119 Italio Restaurant & Bar (Moved) New Location

同男朋友慶祝相識週年，想搵個靜靜地又浪漫既餐廳，最好又吾好太貴，又要近屋企，搵搵下見到呢間餐廳裝飾好別緻，帶點點浪漫氣氛，一於決定呢度食晚飯今日落微微雨，更加有情調晚餐有set dinner ,有散點每個餐有蘑菇湯同餐飲蘑菇湯好滑好creamy ,一粒粒蘑菇好有口感燒春雞皮烤得小小脆，雞肉好香好滑吞拿魚慢煮五花腩吞拿魚好厚，好鮮味，入口即溶五花腩半肥瘦，皮脆肉嫩，醬料調配得十分好配菜及賣相亦十分吸引對今晚十分滿足又開心

今日去左太子呢間西餐廳据扒,同埋飲返兩杯~我地首先叫左個和牛鵝肝多士,佢係漢堡來,而鵝肝上面有少少酸菜.味道唔膩,而且和牛好juicy.,加埋個脆既多士呢個好得.然後有蟹肉龍蝦汁雲吞,雖然份量比想像中少,但味道唔錯, 龍蝦汁味重,個汁有少少lobster bisque既感覺, 雲吞入面包住蟹肉,整體都係above average.Main course揀左個rib eyes, 外皮煎得好香脆,熟度亦都岩岩好由於唔係太飽既關係我地加左個安格斯牛柳粒,煮得幾腍身,黑椒味重,但唔算好辣. 今餐整體都好滿意!最後一提個啤酒有買一送一,下面呢個”係香港友”,而另一杯係菊花味啤酒.

向太子無無聊聊，睇下openrice有咩多好評嘅餐廳，就撞左入黎食。餐廳裝潢霸氣外露，中西合璧。靜靜地，好適合兩個人進餐！撞正時間仲有live band！餐湯係周打蜆湯。估唔列周打蜆湯都可以有驚喜！湯蜆味濃郁，蜆大隻，唔係非常重奶油味，但係有種好firm嘅口感。蝦多士蝦味好鮮，我覺得最重要係佢個sauce係 garlic sauce架，化解不小蝦多士嘅油膩感。Risotto 煮得岩岩好al dente，飯芯較細但明顯，向香港人要嘅軟熟白飯同正綜Risotto 中間attain 到一個equilibrium。墨魚海鮮汁味道濃厚。Sous vide 嘅豬腩肉非常滑，再之後處理一個香口外皮，雖然非常不健康，但我覺得心臟強壯人士好應該一試！鯛魚肉味濃。Grill 過嘅蔬菜都好味，特別想講下個Artichoke 好滑，無果層好粗糙嘅外層。下次病好左我都要試似下啤酒先。

放工又累又餓~又係同朋友一齊去搵好野食減壓既時候~呢間西餐廳位置不算太好搵，因此我認為是太子隱世既西餐廳!店面積不大，所以位置不算多，大概25人左右，另外還有一張室外位。因為多人來就一定要訂位啦。燈光偏黃，放工坐坐下有少少想訓著XD過左8點後人流就好多，好快就坐爆。餐點款式不算好多，但想試的款試就好多XD價錢有點偏小貴。先上既係頭盤，和牛鵝肝多士。請真呢個係成個MENU最吸引我既菜式之一，所以我十分期待，而且亦冇令我失望，4件多士有份量，和牛同鵝肝1:1用料冇輕手。一啖咬落去，鵝肝好快就溶係口中，油香加上和牛既咬口配埋多士脆脆既口感，成件事係完全停唔到，而且鵝肝上面放左店家自製甜甜酸酸既菜絲，化解左油膩感。直頭唔想同朋友share 自己隊哂4件阿。之後係經典肉醬配自家製黑蒜意大利面，上面有米紙網點綴，味道偏酸，寛條面有點硬，略為失色。之後係119招牌脆皮乳豬配蜜糖芥末汁，乳豬皮薄，肉好嫩，用刀輕輕切好易就分得開，連骨都好易切開，所以唔小心就食埋XD皮薄但未夠脆，肉汁好多，味夠唔洗點太多汁都好夠味。配上薯菜，份量滿足。對於女士，最後唔食個甜品又點算收尾。因為上面前菜主菜2個人分都滿足，所

平時比較少到呢一區食晚飯，今次朋友出推到呢間西餐用膳，食物具質素之外同菜單選擇亦相當豐富。同朋友分別選取一個晚餐套餐，先有凱薩沙津同埋周打蜆肉湯，清新的沙津，簡單配以麵包粒已經非常足夠，而周打蜆肉湯亦真材實料，用上新鮮蜆肉，令到整個湯品入口鮮甜。主菜方面有香煎帶子墨魚汁飯，同埋7成熟的西冷牛扒配鵝肝，同朋友一人一個餐，就最適合不過。前者帶子香煎後散發出海鮮香味，入口鮮甜無比，而意大利飯加入墨魚汁，每粒飯粒更吸引到墨魚汁的鮮味，絕對值得推介。而西冷牛扒配鵝肝亦同樣高質素，7成熟的牛扒保存著粉嫩肉身，所以入口亦夠晒嫩口，牛扒表面有香烤感覺，再加上燒汁更加突出牛扒肉味，更加唔可以忘記鵝肝，煎得嫩滑，入口滑喉無雜質。

長輩生日，找了良久在太子有什麼不錯的扒房慶祝，最終找到這間西餐廳。地方真心不易找，附近是不相關的車房等店鋪，不是上網找到資料的話完全不知道這邊有間西餐廳裝潢偏低調豪華，簡單的牆壁加上數幅西洋畫及水晶吊燈牛扒點了3成熟，質素的確不錯，廚師也是專業，擺盤有美感。不過牛扒的確比較細件，份量只夠不大食的女生食。而且價錢略貴，可以說食質素但不會吃飽。因為真的不夠飽所以再點一客薯條，即炸好新鮮，好吃不過都是價錢略貴

同學們聚會， 選擇了中間位置 ， 住香港九龍新界嘅人都方便搭車，喺旺角行街，然之後去咗太子食飯。這裏裝修不錯環境舒適😉😉， 主要係食意大利菜🍝🍟🥗。我哋叫咗以下食品：西班牙黑毛豬火腿🐷配蜜瓜 🍈 $128 火腿比較乾身， 不夠柔潤有渣， 味道比較鹹。 蜜瓜香甜爽口， 沙律菜都新鮮。意式蜆肉配自家製墨汁闊麵🍝🦑 $168呢個都ok， 闊面煙靭靭， 但部分蜆肉會有沙。黑松露野菌燒雞意大利飯🥘 $148味道普普通通， 都算ok。119 招牌脆皮乳豬配芥末蜜糖醬$278個人不太喜歡， 覺得太油膩。巴馬臣芝士黑松露薯條 🍟🍟$98物非所值， 只是普通的薯條， 覺得嚴重定價過高 😅😅窩夫雪糕三文治🍧🍨 $48乳酪芝士蛋糕🍰 $28總括嚟講， 環境很舒適，氣氛很好😎 。但食物性價比一般般😅😅， 見到openrice會有優惠，但因為是朋友埋單，所以不肯定有用沒有優惠。🤷🤷🤷只是覺得餐廳定價很進取。

位於太子基隆街的＂119 Italio Restaurant & Bar ＂裝修有格調，大門有氣勢，門口望入去有盞大大水晶燈被吸引入去了🤩Set Dinner $158🍽黑松露野菌忌廉湯有粗粒的黑松露和野菌打在一起，味道特濃香味撲鼻松葉蟹粉．海膽卡邦尼意粉分量較少，用海膽配卡邦尼意粉很特別，馬上升格不少，海膽撈在卡邦尼令意粉更滑溜更creamy紐西蘭羊扒配露絲瑪莉汁$258朋友仔叫羊扒五成熟，賣相吸睛🤩擺盤精緻配菜亦花了心思，羊扒很厚身，非常柔軟嫩滑，令人回味無窮西紅柚梳打 +$10西紅柚味酸酸甜甜很清涼🍹巴馬臣芝士黑松露薯條$98鹹鹹香香的芝士黑松露粗薯條，即叫即炸一陣陣香氣撲鼻，不用一會就消滅掉了😋

餐廳位置唔係Prince edward旺區，頗吊腳，有大型水晶吊燈，decoration 有特色，形成左喺呢一區有格調嘅餐廳.還有售買hand made craft beer。牛骨髓這道菜比較少有，很特別，加埋香蒜，塊多士又鬆脆，這頭盤選擇不錯骨髓呈啫喱狀有牛酥香味這度乳豬招牌菜需要些時間泡制乳豬皮又薄又脆而內裏肉質又嫩又多汁，好味，點埋個醬又會去左吾同境界伴碟的薯仔很好味嗰邊邊都脆嘅三文魚很新鮮加左檸檬蜜糖連埋洋蔥真的很可口

收工想同朋友靜靜地食餐飯，又想去啲就腳啲嘅地方，就決定去太子呢間小店。呢間喺鬧市之中算係環境同氣氛都比較適合傾計嘅餐廳。一去到門口見到手工啤酒買一送一，就二話不說同朋友叫咗一人一杯，然後再另外嗌多一個小食同兩個主食set。set包兩個忌廉湯，嘢食份量適中。手工啤酒幾特別，一杯叫Love Craft嘅煙熏味好濃，另一杯叫Hong Kong Yau就淡同甜D，兩杯都好適合女性飲，買一送一真係值得一試。然後叫咗三個嘢食，一個係煎蛋肉醬芝士薯條，上枱嘅時候熱辣辣，芝士半溶狀態，加埋煎蛋嘅半熟蛋黃同肉醬一齊食，好好食好夾！之後有蒜香軟殼蟹配香檳蜜糖燒春雞，軟殼蟹好脆好香，蒜味好突出，唔好咬落去成口都係油，燒春雞好滑，一D都唔鞋口，整體都唔錯！最後有松葉蟹粉海膽卡邦尼意粉，卡邦尼醬同蟹粉海膽都好夾，咸中帶甜，飽肚之選。無論環境、價錢、食物質素都性價比高嘅餐廳。

前排有個好朋友介紹我去間特色餐廳,對朋友所講呢間餐廳嘅大廚之前係五星級酒店做㗎～～～呢次真係唔食唔得！巴馬臣芝士黑松露薯條首先薯條揸得非常香脆！外面脆口之餘，裏面可以食到豐滿的薯蓉味道，再配埋黑松露變得非常香口，加上係剛剛炸起熱辣辣，真係一流，可能薯蓉非常足料嘅關係，食落肚非常有飽肚感，唔會係麥記果d好似食風一樣嘅薯條意式蜆肉配自家製墨汁闊麵自家製嘅墨汁麵非常彈牙，墨汁味重，蜆肉好新鮮，不過最值得讚嘅係有好多蜆肉呀，平時食呢種麵麵唔會有咁多蜆肉比你食，又新鮮又大隻，真係好難得119招牌脆皮乳豬配蜜糖芥末汁呢個菜可以話係呢間店嘅主打，入去幫襯嘅每一枱都會點呢個菜就知——掂豬手外皮不但香脆，肉質做到入口即溶，你會有種自己係咪食緊乳豬嘅感覺，再點埋特製嘅蜜糖芥末汁，將個味道帶去第二個層次，估唔到蜜糖同乳豬都幾夾

今日又同男朋友仔食飯啦！今日去左食西餐！我地叫左哈密瓜巴馬火腿，哈密瓜好甜，切成球狀 容易入口。火腿味道很好，不過略為偏薄。不過就係因為咁薄，所以唔會好咸。配合埋個蜜瓜甜，呢個配搭幾好。肉眼扒七成熟，生熟度啱啱好，入邊仲有少少粉紅色外面係脆脆地。肉眼扒肉質好鮮嫩，而且又多汁，再配埋個紅酒汁。好味黑松露芝士薯條，薯條份量好多而且係即刻新鮮炸嘅，仲有芝士味同黑松露味都好濃。推薦香港製造手工啤酒，揀咗一個重口味啲同埋一個比較淡味啲嘅。而我哋兩個都一致認同重口味啲嘅係比較好飲，過麥味比較重，而且仲有少少甜，女仔飲都好適合。

今日嚟咗太子一間特色西餐廳食dinner, 雖然環境唔係好大, 但係格局都幾特別, 大門係好高嘅實心門，有d懷舊感~我哋選擇咗兩個set dinner。餐湯係南瓜湯，creamy~黑松露卡邦尼意粉，醬汁濃郁，配埋少少煙肉，口感唔錯，黑松露味幾香，不過建議份量可以多番少少。牛三角肉配朱古力芥末，聽落都幾得意，從未試過牛肉配朱古力芥末。食落感覺又出奇地夾，牛有少少咬口，亦有油脂嘅牛香，推介！最後加咗錢要焦糖布甸，面頭焦糖燒得脆脆，布甸亦夠蛋香

某日心血來潮想吃西餐，剛巧又在太子一帶，隨手搜尋，就選擇了這家餐廳。一到埗，就已經覺得好驚奇，此店的門口，採用了類似平時睇古裝片衙門用的那種城門，別具心思，很過癮。入到裡面，店內環境都無令人失望，工業風得來又有點高貴，而且仲有點中式感覺，中西合壁。餐湯方面，是西班牙大蒜薯仔湯，整體味道都非常不錯，似模似樣，但是濃稠度方面我覺得可以更濃稠一點。意粉方面，硬度適中，不會太油膩，而它用的香料更是令人印象深刻，味道很強烈，我很喜歡。服務方面也不錯，服務員態度友善。唯一有點可以改善的，就是店內的冷氣系統似乎有點問題。

上網搵到間係太子既西餐廳🥰一入到去覺得環境同氣氛都好好我地二個人叫左二樣野食同野飲肉眼扒同意大利飯 味道都唔錯😋只係份量就好似小左啲主要都係enjoy個氣氛😆