Video
3-min walk from Exit C3, Mong Kok MTR Station
continue reading
Payment Methods
Above information is for reference only. Please check details with the restaurant.
好鐘意食呢間既蠔仔泡飯，湯夠熱啲蠔又夠大隻，有一兩隻咬落去會爆汁咬親口，湯底我覺得好惹味wor，連埋啲肉碎吞超正，可能我重口味😂店員態度親切，不過唔知點解係要用發泡膠不過好似年代久遠啲果餐具，每次食都覺少少唔環保。客人要坐舖外對坐馬路，接受到都幾有風味既～但佢加價加得好快下，由上年5字頭人食到衣家$68，但份量好似仲少左，我一個女仔食都唔太飽，考慮下加大份量la haha，加多啲飯比我食飽都好丫haha😂
continue reading
119大口銀針粉位置旺角山東街盡頭，位置算偏僻，幾難揾。餐牌就是貼於店鋪外，選擇不算多。廚房一眼看去，簡單爐具，衛生還好。一睇價錢就覺得有點誇張，$63碗蠔仔泡飯。$39細銀針，加底加$10。小店黎講標價好高。心諗咁貴應該好食既，就決定試下。先講下銀針粉，配料偏多，味道好咸。味道感覺好多雞粉咁，失望。蠔仔泡飯，價錢$63。蠔仔腥味，味道十分咸，都係好重雞粉個種味。真係食左幾啖就無食。其實好少咁失望，但價錢貴又味道如此。
continue reading
之前聽我個fd話旺角有間野食銀針粉而且都ok , 因為細個時都幾鍾意食銀針粉，所以想懷念下d味道，見今日得閒就走去搵下呢間野(位置都幾難搵下)，後尾都終於搵到，咁坐低叫碗粉嘞。。。。食完之後俾錢，因我個fd之前同我講廿幾蚊碗，咁我就以為仲係28蚊，跟住俾錢，點知個老細話40蚊碗(其實都有d怪自己無睇清楚)，如果早知呢個價錢我就唔會食，因我個fd都係兩，3個月前食，所以無諗到咁快加價，仲要加成7蚊咁多，即35蚊碗，仲要因為年尾呢d藉口加多5蚊，total收人40蚊碗，無野吖麻，你一加加到35蚊碗，我算，因為唔會有下次，仲要借d2加多人5蚊，真係有冇搞錯，憑咩呀？而且應該要事前就要同人講加多5蚊吖(况且又唔係新年假期間)，碗野又唔係真係好好食，只不過係普普通通，d什餸完全無味道，所有野只係配落一個雞粉湯同大量麻油到，而且份量又少(餸料同粉都好少)，40蚊食碗咁既野，早知去食個飯好過~
continue reading
記得小時候，銀針粉是一樣非常普遍的食材，到處都能見到它的踪影，炒銀針粉亦是茶市的其中一款常見食品。但時至今日，銀針粉竟已是難得一見了。早前聽聞有間專賣此小吃的店子；怎料去到已關門歇業，認真失望頂透！當得悉新舖在山東街再次開業時已急不及待到訪；回味一下兒時的味道。店舖非常細小；四四方方，就如圖中所見，座位只有大約十個八個的分佈於店子外圍，內裡便是廚房，再多人可能便要立食了。今晚人手只有兩名，人龍卻是不斷；當中大部分都屬外賣。原來今晚才是正式開業（之前屬試業），所以只有少量食品可供選擇。大口銀針湯粉（＄28）～ 配料有銀蝦乾、東菇、魷魚、魚片、肉片及蔥花，銀蝦的蝦乾香味非常濃郁，與東菇是無敵的組合。聽店主說肉片是新鮮貨，也的確吃得到肉的鮮味，可惜肉質有點過熟。今晚的主角銀針粉，煙煙韌韌，很是滋味，惟吃着吃着便感到湯底有點過鹹。神級炸雲吞（＄36）～ 這道小吃確實當得起此稱號，雲吞皮薄而酥脆，豬肉及蝦肉作餡料，味道出色，最後要每人一碟才夠喉。上湯灼墨魚膠、蝦膠（＄45）～ 彈牙爽口，墨魚味不是太濃郁，蝦膠比較出色一點；湯底加入了麻油，雖然增添了香氣，但墨魚及蝦肉味就有點兒被蓋過了。星洲炒銀針粉 ～ 意尤未盡，見餐牌有炒銀針粉，想比較和湯銀針粉的分別，但老闆説材料不足，賣就無謂啦，倒是免費請我們試試順便給點意見；如此盛意拳拳，我們當然卻之不恭了。這炒銀針粉，配料跟湯的相若；只是少了銀蝦乾，炒過的銀針粉，表層焦香脆口，個人而言，更喜這個炒的版本；加入少量辣椒絲，更添惹味！二叔婆香肉絲 ～ 老婆喜辣，老闆特別拿出私伙給她品嚐，辣中帶香，果真不錯。
continue reading
第一次吃119大口銀針粉。老闆說山東街新店剛正式開業第二天。銀針粉好味，餸好味(有肉片，魚旦，冬菇，蝦米，魷魚，芫茜䓤），湯都好好味，好足料，服務好。消夜好地方。好快會再幫趁。
continue reading