Video
3-min walk from Exit A2, Sheung Wan MTR Station
continue reading
Opening Hours
Mon - Sat
10:30 - 20:30
Sun
Closed
Above information is for reference only. Please check details with the restaurant.
近幾年好流行去日本🇯🇵買日式芝士蛋糕做手信，我都係其中一員🤭🤫 雖然價錢唔平，但送禮就好得體，點都會買翻一兩個翻香港同屋企人分享！今日就黎左呢間Luna Cafe ，試下佢地既日式芝士蛋糕🍰 .佢地既蛋糕標榜所有原材料都係黎自北海道，包括牛奶🥛同雞蛋🥚，跟足哂北海道富良野既做法 ！而且無加防腐劑、人造糖同增味劑！咁就食得安心啲😌.Luna既意大利文係月亮🌜甘解！餐廳既裝修簡約，位置唔多！我地見門口仲有三個人坐係道傾計飲嘢，所以一心打算堂食，但當我地想坐低個一刻，店員就話要清潔，無得堂食😅 不如下次take order個陣話聲俾個客知🤔 不過唔緊要，我唔介意做企街😂.📌原味雙層芝士蛋糕 $45其實有好幾款味道都想試下，今次第一次就小試牛刀，試下個原味先😌 呢度每件蛋糕都小巧精緻，蛋糕表面既蛋糕碎做得好細緻，好似木槺雪花甘❄️ .蛋糕分左兩層！上層係馬士卡芝士，比較輕身，入口軟滑！下層係芝士味濃郁既忌廉芝士，挺實得黎唔會過硬，兩層芝士質感上有明顯既分別，一啖就食到兩個口感層次！但口感仍然細緻柔滑！整體味道平衡得幾好，甜度適中，唔會太甜! .總結來說，價錢略貴，份量少，芝士味唔太夠濃🤔 但一試無妨!
continue reading
已經食咗這間蛋糕店好幾年，越食越貴，越細條。$133瑞士卷，用北海道牛乳cream做的。Size和一般出面蛋糕店的瑞士卷的一半。味道方面: 蛋糕的濕度都OK，好moist. 甜度都可以，不是太甜。
continue reading
今天試下來一個西式tea set.平時行過見環境不錯。一入店內，店員超有禮招呼。這個$65 tea set 很超值。看過openrice 後和朋友選了限定的開心果芝士餅及經典的檸檬芝士蛋糕。咖啡也有很多選擇。看見店的lunch set 也很吸引日式及中式都有，下次一定要再幫襯一下。蘇坑街也有很多食品，但是平日人流比較靜。這裏衞生也很好，有洗手間及叉電可租用。open kitchen bar 感覺很好。是和朋友傾談的好地方。
continue reading
小弟呢類返寫樓工嘅人，一啲餐廳只有閒日下午時段推出嘅優惠，就一向無福消受。不過，今日唔同喇，平安夜有得早放少少，所以，收工就走過嚟上環嘅「Luna Cafe」嘆個只有閒日先有嘅下午茶蛋糕套餐，享受一下閒暇嘅時間。加上喺平日，光顧堂食嘅食客唔多，讓小弟獨個兒更享受自在嘅空間。「Luna」嘅雙層芝士蛋糕晌多年前都食過，不過，佢哋嘅Cafe就第一次幫襯。而晌門口，就大大個水牌介紹佢哋嘅下午茶套餐「Cheese Cake Set」（$65）：任何一款口味嘅Luna北海道雙層芝士蛋糕 + 指定嘅冷熱飲品，比起散點慳到廿蚊左右。雖然餐廳嘅地邊唔大，但因為過咗午市好多，又喺閒日，所以，餐廳內十分寧靜，偶爾有一、兩客訂咗蛋糕嚟取貨，真喺嚟堂食嘅，就少之有少，加上裝修簡約明淨，故感覺更舒服。除咗近門口一排對街景嘅窗口位之外，入啲仲有幾張面壁位，以及一大張共享大枱。而枱上擺咗盆黃色小花作點綴，令人心情都會唔同啲。走到餅櫃前，睇睇有咩款式，除咗一啲恆常款式外，亦有啲期間限定，是日所見，就共有8款口味，小巧精緻。所有原材料嚟自北海道，跟足北海道富良野做法，標榜當地風格嘅芝士蛋糕。而枱上，亦有張卡仔，簡單介紹一下各款芝士蛋糕嘅特點。經典檸檬芝士蛋糕其實好幾款都喺心水，例如血橙、炭燒咖啡、雪森林朱古力，不過，最後揀咗經典檸檬，只喺想食得清爽少少而已。而蛋糕放晌深藍色餐碟上，並以糖霜灑上店名Luna及月亮嘅圖案，因為Luna就喺意大利文「月亮」之意。如果細心留意，就睇到蛋糕分為3層，最底層喺薄薄軟綿嘅海綿蛋糕，中層就喺濃香細密嘅忌廉芝士，而上層亦佔較大份量嘅就喺鮮檸檬果肉混合馬士卡邦芝士所做成（註：馬士卡邦芝士Mascarpone，我個人較喜歡譯為馬卡風）；因為馬士卡邦芝士本身芝士味唔重，故檸檬味非常突出，酸香清新，而且，質感細緻柔滑。一口過食晒3層，正所謂雙層「芝」味，雙倍滋味。鮮奶咖啡雖然朝早早餐已飲咗杯自家滴漏嘅靚咖啡，但嘆下午又點可以唔搵杯咖啡嚟襯吓，鮮奶咖啡更喺小弟至愛。心諗佢哋主力喺賣蛋糕啫，但啲咖啡絕不失禮，個拉花拉得線紋細緻，而且，入口好均勻，喺撞奶泡嘅手勢同功力，兼且咖啡味醇香細膩，唔輸蝕得過比啲咖啡專門店喎。好難得晌平日可以咁悠閒享受一般下午時光，一邊食住蛋糕，一邊嘆住杯咖啡，仲可以整理吓思緒，諗諗來年嘅旅行大計。
continue reading
這間餐廳位於我公司附近，經同事極力推介後，我跟她決定在lunch time 時候試試這間餐廳的lunch。我們點了lunch set，包餐飲。我同事點了青醬雞肉意粉，我點了雞扒糖心蛋飯，賣相不錯，雞扒很香，味道亦不錯！本身想試原味芝士蛋糕的，但店員告知原味仍未解凍好，所以最後我們點了兩款芝士蛋糕（只需加$48便可），分別是檸檬及血橙。檸檬味很突出、清新、完全不會覺得很濟。對比血橙味比檸檬味比較淡，但都不會濟，很 creamy。
continue reading