買添，個個隻手都係渣住魚旦／燒賣果刻我就終於明白點解呢條天橋底成日都人頭湧湧啦好老實講，＄２蚊雞，唔食番串都對唔住自己啦，哈哈^0^跟住買左１串燒賣／１串魚旦買２串野問佢拎個袋佢都唔會ｓａｙ　ｎｏ我見好多人一買就買成碗添呀之後買完我又靜雞雞企埋去天橋底嘆下先嘩，＄２蚊串本身期望唔大點知出奇地好味喎係完全真係好味魚旦同燒賣都達水準之上魚旦同燒賣都係彈牙果隻，燒賣仲唔係林果隻而係同陳記差不多款式果隻味黎架！我至鍾意就係食呢隻彈牙燒賣架啦！！食完２串＄４蚊，一個下午茶！！唔叫做抵，而係叫抵到蘭呀！！ｈａｈａ同埋味道真係十分之好！！所以一定會密密再來呢^0^

又食街邊檔呀,平時食喱d野係唔會影相既,不過喱次唔同呀,因為實在太平了,唔影出來介紹下都唔得~!魚蛋or燒賣都係$2串咋,太抵了,雖然唔知好唔好食,不過見咁平同咁多人buy之下自己又試了,buy左魚蛋,本身想buy埋燒賣呀,不過驚太飽了,thx 個fd buy左呀ha~!台式香腸$10有3條,好抵呀,我上次係葵芳食要$6一條呀......,佢3個味呀,有原味,辣味and黑椒,我揀左辣味呀~!辣魚蛋,$2串,有5粒,睇落都唔錯,食落都幾好味呀,幾爽滑彈牙,又唔係好辣,唔錯呀~!台式腸,$10有3條,要左辣味呀,不過食落唔多覺得辣,只係覺得好熱呀,幾好味~!燒賣都唔錯呀~!實在太抵了,同個味道都唔錯,$2之下有喱個質素真係正左呀~!

之前聽網友講, 呢間d野食好平但唔係網友所講既價錢~燒賣&魚蛋都係$4串, 而唔係$2食物質素一般般我買左燒賣同魚蛋, 真係好難整得唔好食囉仲有既係佢買既都係大路野, 服務方面更加差都冇人有, 完全冇禮 貌可言環境就更加不潔, 地面看見污漬了看了很噁心~唔會再回頭~