101台式休閒餐廳 (青衣城2)

Open Now

Now Closed

一行4人坐最入既卡位，舉手舉左5分鐘都冇人理，眼見樓面行緊4、5個 唔知佢地玩乜野。好耐之後有個藍色恤衫 類似大位過嚟落單，睇咗佢名牌副經理T字頭，一開頭佢部機可能開唔到就轉左手寫落單，叫左4個餐跟野飲2個小食，其實得好小野唔明點解身為大位可以落得錯單，落完單之後覆單係基本啦，點解大位可以唔識？落完單又急住走懶有型！叫豬大腸黎左台灣腸！出餐算幾快既，我叫黑椒薯仔牛柳煲但係嚟到嘅就係牛肉片！之後我再睇吓張單啊副經理係冇落錯呢樣嘢嘅，你哋咁大間公司牛柳轉牛肉片慳得幾多錢？完全係欺騙消費者！就係慳果幾蚊以後永遠都唔會幫襯呢間垃圾！不過有嗰句講嗰句個蕃茄湯底係幾好飲，除咗呢樣應該冇任何優點。

今天在青衣城食牛餐，現在的物價高漲，大部分的餐廳都要60 70元以上行了個圈去了這間台灣餐廳，叫了個蕃茄雞扒手工麵$48 加了杯凍飲$5食物質素出正常，青衣城來說也算便宜了

今日同男朋友去完迪士尼，仲係下午茶時間，就嚟咗呢間試吓，雖然下午茶份量比較少，絕對係唔夠飽，但佢勝在杯嘢飲夠大，又可以坐得舒服。💛凱撒沙律配雞翼份量方面就相信都唔使講，自己睇圖😂真係純粹叫做食啲嘢。沙律同埋雞翼都相對普通，唯一做得好嘅係溫度適中，不過都係建議大家試其他菜式比較好🙈💛朱古力麥香杯嘢飲反而幾好飲！瞬間覺得抵咗好多差唔多都有出邊手搖咁大支，好勉強先飲得晒😂朱古力入邊有啲類似燕麥嘅粒粒，係一杯幾有特色嘅飲品，大家可以試吓～

呢間餐廳嘅野食份量比較細，尤其係男仔可能唔太夠飽肚。不過，佢哋嘅價錢相對比其他餐廳都算夠平，如果你係想食過之後唔會咁傷荷包，呢間餐廳must係好選擇🤣🤣另外呢間餐廳午餐時段會有小食套餐，估唔到佢又唔算好貴（but賣相真心講唔太吸引）🐒至於嘢飲方面，我覺得一般般啦，冇乜特別🤔️but抵讚嘅係佢哋嘅台式飲料選擇有好多如果你係台式飲料控，呢間餐廳一定可以滿足你

晚上唔知食咩好，是但入左依間，叫左個香辣牛肉麵同埋珍珠奶茶，另外就叫左個一人餐，都係香辣牛肉麵，花枝丸，同埋個水果茶。牛肉麵我覺得不過不失，牛肉都算多，而花枝丸真係唔錯，但水果茶飲品真係麻麻地，味道有點怪🤨🤨整體嚟講如果一個麵加飲品$60算是不錯了

食物ok 但入店用餐，女職員好像很不滿意。女職員一直黑我們面，很像寧願沒有生意似的。如果可以一直沒客人便可以輕輕鬆鬆下班吧。本來店內沒有什麼人用餐，我們入內後女職員隨即不滿。一直大力放下碗盤。但我們並沒有逗留到超過營業時間。因為我還要叫外賣，我還怕阻礙廚房職員下班，早早叫了外賣。但其實他們9:30才last order。男職員態度還好，但女職員像趕客似的。同行的朋友也問我為何女職員那麼的態度。就算食物再好吃，也吃到背脊骨落。問女職員有沒有熱水，女職員也說沒有。其實我自己斟水也沒有問題，她一整壺拿給我我也不介意，為何要說沒有？肉燥飯的味道不錯香辣牛肉麵十分好吃但飲品方面不用少甜 少甜的話味道略淡小食一般 可以不用叫

好多朋友去咗台灣,自己冇得去,喺香港食台灣嘢當去咗旅行😅台灣古早牛肉麵🐄🍜碗麵牛肉分量都幾多,煮得非常之淋,湯底係濃郁嘅牛湯,但係蘿蔔唔夠入味,好彩冇渣,可能煮得唔夠耐！麵質硬度適中,啖啖肉,到最後都食唔曬雞扒炸玉子豆腐肉燥飯「我轉佐手工麫」有半隻蛋,有啲菜件雞扒都算大塊夠厚又有肉燥,都幾豐富不過雞就乾乾地,厚實實唔夠味及香口,味道正正常常,只是玉子豆腐有些失望炸到油冧冧餐飲加$9叫咗芋香珍珠🧋同埋士多啤梨牛奶雪香🍓🥛總括嚟講不過不失😅

早餐食了特濃沙爹湯沙爹牛肉公仔麵拼牛乳炒蛋,牛油厚多士所謂的特濃其實只係字面上的 個湯很淡很淡 完全食唔出有沙爹味….個炒蛋和厚多士正常, 餐飲熱奶茶…. 也不好飲…. 飲了一半都沒到就放棄了….應該不會再幫襯了…..講真的。。。第一次食到咁難食嘅港式早餐。。。

Intro: 青衣城有一間食得落又抵食嘅餐廳只得一間，就係101台式休閒餐廳，上一次就揀左豬扒肉燥飯同珍珠奶茶，今次就試下佢地嘅拌麵同蕃茄麵啦！（晚市要加一）___________________🍽 香烤七味雞翼麻辣麻醬涼拌麵💰 49 ⭐️8.25/10✍🏻 麻醬拌麵真係好香，每啖都有麻醬香，而麵嘅口感好彈牙，好適合做拌麵✍🏻 雞翼落左味粉少辣好惹味，皮都煎到好脆✍🏻 美中不足係青瓜絲唔夠，口感更爽就好🍽 鮮蕃茄豬扒手工麵💰 48 ⭐️8.25/10✍🏻 豬扒真係好大塊仲好厚肉，同飯類豬扒嘅大少差好遠✍🏻 豬扒幾冧易咬開，醃得好入味，仲可以連埋骨咬✍🏻 手工麵好掛蕃茄湯，仲可以一束束咁食，麵條唔易斷開，係一種好特別嘅麵類✍ 蕃茄湯濃度適中，仲會飲到粒粒蕃茄湯，仲帶點甜，個人認為都係唔錯嘅蕃茄湯🍹柑桔檸檬💰$5加配 ⭐️8/10✍🏻 野飲都幾大杯，仲有一片檸檬✍🏻 叫左少冰少甜，酸甜度真係岩岩好，清新又開胃___________________🏠 101台式休閒餐廳📍 青衣青敬路33嘅青衣城二期地下G30地舖⭐️ 8/10___________________

公眾假期，在青衣城覓食不易的，所以行遠一點去青衣城二期。101這食店有多間分店，見到餐牌選擇多，有飯、湯麵、拌麵。價錢亦由五十多元至七八十。既然咁多選擇，入座才揀。蕃茄、咖哩，都不太想。未食過三杯雞，就一試，叫埋應該正常不過的珍珠奶茶吧！埋單$53，平吖。落單後，很快就上菜。講真，一送來是失望的，賣相一般。不過想下價錢及望真啲，有菜、肉、豆卜、半隻烚蛋同肉燥，其他算不錯。試吓雞肉，有啲鞋，不過個汁出奇的好，令人開胃，伴飯不錯。肉燥也不過鹹，白飯略為過軟淋。因為汁開胃，很快KO了成碟飯。最遜色是珍珠奶茶，滿心期待這應該好正常😮‍💨⋯⋯珍珠質地過軟，沒有味道。奶茶如水一般的淡。如果想在青衣城找平的，可試這，但不要對質素太高期望。

Intro: 青衣雖然冇咩地方行同搵食，但青衣城總有一間值得去食，而呢一間主打平價台式套餐，50蚊已經包一個豬扒肉燥飯，加多$5蚊可以加配台式飲品，呢個地段仲有呢價錢真係好難得，而呢一次就揀左豬扒肉燥飯同珍珠奶茶～（晚市要加一）___________________🍽 醬汁香茅豬扒肉燥飯💰 47 ⭐️7.75/10✍🏻 豬扒嘅香茅味唔算重，薄左少少，但好鬆軟同醬汁好夾豬扒嘅味道，煎得幾鬆軟✍🏻 肉燥嘅味道都唔錯，個人都好鍾意隻嘅硬度，但今次肉燥嘅份量比較少✍🏻 呢半隻蛋比較硬同冇乜滷水味，雜菜好硬🍹珍珠奶茶💰$5加配 ⭐️7.5/10✍🏻 叫左走甜都飲到奶嘅甜味✍🏻 茶底唔算濃，唔突出✍🏻 珍珠同坊間一樣都幾煙韌___________________🏠 101台式休閒餐廳📍 青衣青敬路33嘅青衣城二期地下G30地舖⭐️ 7.75/10___________________

最新update 食雞扒飯塊雞扒中間唔熟我食左呢間幾年，由一開始日日食到而家唔趕時間都唔食，以前班人服務好，有笑容，而家果啲得過且過，見到人當見唔到野食野飲愈來愈差，直到今日塊雞扒都唔熟先忍唔住留言

同事極力推薦呢間餐廳嘅火鍋，等我今次特登去青衣城試一試先😝😝1️⃣夏日的麼麼茶（+$10）其實係果茶嚟🤣茶底味道清新，而且唔係好甜，見到有水果粒又食得，唔錯！攞嚟配火鍋幾夾🥰2️⃣盆栽朱古力珍珠（+$10）上枱時覺得真係幾似盆栽😍而且好多Oreo碎喺面睇落都幾壯觀，打到卡👍🏻🤪而珍珠粒就有啲一般，唔好期待好似台式飲品店嗰啲咁好咬口😀不過加$10嚟講真係好抵🙌🏻🙌🏻3️⃣麻辣三杯雞小火鍋（$80，另加$3渝川麵）三杯雞嘅雞髀肉真係好滑🤤🤤又大大舊好有肉地😋而且有酒味，味道唔錯👍🏻麻辣湯底食落都幾辣，飲果茶就好啱啦🤩配料好足！！有大量椰菜、台式香腸片、豆腐卜、魚片、雲耳、粟米、蕃茄～有大鍋！！食咗好耐🤣🤣而渝川麵係粗麵嚟，所以食落特別飽🙈口感煙韌👍🏻配麻辣湯底係幾夾👍🏻4️⃣沙茶牛肉小火鍋（$80）同三杯雞嘅配料基本上係一樣，只係湯底轉咗沙茶醬，甜甜地咁。另外牛肉片正常發揮，牛肉份量足夠😌配新竹米粉，米粉吸晒啲沙茶湯底味，幾濃幾好食🙌🏻5️⃣美國肥牛片（$8）$8有大概4片 ，但無論湯底係麻辣定係沙茶，牛肉片都吸唔到湯底嘅味，🤔🤔食嚟食去都係得牛肉味，所以唔推介🙈📍總結：-大推三杯雞🙌🏻🙌🏻雞髀肉真係超級滑-

由於返工必經青衣城，想食台式野時101就會係我嘅首選，首先要讚一讚，疫情期間全場枱與枱之間都用易拉架隔開，食得安心之餘亦多咗一份私隱度。套餐已包主食、小食及飲品，大部分$80有交易，今次我就揀左牛肉麻辣麻醬拌麵+鹽酥雞+珍珠奶茶，先講講拌麵，無論麵同牛肋條嘅份量麵好有誠意，牛肋條有小許乾但就好腍好入味，拌麵麻香十足撈埋青瓜一齊越食越開胃，鹽酥雞就正常發揮係賣相差啲啲，而珍珠奶茶又係以份量取勝，珍珠多到可以當甜品咁食。

💛良心美食沙漠既青衣都搵到一間好質既良心舖，仲要完全無辜負專門店呢幾隻字！嗌左一個豬扒肉燥飯，一個台式牛肉麵，跟2個小食(揀左手撕雞同台灣腸)，再跟2大杯野飲，價錢$200有找👍肉燥飯唔似坊間又老又死甜，第一次係香港食到呢個味，大推！豬扒亦唔老唔鞋，高質😋牛肉麵(無影相)就麵質，湯底都肉既質量都好好，而且份量都唔少😂手撕雞撈埋胡麻醬就夠惹味開胃台灣腸就最普通炸完偏油跟餐野飲都幾大杯，而且足料夠味唔會太淡！會再試邊爐🤤