13 Food Angel (Moved) New Location

呢幾個月黎嘅新寵！好鍾意黎呢間食早餐。小店黎，但佢地早餐真係好高質。店舖環境：d裝修都幾有feel啊！好多街坊都黎幫襯早餐！早餐基本係$38，有d食物要加錢...例如番茄芝士薯餅同燒牛肉。我就次次都叫太陽蛋，煎得好靚。蜜糖雞扒都成日叫，仲有炸魚柳都好嫩滑。如果好肚餓，仲可以加多個忌廉湯通粉。

第一次光顧，叫了個奄列窩夫下午茶餐。上菜速度不算快，因為整個餐精心製作，上菜時除了沙律，整盤都熱烘烘，吃下亦很美味及有驚喜。就連沙律油醋都十分出色。認定這間，可以做「飯堂」。最後必須要提的，這裡所有職員，就連廚師行過都面帶笑容，這不是一般餐廳可以做到，十分推介！！！

連我自備外賣盒佢個餐嘅presentation 都咁有水準 😍😍食物味道十分好 價錢又非常合理已經惠顧3次了👍🏻👍🏻👍🏻👍🏻👍🏻😋😋😋😋😋

呢間餐廳成日經過想食好耐,今日終於有時間入去試一試 。 落咗order 等咗5mins 同我講個餐無而換餐再等10mins, 喺有限嘅lunch hour入面簡直係一個惡號。中午時間15 個人，得2個人有得食，廚房煮唔切，令服務質素大大下降。食物方面, 豬扒大小適中夠軟,飯夠薄熱焗得夠入，飯心夠熱,用炒飯底，乾身。有色的洋蔥及紅蘿蔔,在顏色配搭上有諗過,菠菜用料鮮，用芝士混在一齊係夾的。湯係凍的tomatoes ,夏天啱飲，但原來係有熱湯揀的，佢無同我講， 麵包熱的，但飲完半碗湯先到。紅蘿蔔係斜切,色澤會好d而且不會軟曬的。熱咖啡水準都中上,跟嘅鮮奶係熱嘅,有心。餐廳不光猛， 用深藍色做主色環境 環境陰陰沉沉。整體食物都ok但環境服務真的有待改善。

每次想試這間food angel，佢都無開門。今日終於見到佢有營業啦！梗係即刻入去試下啦！座位不多，燈光偏暗，以藍色為主色調！看看餐牌，set lunch的選擇都有8至10款。套餐有跟麵包，湯和飲品，價格算是中位價。😀西蘭花煙肉忌廉湯- 好濃郁既煙肉味，忌廉味亦適中- 湯的濃厚度非常充足👍- 夠熱度😀雜菜湯- 同樣香味濃郁，有微辣- 雜菜口感豐富- 同樣夠熱度😜法式獵人雞燴飯- 醬汁微辣，味道普通- 雞件是雞肶肉，肉質滑- 飯質較硬呢，配搭醬汁入口較佳- 可惜醬汁不夠多😀黑松露忌廉汁焗意粉配炸魚柳- 香濃黑松露味，但沒有蓋過忌廉香味- 忌廉香味撲鼻，並且芝士拉絲- 忌廉及芝士味適中，唔膩- 意粉有口感，不會太淋- 炸魚非常脆口，有魚香，並配上特色沙律醬

係筲箕灣大道的一家餐廳去到座滿晒早餐cp值好高 38起 小編加6蚊要左杯cappuccino 咖啡質量叫做唔錯 而且份量好足 我都算大食 食完飽 而我個friend更加食唔曬 最特別就係可以食窩夫 十分脆口之餘 仲可以揀唔同味嘅醬 例如 朱古力 楓糖 一開始見到冇乜將醬擔心佢會唔甜 但係其實本身嗰窩夫都係甜㗎 佢脆得嚟又唔會太乾 唔鍾意甜都5使驚 可以食多士架！ 另外雞排（幾大塊）可以加錢轉自家燒牛肉 好多人叫 望落去似酒店D燒牛肉 好吸引咁 另外都有其他選擇 而圖中嘅雞蛋沙拉 蔬菜（ 兩樣都好食尤其沙拉 又多） 都可以轉其他野架 係咪好似自助餐咁豐富呢？

來了午餐，份量剛剛好。由湯至主菜都很好味👍😋明顯有花心思去烹煮出來的！南瓜湯好鮮甜！再加左小小奶入去 味道好配合 香滑！連伴碟的麵包也暖暖的好香同鬆軟。主菜的牛扒不過不失，但意粉口感很好和特別！原來是有機的！有誠意的小店👍但加一服務費就比較貴了

好耐冇係香港食過有心做食物的餐廳。我食佢的牛扒餐（lunch set）1. 佢個西湯真係傳統西式濃湯，加上佢自己的香草包，好食2. 牛扒的部位唔算靚個D，但我估佢係一大舊買番來整熟佢，用火燒再切一片片，食到牛個種香味3. 飲品超大杯，冇乜冰，杯用玻璃唔用膠，飲筒係鐵來。4. 牛扒配意粉的話，個意粉都係自製，硬度啱啱好，而且有D心機放，唔會求期pat係一碟上菜。有機會去呢區記得去試下，因為呢D餐廳係香港真係買少見少。

估唔到咁好食，價錢亦唔算貴。叫左兩個意粉，外賣，黎到仲熱既。一個茄茸大蝦，一個蒜片辣椒蜆肉，大蝦有成六、七隻，而且係新鮮蝦，呢點好多貴價餐廳都做唔到，手工意粉都幾彈牙，側邊配既火箭菜都非常新鮮好味，平時怕苦唔食既我都食晒。蜆肉我無食，但睇啲蜆都新鮮大隻，聞落好香，蒜片食落亦都香甜值得一提既係，香草餐包都好好食好香，應該係手造既餐湯同飲品都水準之上，以後一定會再食

裝潢有心思，同筲箕灣其他食肆唔同。叫左個黑松露菇手工意粉，本身以為好細份唔會夠飽，但 so far ok, 黑松露好香，上面啲火箭菜好好食！真心好少食到咁香既火箭菜，食完火箭菜先記得影相 😂手工意粉好煙韌，好味 😋友人食左豬扒薯蓉，佢都夠飽既，份量充足。不過豬扒有筋，但炭香味搭夠，好香。餐湯西蘭花忌廉湯，食到幼粒西蘭花，湯好 smooth 好滑，讚！hand made 面包夠 soft, nice牙簽仲係非一般牙簽，有心思值得 encore!

昨天晚上跟家人到附近的西餐廳食晚飯，因小妹想飲紅酒，但它們只有白酒或氣酒提供外，感覺上總是有點未如意外，整體味道算是還不錯的。其中最是欣賞的是那個豬扒（是梅頭肉吧）的醬汁，它們用的是西梅醬，非常開胃醒神。而除了鵝肝較鞋外，其餘味道也十分不錯，只是同行的家人嫌略鹹。略為不足的是水牛城雞翼的味道，辣味可以，但雞翼本身有點淡。服務員態度也很誠懇，頻頻換餐碟，非常不錯。若是我的話我會再來的，可惜家人感覺較差，他們未必會再來。😔😔😔

去咗幾次附近嘅西餐廳，今晚決定去另一間試試，希望同之前食嗰間咁有返咁上下水準。入到餐廳得一枱客人，因為我同女朋友先到，所以都習慣叫嘢飲先。都未決定飲咩時女朋友嘅父母都到咗。Drinks list 上有得飲嘅酒已經唔多，啤酒有3款，有普通啤、黑啤、白啤偏偏就係冇普通啤。雖然兩老對白啤麻麻，但由於黑啤唔係人人鍾意飲，相比下就唯有飲白啤。餐酒就只得白酒冇紅酒。喺飲品上唔齊嘅呢點要扣啲分。我同女朋友飲白酒，但就用香檳杯上，算。嘢食方面就叫咗龍脷意大利飯、牛扒、豬梅頭。另外小食就有水牛城雞翼、白酒青口、煎鵝肝。除青口太細、鵝肝過熟外，其他都偏重手。唔可以話差，但同上次同區嗰間比就明顯兩個層次。不過服務尚算唔錯，會同你換下骨碟、問下你餐後感咁，都見佢係有心經營嘅。整體評分只能夠講中規中矩啦。

早餐不過不失，餐飲轉"新鮮果汁"要加七元。"新鮮果汁"一般是指新鮮鮮榨/鮮打果汁就加了錢轉飲。點知擰轉頭就見到水吧倒芒果汁溝水，出到黎杯芒果汁得化學味，普通凍飲只是加三元，佢加七元仲要唔好飲

呢間西餐雖然開左一段短時間，但已經成為左屋企飯店，尋晚無飯開就同老母落左黎開餐餐牌不定時轉變呢到最吸引嘅地方係除左主菜之外，前菜亦一啲都唔求其，唔洗加一嘅set dinner 仲有焗蠔做appetizer, cp值高周打魚湯入口creamy順滑，自家製麵包麥味香有嚼口烘得香脆，焗蠔做前菜非常有誠意鴨胸肉味濃郁，鴨皮油香充足，配上朱古力砵酒汁甜甜地苦苦地嘅朱古力味襯鴨肉出奇地夾，美中不足係慢煮但肉質有啲鞋口，煎鵝肝有焦香不過唔算好厚，但呢個價錢有得食下鵝肝頂下癮已經非常唔錯另外侍應姐姐仲話遲啲二至日都有晚餐供應，唔係得五六日，有happy  hour可以約埋啲同事收工一齊黎總體來講 係一間非常唔錯嘅西餐廳 值得更加多人黎試

呢一間舖頭，鍾意就開門，唔鍾意就唔開門，你想食的時候佢未必有開門，你唔想食的時候佢就開咗門。今日瞓醒老公就建議去呢一間食啦， 可能今日運氣都幾好吖!有開門喎!入到去想叫的手打素漢堡冇曬，少少失望啦！咁就唯有叫龍蝦汁龍脷柳焗飯， 老公叫咗豬脊里肉。先嚟的係南瓜湯加兩片蒜蓉包， 蒜蓉包雖然脆口，不過好乾身好似過咗氣咁。 南瓜湯有一絲絲南瓜又帶有少少薑的香味，唔錯。龍脷柳飯黎到的時候，覺得佢只有一陣陣微燶的味道， 入口發現佢的芝士龍蝦汁再配上一口白飯，味道係好香。 不過如果只係單食飯，飯就冇乜味道啦!豬脊肉好腍，好軟身，好味道， 配上藍莓醬好夾，不過份量真係太小了。