Video
Exit B2, Prince Edward MTR Station, Exit B3, Mong Kok MTR Station, Exit D, Mong Kok East MTR Station
continue reading
Opening Hours
Mon - Sun
12:00 - 20:00
Above information is for reference only. Please check details with the restaurant.
係幾次朋友聚會到試過180 Popcorn之後一試難忘，可惜返工同居住地方附近都無分店。難得入左旺角，於是專登搵旺角分店買d返屋企。雖然未試曬所有味，但係比較鍾情焦糖味爆谷。令本人一試停唔到口之處，就係呢間既爆谷粒粒都好硬身入味，焦糖coating並不吝嗇。今次買仲咁岩買到鮮製的爆谷，真係好開心～～～遇著買一送一優惠，於是買左罐細的焦糖爆谷加送送一包焦糖爆谷（可以揀指定兩隻味道），可以返屋企wfh/煲劇時盡情享受😎
continue reading
🥮 #月餅節快樂 🌕今日要介紹一間 #豆氏一家 最近大愛既popcorn…由於G字果間水準不太穩又太過甜….早幾星期見到觀塘附近開咗 180度 🍿中意試新嘢既Vienn 梗係試吓啦仲洗問🙈😝呃盡都係 $38 … 每日即場炒爆谷！180度🔥高溫炒…仲要所有材料都源自美國🇺🇸非常之新鮮..而Vienn每個星期都買 🍿#焦糖脆脆 𝗵𝗸𝗱$𝟯𝟴入口鬆化,好𝗰𝗿𝗶𝗽𝘀𝘆,同平時食好實既脆好唔同,粒粒都有焦糖（冇𝗚果隻咁甜,甜到食多𝗱都膩）但𝟭𝟴𝟬度係冇咁甜,邪惡到唔經唔覺會隊晒一包😱🍿中秋優惠嚟啦🍿🍿今次買小罐🍿 即送1包細🍿🍿4款口味（有朱古力味/美式原味/芝味十足/焦糖脆脆）大家經過都可以買嚟試吓🌝 如果大家中意俾個like支持下🤟🏽 𝗖𝗶𝗮𝗼~🍿180 Popcorn (新世紀廣場) (旺角)🍿旺角太子道西193號MOKO新世紀廣場1樓141A號舖
continue reading
呢間爆谷店.越開越多，經過親都聞到香噴噴，最後忍唔住買咗一包爆谷黎試下，我揀咗兩種口味！我揀咗朱古力同埋芝士味，又甜又鹹，好過癮朱古力味非常好味，芝士味就似食緊芝士波波零食咁😂😂2隻爆谷其實都好夠味，不過食開甜嘢既我，都係會鍾意食朱古力味多啲，一開左2個人就一直食，食到停唔到口，有啲大大粒食落好開心，好脆口好正！下次可以試下其他口味食下食下，唔覺唔覺，一望得番咁少側面有個夾俾你食唔晒就夾返好，等啲爆谷冇咁快淋！下次要買包大既先夠過口癮
continue reading
▫️呢間爆谷店好似愈開愈多😯🍿 每次經過聞到都覺得好香好想食😍 今次見到有買細罐送細包優惠，咁岩同行有小朋友👧🏻 就送包細包俾妹妹慢慢食 (所以無影到細包既相🫣) 自己都唯有食細罐啦😌🍿 焦糖脆脆 + 海鹽牛油爆谷 $85▫️有5款罐可以揀，我就揀左深藍色星空主題😂 店員好nice，我問可唔可以mix，不過要多啲焦糖少啲海鹽牛油，佢都話ok無問題👌🏻 無嫌我煩😝▫️其實我原本想食朱古力味🍫 可惜當日賣晒🥹 焦糖好脆好香，食到咁上下覺得漏又可以食返海鹽牛油中和下🧈 真係一食停唔到口呀🤩▫️不過放到第2日就好似開始有少少淋，建議可以放雪櫃，咁就可以keep耐啲脆身既感覺喇✊🏻
continue reading
每次都會忍唔住講句：好香啊！對於呢種咁離譜既香味⋯我唔忍喇！《180PopCorn》係近年好受歡迎既爆谷專門店，選揀黎自美國既原材料，每日新鮮即場製作，以180度高溫爆出黎🔥（所以有名你叫）今次有三種味可以選擇：✨焦糖脆脆✨朱古力脆脆✨海鹽牛油（味道間中會有變動的，原本仲有一隻期間限定既味道，不過剛好暫停⏸️）今次我選擇咗焦糖脆脆同朱古力脆脆😋（剛好有優惠，買細罐朱古力，送細袋焦糖喔！）店員仲任我揀罐既圖案添💜焦糖味，經典！唔會太甜，超好食🥹朱古力味相比起會甜啲啲🤏🏻，但同時又帶有丁點可可既苦味，令成件事唔會死甜。兩者都好脆，糖醬好平均。邊個話食爆谷係睇戲既專利？唔覺唔覺⋯我已經一個人食左一半⋯
continue reading