Video
Introduction
以西方的飲食風格,配上獨特的烹調技術,創作別樹一格的藝術味道
continue reading
Opening Hours
Mon
Closed
Tue - Sun
12:00 - 14:00
18:00 - 23:00
Above information is for reference only. Please check details with the restaurant.
又到每星期返娘家嘅日子，首選此餐廳，今日特別開胃，所以加配松露磨菇湯，未到達檯面已聞奇香，雖然出面30幾度高溫，但難以抗拒此熱湯，上面的泡泡好明顯係剛打出嚟，味道淡淡才飲得出松露同磨菇嘅原始味道必食燒雞以往係本港穀飼雞，但今次為試食價嘅法國走地雞，目測份量細左，當然要配少許鹽吊出味道來，肉質跟之前的無太大分別，味道依舊美味。是日特別推介蜆肉意粉鋪滿大大隻花甲，忘記是甚麼香草，帶點點香草味道，可惜帶點油不夠乾身，味道還不錯。
continue reading
今次不是本咯第一次去此餐廳用餐，不過今次真的大失所望，點了一客午餐蜆意粉及一份安格斯牛扒，磨菇湯唔錯，安格斯牛扒唔香⋯ 淡而無味好似吃空氣，個賣相還可，成碟野有味道的只有薯菜，唔好怪我難聽咁講，牛扒真是我吃過當中的最差！再來是蜆肉意粉，冇汁，好像勉強把一碟蜆堆上意粉上，比起外面平價茶餐廳的碟頭飯還遜，飲品只是一般東西，所以不評論，。未幾有兩名客人竟然帶隻白色松鼠狗進入餐廳吃飯，我要強調呢間係室內餐廳，衞生條例是不可以譲狗隻入內（導盲犬除外），女示應視若無睹，真是令人儍眼了！
continue reading
倆口子在追月夜想在住所附近找間有點情調的餐廳用餐兼做節，在網上搜尋看到這家好像不錯，便前往打算walk-in碰碰運氣，心想反正附近也有不少餐廳，沒位也有其他選擇啊！小店桌椅不多，大概一同時只能容納20位客人左右，如果打算專程到訪，記得要預約哦！我們大約七時到達，很幸運剛好有二人檯。雖然是小店，但店內裝潢也算有心思，也不算坐得太逼夾，起碼客人可有私人空間可與親友輕鬆聊天。很喜歡這面鐘子上的裝飾牌：Sit long/ Talk much/ Laugh Often雖然有standard menu，不過店員（懷疑是老闆之一）會很熱情上前介紹today's special。本來想試standard menu上的黑毛豬鞍及周打魚湯，但當晚沒貨，所以便聽從店員推介，點了special的生蠔、魷魚筒飯、法式血鴨酥以及半熟帶子他他。👆🏻在澳洲嚐過即開生蠔後簡直驚為天人，只此在香港，就算在酒店點的也覺相差甚遠。但這半打的竟然有點驚喜，有點creamy，味道雖較淡但有回甘！可惜忘了名堂....👆🏻師傅送的燉蘿蔔，即使是贈品小食也有驚喜呢！👆🏻要給十粒星的半熟帶子魚子他他，拼上蘋果粒及車里茄及蛋沙律墊底，味道口感也有層次，而且不覺膩！👆🏻魷魚筒飯，魷魚筒內釀了couscous，配上蕃茄作調味，差點想追加籃麵包點汁吃...最後清晒碟！👆🏻法式血鴨酥，由於我不吃內臟，上面鵝肝交給相公處理。店員教他把血鴨與肝一起吃，會有味道的昇華耶！酥盒應該是用曲奇餅制成的，我吃到一點chestnut的味道，甜甜的，而老公則說是加了燕麥。至於酥盒內的血鴨肉有點乾，但味道也不錯啊！整體食物質素很好，環境也不錯！只是可能是小店經營人手有限，等食物上檯的時間較久，急性子的人要有心理準備啊！但如果想跟親友慢慢邊食邊聊天的，這家餐廳是不錯的選擇呢！另外，小店入貨可能不多，如果有心水菜式想試，也建議預早詢問啊！私心推介丫！
continue reading
又到生日又係禮拜日又唔想逼，就決定豪豪地食餐fusion 菜啦😝之前食過兩三次，都堅好食，事隔幾個月再幫襯，水準依舊👍🏻👍🏻可惜今日生蠔已比人訂哂😭餐廳門口會有些廚師推薦👍🏻睇個名都夠吸引啦😍墨魚汁配日本魷魚筒飯，$208魷魚筒內包墨魚汁飯，味道唔太濃，飯唔係一般絲苗白飯既感覺，似意大利飯細細粒咁，都幾特別，又唔會覺得漏野菌克森林燒安格斯，$298好好食呀，完全感受到廚師精心制作的牛扒，好juicy 有牛鮮味👍🏻👍🏻值回票價鮮果拿破輪😝😝因爲生日老公叫廚師寫咗happy birthday 😘😘想食呢間記得訂檯呀
continue reading
今晚食早場就七點食到八點半，如果食下場就八點半開始。因為我哋唔食牛，所以冇嗌到牛扒之類。每次來都叫佢d他他，例如海鮮他他、帶子他他⋯⋯佢d他他好好食！每次例牌都叫過白酒煮蛤，因為佢個汁好味，個蛤又鮮甜多肉鹽焗魚都幾出色，因為焗完之後，魚肉又嫩又多汁個黑毛豬扒，肉質鬆化。不過如果兩個人食就會覺得好飽因為好肥膩，四個人食就啱啱好一人食一兩舊！個雙墨意粉就廚師每日揀新鮮嘅食材煮，所以次次去都唔同。去食1981記得book位因為可能會full甜品有拿破崙、心太軟、同埋daily dessert 不過今次太飽無食到ps，廚房應該得一個廚師，所以出餸有啲慢，唔可以太心急。只可以慢慢坐慢慢食～
continue reading