1986地道越南餐廳 (東寶大樓)

Open Now

Now Closed

第一次幫襯這家越南餐廳1986，未點菜已經好乾淨的先用濕布抹枱跟著再用消毒紙巾再抹，坐了不久因想坐出一點要求轉枱，侍應不嫌煩非常有禮貌地幫我們轉枱，然後再介紹食物。點了生牛河及春卷等，食物水準也不錯，食到一半侍應再問包春卷的生菜是否足夠，如不夠它可以幫我們再添，期間更不斷自發給我們斟水，全程唔該前唔該後！今時今日香港飲食界和服務業，有這種服務態度真係少之又少，真心值得表揚！🙏🏻

因為朋友最近吃過後大讚，所以今午到來一試。我們二人一桌，後來店員見到桌面餸菜放得太迫，主動幫我們併桌，馬上坐得舒服哂😁！後來吃完春卷，店員又細心的送上濕紙巾，服務真的很好，非常貼心！👍👍食物方面，總體不錯，特別推介春卷、墨魚餅和招牌咖啡沙冰😋😋。春卷味道調的很好，還有足量的香草（有三種：九層塔、薄荷葉、芫荽），跟生菜捲著一起吃，好好味！。墨魚餅不是脆炸那種，軟軟的，裏面有墨魚粒粒，好吃👍。招牌咖啡沙冰，很香咖啡味，好啱香港人口味❤️❤️。北越椰汁冰咖啡，跟招牌咖啡比起來，咖啡不夠香，椰汁味不夠濃，個人還是喜歡招牌咖啡沙冰。。生熟牛河的牛肉不是薄切，夠稔。河粉可以轉為這種金邊粉，薄薄闊闊的，雖然沒有河粉滑，少少爽口，口感很特別，個人很喜歡，可以一試。這碗粉還附加一小碗蛋湯，很特別的吃法😆

基本上，我對越南嘢既印象，唔係撈濛就係火車頭但原來仲有好多野可以試，而係岩口味的。虎皮海蜇配青木瓜沙律好有驚喜，爽口又新鮮；仲有雞蛋黃咖啡，對我黎講甜度中和到咖啡既輕微苦澀味；而個包真係大大份，一個人食真係有點多🤭 另外個蟹膏海鮮粉，d蝦比起蟹膏未夠鮮味（可能蟹膏太搶味了）但大大碗真係好滿足。認真，疫情下可以堂食係開心的，下次試其他款，希望可以試到凍飲（雖然驚咳），我諗應該都會好地道好有驚喜呢🤭

我幾乎樣樣都試齊（因為係街坊，堂食外賣都方便），可以講係水準都好高不過你想食平價 “越南” （所謂）餐既話，呢間唔啱你，因為佢地唔賣垃圾，所以價錢同質素相輔相成牛肉粉個湯係濃郁得黎唔會太膩口，食完個粉全碗飲晒都唔會覺得滯豬肉撈米蒙有生菜香草，口感清新，同埋有兩粒肉丸浸住響汁到，幾得意蟹膏湯有D人可能會覺得鹹，但我覺得呢個本身就已經好有特色，食完粉會特登叫個白飯扣落去撈埋（老闆仲會自動問夠唔夠湯，唔夠可以加D）三文治就算攞到返屋企（五到十分鐘路程）都種脆 bok bok 同埋配埋個辣醬就更惹味春卷/蝦卷都係夠料同即製，所以雖然好簡單但係都 perfect喔，同埋收 懲罰Mee

能堂吃也點外賣因為在下很懶把這個重任交給”外賣小哥”😜送上海防蟹膏湯檬粉一份價值$68濃濃的蟹湯一球圓圓的蟹膏特別制造的香菜肉丸加入青檸和辣椒一碗湯粉就這樣合體完成微酸又帶清晰的青檸檬香味已經染到食物上進口感覺額外開胃2隻大大的肥蝦爽口又彈牙 蕃茄件有3，4件 不算是清甜但在濃湯之中也能嚐到蕃茄的味道薄切的扎肉 口感能與厚切比美把湯麵攪拌一下讓味道更加均勻濃郁份量不多不少有飽肚感又不會讓人感到太飽如是跟朋友一起用餐大可加點一款小食連外賣都能做得好的店深信堂食會更出色👍

叫咗個海防蟹膏濃湯飯，一黎到圖文不符，外觀唔好都算，一食落肚，又淡又腥又難食，話有肉丸，點知原來得啲肉碎仔，又難食又唔係平，真是一個非常差的經歷，不會再幫襯！！

招牌生牛肉河粉$68 湯：清甜, 唔油膩 生牛肉：生熟程度ok, 口感好好,份量足夠高湯半熟蛋 ：店員話可以攪拌後直接飲或點牛肉用, 但個人認為隻蛋可有可無🤣海防肝醬小法包$363條小法包 要襯熱食 第一次食肝醬 原來好夾法包 海蜇扎肉沙律$48酸酸甜甜 好開胃 成碟清哂 上次試過牛油果沙冰 唔錯！😍不過有啲碎冰可以再攪勻啲總括Menu 唔多選擇但勝在食物質素唔錯, 係一間性價比幾高嘅pho味道：8/10服務：9/10 服務態度好好！環境：8/10 新淨 整潔性價比： 8.5/10 （無加一）

今天晚上在1986越南餐廳買了一盒什錦飯和一盒撈檬粉，折扣後大概一百蚊。完全係好難食！仲衰嗰啲38蚊兩餸飯！ 以後一定唔會再幫襯！ 飯裏只係得一隻小雞蛋，一隻三分一雞翼及些少肉絲！ 撈檬粉只有蛋絲和花生，完全冇感覺到有任何肉類放在裏面！嗰兜撈檬湯咸到飛起！ 都唔知自己食咗啲乜嘢！

是次來到土瓜灣區，想吃一點有湯的食物，於是無意中發現這一間越式小店👍🏻當天點了三樣食物。海防蟹膏濃湯飯 $78用蟹炮製嘅濃郁湯底，相當可口，湯底飲落去之後唔會口渴，而且蟹膏味很香。湯飯入面配有肉碎、蝦、白飯上面亦有少量蟹膏，平時不太吃澱粉的我們也破戒了，伴着香濃的蟹湯，實在美味。店員更問我們會否加一點濃湯配飯，服務很細心☺️招牌生牛肉湯河 $68湯河配以流心蛋，流心蛋伴以濃郁嘅牛骨湯呈上，湯底是濃郁嘅牛骨湯，同樣飲完後不會口渴，可以飲得出係熬出來的牛骨湯。生肉嘅份量亦都好多，肉質和份量都非常有誠意。湯海入面有洋蔥絲等等嘅配菜，口感配搭得非常之好。越式沙嗲雞肉串 $58相當推薦雞肉串燒，燒出嚟肉質仍能保持肉汁，內裏肉質嫩滑。而且沙嗲醬汁味道調配得好好，不會過稀或過稠，能吃到花生醬味。整體相當推薦這三項食物，遲點一定再訪👍🏻

📍 1986地道越南餐廳 🌟 土瓜環食物超好味😋staff又nice 大家一定要去試呀😆👅8/10家鄉肉丸豬骨湯檬粉清甜既湯底配上豐富配料既檬粉 !鮮味十足👍🏻彈牙又勁香肉味既豬肉丸👍🏻鮮鹹排骨令成個湯麵更添層次👍🏻大量嘅脹卜卜芽菜仔、蔥絲、洋蔥絲簡簡單單既一碗熱湯麵🍜超滿足👅8.5/10越式烤豬肉拌檬粉色香味俱全！惹味烤豬肉非常鬆軟配上滑嘟嘟嘅檬粉+ 自家製既撈檬汁，酸酸甜甜，仲有2粒肉丸仔浸住，好過癮！#jengfoodguide_土瓜灣美食

今日唔夠時間堂食，買了豬肉撈檬粉同串燒雞外賣，外賣Keep住全日8折，真係良心價。打開外賣，色香味全部滿分！撈檬個汁對比其他越式餐廳真係好唔同，汁裏面既伴菜都食晒….串燒大串之餘爆汁唔乾~仲諗起拎外賣時服務窩心有禮，真係少數餐廳能做到，抵讚👍🏼👍🏼👍🏼等外賣時見到有張告示，Anyway我食都會返黎呢度💪🏼💪🏼

停左晚市堂食, 唯有用外賣形式支持良心小店🤩小編同屋企人今次試呢間土瓜灣餐廳, 推介俾大家😊1. 鷄絲扎肉湯河粉 ($58, 外賣加$2)呢到既河粉特色係配料會有油炸鬼, 加埋個汁好好味鷄絲扎肉份量適中, 男仔可能未必夠不過只要飲埋杯飲品就真係好飽😛😛2. 三拼牛湯河粉 ($58, 外賣加$2)牛丸都幾彈牙, 牛味好濃鐘意食牛既朋友可試下🤗3. 脆春卷 ($32)入面好足料, 好多肉碎, 一人一舊淺嚐下🤗呢間餐廳小編最推介係飲品😝😝第一位係牛油果沙冰 ($32)味道非常清新, 同個河粉異常地夾🤣飲完會令你好飽肚, 感覺好健康😝不過略嫌有D冰比較大粒第二位推介鹹檸檬梳打 ($22)呢杯好解渴, 飲完好爽第三就係紫米乳酪沙冰 ($32)呢杯又係飽肚之選, 紫米乳酪口感幾得意味道: 3.5/5環境: 4/5 (裝修不錯)服務: 4/5 (老闆又係好好客)性價比: 3.5/5

呢間餐廳由細舖搬大舖，的確坐得舒服左好多。我其實食過好多次，疫情關係所以今次選擇外賣，外賣自取有八折。呢間餐廳員工服務態度好，而且親切，會留意你有咩需要。外賣自取速度一般都好快，呢間餐廳推介係蟹膏湯飯，不過我最愛午餐係越式烤豬肉拌檬粉，酸辣汁拌檬粉好滋味，亦非常開胃，豬肉亦烤得唔錯，好入味，整體都係好食。但飲品要額外收費，而且都幾貴，一般有青檸梳打，咸柑桔等東南亞飲品，堂食有水。不過我外賣便沒有加上任何飲品。

之前喺細舖食過一次有啲逼但真係樣樣都出色知道佢12月會開間大舖特登返嚟大舖再食😆大舖環境比細舖寬闊得多尤其帶住小朋友真係好坐d首先一定要叫嘅肝醬小法包除咗呢樣係忍唔住要再食之外其他都係第一次叫如果唔係想試食多d款，真係應該一人一碟粉包配上暖嘅酸汁，感覺好似配湯好特別比起普通紥肉，我更喜歡蟹湯飯配嘅紥肉好似係檳榔葉唔係芫茜😂而蟹湯飯個樣雖然𠸝唔及餐牌個靚樣但係都好足料！撈勻仲越食越好味！喜出望外嘅感覺另外必須要加好味的牛丸上面嗰碗係雞肉青木瓜沙律好欣賞呢度嘅青木瓜沙律切得幼細而且唔會係辣到好痛苦係清爽但係會飽🙃就係咁我哋太飽無加到蝦片飲品方面中規中矩臨走埋單發現有mee大家可以上mee睇吓有咩優惠因為我哋嗰日趕時間無睇就走了以上就係去新舖再食的感想😆

📍土瓜灣🥢1986地道越南餐廳呢間想食好耐，因為係土瓜灣社交平台 Group都好多人講過佢！係土瓜灣嘅有名黃店🍜之前佢隔離街開咗第一間，果間細啲，宜實開多間大啲，又靚啲！多位左好多！1. 招牌生牛肉湯河我相信佢呢個湯底有特別研製同傳統嘅湯河係有小小分別湯底有濃濃嘅香葉味，再加幾片油炸鬼，非常香郁！好得意😎佢另外有隻生雞蛋🥚佢話攪勻隻雞蛋可以攞嚟點牛肉或者就咁當湯飲唔好倒落個湯麵度🍜啲牛肉更加滑啲牛肉又好多塊，有6-7塊一個女仔未必食得哂😅2. 三拼牛湯河 非常足料，牛丸，扎肉，牛腩好淋3. 越式脆春卷 炸到好脆又乾身！4. 熱情果特飲5. 紫米乳酪沙冰PS. 特別要講！呢度嘅店員非常細心，見我哋未飲完杯嘢飲，特登話幫我哋換個外賣杯拎走，好好！走嘅時候！見我有啲論盡，又幫我拉開張凳！我覺得呢個係鋪頭既重點！咁有心嘅員工！嘢食好味不特止！仲有咁真心嘅招呼！真係不得了！👍🏻👍🏻👍🏻👍🏻