1986地道越南餐廳 (東寶大樓)

Open Now

Now Closed

係土瓜環街頭等朋友食飯,見到呢個poster 寫住綠豆冰蝦,比佢吸引左, 究竟綠豆冰蝦是什麼？外賣又8折,甘就買碗試下😆🍽️綠豆冰蝦原來即係印尼既真多冰,不過無椰糖,同加左綠豆蓉....撈起綠豆蓉既分量都幾多,甜度適中,冰係細冰粒黐埋, 如果係冰沙會好好多😎...8折後$30 都可以接受既,如果正價$38 吸引力就低頗多下見到佢餐牌d野食都好似既精緻,下次會堂食試下💁🏻‍♀️

#1986地道越南餐廳 最近有機會去土瓜灣做嘢，記得有一間都幾出名嘅越南餐廳，定價唔算平不過食物質素相當好。去到嘅時候正值下午茶時間，不過呢間餐廳係冇下午茶🤪 每次去越南餐廳都係會叫生牛河，$72，之前食過嗰啲大部分牛肉都已經煮熟曬。服務員非常有禮貌，食物上枱時都有提我要小心熱👍 碗河粉真係好熱因為係要靠滾熱嘅熱湯慢慢浸熟全生嘅牛肉。會唔會有人試過就咁食生牛肉呢？😀 咁樣做嘅牛肉一定非常嫩滑，非常好食。河粉都係越南嗰隻比較幼身好夠滑，我只係略嫌個湯唔夠濃，可能因為浸咗可分嘅緣故。除咗指定會配嘅青檸同辣椒粒外，呢度仲會跟一小兜 #蛋湯 ，店員上菜嘅時候都有教我點樣飲，其實就係滾熱嘅牛湯加一隻生雞蛋，攪勻佢飲就得。味道非常濃郁，就係我期望嘅味道。$72一碗有質素嘅越式生牛河唔算平，但間唔使食下都真係幾寫意，美中不足係唔收支付寶，變相用唔到消費券😅1986地道越南餐廳 (東寶大樓)土瓜灣北帝街60號東寶大樓地下A號舖@foodiehck2022 #港飲港食平靚正 #土瓜灣美食 #越南菜 #生牛河

發現紅磡土瓜灣呢帶冇咩越南餐廳，較為出名係呢間端午節周圍都多人，尤其中菜館，所以最後同屋企人嚟試吓呢間餐牌選擇唔算太多，不過足夠，基本上最傳統嘅越南菜式都有▶️ 海防蟹膏金邊粉 ($70)見好多人嚟都會叫呢個，加上之前食過第一郡嗰個幾好食，所以想試吓一上枱成碗紅卜卜咁就知道一定好濃味材料豐富，除咗蟹膏之外仲有兩隻蝦、兩粒香菜豬肉丸、三片扎肉蟹膏係散開一粒粒而唔係好似第一郡嗰個咁樣一件，的確好重蟹味，不過自己麻麻地個質感😅蟹湯味道鮮甜，食得出用真材實料熬製而成，不過略嫌太過濃，變得好杰身同偏油，會寧願佢好似第一郡嗰個咁清甜啲扎肉同蝦正常，夠爽彈香菜豬肉丸應該係自己整，豬肉腍而充滿肉汁，香菜令味道同口感上更豐富👍🏻第一次見金邊粉咁闊，係河粉嘅兩倍闊度，而且係啡色嘅一開始期望佢係煙韌有嚼口麵質，點知都係同河粉差唔多，欠缺煙韌口感，仲非常容易斷開一斷斷，索晒超杰身湯底之後變咗一pat pat😟食到最後實在食唔落口，有啲失望，可能都係配返檬粉／粉絲好啲幾欣賞係佢啲香料，加咗唔少炸蒜、香蔥、芫荽，令碗麵有啲味蕾嘅「新衝擊」▶️ 越式香茅豬扒拌撈檬 ($70)豬扒巨型，可以去拍「巨大化」片🤣肉質好嫩，雖

越南檬粉牛肉是越南傳統的美食，以其清爽、健康、美味和營養豐富而受到許多人的喜愛。以下是我對越南檬粉牛肉的評論：首先，越南檬粉是一種以米粉為主要原料，加上豐富的新鮮蔬菜、香草、生豆芽等佐料以及特製的酸辣汁製成的冷麵。它的口感清爽、爽口，而且佐料豐富多樣，味道鮮美，非常適合夏季食用。檬粉的主要特色就是配上特製的酸辣汁，這種汁液是由檸檬汁、魚露、糖、蒜頭、辣椒等調味料製成的，口感酸辣，非常開胃。其次，越南檬粉牛肉是一道以牛肉為主要食材的檬粉菜式。牛肉的選擇非常講究，通常選用嫩肉，切成薄片或絲狀，配上檬粉和酸辣汁，口感更加豐富多樣。越南檬粉牛肉是一道健康、美味和營養豐富的菜式，能夠為人體帶來豐富的蛋白質、維生素和礦物質。總體而言，越南檬粉牛肉是一種非常健康、美味和清爽的食品。它們有著豐富的口感

今日同事帶我哋嚟土瓜灣試呢間越南餐廳餐廳以暖色為主調配木系餐桌坐得舒服而有種溫馨的感覺我哋四個女仔諗住試多幾款就叫兩份主食+兩份小食一齊share～-海防肝醬小法包 $40店員幫手分開幾份比我哋分享食麵包鬆軟，肝醬濃厚細膩，而辣椒醬增添風味下龍灣手工墨魚 $62外表呈金黃色，食落口感飽滿而軟韌越式香茅雞翼 $46外皮香而微脆，食落較濃味而略帶香茅味海防蟹膏湯檬粉 $72雖然湯底沒想像中濃郁，但仍嚐到多種香料味扎肉爽軟而蟹膏鮮美配搭香蔥及檬粉食落滋味越式香茅豬扒拌檬粉 $70估唔到豬扒有兩個拳頭咁大食落香嫩爽滑而肉汁四溢拌檬粉的湯汁調味剛好酸甜味十足，不錯整體食物味道不錯，價錢中等而份量充足可以再來～

今日同太太行過1 986餐廳唔需要排隊即時入去有得食，餐廳裏面面積唔係好大，枱與枱之間都非常之近，但地方好清潔，洗手間保持非常乾淨。今日叫咗兩樣嘢和一杯嘢飲，有越式家鄉粉卷味道可以，越式香茅雞翼伴檬粉，雞翼熱辣辣檬粉好食，最後叫咗一杯薄荷青靈梳打，味道比較淡，整體可以份量足夠飽，侍應服務殷勤，冇加一性價比嚟講中規中矩。

🇻🇳🇻🇳🇻🇳由舊鋪開始食到佢搬左新鋪，是區內少有的高質越南菜，餐廳內有小告示提及歡迎撰寫食評提供意見，睇得出良心小店用心製作👍🏻👍🏻👍🏻招牌牛肉三拼湯河粉($68)有牛肉、牛扎肉同牛丸，而湯底係牛骨湯，牛肉肉質鮮嫩，牛扎肉唔係常有，牛丸彈牙，再配有蔥絲蔥花及青檸，令河粉食落更清新，唔會只有單單濃郁既肉味，提昇味道既層次感海防蟹膏湯檬粉($70)👍🏻👍🏻👍🏻👍🏻蟹膏、蝦，扎肉、香菜肉丸，再加蟹湯，香噴噴，賣相吸引，蟹膏熟左夾得起，蟹湯好足料所以好竭，稀竭有少少似醬汁既程度，相當掛麵，但味道唔咸，加埋檬粉岩岩好，但香菜肉丸個人黎講偏咸，相信依個檬粉主要係品嚐蟹膏蟹湯既鮮味

亞女介紹我來，沒有太大期望，午餐一頓，填肚子罷了！蟹飯濃濃的湯底，味道剛剛好👍👍 真的少有的驚喜！我很少寫食評，感動推動：我在這裡感受到久違的親切，一個滿面笑容的店員關心和體貼語。勝過任何5星級的招呼！

已經係一星期內第二次光顧！試過 佢哋嘅 木瓜絲沙律、雞翼檬粉、米紙卷、越式豬扒、牛肉三拼湯河，咖啡沙冰 同 越式咖啡，各樣嘅味道都恰到剛剛好！感覺食材非常新鮮😋😋😋😋用餐環境乾淨，每當客人用膳完畢離枱，服務員都會用消毒噴霧清潔枱面。提供給客人食具前（如要一個碗），服務員都會再檢查一下（如有沒有積水等）才送上客人枱面，感覺佢哋嘅服務好細心！提供的飲用水加有檸檬青瓜香橙片，有種清新的味道！雖然店舖內的位置不算太鬆動，在非凡忙時段，服務員仍非常樂意招待客人坐得舒服些 （讓二人坐四人位）！基本上每一位服務員的態度都非常友善；食材的質素、份量及價錢都是合理的，算有性價比！還有其他招牌菜式未食，我個人一定會再光顧！

想食越南嘢，失驚無神撞咗入去食Lunch意外地搵到呢間相當好味嘅小舖而且服務非常貼心以後會多啲嚟食嘢最後仲買埋外賣晚餐用三併越南湯河- 湯底味濃唔油膩，溫度十足越式脆春卷- 皮薄而且十分脆越式扎肉法包- 法包非常脆口，可怕酸菜略少鮮椰子炆豬腩肉香芧豬扒- 要返屋企先知道味道如何了

同事極為推薦，知我所好，就來試試，點了生牛肉金邊粉，另要求多芽菜。金邊粉並不是一般常見的白色幼條形，而是黃色的，形象似河粉般寬，口感沒有一般金邊粉的爽口，但是也較河粉爽口。牛肉份量沒太多，芽菜也沒有覺得多了點。湯底十分鮮甜，是曾吃過了美國，澳洲，越南等地的越南粉中，可算是上佳的表現。只是配套方面，沒有甜醬，生芽菜也沒有另上，就欠了吃越南湯粉的應有特色和誠意了。雖然覺得有遺憾，但為了湯底，仍有回頭的原因。

呢間地道越南嘢，又經濟，又地道、又多選擇，所以就約3, 5成群人黎試下,整間鋪頭乾淨企理，店員態度友善親切，會好主動推介一啲地道菜式，食物份量足夠享用；老闆都好細心本人最鐘意是碗蟹膏肉丸扎肉湯檬, 蟹膏海防湯濛非常足料，材料有：蟹膏、蝦🦐、番茄 、扎肉、香菜肉丸、香菜等湯底濃郁，夠熱鮮甜，必試之選 ,又無味精, 已經贏了成條街真心推介香茅豬扒飯è未食已被個樣吸引…..豬扒係厚切，食落去真係啖啖肉，而且整得好香脆，超級多肉汁叫多左個越色烤豬肉法包，配上辣醬，帶出豬肉既味道,仲有暖食,不是凍越式炸春卷啱啱炸起，餡料又多 配埋啲薄荷葉食真係啖啖滿足

今日放假，又好少黎土瓜灣行，都係覺得搭巴士入黎搵嘢食方便過搭地鐵見好多人推介呢間地道越南嘢，又經濟，又地道、又多選擇，所以就黎試下整間鋪頭乾淨企理，店員態度友善親切，會好主動推介一啲地道菜式，又會懂得就住人頭去溫馨提醒客人所點既食物份量都足夠享用；老闆都好細心，見到有剛入座食客只係抬頭望住頭頂冷氣風口位，無講出聲，老闆就主動同食客講已經熄咗佢頭頂部冷氣，未食嘢已經覺得呢間餐廳係有心做好既餐廳希望呢間餐廳可以繼續以經濟實惠價錢經營，保持到咁好既服務+食物水準👍🏽👍🏽PS: 朋友碗蟹膏肉丸扎肉湯檬唔記得影相，份量同招牌牛河一樣咁大碗，佢嗰碗材料都好豐富，湯味夠濃，唔怪得係推介菜式

😚 依日小編喺土瓜灣放工，事先搵定夜晚食咩，見到有越南餐廳，又好耐冇食過，所以就鐵定去幫襯！☺️［ 亂闖試飲試食 ］🍽 越式烤豬肉拌檬粉 😋😋😋😋😋豬頸肉切成條，每條都烤得好惹味，有啲黑胡椒同香料味，唔會太濃或好鹹。👍🏻 露蘸醬汁內有兩粒豬肉丸，好有豬肉味，而醬汁內有魚露，唔算酸，反而帶甜，夾檬粉點嚟食冇乜負擔感。👏🏻🍹 越式鹹檸檬梳打 😋😋😋😋😋依款梳打加咗少量蝶豆花，會呈現紫藍色，好靚同好打卡之餘，飲落清爽，冇乜甜味，但有鹹檸檬🍋嘅鹹酸同梳打嘅爽喉！晚餐 💵💵 約港幣$80/人💁🏻‍♀️ 小店仲有越南湯飯、麵食提供，位於土瓜灣最多食肆嘅北帝街，大家可以喺由宋皇臺站出行過去。🙆🏻‍♀️ 最後，喜歡嘅話，歡迎follow @foodirectory.hk！

喺工聯會上完堂就黎左食，行2分鐘就到。 香茅豬扒飯❤️❤️❤️❤️❤️呢個真係超級推介👍🏻件豬扒係厚切，食落去真係啖啖肉，而且炸得好香脆，超級多肉汁，就算冇醬汁都一啲都唔乾。入邊仲有隻炸蛋😂 蟹膏湯檬 ❤️❤️❤️反而呢個我覺得冇乜特別，係好食嘅，都好多湯料， 蝦都好彈牙，蟹膏都好多，只係味道唔太重，吃完豬扒之後差唔多吃唔出。可能適合淡口味嘅朋友。 朋友食咗香茅雞翼，呢個我反而冇試過，評價唔到。但係睇樣都真係好靚仔，雞亦都好香脆。 雞蛋咖啡 ❤️❤️❤️❤️❤️鍾意飲咖啡嘅人必試，雞蛋味真係好重，上邊都好甜，咖啡低飲唔出邊隻豆，都好甜，本身就加咗糖，超正。 佢嘅水仲係青瓜水，飲晒啲職員會主動同你加👍🏻 小店咁嘅服務真係一流。而且環境好乾淨，坐得都好舒適，肯定會再來。