龍津美食

Open Now

Now Closed

平時經過見到，印象比較深刻既都係買一送一既燒賣&魚蛋，但估唔到，這裡既腸粉，比其他的也不差多小呢。瘦肉腸粉 $15一份都係十幾蚊既腸粉，腸粉味道正常，雖然配料比得唔算多，但係配埋佢自家調既豉油同辣醬，味道立刻加分不小👍路過完全可以試一下😁

街頭小食魚蛋燒賣相信好多人都鍾意食，隆中呢間連鎖店開到成行成市一定有佢嘅原因。因為係連鎖店嘅關係，所以我好多時候會選擇其他小店。不過今日食咗點都要寫過食評嘅。（用咗阿媽部手機影相，相片質素麻麻請見諒。）魚蛋燒賣：魚蛋唔彈牙；燒賣似麵粉，完全冇咬口，只係有辣椒醬同豉油調味。粗食就OK嘅不過有更加好嘅選擇囉深水埗咁大。店員仲好大力用竹籤整穿咗個兜，諗住側側膊唔多覺俾我，errrr，啲豉油都開始瀉啦。係我要求下先比多個兜我，阿姐阿哥嘅態度有可以再好啲嘅🤔～-魚蛋燒賣 ｜ $10-龍津美食 (深水埗)深水埗桂林街141-143號玉成樓地下C1舖

一提起$10魚蛋燒賣，一定係呢間衰嘢，阿姐又冇禮貌，成日將牙籤插到穿底，直情唔當買嗰個係人。但我幾懷念嗰陣時捱窮嘅時候，都係靠呢啲$10渡日。所以我明白依家街上啲細路仔點諗，我哋都冇諗呢啲咁嘅問題，努力做人自然有出頭天。都係唔好講政治講番啲魚蛋燒賣，講真較為有些少錢，都唔應該幫襯佢，講真魚蛋冇蛋味燒賣又粉到...但佢始終係捱窮之寶，後生仔應該都磨練，大家努力啦！仲食緊呢當野嘅，希望你加把勁，脫離呢種生活圈！

龍津小食分店有好多間，以為佢食物質素有保證，而且又平又抵，買份燒賣黎食，一咬即刻唔想再食，入面係粉黎既，唔知食緊d乜 ，有時真係唔可以貪平，真係唔會再有下次幫襯囉。

龍津小食店有好多間分店，食物價錢唔貴，但質素千萬不要有期望，燒賣完全係食緊一嚿麵粉，格仔餅和雞蛋仔唔知放左幾耐，食落有點硬，其他既我都唔敢再買，亦都應該唔會再幫襯。

唔知呢間同桂林街131號個間係咪同一集團啦但桂林街個間態度勁差個男人態度好差咁話唔比影相,惡霸咩咁去幫襯呢間啦燒賣魚蛋燒賣幾好食魚蛋無腥味辣味唔差,唔會有酸味仲叫左炸雞脾,唔會過龍肉質仲保持到嫩滑

是咁的，我今日去左呢間龍津打算食少少野，所以叫左一兜燒賣魚蛋。見到八蚊買一送一啊～～同佢講左話要燒賣魚蛋之後，果位廣東話中帶點鄉音嘅男人話：所以我同佢講淨係要燒賣得喇！！點知佢依然照收我十蚊，我就同佢講：我講好左淨要燒賣個wo！！個男人突然間發惡：之後我都算數，十蚊都照食，點知果度只有八蚊嘅分量......其實我唔係只係為左兩蚊而嘈，而係為左公道而講！打開門口做生意，賣方定出售價買方接受，是為合理交易，不過佢居然兩蚊都要呃個客，實在好唔要得！！今次我相信係唯一一次光顧呢間龍津喇...

同好友飯後打算食啲小食, 所以叫左一餅雞蛋仔 + 一餅格仔餅~得到雞蛋仔之後, 同好友分享. 點知! 一咬落去, 完全係好硬嘅餅乾, 連𥚃面都係硬嘅~於是, 我好和善咁同老闆娘講, 呢個雞蛋仔太硬喇, 而且黑哂, 可以換過一個嗎?老闆娘就突然發惡話, 食左一半先講?老闆娘之後就搶走我手上嘅雞蛋仔我就話, 我地一人食左一粒炸喎, 而且未食過又點知硬呢?老闆娘愈罵愈大聲, 我依然和平但突然老闆加把口, 話唔好同呢啲人講咁多啦, 講多都無用!我心情就變得好差, 心唸雖然只係俾左十幾蚊, 但我並唔係想食垃圾!所以講左句, 做生意唔係咁做架, 之後我就連'食物'都唔要就走左而我亦聽到老闆大聲叫, 唔駛你教我點做生意