199海灣燒烤 (Closed)

教早前黃雨，約了朋友去bbq. book左這間，原因是佢只比1個價錢包罐裝飲品任飲，不另收開爐費， 同歡迎毛孩1同進場。 雨越落越大， 最後都堅持駕車到場，不想取消。老闆教我地泊好車後， 已急不及待去燒野了。進入主要部分，野食種類多。 衛生企理， 枱與枱之間不逼。 我地好喜歡燒洋葱， 豬頸肉超好味，有羊架，有成隻茄子等。蝦只送1次， 海鮮就有魷魚同多春魚任夾。由於不好天氣， 只得我地小貓幾枱， 好天時老闆話爆場， 所以要預早book位。 老闆佢地好服務， 又會過黎同你傾吓。 大家都講緊已經3-4 個weekend都落雨。 生意受影響， 我地都話落雨出唔到戶外。 其間見到松鼠狗團bbq, 好搞笑。 難得約到朋友，又有1個相聚同有好野食既地方， 真係值得去支持！！！！ 利申： 住既地方冇得養狗，去到1些可以帶狗既地方見吓人地d毛孩都好高興。 其實都要老闆喜愛動物先多1個地方比大家食吓野， 玩吓狗。

2月25號偶爾經過第1次幫襯，今晚再encore。價錢唔貴，用餐時間又充份5小時任飲任食包，食物種類繁多，包任飲罐裝汽水 支裝水，坐位寬闊，食、飲完仲有時間同朋友繼續暢談。燒烤爐在台中坑內，唔怕雙眼煙燻、無煙霧籠罩既情況出現。另外，老闆同在場職員友善，好客，即場燒茄子🍆幫手調味，非常美味。燒烤中途送上菠蘿、香蕉及新鮮海蝦、蒜蓉包，驚喜連連。另外，老闆們仲有幾隻愛犬駐場比大家玩樂，過下狗癮🐶，又食又玩 食飽仲可以坐多陣閒談聯誼，唔會覺得食飽就散場。謝謝招待，重點推介自制蕃茄汁同燒汁，會繼續光顧同推介朋友。

星期日中午時分行過，見到佢$178任飲任食BBQ咁抵，咪入去試吓囉。食物種類繁多，特別係蔬菜類，真係多到有啲驚喜！等開爐期間，亞姐攞左餐具過嚟，更拎左一堆調味嚟，仲逐一細心介紹，超細心☺️有勁辣粉/孜然粉/北方風味粉/沙嗲醬/照燒汁，另有水一杯（燒蔬菜用）飲品方面，雖然是任飲，但選擇也不少，大多是罐裝汽水，康師傅飲品，仲有我最喜歡的酸梅湯，正！（另有鴻福堂涼茶和啤酒須另收費）另外一個有驚喜的地方，就是熟食，除了有生菜魚肉，更有三款飯後甜品（每天不同）：今日有木瓜雪耳糖水，海帶綠豆沙，仲竟然有椰汁桃膠西米露😍❤️❤️❤️❤️連甜品個胃都填滿，真係大滿足👍🏻，呢度真係好，環境優美舒適，職員態度亦冇得彈，下次叫埋班friend一齊呢食先😊🥳🥳🥳

咁岩去到大尾篤附近開工，返10am放4pm，開工之前老世叫我地帶定啲麵包乾糧同水咁，驚果邊得d燒烤場會無午餐食。點知果日1點幾果陣頂唔順真係好肚餓，就決定行去附近睇下有無碟頭飯食都好。巴希雅海灣燒烤就眾所周知出命嘅燒烤場，原來隔離仲有一間叫199海灣燒烤，同其他燒烤場唔同嘅係，佢地除左可以燒烤，仲有$48午食任食，無錯，係任食！任食！任食OMG！（重要野要講3次😂）係市區茶餐廳$40-$60係正常，呢到$48就有六餸一飲品，白飯同老火湯仲要飲裝，真係抵到爛！岩哂係呢頭好多地盤工人過黎食lunch，食飽先有氣力做野😆呢日嘅菜單有豉汁排骨、三色水蛋、西芹炒豬頸肉、油麥菜炒魚鬆、紅燒豆腐魚塊同菜膽雞，老實講，出面就算要食咁多餸都一定唔至呢個價錢，仲要有雞食，真心平靚正！呢到嘅食材新鮮，唔會覺得係隔夜、餸頭餸尾，雖然唔算得上係高級，但呢個價錢絕對係超出水準👍🏾黎開附近嘅不妨黎一試😋餐廳主人仲養左隻狗狗勁得意勁嘆😂😂😂

諗住天氣仲未係太熱，帶班小朋友去BBQ,又唔洗帶野食見到，在開飯見到$199/ 5hrs 任飲任食BBQ超抵，咪打電話去book,職員超有效率，即用whatsapp 回覆，多次查詢也很快回覆👍今日去到原來仲有靚湯飲同糖水送（今次因為要早走食唔到😢）老細仲唔好意思話下次嚟再送d 好野比我地食👏👏環境好乾淨，食物種類多，飲品種類亦多款最重要老細超nice, 下次一定再去過😊而且超細心會教你烤肉方法，唔會太多煙（因為佢地用環保炭，應該唔會有煙嘅👍）

最近去咗一個新開的任食bbq 塲令我對任食bbq塲完全改觀首先講食物質素完全係水準之作無論肉的質素,種類同味道都好有驚喜淨係雞中翼就已經有六至七隻唔同口味口味仲要好有創意wasabi雞中翼，柚子雞中翼， 沙薑雞中翼等等另外大家一定要試佢的自家秘製醬汁係會令你驚喜 x 2 😋我個人最鍾意食佢個韓式辣醬燒腩肉，牛肉串同蜜味金沙骨老闆話放星期六日同公眾假期仲有糖水熟食供應每個星期都唔同今日食咗紅棗桂圓桃膠食多幾碗都已經回本bbq完之後食返碗糖水滋潤下真係好圓滿，滿足🤗仲有個碗仔翅完全冇得輸正👍🏼👍🏼👍🏼👍🏼完全睇得出係心機之作另外佢個bbq 爐設計又係另一個特色佢唔同一般bbq場佢個爐係內藏式對小朋友黎講係好安全而我哋亦都冇咁容易辣親手同埋你會發現燒嘢食期間冇乜煙同灰( 即係你唔會食食下條腸發現有啲灰黐住喺上面😂)老闆話佢係用高溫炭佢冇煙冇灰的程度係我可以同狗狗去完燒嘢食之後返到屋企佢哋係冇黐到陣bbq煙味😂最重要係呢度員工個個友善親切服務態度一流真係令人食得開心玩得開心🤗

平時都會呢到食早餐🥗🍳好食！老細又好人👨🏻‍🦲認住個光頭又friendly！服務一流👍🏻👍🏻！夜晚BBQ又任飲任食👍🏻👍🏻正呀！佢地啲醃野個個星期都唔同！有新鮮感！唔會次次黎都一式一樣！個爐又坐左落去個台入面唔會熱，就算有小朋友都唔怕危險👶🏻👧🏻🧒🏻👦🏻仲要煙唔大坐得舒服食得舒服！唔洗煙住煙住食野！慢慢食！仲有可以帶埋啲狗狗黎一齊玩～老細非常歡迎嫁👏🏻👏🏻👏🏻 本人認為鯖魚、茄子、香草腸、雞軟骨都好好食！同埋每晚都有湯水，小食（魚旦，碗仔翅）😍供應。

之前在fb見倒d資料同評語好吸引所以特登入去試下先講下員工同老闆，在fb問問題回覆超快又有禮貌去到都熱情招呼，服務絕對滿分有多，燒既時候會教我地邊d火靚，其實一爐都夠燒三個鐘一入到去就已經拎湯俾我地，感覺好有家庭溫暖再講下環境，地方好大唔會迫，通風舒服，每張枱上面都有大傘，姐倒太陽又姐倒雨，落雨都唔怕個爐係枱面但係唔會好煙仲有好得意好乖既狗仔廁所乾淨，同其他燒烤場唔同最最最緊要係帶小朋友既我地，原來有供應埋bb櫈，超貼心之前問過老闆都話有免費泊車，不過個日我地無開車所以無問泊邊食物方面多選擇，有唔同種類既腸仔，勁多款味既雞翼燒雞翼我鐘意食仲有丸，多春魚同魚扒等等總之豬牛羊雞都有醬係沙爹同燒烤醬，燒菜會貼心地有杯水（都多菜既，有韮菜，南瓜，茄子，三色椒等等。。。）可惜要照顧呀b關係，就黎食飽先有機會入去望下有咩揀(之前係男人揀，好多我想試既都無揀到😭)搞到就黎走先食倒個蕃薯呀b最鐘意佢地個湯，一拎走就爆喊🤣無味精老闆煲左好耐d料林哂呀b好鐘意食入面d花生(當日係雞腳花生蓮藕湯)作為一個媽媽都可以好放心俾佢食街外野真係第一次飲品都係仼飲，黎活動好岩佢地仲細心話我知邊隻飲品無添加，可以放心飲

今日同朋友踩單車經過，見以前巴希雅燒烤個位轉左，老闆係門口好好人咁介紹左一下，話任飲任飲免爐費178全包，所以同朋有還左單車後去試下，點知行到門口，有人係咁叫巴希雅前面巴希雅前面點解係人門口叫嫁，有少少無品最後我地都係簡入199海灣，點知真係有驚喜食物新鮮種類多，淨係雞翼都有六，七款任簡，最值得推介既係羊架同豬扒，味道岩岩好仲有兩款醬汁跟埋唔洗加錢老闆話星期六，日黎仲有糖水小食送，仲唔洗收爐費，飲品仲要無限任飲地方環境乾淨舒適👍🏻服務態度一流，有禮貌，見我地兩個女仔唔識燒會主動過黎教我地同朋友食得真開心下次約多啲朋友去食次多先