227甜棧 (Closed)

養生黑糖竽丸8.5/10⭐️清涼可口，配料可自行選擇，咁大碗都只係廿幾三十元！抵到爛！黑糖養生，可轉豆花或白糖水黑豆花竽丸8/10⭐️一樣好好味，豆花香滑！😍入口既化開竽丸口感超好，我最愛食竽丸，呢個竽丸我俾10星星。豆花建議自行加多d糖

芒果腸粉其實對於香港人來講都唔陌生啦，二呢度嘅芒果腸粉都唔錯架。個啫喱粉皮做得好爽口，椰汁嘅味道仲相當香濃添！裏面嘅香芒十分厚實，啖啖果肉，好鮮甜好正呀仲好多汁添！

227甜棧雖然位置不太就腳，但偶爾都會來吃一吃。養生花(涼粉) - 配料有多款健康食品選擇，而今次我選擇了芋頭，薏米，南瓜泥，手工芋圓。以黑糖做糖水，味道不會太甜。涼粉一如既往很爽，芋頭很粉之餘還很稔身。薏米食落很有口感，而且可以祛濕，必食之選。手工芋圓很煙韌，入口很彈牙。PS：店舖有提供免費的茶予食客添飲！

一般鬧市中的甜品店裝潢沒有很大的特色，簡單座位，務求排到更多的座位。但這裡感覺不擠迫，而且裝潢一致。欣賞它在客人一坐下已經給熱茶（可以自己出去再加茶，但茶杯太太太細，既然有茶咁有誠意就最好放茶壺在各枱。一行7人去到，叫了不同的甜品，坦白說食物質素參差。推介牛奶布甸系列，奶味濃，再配上布甸下層的碎冰，口感不錯！差的甜品是芋圓地瓜圓紫米紅米湯，外貌不討好，芋圓完全沒有口感，太多大粒西米但紅豆味道不突出，價錢還要比牛奶布甸貴，有點失望。希望店主可以在不顯眼的甜品中多留意品質，相信可以的！^^

經朋友介紹黎呢間食糖水，有我中意的芋圓，而且佢既配料都幾養生，有杞子、龍眼肉、黑豆腐....我叫左個黑豆腐，配料有龍眼肉、芋圓、小丸子同埋寒天，上面仲有黑糖沙冰，食落吾會好甜，而且豆腐好滑！吾錯！吾錯！不過呢個糖不甩三食就麻麻地，粉團吾夠煙韌，同埋綠茶粉團都冇乜綠茶味既....

如果你身在旺角太子區，不知道有哪間甜品又抵又好味，可以試試位於太子的227甜棧，相信不會令你失望。朋友點的黑白豆花加薑糖沙冰，不要以為黑豆花就會是黑色，其實也是近似白色的顏色，不過跟白豆花放在一起會更易看出分別，就是會黑一點點的顏色了~我點的雪糕紅豆綠茶布甸，雪糕我選了雲尼拿味，因為布甸已是綠茶味了，所以雪糕我就不點綠茶味啦~布甸綠茶味濃郁亦很滑，小丸子很QQ，在吃的時候雪糕會溶了一點點，所以到你吃到底層的碎冰時就會有種甜味喇~另外有一點很值得讚的，就是店內有一處可以讓你自由斟山楂茶，這是一項非常貼心的服務，試問有多少甜品店會有免費茶呢?吃完甜品以暖暖的山楂茶洗滌一下口腔，令人回味

227甜棧門面裝修得的確幾吸引，復古的木板招牌，紅紅燈籠高高掛著，古色古鄉味特濃！店內環境算寬敞，座位間之間保有空間，不會給人感到壓逼感！甜品時間就係需要放鬆的時間，坐得舒適真係好緊要！店家這方面做得不錯喔！ 近門口位置有自助茶水間，供客人自由斟茶飲用！ 食甜品前飲啖茶解解渴都幾貼心，而且仲順便清清口腔，更能品嚐到甜品的真正味道！茶雖然係免費，但味道都好濃郁，絕不馬虎享茶完畢！介紹以下甜品先～雪糕紫米牛奶布甸甜品賣相好吸引 ！布甸白雪雪的，未食已經感覺到滑溜。師傅將原本外表普通的布甸外表𠝹出一格格的紋理，好搶眼，平凡中帶出一點不平凡！味道方面真係一讚！牛奶味好濃郁，口感好幼滑，仲feel到彈彈的，一流！紫米方面，甜度剛剛好，半粒半糊狀態，食出棉棉口感，溝埋布甸一同食用，意外的合配！布甸底鋪有一層冰碎，令整個甜品食起上來更冰涼，夏天食就最適合。白色小丸子則煙煙又韌韌，雪糕球係雲尼拿味，好香好幼滑！呢個甜品真心覺得好好味！ 到另一甜品--彩虹綜合圓椰汁涼粉台式芋圓五顏六色，真係好有彩虹開心的感覺！涼粉好QQ，好滑溜！椰汁味好重！如果覺得唔夠甜，可以加入檯上已準備好的糖漿，更會食出另一番味道

在食評看到227 的介紹，店鋪很有特色所以去試一試。店鋪裝修的而且確很有味道和特色，相比其他小型甜品店，它的坐位也不擠擁。叫了兩個甜品，一個是貼在門前的招牌甜品三色丸子，賣相很好很日本，可惜所有丸子的中心都是未熟透，很硬，非常失望和失敗。再叫了黑糖蕃薯丸子糖水，蕃薯很香，但丸子太熟太林沒口感，又不煙韌，跟蕃薯有強烈口感的不太相配。店主似乎沒有考慮到，當製作小丸子時的配方，像日本的宇治金時和台灣的粉圓，由於體積小，所以都必須做得煙韌有口感。我看店還有其他甜品，大家也可以去試試其仔的。

經過227甜棧好幾次，今日都係第一次光顧～ 門面裝修帶懷舊感，遠觀唔多似係糖水鋪，仲有花膠糖水作招牌食品⋯花膠？糖水？花膠同糖水？真係第一次聽，印象中花膠只會出現在中式傳統菜，用來作甜品？真係可以溝得埋？為了這個難以理解的疑惑，真係非試不可！店家推介的花膠芒果布甸$52蚊，作為布甸，這個價錢好似貴了一啲，但當加上花膠二字，身價自然又會被抬高～花膠芒果布甸顏色配搭唔錯哦～粒粒芒果粒味道好甜，芒果味重，果肉新鮮多汁。黑珍珠烹煮的程度剛剛好，腍中帶彈的口感又煙煙韌韌，QQ的喔。花膠呢？已經切粒，半透明質感，口感有點似白菜糕，但又比白菜糕再硬小小，花膠本身冇味道，但配上淡奶加香甜布甸，味道就剛剛好～ 布甸值得一讚，軟韌度非常適中，而且仲帶粒粒香芒粒，好味最重要係花膠真係超養顏喔！椰汁雪糕紫米露 好香椰奶味，紫米呈半粒狀，仍有嚼感，雲尼拿雪糕令整個糖水食起上來更香更滑第一次與227甜棧的接觸感覺很良好，店員都好有禮貌，服務與食品質素都好好，會繼續支持！

食完難食樓上cafe, 唔飽又口渴，唯有搵糖水鋪。黑白布街果啲打曬蛇餅，唯有轉戰太子，呢間正評多，人不多，啱哂!!鋪面裝修，桌椅都好有中國特色，價錢亦好合理，甜品選擇多，中西合璧，食客可自選配搭，非常貼心大家對各自的糖水讚不絕口-椰汁香滑-黑豆漿配小丸子感覺創新-香草雪糕口感豐富(冇溝水!)-芋丸夠qq-雪耳真材實料-豆腐花略嫌豆味不夠濃我地後來先發現原來有自助茶水!可幫食客消甜膩!很貼心!Waiter waitress 服務態度也很好!會再來

227 係我飯後糖水既首選，選擇好多，有燉蛋，花膠木瓜，紫米露，亦有傳統蕃薯糖水，食飽飯想舒舒服服傾下計，亦係唔錯選擇最近經常要加班，一於揀個滋潤糖水-花膠海底椰雪梨。小小一盅，即叫即燉，材料十足架！味道好清甜，加上滋潤雪梨，海底椰同埋含骨膠原既花膠，好岩經常加班既我，需要滋潤補身一下，飲完成個暖晒，無咁dry

最近天氣太反覆，要飲糖水潤下呀 一入到去，裝潢好有中國風，環境好舒服，真係好似小客棧咁唔係得個啲樣，甜品都有好多選擇架,包有一款岩你!花膠海底椰燉雪梨($52) - 有花膠,雪梨,海底椰,南北杏。小小一盎,即叫即燉,十分清潤,味道清甜，好適合而家天氣,飲完喉嚨舒服好多,好滋潤黑糖薑汁蕃薯雜錦圓糖水 ($29) - 材料豐富，蕃薯又腍又甜,小丸子夠煙韌,配埋黑糖水同樣好味,但如果薑味再辣點，就更好喇食完成身都暖晒。還有免費自助茶水提供

星期日晚上都幾多人, 要等10分鐘才可以入座.有4人卡位, 仲有10多張2人枱. 有中國風的裝飾, 木枱木櫈.見隔離客人去自助拎茶, 原來有得免費去拎茶飲, 都幾好.而且定期會轉茶款. 因為之後再去見唔同左茶.養生牛奶布甸:牛奶布甸好滑好濃奶味, 下面係刨冰味道微甜. 配料有紅豆, 綠豆, 蓮子, 台式珍珠等等. 唔會煮到爛哂, 食到每款配料既味道.雖然個甜品係凍食, 但材料都是健康, 而且唔會過甜. 食得出用心製造既甜品.養生花(涼粉)- 芋頭, 薏米, 南瓜泥, 手工芋圓:糖水用黑糖煮成配涼粉同上面刨冰, 好清涼.配料全是健康的微甜類. 芋頭,南瓜泥既天然甜味. 好味道.值得一讚就係手工芋圓, 好Q好好咬. 呢款糖水有黑糖比較甜, 但勝在可以自選配料.免費自助: 菊花普洱茶:有淡淡菊花味, 普洱茶唔會太濃.原隻木瓜燉花膠:第2次黎試左個熱食甜品. 原隻木瓜份量十足, 用椰奶燉蓮子花膠.有3件花膠, 有膠質彈彈地.椰奶好香好滑, 食完好潤. 比較甜, 但配埋木瓜食就岩岩好.總括, 材料用上健康食材, 而且味道微甜. 配料多有自選組合,價錢合理.

在太子吃完晚飯便帶朋友到久違了的227甜棧。沿著警署一直行，行到酒吧區再後1條街就見到這個大招牌燈箱，很易找。這裡的糖水以中式為主，有很多以花膠為主的甜品，有冷有熱。除此之外，這裡還有健康的黑豆腐花，自選配料有養生的山藥、蓮子、薏米、地瓜及寒天凍等。感覺健康亦有點像台式甜品店。今次我點了花膠木瓜燉雪耳，裡而有幾塊花膠、木瓜、雪耳及蓮子。糖水不是淡淡的只有甜味，木瓜入味，應該是燉了一段時間才能做到的效果。喝完糖水整個人都是暖暖的，很滋補。朋友點了〝養生花〞，有黑、白豆腐花配上薏米、綠茶凍、小丸子及芋圓，糖水點了薑汁熱糖水。朋友說很小吃這類糖水，比較特別亦較健康。

食完水餃就去尋找附近既甜品舖...出黎之前上左openrice搵, 搵到既係呢間台式養生甜品店...食左既有菊花普洱茶, 手工芋圓薏米養生黑糖水黑糖沙冰, 紅豆綠茶凍黑豆漿黑豆腐花...菊花普洱茶: 已自助形式取用...有菊花味, 幾清...飲完覺得自己靚左...手工芋圓薏米養生黑糖水黑糖沙冰: 芋圓, 地瓜圓好QQ, 有芋頭同地瓜味, 好似去左台灣咁, 絕對可以解我既台灣癮...薏米唔會硬, 黑糖水令到正常飲薏米水會有既潺感都無哂, 者係好易入口...黑糖沙冰好幼好正, 黑糖既甜味唔易膩...唯一既特別係黑糖沙冰溶左又變埋糖水, 所以飲到最後有d甜, 加落d茶到就岩岩好...紅豆綠茶凍黑豆漿黑豆腐花: 綠茶凍無咩綠茶味, 紅豆甜甜地就好夾豆花, 豆花豆漿食到有手工既味道...呢個甜品比上面既清d, 唔太食甜野既建議食呢個...呢間既甜品我覺得男仔女仔gathering同屋企人食都好似唔錯...不過要帶埋我去...因為我都想食!!!