119 Italio Restaurant & Bar (Moved) New Location

1月19朋友生日，咁啱搵到呢間餐廳名嘅數字同佢生日一樣，就Book咗呢間食西餐慶祝下。天多利烤雞鎚，睇到呢個覺得幾特別，食落酸酸甜甜幾好味，雞肉都好嫩。經典肉醬牛肝菌闊麵，闊麺口感煙韌，更有咬口，啖啖都係肉醬和菇嘅香味。居然有我地都鐘意食嘅乳酪芝士蛋糕，我就預先同餐廳預訂咗呢個作為生日蛋糕。朋友見到都好開心。咁啱我地果日係平日，餐廳無太多人，坐得好舒服，唔會逼又唔覺嘈。令我地都好放鬆，裝潢都幾有特色，又可以打下卡。

一直都有留意網上討論狗狗可以坐嘅餐廳但係旺角太子一帶我真係一直都搵唔到居然比我喺網上見到有人帶狗狗喺呢間餐廳食飯我放假即刻約埋朋友係試一試去到見到出邊已經坐咗人本身都以為白行一趟點知店員好好幫我地喺出面放多一張枱午餐價錢非常實惠選擇亦都好多我地點左卡邦尼意粉，味道不過不失另外在叫咗個雞翼...冇記錯呢份雞翼$100本來都覺得有啲貴，但係出奇地好食最後我哋叫咗個朱古力窩夫，嚟到嘅時候熱辣辣配埋中間嘅雪糕好好食冇諗過喺太子居然可以有一間可以悠悠閒坐低食嘢嘅餐廳以後放假可以多一個選擇

同朋友出開太子，本來諗住去飲返杯2杯先再搵地方食dinner。點咗2杯手工生啤，仲有買一送一優惠。呢度有幾款本地手工啤酒，都係香港製造，我飲嗰款味道Hong Kong Yau味道帶少少甜，好易入口，下次試下另外嘅口味，睇下啱唔啱飲。飲飲下見到個menu嘅嘢食都好似幾好咁，所以直頭決定喺度食埋飯，費事再去第度。脆皮乳豬係招牌菜，咁就要叫嚟試下啦，另外一個main course揀咗肉眼牛扒。乳豬個個都話食皮，但係其實呢度嘅乳豬肉都係上品，肉質嫩帶好多肉汁，份量啱啱好，過多就會膩。肉眼牛扒煎得好香，上碟時充滿牛肉嘅香氣，熟度偏向熟咗少少，如果可以再生返DD就perfect啦。

成日經過太子呢間119 ITALIO都見到一定有人坐喺門外食水煙，一直都對呢間餐廳好好奇，今次終於同咗老公嚟食，不過我哋就唔敢試水煙🙈入到嚟覺得呢度好有情調，設計好高雅舒適，平時應該仲有live聽！！我哋兩個都唔係好肚餓，所以淨係叫咗個Set Dinner-紅酒燴雞意大利飯前菜㨂咗凱撒沙律，估唔到碟沙律又幾大碟！啲蔬菜好新鮮好脆呀！個紅酒燴雞意大利飯嘅汁好濃郁，雞肉好嫩滑呀！！意大利飯軟硬適中，真係好惹味🧡🧡臨尾飲埋杯冰凍檸檬茶堅爽😆

流感肆虐 大家要小心身體 我身邊有好多朋友患上感冒 🤧 我同佢哋一樣咁唔好彩 中咗招 😷今晚約朋友去太子食意大利菜 🇮🇹 因為仲病緊 冇乜胃口 只係叫咗一個前菜 同埋一個主菜 連甜品都冇胃口食 確實有啲可惜 😔 -🦴🥪 🧄#燒牛骨髓配多士 ($98)好難得喺旺角太子一帶嘅小店 搵到呢款前菜 第一時間 點咗一份 等咗大約15分鐘就有得食 牛骨髓本身無味但肥美豐腴 一向有好多捧場客 我呢份牛骨髓就加咗蒜蓉嚟提味 再配埋三塊脆卜卜嘅多士 食吓一件又一件 D多士好快就消失哂 😝 又睇得 又食得 價錢亦相當合理-🧆#黑松露野菌意大利飯 ($138)未食個意大利飯 黑松露味已經撲面而來 令人食慾大增 個飯用咗大量上湯 芝士 同埋洋蔥餚製 非常有嚼勁 廚師落咗唔少心思順帶一提 即使係閒日 呢間餐廳都坐滿客人 如果你想去食嘢 最好先訂位 🗓📞餐廳唔大 只係坐得廿幾人左右 四圍掛上巨型嘅意大利油畫 遇啱星期五或者週末去食飯 仲會有店主嘅朋友客串 自彈自唱 🎤🎹🎶 氣氛好正 🥰🥳

我地行到攰攰地，於是就搵個地方坐低，又唔多肚餓，一人叫咗一個甜品和咖啡，坐陣食下嘢吹下水。下午茶時間去到，餐廳都幾靜，我地坐得幾舒服。我發覺佢啲甜品都幾平，雖然選擇唔多，但咁啱都有我地想食嘅。朋友揀咗法式焦糖燉蛋 $38，唔會太甜，口感順滑。 我就揀咗乳酪芝士蛋糕 $28，我就覺得好好味，酸酸甜甜，口感綿滑，呢個價錢嚟講好抵。咖啡就正常，唔係好識飲。Americano $28Hazelnut Latte $35餐廳環境令人好放鬆，燈光明亮，又有自然光，食物雖然試得唔多，甜品嚟講係抵食。一個下午茶五十蚊到可以hea一個下午，都幾好。下次會想嚟試下晚餐。

8.31大家歷歷在目，已經過咗足足四個月，仍然係無人知道到底發生咩事😅。。。去太子，除咗党鐵之外，其實仲可以搭巴士、小巴，又或者由深水埗／旺角行過嚟。呢晚我哋就嚟咗呢間位於太子基隆街嘅《119 Italio Restaurant & Bar》，喺煩囂都市裡尋找一個安樂嘅環境用餐☺️佢哋自稱係「Shisha Heaven」，又真係有幾枱都食緊，聞落都幾好聞。我哋就無試到，淨係試咗食物😛- Set Dinner #1 湯/沙律- Set Dinner前菜可以配湯／沙律，份量比想像中大：野菌忌廉湯一食落口，好重野菌味🤩，而且有粒粒蘑菇嘅口感，味道對我嚟講就鹹咗啲啲。凱撒沙律凱撒沙律醬好夠，沙律菜夠新鮮爽口🥬- Set Dinner #2 主菜 -Menu上面無寫，但兩款都係配咗海量嘅薯條🍟😂，反而主菜嘅份量就相對上唔多，CP值一般👌德國腸仔拼盤配啤酒汁BBQ豬肋骨 ($218)抵讚嘅係個豬肋骨，啲肉超易甩，夠入味又唔乾唔柴，veli good 👍 如果份量再多啲就一流喇！另外德國腸仔拼盤就係兩條腸仔切開一粒粒，唔知點解比較硬，但味道都okay，可以再比多啲誠意嘅！🤪鹽燒秋刀魚配牛肋粒、豚肉串燒

放假就係想輕輕鬆鬆, 朋友搵0左間CAFE, 我先去到, 下午茶時間人唔多, 店內有人彈結他唱歌, 我想傾計, 所以坐OUTDOOR, OUTDOOR 雖然0係馬路邊, 但唔係大街, 所以車唔多, 人流亦唔多,我幾鍾意呢0的環境。睇0左個MENU , OVERALL 都貴, 因無TEA SET, 單點個薯條要百幾蚊,最後點0左個肉醬意粉加少少錢可配 MOCHA, MOCHA 好大杯, 夠熱, 不過唔太香, 可能呢度係BAR都主要係飲酒聽下歌, 唔係我鍾意0既文青CAFE 之類。有0的意外0既係侍應係中年女人, 我估OVER 40 歲, 我仲以為呢0的地方只會請後生女, 感覺有社會責任, LIKE.

年尾聚會多，今日係同小學同學聚會。大家好耐無見，但見到都仲係無話不說。呢度嘅環境令我地都好放鬆，坐得幾舒服。裝修都幾有歐陸風情，就算好耐無見，但打卡影相嘅熱情不可少。叫得唔多，我地都幾細食，所以都唔叫得太多。意式蜆肉墨汁闊麵：蜆肉分量都幾多，墨汁有獨特嘅鹹香味，闊麵掛汁。唔錯。自家製黑蒜和牛雲吞 （4pieces of Ravioli, Truffle Cream Sauce,Cheese)：呢個和牛雲吞真係幾特色，聽侍應介紹話連皮都係自己搓架，皮薄得嚟又不失彈牙嘅質感，內餡豐富，肉質軟熟，牛味充盈。 

今日同同事嚟食晏，原來太子界限街一帶都有好多特色食肆，今次呢間餐廳都幾有feel，中午有食set lunch Menu，叫咗BBQ豬肋骨、卡邦尼意粉、同自家製黑蒜和牛意大利雲吞。上菜速度幾快，落單後5-10分鐘就送上食物。卡邦尼意粉醬汁調得唔錯，一碟細細份，配埋野飲就啱啱好； BBQ豬肋骨醬汁惹味，肉質唔鞋，份量夠，薯條炸得好脆好好食！至於自家製黑蒜和牛意大利雲吞，一碟有四隻，分量唔算多，但味道都好唔錯，肉餡份量啱啱好，蒜味出。飲品即叫咗Cappuccino同rose latte，飲品都十分唔錯，甜度適中味道香濃，餐廳靜靜地，好適合三五知己嚟聚餐傾吓計食吓嘢。

喺太子同深水埗中間都越開越多高級嘅西餐廳，呢間已經做緊聖誕節嘅佈置，都幾有氣氛，餐牌都係大路嘅西式為主，呢度就係今晚獨腳晚餐的地方。餐廳內有更多聖誕裝飾，有一個小型電子琴及咪架，唔知在節日期間係咪會有人表演啦？凱撒沙律的沙律菜新鮮亦帶有菜本身的甜味，份量亦適中。德國腸仔拼盤配啤酒汁BBQ豬肋骨係我最鍾意嘅菜式之一，有2-3款腸仔碎上，豬肋骨燒得淋，肉仍然Juicy 亦容易切，BBQ 醬唔會太鹹。炸薯條亦有水準。

Restaurant&Bar 通常都是晚上才會比較多人，想不到太子這間 119 Italio Restaurant & Bar 中午時份就已經開門我又剛好在等人無所事事，不如就先進去吃個悠閒午餐進去先映入眼簾的是一座巨大的水晶燈，既優雅又好有格調每張椅子都有一個小cusion，可能我太早來了包了場哈哈，裝演都挺舒服的墻身掛著幾幅大型西洋畫另一邊則有幾個偏中式的裝飾置物架，來一個中西合璧★★★★經典肉醬牛肝菌闊麵 $138肉醬份量非常多，肉味香濃，和麵攪和著吃完全不會乾身，十分juicy又彈牙車厘茄的份量也不少，酸酸甜甜非常清新開胃★★★★★窩夫雪糕三文治 $48我真的超推這間餐廳的窩夫雪糕三文治，甚至比外面的甜品店好吃吧！窩夫的蛋香十分濃郁，新鮮出爐的完全不軟塌咬感是偏香香脆脆的中間夾層的呍呢拿雪糕超厚一層！周邊還圍了一層脆脆粒和草莓醬搭配著一起吃又香甜又脆口，這口感我愛了！這麼好吃又大塊，才$48真的很划算119 Italio Restaurant & Bar整體評分★★★★地理環境★★★★服務★★★★食物★★★★價位＄＄＄

表姐忽然whatsapp我話佢去開九龍，問我有冇約人食飯，無就一齊食。我地都有一排冇見，食飯可以傾下計，啱晒啦！佢話去太子食，因為可以方便大家番屋企，咁我梗係無所謂啦。佢send個餐廳名俾我就知道係食西餐架啦。小食點了炸雞翼，味道辣辣地，香口我覺得幾好食。黑蒜和牛雲吞都好好食，雲吞皮厚薄均勻，口感Q彈。肉醬牛肝菌闊麵，軟硬度接近正宗意大利style，煙韌彈牙有咬口，肉醬味道酸酸地，配搭清新。留咗肚食甜品，見到有其他食客食芝士蛋糕，咁啱我又好鍾意食。呢款係偏鬆軟嘅芝士蛋糕，芝士味算濃，都唔錯。

係呢附近探完朋友順便係度搵埋野食先返屋企早兩年係同一個位置食過飯，估唔到今日已經易左手轉做119 Italio Restaurant & Bar唔緊要，睇個裝潢好似都唔錯，今日想食西餐，於是入去坐低由於胃口唔算太好，所以只係叫左一碟意粉同一杯熱朱古力原來餐廳夜晚會有LIVE BRAND，應該幾好氣氛意粉軟硬適中，掛汁程度頗高有濃郁芝士味道，唔錯食到我最愛既芝士味，胃口似乎有少少喚醒左見到隔離既食客叫左個窩夫雪糕三文治望落色彩繽紛，仲幾香添即時連我個甜品胃都叫醒埋不過我怕食太多夜晚個餐會食唔落，所以只係簡單叫左個法式無糖燉蛋焦糖面幾脆身，唔會過厚或者燒得唔夠溶燉蛋部份做得幾好，好滑溜，仲有明顯既雲喱拿香氣，呢個燉蛋合格有餘

湊左仔仔番學，又親呢個時段約下老公拍拖食個lunch!佢話向佢公司附近有間隱世餐廳，即管黎試下！~119ƖƬᗩᒪƖO~.餐廳有做lunch set緊係叫set lunch比較抵！我地2個叫左個湯黎飲，我就叫左個BBQ Ribs， 老公叫左個自選意粉-可以㨂一款餸，但如果想㨂多款都可加錢㨂！而個汁都有3款㨂，有忌廉🥛、蕃茄🍅、白汁🍾！麵都可以㨂架，有意粉、墨汁濶麵、菠菜濶麵！最終㨂左蟹肉白酒墨汁濶麵🍝.So far味道都唔錯，而睇餐廳內嘅setting夜晚會有live band🎹🎤🥁🎷🎸如果夜晚再黎的話應該都幾relax !