222餐廳

Open Now

Now Closed

平時假期好難搵到位泊車🚗，呢間餐廳門口仲可以泊車！食物質素幾好！份量亦都夠大！今日食咗蜜糖蒜香一字骨、無骨海南雞飯、肉醬意粉，全部質素都好好，一字骨好入味，海南雞飯亦都好滑，肉質彈牙，肉醬意粉都係誠意之作，係即叫即焗！餐廳座位舒服！另外最近見到社交平台介紹食物嘅種類好似多左好多 期待更多新菜式推出👏🏻好似有鰻魚蛋包飯，推薦大家假期可以過嚟感受休閒嘅感覺！希望餐廳可以擴展，令到空間大啲！多啲添置戶外嘅座位！🙌🏻🙌🏻

#吃貨心柔日誌 🍽️ 屏山222餐廳平時都幾鍾意食港式餐廳或者冰室😝今次第一次嚟到屏山222餐廳早餐都幾大份，我哋叫咗一份早餐share食😅一大一細來講，分量剛剛好👍🏻早餐C🔸沙嗲牛肉公仔麵 配 腸仔蛋多士我係沙嗲牛肉控，基本上一間餐廳餐牌，如果有沙嗲牛肉，我一定會order🤣公仔麵比較淋，沙嗲牛肉同外面餐廳入貨不同，通常外面餐廳好多醬比較重口味呢度比較清淡，唔會太辣太刺激❗️有個好處就係小朋友都食到😝至於份「腸仔蛋多士」就由心柔食😅心柔好鍾意麵包類食物🥪🥯🍞🫓🥖🥐所有麵包，多士，三文治都鍾意食😂所以份多士配腸仔蛋，佢食得好開心😂對於四歲半嘅小朋友嚟講，早餐份量已經好飽😅臨近午飯時間，見到有幾台客都係order咖喱飯❗️賣相好好👍🏻仲好大碟😆下次都試下先🤔📍222餐廳天水圍聚星路222號地舖（天水圍西鐵站旁）

近日同太太接連兩晚光顧天水圍輕鐵站旁邊一間名叫「222 餐廳」，此餐廳提供中式西式食品，第一晚點了一個焗豬扒飯，豬扒即煎即焗好林好軟，焗飯配菜有鮮茄、菠蘿，酸酸甜甜非常入味；第二晚點了兩道中式小菜，生炒咕嚕肉和梅菜蒸鯇魚，咕嚕肉配菜有山楂肉、菠蘿、青椒和紅椒味道奇佳，小菜分別為78元及88元餐跟白飯，飲品另加6元；這次品嘗的例湯為紅蘿蔔粉葛湯，兩個字形容“鮮甜”，檸檬茶用上“黃檸+青檸” 稱得上絕配。

呢日和同事去天水圍做嘢，同事帶我去天水圍西鐵站附近1間隱世餐廳。佢話食過味道唔錯，一直都好回味。入到去，環境和服務令人感覺舒服，餐牌有中式和西式可以選擇，價錢都抵食。我哋揀咗2個午市套餐，是日餐湯係紅青蘿蔔粟米豬骨湯，湯底清甜，最緊要係碗湯夠熱，又飲得出冇味精，飲咗唔會口渴。主菜揀咗無骨海南雞飯($68)，海南雞已去骨，色澤金黃，雞嫩肉厚，平時都好驚食雞皮，這間沒有多餘嘅皮下脂肪，食落仲好Q彈。而個油飯有雞油蒜香茅嘅味道，配上各款醬汁送飯一流。而另一個主菜我就揀咗菠菜忌廉汁烤雞意粉($68)，菠菜忌廉汁香濃惹味，意粉煮到軟硬適中，出菜前將雞扒切開一條條給我哋方便食用，好窩心呀！餐茶叫咗熱咖啡同熱奶茶，2樣都好飲。📍222餐廳天水圍聚星路222號地舖

芝士焗肉醬意粉 $40呢個價錢係下午茶先有，肉醬份量鋪滿曬，芝士量都好多，勁拉絲，食落口同半肥瘦既肉碎好夾，意粉都好夠女仔食，意粉口感唔會淋🤓爽口無骨海南雞飯 $68無骨海南雞呢個價唔算貴，雞肉幾滑，雞皮亦都非常香！亦都係用黃薑飯跟配醬汁都好齊！非常正宗！留意呢個係套餐價！包凍飲同埋例湯！佢個例湯小編都係非常鍾意飲，因為飲得出冇落味精，飲完唔會口渴，大大嚿豬骨非常足料！而檸檬茶，佢哋用兩片檸檬兩片青檸黎整！口味幾特別幾有特色！小編非常推介！簡簡單單嘅午餐，但係非常有記憶點！配 青紅蘿蔔湯凍檸茶凍檸水

今天很大雨,下午約咗朋友到天水圍食個tea,朋友說這裏可以泊車！車正可停在店門口,非常方便！黑色暴雨都唔使驚,這裏是私人地方所以不會抄牌,食得安心又放心！走進店內裝修簡約舒服,店內清潔衛生！我們叫咗一個常餐,一個午餐：1.雪菜肉絲米 非常多嘅雪菜肉絲一啲都唔吝嗇！,米粉爽滑 火腿奄列非常juicy 加上香脆熱辣辣嘅牛油多士 一啲都唔hea..2.意式蕃茄海鮮扁意粉大大隻青口配上多種海鮮用料十足,扁意粉煙韌彈牙,配上意式蕃茄汁真係絕配！3.除餐附送兩杯青檸檬茶,清新又消暑！最緊要只需一般茶餐廳嘅價錢就可以落樓,仲有免費泊車！抵呀 抵呀！ 鄰近天水圍港鐵站e3出口步行只係一分鐘...揸車嘅朋友更加方便門外可提供泊車位置,呢個真係好重要！店名：222餐廳地點：天水圍聚星路222號地舖

早幾日去探朋友，發現左依間隱世餐廳，佢有好多唔同類型既菜式一定有野岩食😛蔥香滑蛋煎雞扒飯依個飯一出黎就好香，因為佢上面有蔥油，食落好香，而滑蛋又煎得好好👍🏻真係滑的，撈飯一流！再者佢既雞扒又香又入味，煎到有少少脆口，好香口，真係好正！西冷牛扒飯佢既牛扒一出到黎就覺得好大塊，仲要唔會好靭，配埋佢地既黑椒汁真係一流🤤！餐飲我地叫左凍檸茶、凍奶茶，又個都好夠味，茶膽靚👍🏻 整體都好正，見佢都有小菜食，下次會約埋朋友試下先😊

以前喺呢邊都係食糖水多，估唔到呢頭開咗咁多呢啲餐廳🤣 呢間喺角落位嘅餐廳有中式野又有西式野，仲有做平台嘅外賣添🫣 家庭式經營嘅小店意外地多野揀同份量都唔細😋1️⃣ 煙三文魚忌廉汁扁意粉🍝呢個意粉我好中意💗 入面有好多料，煙肉、煙三文魚、菇菇、洋蔥、羅勒、芝士粉……煙三文魚砌到成朵大大嘅玫瑰花咁🌹用忌廉汁亦都令到呢個意粉好ᴄʀᴇᴀᴍʏ，入邊仲有熟咗切到細細塊嘅三文魚肉，啖啖都食到咁濟，真係食唔停口🤤2️⃣ 梅菜扣肉🐷超級邪惡嘅一道餸😈 屋企整又嫌麻煩，呢到坐低就有得食🤫梅菜同扣肉都超級入味，扣肉厚得嚟係仲可接受嘅肥，入口即溶好ᴊᴇɴɢ😬梅菜仲有陣陣嘅陳皮香，送飯食一流😚 強烈建議大家要試吓‼️3️⃣ 飲品🍋一凍一熱嘅檸檬茶，呢兩杯檸檬茶都平時飲開嘅與別不同㊙️入面有青檸加黃檸，加埋令到檸檬茶嘅酸甜做得好平均，亦都好芳香😍

今天很大雨,下午約咗朋友到天水圍食個tea,朋友說這裏可以泊車！車正可停在店門口,非常方便！黑色暴雨都唔使驚,這裏是私人地方所以不會抄牌,食得安心又放心！走進店內裝修簡約舒服,店內清潔衛生！我們叫咗一個常餐,一個午餐：1.雪菜肉絲米 非常多嘅雪菜肉絲一啲都唔吝嗇！,米粉爽滑 火腿奄列非常juicy 加上香脆熱辣辣嘅牛油多士 一啲都唔hea..2.意式蕃茄海鮮扁意粉大大隻青口配上多種海鮮用料十足,扁意粉煙韌彈牙,配上意式蕃茄汁真係絕配！3.除餐附送兩杯青檸檬茶,清新又消暑！最緊要只需一般茶餐廳嘅價錢就可以落樓,仲有免費泊車！抵呀 抵呀！ 鄰近天水圍港鐵站e3出口步行只係一分鐘...揸車嘅朋友更加方便門外可提供泊車位置,呢個真係好重要！店名：222餐廳地點：天水圍聚星路222號地舖

夜晚喺天水圍食飯，日頭就去屏山文物徑行下~行完好鬼口渴同肚餓~隔離就即有間隱世餐廳~好有驚喜~下次直接喺天水圍西鐵站落車就去幫襯~🔹鮮茄焗豬扒飯🔹 好足料嘅焗飯~芝士、菠蘿粒、番茄粒鋪滿哂喺面~下面炒飯底睇落係普通米飯，但加埋啲開胃嘅茄醬，出奇地好食~如果唔係晏啲要食飯，真係想叫多個，唔駛share食，haha~🔹花生醬西多士🔹即叫即炸~仲要係少有嘅粒粒花生醬~糖漿自己加，食得好開心~🔹飲品🔹凍奶茶- 好大杯，勁夠喉~凍檸茶- 2黃2綠檸檬片~老闆話係香水檸檬黎，加左真係又清又香~

超級大雨那裡都不想去天水圍西鐵站下車直接走過來吃晚飯走路大概兩分鐘超級近茶餐廳勝在想吃什麼有什麼相信住附近的都知道222出品有名「大碟夾抵食」性價比超高另外最為人所知的是他們的例湯喝出家的味道🥺超足料的是晚紅蘿蔔粟米豬骨，甜甜的兩個人一人一道菜下飯不怕胖，偶爾為之，可試梅菜扣肉在家不會弄的那樣入味甜甜的，肉是軟軟入口即融化精彩之處是梅菜內的果皮既中和甜味，且散發橘香海南雞也是必試之選去了骨，吃起來都是滑滑的肉配油飯，特別香忘了叫少飯，看到大大一碗心想不妙，恐怕浪費了誰知太好吃，竟然全部吃下去了😂家常小菜，不吃裝潢樸實無華，只吃實力越是簡單越顯功夫怪不得下雨天外賣機沒停過出單看來住附近的不乏識貨之人👍

梅菜扣肉，值得一試。其他食物水準亦到位，已叫幾次外賣。雖然未去過店舖進食，但以外賣水準都keep到高水平，相信店內進食會更好！希望能夠保持水準！天水圍難得既平民餐廳。

見有谷友介紹天水圍站下多左間茶餐廳，咪黎試下囉，記憶所級，呢個位得間糖水舖同咖啡店，唔知呢間茶記幾時開嘅呢。沿住輕鐵站行落黎就見到222餐廳了，唔難搵，門口仲有位可泊車添。五點鐘黎到，仲有下午茶喎😆晚市嘅客飯、西式都可以叫了，睇下食咩好先。⭐例湯店家好快送上例湯，熱辣辣正喎，無味精又足料，飲落鮮甜味濃，好飲過唔少湯店😆想叫店家添飲呀！⭐鮮茄焗豬扒飯叫左個焗豬扒飯試試，即叫即焗大約十五分鐘左右上枱，好香啊😋豬扒軟腍入味，好大塊，已切一件件都舖平整個兜㗎。醬汁甜甜酸酸幾好味，仲有唔少蕃茄塊同菠蘿粒，飯炒底，粒粒金黃又香口，高水準之作喎。不過食到尾覺得啲飯略鹹，可能咁啱果個位啲鹽無炒均，扣分～🤣⭐凍檸茶個餐送熱餐飲，凍飲加$2，叫左杯凍檸茶走甜，意外地居然有青檸加黃檸檬，夠冰凍，正好解解膩👍可能仲係新店又加上落雨，堂食得兩、三枱，但外賣單就響個不停，小店加油💪

天水圍輕鐵站（聚星樓古蹟旁）馬路斜坡下的一家無得彈的飯店，是吃中式和港式西餐。小店不大只有幾張枱，但都坐滿了村民來吃晚飯。豬先生和貓太太這天特別想食中式的家常便飯，飯店的廚娘推薦👍我們吃梅菜扣肉和海南雞。等待飯菜的時候，聽到老闆和熟客娓娓地談著美食和煮法，看來老闆也是識食之人。每個飯餐都會送上是日老火靚湯🍲（青紅蘿蔔煲豬骨）和一杯凍飲，很實惠。🐷梅菜扣肉早一個禮拜前，貓太太才在別的餐廳吃過難食的梅菜扣肉。對比起這個餐廳，這道梅菜扣肉驚艷的美味。四大片厚切五花腩，先油炸豬皮至虎紋，再梅菜蒸煮。蒸得夠透！肥肉的部分用嘴唇輕輕一抿就爛了，而梅菜味濃甜，真的令人念念不忘。🐣海南雞貓太太吃過最滑的海南！！雞皮才是最大的亮點😍😭而油飯有下椰汁煮，雞油香得來有淡淡的椰汁味，又是回頭率爆登。和豬先生說好了，那日經過天水圍西鐵站，我們絕對要當回頭客🤭🤭🤭

誤打誤撞走到這家222餐廳，可能因為地理關係，平日晚市人客數量不多，座位寬敞，光線充足，店員亦熱情地為我們介紹他們的招牌菜式，其他菜式則會定期轉換，我們決定嚐嚐他們熱賣的兩款招牌。無骨海南雞（半隻）$98海南雞嫩滑厚肉，配搭三種惹味醬料，醃蘿蔔酸爽，另有例湯及油飯。黑椒西冷牛扒 $78西冷牛扒份量十足，充滿牛香，熟度烹調得恰好，黑椒汁偏辣惹味，適合配搭白飯食用。飲品味道正常，凍檸檬大大杯，茶膽調配適中。