2nd Kitchen

Open Now

Now Closed

今日媽咪唔煮飯，我諗左好耐食咩好。其實上個星期已經想食呢間只係冇機會，今日一放lunch就一支箭標去買。是日推介係芝士咖哩蛋包飯，但係因為我唔可以食半熟蛋，如果全熟嘅蛋包飯一定唔好食。最後毫無大志咁食返蛋黃醬炸雞飯(多汁)。味噌湯 - 都係無咩味又唔夠熱蛋黃醬酸酸甜甜好開胃， 多汁撈珍珠米真係好好食。炸雞既炸粉厚薄適中，脆卜卜，雞肉又滑加上醬汁好好食。流心蛋岩岩好，沙律菜加酸汁超開胃，仲有一粒新鮮車厘茄，係份量少啲，但回味無窮。

今日睇完醫生已經接近一點，間間舖頭都排滿晒人，我唔想等咁耐，於是諗住行下個圈都冇野好食既話，就會去買杯麵返公司食。點知俾我見到呢間隱世鋪頭，餐牌已經好吸引，我叫左個炸魚柳飯，我要求多啲蛋黃醬，點知佢仲到左好多俾我添。炸魚排得有好靚，炸魚唔油、湯又清。我打算逐一試哂所有嘅食物。飯，正宗日本米炸魚，唔油，香脆配菜，估唔到唔差湯，清甜日本炸汁（呢個估唔到會另上，唔錯）配上檸檬比我加上去炸物到，真係清新又解膩

今日午餐買左南蠻雞飯試下！仲加左$5要半隻蛋，隻溏心蛋生熟度剛好，炸雞係暖既，上面加左蛋沙律，配埋一齊食又幾好味喎🤤，但送既麵豉湯就令人失望，淡到好似水咁，可以唔飲😕……

午餐時分，預料今日會有大雨🌧大家都決定外賣返公司食飯諗起角落頭位有間專做外賣嘅日式小店，舖面望落都乾淨，睇過menu係吸引，價錢合理，11:30後就打去叫定睇吓個賣相先，每盒飯除咗主菜，會有些少西蘭花🥦同蕃茄仔配搭蛋包飯飯底係炒飯，入面有紅蘿蔔同肉碎。除咗蛋包飯，其餘嘅白飯面會灑少少梅粉上去（唔影響味道的），可能令賣相更好睇先唔好講味道，就咁睇個擺盤同食澤，已經加咗分視乎點咩餐，仲有杯麵豉湯送麵豉湯，估計係粉沖嘅，正常味道。我點嘅係什錦飯，入面有炸蝦🍤、炸蠔、忌廉蟹餅（？）同溏心蛋 炸物煮得好好👍🏻👍🏻，外脆內軟，入面唔會有海鮮嘅腥味，個忌廉蟹餅（？）咬落去有種似魚腐嘅感覺（唔知係咩餡但係好味😚）未去到「嘩，真係好好食」嘅感覺，但呢個價錢，咁嘅質素，我會encore 事前問咗店員哥哥加汁，佢有俾到幾包燒汁我撈飯，非常nice 其餘飯我冇試食🤣俾唔到評價不過據佢哋feedback都話，係cp值幾高嘅店強烈推薦外賣返屋企/公司食嘅小店😋

拜六下午三點幾在蘇杭街搵嘢食。經過這間買炸物便當小店，見到餐單有漢堡扒便當，老婆二話不說就點了。我當時唔想食炸物，所以就打算去別處逛。但老婆就留意到個㕑師係日本人，叫我試吓無妨。我就試咗個南蛮炸鷄+炸蠔。十幾分鐘回到家用餐，打開便當蓋，見到非常精美嘅配搭。沙律醬加雞蛋碎，少許沙律菜，飯本身好飽滿有米香，感覺個廚師非常之用心。整體來講係物超所值。值得支持嘅小店。

由於今日人虧虧行唔到咁遠買野食，咁就近近地係公司附近覓食。 不過呢條街真係好好 ，是但一間d野食都可以安心食唔驚伏，仲要價錢係中上環嚟講都唔算貴。 而今日買既呢間小店，佢係正樓梯旁邊，唔算起眼，但係一到lunch time都幾多人等。上次食過佢個肉丸意粉之後就一直有d掛住🥺，所以就決左今日再拎埋的個lunch box 去encore果個意粉。佢地人手唔算多，一共3個人，一個煮意粉，一個負責飯，一個負責收錢pack食物，見佢哋個個密密做冇停手。 趁等候期間，我去左隔離店買左杯熱飲(詳情可以睇埋我另一篇食評）🥰 呢2間店我都好鍾意🥰 最後等左大約10分鐘多dd就有意粉喇😍個意粉好大兜，有6大粒雞肉丸，好香濃既蕃茄芝士醬汁😋😋，佢食落偏向蕃茄酸味，好醒胃。粉意又係口感岩岩好，唔會好淋但又掛到汁。雞肉丸簡直係我最愛😍佢係個樣望落結結實實，入面唔鬆散但又比外面淋d， 仲要幾juicy😍😍🤣 d汁多到食完都仲有好多🙈好喇！下要我要試埋佢d飯，似乎都好似幾多人叫佢d炸雞飯🧐

Wanted to find some quality places for getting lunch to enjoy back at the office and stumbled upon this little Japanese takeaway point. It's a small business and they make the food fresh! I went to them twice so I could try more things before writing. Surprisingly great food! The Namba chicken was amazing, the chicken was so tender and perfectly fried complemented by the egg salad sauce. The portion was great too, they even give you a slice of lemon to add a bit of tanginess to the dish and it r

呢度不知不覺已經成為我既中午飯堂，今日叫左推介既南蠻炸雞飯，全部野都保持到水準，炸雞好香，炸粉岩岩好，唔會太多。配飯送上既薯蓉都相當唔錯，飯份量有D多，食到好飽。價錢亦都唔貴，如果可以送埋野飲就一流。

每次行過呢條街都有好多既炸雞香味，後來終於發現香味係來自呢間日式快餐店。佢地只做外賣，不設堂食，無論餐牌和佈置都充滿日式café既風格，感覺非常舒適自然。買野既時候無意間聽到廚師講野，感覺佢好似係日本人。呢度既選擇以簡約既意粉、漢堡扒、炸物為主，配上飯和味噌湯，飯盒內又會配以西蘭花等伴碟，望落好靚好治癒。今日揀選左蛋包飯，飯有炒過，食落似西炒飯，配埋蛋同茄汁一齊食，味道好夾。味道唔會太咸，恰到好處，如果中意重口味既，我就唔建議揀蛋包飯。

最近發現咗呢間小店，主要做外賣蛋包飯、炸物便當同意粉，便當顏色鮮豔，賣相都幾可愛，好似日本卡通片媽媽整嘅便當🤣 因為限量製作，所以呢度嘅蛋包飯好快賣曬，小妹都去咗幾次先買到。用上日本🥚同米製作，所以蛋包飯嘅顏色特別黃，顏色好靚; 蛋都算煮得滑，唔會好老。不過如果唔好煮熟，保留少少蛋汁會更好。滑蛋包住嘅炒飯味道適中，不過略嫌黏口，失咗分（小妹鍾意炒得乾身嘅炒飯呢）對比蛋包飯，小妹比較鍾情🦀炸蟹肉忌廉餅飯。(小妹係因為佢嘅炸物先再幫襯試蛋包飯。) 蟹肉忌廉餅即叫即炸，所以熱到辣口；食落外脆內軟，都幾creamy。炸物便當嘅飯比較煙韌粒粒分明，灑上紫菜同芝麻碎，再配埋流心蛋，充滿日式風味🍱。唯一美中不足🥦西蘭花煮得太生，有d硬；不過第2次食就有改善。小店嘅廚師應該係日本人，見佢每次收order 都會大叫 “係！” 。所有order 都係廚師同助手即叫即整，所以如果太多人，都要等耐少少。整體來講，$58有湯有靚靚便當，而且食物質素唔錯，都可以接受。

叫左個雜錦炸物飯，全部野都唔會炸得太乾，炸完出嚟麵衣厚度適中，又唔會油，特別鍾意個炸忌廉蟹餅，外脆內軟，入口棉密，大讚👍🏼👍🏼飯係用日本米，粒粒分明，上面有啲紫菜+芝麻，幾有心機。同埋佢炸物會跟埋有包醬，酸酸甜甜，個人幾鍾意😂😂👍🏼整體來講食物質素中上，雖然個位置就偏左少少，好就好在唔會太多人，lunch time 唔使等太耐，價錢喺上環食都合理，唔會話太貴。性價比唔錯👍🏼可以試吓🥴可能因為本身鍾意食日本嘢，特別鍾意呢間😂

平時係中環番工 都中意周圍試唔同嘅野💭但最近嘅情形 都偏向買外賣!! 行過見到呢間小店又open kitchen 好似幾正就去試😂😂😂PS.廚師應該係日本人 我嗌左南奎雞飯 米係用日本米 雞上面係沙律醬 我記得臨走個陣收銀姐姐仲同我講呢個醬係精粹。。。咁當然我就梗係帶着期望咁去食 都好食嘅不過我覺得就冇我想像中咁特別😂佢啲嘢食係即叫即整嘅 但個雞拎到返Office已經淋左少少（無5分鐘嘅步程） 想試蛋包飯 但聽聞未到一點就賣晒 希望下次有機會試到laaa總結 性價比高 會再幫襯

第一次嚟幫襯，就揀卡邦尼意粉啦～雖然外貌平平無奇（掛住食，無影相），但好好味。意粉軟硬適中，汁好香濃，但又不太膩。其實呢度以炸物為主，今日因喉嚨痛所以買意粉，下次一定會試啲炸物。

在上環打滾咗幾年, 見證住呢個鋪位一次又一次轉手! 轉來轉去, 今匀轉左做日本o野 - 2nd kitchen, 呢頭算少呢類型的餐廳.今次係第2次幫襯! 上次係試業食, 有點混亂,又冇得打定電話order定, 隔左段日子, operation smooth咗, staff都有禮貌咗! 沒有堂食, 只有外賣!生蠔飯好好味, 炸得唔會太乾! 日本米, 十分啱口味!有D日本配菜鋪o係飯面, 食落唔會太dry! 麵豉湯偏淡味, 但未至於好似水咁淡! $58, 間中幫襯下都OK!