227甜棧 (Closed)

星期日，同朋友食飽再去食糖水，到達時差唔多十點，唔洗等位，其中一位朋友未到都可以唔洗等埋就入得，好貼心。睇咗餐牌，有好多選擇。我叫咗自選駌鴦凍豆花加芋圓地瓜圓加綠茶凍。等咗一陣就有得食，豆花好滑，甜味適中，面個 pat 原來係黑糖沙冰，夏天食應該會仲正，綠茶凍就無乜綠茶味，兩款配料 $28， 好扺，會再黎食

吃過227 甜棧很多次，喜愛他們的養生甜品及自家製豆腐花。 帶過不少朋友去試，每一個都自己跟朋友或家人再去， 可見他們吸引回頭客的能力相當不弱！最愛他們像點車仔麵般的可隨意為豆花加toppings的選項，每款都是有益養生少甜之選，配上黑糖糖水或豆漿，吃甜品也可以很有益！當然他們也其他近似台式口味的甜品，試過幾款，還是獨愛「養生花」！最近換了新餐牌～自助茶水，是日是茉莉花茶不算是很貪心吧！ 黑豆腐花加白豆腐花配薑汁黑糖水，yummy！ Toppings 選了Q彈的手工芋圓，可惜一份只有5-6粒，很少唷！另外，杞子龍眼肉都是我最愛之選，嘗一口天然乾果的甜，明目養神！黑糖杞子寒天凍、很好吃，都是我經常選配的。

近日秋風起，好多朋友都會咳兩聲或者傷風。今晚食完飯，就同朋友去太子一間養生糖水去食個糖水，補補佢227的室內設計好似古代的客棧咁，環境不錯。花膠燉鮮奶蛋白的味道就偏淡，對於我食慣重口味的人黎講真係太淡，唔夠喉。蛋味幾香，入口好滑冇起泡。表面有少許花膠，入口爽爽地有少少咬口，但係味道冇咩特別，呢個配合並無特別或者驚人的感覺。47蚊有少少貴寒天芋圓地瓜圓薑汁糖水，寒天好爽口，芋圓的味道夠甜，有咬勁，表面有少少冰沙，入口凍冰冰好過癮。薑汁唔會太辣，入口好舒服。另外，店家提供糖漿比我地自己加，鍾意食甜D既朋友可以再加黑糖漿。紫米芋圓地瓜圓黑糖水，紫米好香，口感好好，同上面個個糖水的味道其實差唔多，但係呢道糖水就冇薑汁味，味道較甜。加上紫米本身的甜味，不錯哦！

有晚係附近打完邊爐後想搵個甜品食, 但食極都係果D連鎖牌子所以就上OPENRICE搵下附近有咩食, 見到依間D裝修好似好特別所以就黎左依間裝修果然無失望, 模仿古代客棧既風格食品有一部分以養生為主題, 自選配料, 粉底(涼粉、沙冰、豆腐花) 同糖水我選擇左雲喱拿雪糕紅豆綠茶布甸 ($36) 布甸綠茶味道都好濃, 紅豆正常, 不太硬, 也不至於淋到起沙, 反而食到一半下面既冰底開始溶走左我舊雪糕, 唔係咁好女朋友就選擇左養生花系列, 我無試食, 但賣相不錯食完甜品, 店內亦可以自行斟一碗熱茶飲番暖下個胃, 清清甜味我當日既好似係菊花綠茶

係太子食完飯,朋友推介去食呢間甜品店,佢話每次係呢邊食完飯都一定黎食返碗甜品先完美,見佢講到咁,當然黎試一試...綜合粉圓涼粉($38):份量都幾多,而且仲可以一次過試晒6種口味既粉圓,唔錯.個人覺得蕃薯口味較為突出,可能椰汁味道太重,蓋左其他口味,至於涼粉就無咩特別,但因為佢係一大舊,而且十分滑溜,好難"筆"起黎食,所以下次應該會揀返沙冰.自選鴛鴦豆腐花,紅豆,小丸子,雪耳,黑糖寒天凍($34):豆腐花香滑有豆味,小丸子好Q彈,雪耳好大塊,感覺好滋潤,寒天就黑糖味重而且爽滑,朋友仲點左薑汁糖水,最岩配豆腐花一齊食,另附既黑糖沙冰打得好細滑,而且唔會太過冰凍,好易入口.

晚上都幾受歡迎的糖水鋪, 晚上8:30時客人半滿, 晚上9:30後開始很多人, 幸好早來不用等位.養生系列的糖水, 配料選擇很多, 自由度大, 而且大多用養生配料, 食甜品都可以健康d. 下單後, 發現有免費的茉莉花茶, 自助式添飲, 食完甜品可以嘆返杯茶傾計都幾好.彩虹綜合圓仙草涼粉 $38, 由多款口味的粉圓/仙草/椰汁組合成的糖水, 黃色-黃心蕃薯粉圓; 紫色-紫心蕃薯粉圓;白色-原味粉圓;紅色-紅婅粉圓;綠色-綠茶粉圓;黑色-黑芝麻粉圓.粉圓微微煙韌好有咬口, 紅婅粉圓甜甜地, 黃心蕃薯粉圓很重蕃薯味, 配埋滑溜又軟淋的仙草, 口感有對比.用椰汁做糖水, 更添香滑. 糖水的甜度不高, 所以食完唔膩, 而且比較健康.養生花系列-四款配料 $34, 自選原底/配料/糖水, 按個人口味選擇.我選了鴛鴦豆花(凍)/小丸子/紅豆/雪耳/黑糖寒天凍/薑汁黑糖水/黑糖沙冰.小丸子好Q好煙韌, 紅豆大大粒, 但不算很粉綿. 而雪耳都偏硬身.黑糖寒天凍夠滑又Q彈.黑糖沙冰好好味, 沙冰打得細滑入口即溶, 仲有淡淡黑糖味. 薑汁黑糖水不刺激而帶有薑味, 味道很夾豆花.鴛鴦豆花(凍)有原味的豆花,

食完晚飯，就去左「227甜棧」食甜品，想食好耐架啦去到都吾少人排隊，好彩15分鐘左右就有位啦。一人點了一個甜點，再一齊share食甘就試到多幾款甜點啦香芒大團圓$34，似加了珍珠既楊枝甘露大碗版。雪糕紅豆綠茶布甸$36 （雪糕可以自己揀：紅豆/綠茶/雲哩拿）我就揀左綠茶 綠茶味超重，配紅豆加冰底，夏日炎炎之選（左）雪糕椰汁紅豆冰$29（中）雪糕香芒牛奶布甸$36，牛奶味香，淡淡的，不錯。黃金小丸子白雪卷$32，味道較淡，芒果香口

好鐘意呢間甜品，特別係佢嘅養生花，滑滑嘅熱豆腐花加豆漿，再配薏米、芋頭、蓮子等配料，簡直係perfect match！而且呢間d甜品大多數係少甜，至啱健康人士另外愛玉冰都係至愛之一，因為唔會太高卡路里，既可滿足食甜品嘅慾望，食完又唔會有罪惡感

我是住在附近的平日都是堂食因為好幾次在門口買外賣要等差唔多20分鐘而且8:00多這個時間比較多人所以就試下打定電話落去不到5分鐘佢就打黎話已經整好我即刻落去拎啦返到屋企 一打開先發現貨不對版單上寫的明明是對但是就沒有小丸子而且唔知係咪加左價要成$30😟但係又費事落去同佢嘈所以就算😟建議大家叫外賣寧願係出面等也不要先打電話落去😡佢整左之後差唔多10分鐘先落去唔係好信佢發現唔到😡

為了想食糖不甩, 專門駕車出來附近晚餐後再來食甜品.滿似台灣格局的餐廳滿座著人, 幸好不用等位, 眼見身邊的食客都食布甸山圓。, 急不及待食2款東西, 綠茶布甸配紅豆雪糕真的好配, 賣相吸引, 布甸樣子口感似板豆腐, 味道輕含綠茶味滑滑的, 紅豆雪糕沒咩特別, 不過一定要配合底部的紅豆牛奶冰才好食, 同時芋圓增添口感。糖不甩三食, 賣相帶似日式甜品, 幾別緻, 黑白湯圓是原味+黑芝麻味, 沾上綠茶味有點濃, 黃豆粉算滑, 椰絲花生糖不覺有椰絲亦不滑但較甜, 配上湯圓都係芝麻花生糖或者黃豆粉較香較好食, 糖不甩韌度口感幾好, 雖然整體不錯, 個人食後還是比較喜歡傳統的糖不甩或者街頭小食不規則剪麵粉沾芝麻花生糖。黑糖薑味蕃薯雜錦芋圓, 不覺很甜, 輕帶薑味, 蕃薯細細片, 不同顏面芋圓食上口唔覺有甚麼味道分別, 如果薑味濃些更好。反而聞到旁邊的人食寄生蓮子蛋茶糖水幾香, 味道似較濃, 不過太飽, 試不到其他款式了。整體甜品份量足夠, 價錢合理, 除了芋圓和布甸, 其他中式糖水看似出色, 下次再試。

慕名而來，失望而歸。花膠薄如蟬翼兼脆口。用料不足，火口欠佳。蓮子明顯浸泡時間不夠，不夠鬆化。 如果要食花膠或者食開花膠嘅香民，本人不建議大膽嘗試。雪梨得2，3小片，絕對係圖片只供參考級數。

幾年前為了雪糕紅豆綠茶布甸前來，印象中是失望了。今天又被粉圓牽引過來，畢竟有賣芋圓甜品的本地餐廳不多，而且食物質素在這幾年間或許有所提升吧！衝著彩虹綜合圓而來，最終在沙冰與涼粉之間選擇了後者，原因就是愛吃涼粉。綜合圓是有六種不同顏色和口味的粉圓，味道比較明顯的是芝麻、芋頭、綠茶和蕃薯。但粉圓配上滿滿的椰汁味道很不搭，椰汁份量也顯然太多，喧賓奪主掩蓋了粉圓的味。加上涼粉太稀而不爽口，黑芝麻粉圓吃起來更像是有渣。基本上這次光顧還是失望了，其實MENU上還有好幾樣想吃的甜品/糖水，可是這味道真的是有很大的進步空間。

今日好早食左野 7點幾就去食甜品之前聽朋友介紹過太子附近有個台式甜品好食今日見到就入左去試試太早 無咩人食甜品 入到去 好快就有店員過來甜品可以自組同就咁叫太多款 有選擇困難呀!!!!!!最後肥仔叫左個芒果牛奶布甸我就叫左黑糖沙冰再自選配料偷食左啖牛奶布甸 嘩 超好食呀好重牛奶味 入口好香濃 加埋芒果同小丸子一齊食無窮既美味然後我叫既黑糖沙冰 加左粉圓 黑糖寒天凍 薏米 桂圓杞子成碗野既配料都好養生呀我係好中意食既粉圓係台灣食過後 就無再食到過今次好開心 估唔到甜棧有得食好中意個種食落口 QQ的口感再加上依幾日35度 夏天食沙冰 完全可以降溫極力推介

喜歡吃甜品的我，基本是把甜品當成是第四餐來吃，一旦不吃的話，就像是沒有吃午餐或晚餐一樣，渾身都不自在。是次路過，又一時禁不住這種與生俱來的衝動，走了進來。不過，平時的我是喜歡較有冒險精神地吃一些新的甜品，但今晚只想滿足甜品癮，於是選了一個比較正路的椰汁雪糕紫米露。以玻璃盆裝著的紫米露，總讓人有珠光寶氣的精緻感，這可能也是我愛吃甜品的原因之一吧。椰汁香甜，入口涼涼的，再舀一口紫米，和椰汁同吃時幾香，軟糯好味。雪糕是雲呢嗱味的，不算得特別滑或好味，不過不失吧。這種冰涼柔潤的感覺，就是我所追求的。

在太子區晚飯後，意猶未盡，就立刻上openrice尋找附近甜品店，竟然意外地尋找到這家蒼海遺珠。位於太子的偏遠角落，行過來的途中會幽靜到質疑自己有否行錯路。店鋪門面及內裡裝修都充滿懷舊客棧的氣息，連枱枱櫈櫈、牆身都一絲不苟，彷如進入仙劍客棧般。這裡最大的賣點就是養甜甜品，可以看到自選糖水內的甜品竟然有杞子、北芪、山藥、薏仁等材料，又可以食到甜品，又可以滋補養顏呢。既然是客棧，當然少不了茗茶。這裡的茶水屬於自助形式，要飲就要自己斟囉。是日的茶為菊花茉莉花茶，十分清幽。綜合粉圓涼粉 $38綜合粉圓中有六種不同顏色的粉圓，分別是六種不同口味。我記得的有地瓜、紫薯，芝麻、綠茶等等，口感好煙韌！奶白色的是微甜的椰汁，椰味好香味道好真。抹茶布甸男友點的布甸，抹茶味好濃，完全是抹茶粉的味道，有點甘苦，所以與香滑甜膩的雪糕同食就很合拍。