龍輝山水豆腐花

Open Now

Now Closed

sor，真係未食過一個豆腐花係令我食一啖就唔想食，叫左個凍豆花20$ 遊客區算係咁，但係食左一啖 個種感覺係好噁心....豆腐花面層有陣膠膠地咁既野，個口感難以形容，，

用山水既豆腐花比一般豆腐花滑，因為可以少放石膏粉，而且水質好自然好食。我每次去寶蓮寺都必來食，比出面豆腐花滑。但我食落感覺豆香沒有比出面香。15元都可以值得一試。

【芝麻糊☕】($22)🐹: 🌕🌕🌕🌑🌑🐼: 🌕🌕🌕🌑🌑芝麻味會比普遍市面上嘅淡咗少許🤏🏻🤏🏻但整體來講都幾濃稠，只係唔夠香濃🥲🥲另外佢係屬於少甜嗰隻芝麻糊☕️☕️食耐咗可能會有啲寡😿不過就非常之適合老人家喇👵🏻👴🏻—————————😋味道：7/10🍽賣相：5/10🏞環境：7/10 (郊區嚟講)🤵🏻‍♂️服務：8/10🌟性價比：4/10💖回頭指數：10/10加1️⃣服務費：❌—————————👩🏻‍🍳餐廳 : 龍輝山水豆腐花(昂坪)📍地址 : 大嶼山昂坪村60C地下

【山水豆腐花🥣】($18)🐹: 🌕🌕🌕🌕🌗🐼: 🌕🌕🌕🌕🌑佢有得揀熱🔥同凍❄️見天氣咁熱就叫咗凍嘅✨值得一讚嘅係佢真係夠晒凍🥰最啱行完昂坪之後解下暑❣️❣️豆腐花食落好軟滑 💕石膏粉嘅比例非常之好✨唔會話太硬👍🏻另外第一啖嘅時候會食到有啲薑味🙈如果唔食薑就要注意下喇🫡不過都只係好淡好淡嘅薑味～😂😂最後值得一讚嘅係佢喺每張枱都放咗好大樽黃糖😍重點係佢唔會巡舖面😏😏可以根據口味自己落幾多都得‼️💖—————————【豆漿🥛】($22)🐹: 🌑🌑🌑🌑🌑🐼: 🌗🌑🌑🌑🌑豆漿其實都幾大枝✨同埋好夠涷❄️不過飲落可以話係完全冇豆味🫥🫥稀過陳冠希🫠正所謂衰開有條路，唔知係咪佢個倉冇晒位再擺糖嘅關係🍬🍬所以將啲糖塞晒落枝野度🥛🥛所以由而家開始，我會動議將佢枝野由豆漿改名做「糖漿」🍯🍯另外唔知點解佢飲落會有一浸薏米味😂😂好似怪怪地咁…好彩香港啲廁所唔收錢，如果唔係我真係會以為佢哋有枱底交易整體來講就真係唔太推薦喇🫣

雖然1號風球下，但天氣還是熱辣辣，好焗束，去到大佛，但原來維修中，發現附近有幾檔食山水豆腐花嘅舖頭，所以決定行完心經簡林出嚟之後，一定要嘆番碗豆腐花。我哋選擇咗去呢一間食豆腐花，係因應當日有啲舖頭冇開😅😅天氣咁熱當然要吃凍的豆腐花，糖水有少少薑汁味，加了少少黃糖，豆腐花味道其實只屬於一般，不是很滑，又沒有好香的豆味，只因為天氣太熱所以要食吓，抖吓。但豆腐花是用發泡膠碗裝的，又用膠匙羹，感覺上麻麻地。

🇭🇰龍輝山水豆腐花·芝麻糊$20 l 咖哩魚蛋豬皮蘿蔔$45因為我地前一間既芝麻糊太唔好食啦 所以我地決定再戰另一間😈😈呢間就出色好多啦 佢個芝麻糊係真係好濃既 而且好重芝麻味 不過我自己就覺得佢可以再甜少少 但係我男朋友就覺得岩岩好🤣之後佢個咖哩三寶都好好味 佢個蘿蔔超入味 而且都幾甜 個魚蛋都彈牙 唯一係個豬皮我覺得可以再淋身少少 但係都好好味🤤🤤·📍大嶼山昂坪村60C地下

難得好天去郊遊上左大嶼山昂坪, 梗係要去食碗豆腐花喇!😜上網搵左 "龍輝山水豆腐花" 係老店同幾多唔錯 comments, 咁就試下囉!😅 (其實真係有好多間, 行兩步就有一間, 真係唔知揀邊間好!😅 )豆腐花 $15 一碗好細碗, 豆味都香濃既, 有少少薑汁味, 滑就一般喇!生磨芝麻糊 $20 一碗同樣好細碗, 生磨感覺有啲燶, 質感唔滑, 唔太好食! 食完感覺好乾口, 好想飲水!地址 : 龍輝山水豆腐花大嶼山昂坪村60C地下評分 : 5.5/10

好耐一次先到大嶼山行山 難得去到當然要食馳名的山水豆腐花 講真 食之前我冇做任何research邊間好食 於是求奇入咗一間 點知出奇的好食！ 啲豆腐花好滑 之前成日食豆花 食過咁多間 我真係第一次食到間令我讚不絕口既 見到店員由木桶盛出豆腐花 就知道應該用最傳統方式製作 啲豆花滑到入口即溶 加埋黃糖同糖漿真係不得了 雖然一碗要$15 不過物超所值太餓的關係 仲叫咗燒賣嚟食 店員加了麻油同鼓油 味道係唔錯 但我覺得比較普通 同埋$153粒顯然唔太平 不過附近又冇咩餐廳加上旅遊區所以算係咁

昂平棧道（即昂坪360救援徑）係行山者的初級路線，由昂平３６０的市集吊車附近，一直行到山腳休憩處，途經廣闊山景，風光如畫，再坐巴士離開，此徑是好多山友愛到之處，順便在龍輝山水豆腐花食返碗應下景。小店附近環境開楊，於秋冬天氣邊吹吹風休息邊食豆腐花享受陽光是一大樂事，黃糖任加，個人習慣少甜所以只係加了半匙，豆腐花入口即溶，幼滑非常，食具托品都是離島區及老香港小食店慣用的，別有風味，食完經過天壇大佛行山出發去，享受美麗假期！

是日禮拜六，同男朋友喺東涌行入昂坪，經過漫長嘅步道，過千級樓梯嘅來回地獄又折返人間之旅...三個鐘後終於行到入昂坪市集👅下午四點幾，遊客唔算太多，坐低食完乾糧之後好似仲未夠喉。男友醒起喺大佛附近有幾間食豆腐花嘅舖頭，於是同好多隻牛say完hi之後，果然就見到有歇腳嘅地方⛳️見到都有好多小食選擇，喺遊客區價錢就梗係唔平啦！一碗麵介乎40至50蚊 ，豆腐花、芝麻糊都$15一碗，比起其他郊區佢嘅價位係偏貴水平不過幸好都尚算好食，熱辣辣即叫即裝，仲可以揀無糖🤟🏻個人覺得口感可以做返實少少，都算有豆味，為價錢上真係比較貴。所以整體過得去啦，但其他街頭小食就真係買唔落手😊食完決定一場黎到行埋上大佛，原來附近仲有幾間小食店可供選擇，有機會再嚟真係可以格下價先😂😂

Boxing Day 當日，男朋友建議走到大嶼山，搭新大嶼山巴一天遊！他早在8月中已提到想11月去，但當時天氣仍然熱；早前港珠澳大橋開通後，攪到東涌淪陷！又嚇怕了他，一拖再拖！直到有關部門分散人流到其他地區，東涌人流稍為減退！也方便我們到東涌東薈城附近搭新大嶼山巴士！今次多謝他的安排及難得他請搭車！我們約在愉景新城早上 8:00 等！食完早餐後，一起到附近的巴士站搭巴士去東涌，然後，每位買一日遊車票！第一站，他建議指定到昂坪市集外的 <龍輝山水豆腐花> 食豆腐花！這裡鄰近昂坪市集，夠就腳！環境...就麻麻地啦！不要求太多，乾乾脆脆食完就走！山水豆腐花 $15以木桶盛載，真是買少見少！豆腐花好滑溜，本身的糖水有微甜，加入黃糖才夠甜！而且更有風味！他喜歡攪碎才食，而我喜歡完整一大塊食！

趁天氣好又有生日優惠，搭左昂坪360上去市集行下，除左有大佛寶蓮寺仲有好多牛走黎走去，行到中間就有幾檔食檔可以食野，最好食番碗豆花，見到呢間都幾多人仲有大大個木桶放係出面就試下。就係呢一碗《山水豆腐花》($13)，揀左最多人果間試下，本身已經加左糖水不過點都要加黃糖，豆花都算幾滑有少少豆香，又無嘩一聲好好食既感覺，不過山長水遠黎到一定要整番碗。另外都仲有啲小食，不過食左個魚蛋就覺得好粉。店名：龍輝山水豆腐花地址：大嶼山昂坪村60C地下

試食餐廳： 龍輝山水豆腐花（大嶼山昂坪村60C地下）寶蓮寺小食亭（大嶼山昂坪昂坪路寶蓮寺）美味指數： $13凍山水豆腐花（6.5/10）$38齋鹵味拼齋春卷（5/10）-上回提到昂坪市集的「掃街」之選，這回小女子與男友仔沿著天壇大佛方向走，離開了昂坪市集，穿過一座通往寶蓮禪寺的牌坊，隨了發現沿路有許多牛外，還有一些平民小吃店。其中一間小食店標榜山水豆腐花，從市區長途跋涉走到郊區，吃一碗豆腐花是常識吧！凍豆腐花已有糖水在内，男友仔再加了少許黃糖，冰涼的滑溜豆花加上甜味，份外清甜，正好作炎炎夏日的解暑食品。小女子認為此店的豆腐花比一般的嫩滑，之前在南丫島吃過山水豆腐花，覺得不及此店細滑。難得來到大嶼山，即使不是佛教徒，拜會寶蓮寺也是指定行程。男友仔說寶蓮寺齋堂的齋菜美味，可惜我們到達時已過了開放時間，惟有到齋堂旁的小食部尋味。我們試了素春卷與齋鹵味，春卷外皮香脆，但素菜餡不多；鹵味有五香齋、咖哩齋和甜酸齋，略縑醬汁未能滲入麵筋中。整體味道普通，不過來到寶蓮寺，茹素的重點還是一種清心的心靈活動吧！

第一次寫評語, 平時見到要寫200字先可以評分都會算數放棄唔寫, 但今次真係嬲到一個點, 一定要寫出黎提醒下人!黎到大佛本身都無諗住幫襯食肆一心諗住去食齋, 點知經過見到寫住生磨芝麻糊, 而家香港地都好少食到靚嘅芝麻糊, 見佢又係招牌食品諗住試一碗啦, 隨左芝麻糊寫住$15, 其他食物都無標價, 再叫多碟腸粉, 收$35, 一份腸粉原來要$20... 算, 我見入到黎又已經叫左, 先攞左碗芝麻糊埋位食等腸份..食第一啖芝麻糊就已經知中招, 一啲都唔係咩生磨, 一啲芝麻都唔會食得到, 喺超市買嘅都好過佢, 食緊嘅呢碗只係一碗黑色嘅糖水!跟住黎碟腸份, 唔知有無3條, 麻醬搵水開稀到係同其他醬撈唔埋!!! 真係第一次見... 最離譜係個甜醬係酸嘅! 唔係普通嘅酸, 係一陣變左酸'叔'味嘅酸! 希望行完個大佛唔使搵廁所...後尾先發現食品價錢係喺入面坐底食野, 唔行到埋去都睇唔到嘅地方... 淨係食左呢兩樣, 其他無試過無評語, 不過亦都唔會再比錢佢賺!

難得放假同朋友到昂坪遊玩，緊系要試下有名的山水豆腐花laa 經過朋友同屋企人既極力推介，就一嘗(龍輝老店)既山水豆腐花。真系無介紹錯，入口嫩滑，有豆香味!!一食就食左兩碗了。。好想再食，可惜太飽了。只能說龍輝既豆腐花系全昂坪最值一嘗既老店!! 貨真價實 價錢合理