龍津美食

Open Now

Now Closed

行過肚吉兩串燒賣食8蚊串買一送一佢就會要你買10蚊但計返係會貴過8蚊算佢啲豉油同啲醬味精勁重重到食完10粒8粒燒賣會反胃同要狂飲水真的無下次食完再無胃口食下一餐

今天叫左一串曉賣，味道唔錯，幾好吃。唔算太多人。店現在做緊買一送一串，我問多一下，服侍我個個女人就開始鬧我。。。。好冇禮貌囉。🙄問多一聲都唔得，係唔想趕客啊？大聲夾冇準

走牛油、多奶醬。格仔餠也可以專屬訂製~~~~~ 格仔餠烘得非常香脆，真正的外脆內軟。奶醬香濃，一點不敷衍，是真的有多奶醬。雞蛋仔反而比較一般。內裏是扎實的口感，可是偏乾身，面層可以再脆口一點，有改善的空間。ｰｰｰｰｰｰｰｰｰｰｰ 服務方面，始終這裏是小食店，講求的是速度，不可能求要五星年級服務。以這個格局的地方，我認為還算可以接受的範圍內。如果在非繁忙時段，姐姐們會比較溫柔一點~這也是人之常情嘛~~~

本身對依間舖頭啲食物無咩意見。但今日農曆年初五到依間食店買雞蛋仔食，我身為顧客選擇買邊一底雞蛋仔都無話不過！但佢哋已經將一底底疊好，我就想要下面某一底，佢唔方便攞低下嗰啲，唔緊要，有禮貌講句解釋，其實我無乜所謂，但舖頭入面一位女職員個反應就即時十分大，大動作Fing手，個樣又即時面黑，又話唔做我生意，當時我又唔係惡形惡相夾硬一定要佢攞最低個底，佢客氣啲咪要佢包好嗰底，咁受氣，我即時唔買，成個旺角又唔係得佢一間賣雞蛋仔。所以以後我都唔會再幫襯依間小食店。

貓貓今日肚餓，去左買燒賣食。龍津真係超平，抵食。10蚊燒賣勁多粒，味道又好。貓貓好開心，因為點燒賣的豉油好香，好食。平時小時舖十蚊未必買到咁多，呢度真係好平，味道唔錯。

旺角掃街多⋯⋯掃耐左就發覺總有一家會食完再食，食完又再食小妹至愛食的燒賣燒賣10蚊一碗，熱到燙到個嘴仔，佢地既辣醬十分惹味，又有辣度，我超喜歡這間燒賣，不會太硬，魚肉燒賣食落口軟熟，令到我係食完今次，下次都會再返黎幫襯的～（＾＾）

見10蚊就有一底雞蛋仔、格仔餅，價錢算平，所以就想買，不過d小食已經係擺到凍晒，仲係擺係路既外面。。。點知見到呀姐一手收錢，一手直接掂住d雞蛋仔，又一邊搽格仔餅醬，一邊講野跌晒d口水落去。見佢已經拎住個雞蛋仔想比我，我即刻同呢位鄉音呀姐提出，可唔可以唔好直接用手掂落去，點知佢好差語氣答「唔用手，唔通用咩？我好忙架，無時間架！」我話「唔係時間問題呀，係衛生問題」，佢用更加差既態度答「你咪唔好食囉，街邊野係甘架啦！唔好要囉」。從未見過甘差態度，衛生程度又差甘店，做得差仲諸多辯駁行多條街就有另一間奶茶雞蛋仔店，店員又nice，收錢果個又唔會去掂食物，食物擺係店入面，最重要係即嗌即整，熱辣辣。衷心希望呢間店既嬸嬸店員可以學習下禮貌、衛生，店鋪始終有牌，唔係走鬼，其實帶個手套拎食物，或者用個袋裝住d雞蛋仔已經解決到問題

這家小型食店頗受歡迎，亦有賣魚蛋那些，有不少人光顧，仲聞到好香添！香豬今次一試香港地道小食—雞蛋仔雞蛋仔$10外脆內軟的，但一半以上是空氣，其餘是蛋漿，口感還可以，技術ＯＫ。但。。。蛋香味唔夠，用料有待改善每一份雞蛋仔不算是即叫即做，而是放在焗箱，不過外面夠脆就算了吧，而且即比錢即有得食。

原來唔同地方唔同收費，深水埗o個間$7買一送一，旺角就$9，要碗唔用竹籤仲要加多$1。魚蛋有人鍾意大大粒同林d,我就鍾龍津個款細細粒但口感好d，另外辣醬都係精粹，唔會太辣，一定要加。

係街邊吃小食，又點少得拮魚彈呢！幾蚊就有一碗，辣魚彈爽口兼彈牙，有少少魚肉味道，吾會太多麵粉味，都算有口感，不過不失。加上辣油既調味，使到始此普通既魚彈變得不平凡。

今晚做完gym,突然好想食個雞蛋仔。記得次次經過龍津都好多人買。今晚排隊的人不多，1，2個。買左一底雞蛋仔$10。 完全不用等。一攞上手，仲係微暖。其實本人不太喜歡新鮮熱辣，即叫即整，過熱剛剛整好的雞蛋仔，通常比較淋。反而暖暖地仲鬆脆好味。這個雞蛋仔，暖暖的，好鬆脆，完全符合我口味，同埋分量多。但我覺得蛋味比較淡，同埋唔會太甜。有小小失手。但係以$10這個價，不過不失。

今時今日係香港，10蚊，可以做d咩？無錯！就係食一底 龍 津 雞 蛋 仔！ 「平！」$10！$10！$10！！一底雞蛋仔都係$10炸！相比起宜家市面上其他一底都要十幾廿蚊既雞蛋仔，龍津既雞蛋仔可謂「平！靚！正！」 「靚！」 雞蛋仔外層呈金黃色，證明燒既時間拿捏得非常好！我曾經食過其他鋪頭既雞蛋仔，外層偏啡色的，食落去味道偏苦不特止，結果食完口中陣苦澀味更係持之不散！而龍津卻做到金黃色的外表，煙韌且微甜的內涵！ 「正！」龍津既雞蛋仔唔單止係實心的，更做到外脆內軟，層次分明！雖然唔係即叫即整，但因為放左係暖箱既關係，吃很來還是暖烘烘的！人在冷冷的街頭，卻有點點的暖！一個字：正！無諗過10蚊雞可以買到如此質素既雞蛋仔，兩個字：抵食！

雖然個醬咸左d但係夠辣 夠味可能落多咗豆豉我覺得有豆豉味有時候多左淥魚蛋的水亦可溝淡可能多人買唔會浸得太耐亦唔會唔夠味魚蛋亦唔會淨粉但係魚味唔夠但夠彈牙幾開心嘅！

二女, 在 MK 的龍津美食外賣了食物回家給我們吃, 我也寫篇食記吧 ....鹵水雞翼味道算是入味, 而且鹵水味道不錯, 只是稍為細隻 ~鹵水蛋看顏色已有入味的情況, 食了一口更能清楚了解它那透香的鹹味, 由外至內再由內至外 ~炸雲吞、炸魚餅 金黃香脆, 其味道就是十分街邊行貨的, 重味精又鹹 ~

是日路過見口痕就叫來試下。見買一送一好似好抵，8蚊有兩串。魚蛋本身麻麻地，口感一般，可以接受但是不太出息，不過不失。值得一讚是個辣汁，店員問我要唔要辣，我說少辣，此店的辣醬幾野味，幾好味，唔錯！