龍門居小食店

Open Now

Now Closed

朋友話好食好出名，專程入去食。材料基本嘢，冇乜特別，都係木耳，肉絲等。材料份量亦都冇話特別多或少，正常。整體都大碗，碗碗都好滿。失望係個翅太杰，好似落多咗粉嗰種杰。朋友話以前唔係咁，希望只係一時失手。另外, 個魚肉係好食嘅，有煙韌感，感覺好多空氣，唔錯。翅我就唔會再比機會，但會想試下粉仔。價錢25蚊碗。如果成碗淨魚肉就底。位置喺正樓梯底下面，買完可以坐樓梯食，好干淨，好通風，人流都可以接受。周邊都有其他嘢食，不過就要等，建議先買個翅食住等好啲。

一碗粉仔有三份一係肥豬肉（冇炸過的肥豬肉大大舊的），夾埋超過十舊，唔知佢賣粉仔定係賣肥豬肉。以前街坊價十蚊一碗加到而家廿五蚊一碗，份量越來越細，絕對唔抵食！味道方面都仲可以接受。

呢檔野既翅由我細細個食到宜家，由當時既$10 加到宜家既$23，物價雖然貴左，但無阻我中意食佢地既招牌魚肉翅。入面除左主角魚肉之外，仲會有木耳、粉絲、肉絲等等配料...最後再落埋麻油、醋、胡椒粉。好食既配搭呢檔既翅係我食過龍門居咁多檔最好食既一檔。魚肉入面有蔥，食落吾會話腥，而且大大舊，彈牙之餘，份量亦多。另外，佢地既生菜魚肉同埋粉仔都好味，不仿一試。除左翅之外，呢個鋪仲有魚蛋、魷魚、雞腎等滷水小食

聽聞龍門居小食林立經過此店時 發現很多人排隊所以便跟著人潮 不妨一試生菜魚肉湯魚肉十分彈牙 湯頭當然是味精湯呀姐非常大手 每碗都盛滿魚肉此店還售賣粉仔、水餃和咖喱魚蛋等等是宵夜的好選擇

基本上係一碗冇料嘅上海麵 食到幾片好似麵筋嘅嘢， 有幾粒蔥，同埋菜脯…… 叫做粉仔其實係上海麵…… 20蚊一碗！問心下次唔會再食 好在加咗啲辣菜脯算係咁啦， 嗰啲辣味勉強幫我食曬碗粉

今日探親入屯門,見有少少肚餓去呢間野試下叫左一碗碗仔翅,碗翅勁足料,食得出有肉絲,蟹柳絲,粉絲,木耳. . .仲可以加麻油,胡椒粉果d,加左麻油碗翅勁香7-11果d翅真係拍馬都追唔上加上勁抵食,十幾蚊就有一碗仲有好多野食都好抵極度推薦