三點三冰室

Open Now

Now Closed

睇完openrice啲食評諗住試下，晚飯時間入座，餐廳內寥寥可數的食客。就座後order左個鰻魚蛋包飯，$78唔算平，凍飲加$10，等咗半個鐘個飯先到，賣相唔錯，但係凍既，我明商場餐廳唔可以用明火，但係都可以俾返少少誠意，叮返熱俾我都好吖，啲餐廳職員態度又差，黑口黑面咁，唔會有下一次既幫襯。

咁嘅價錢我食樓上food court好食好多🤢唔明啲好評喺邊度嚟？今日同朋友夜晚叫咗個鐵板雜扒餐同埋一個星洲炒米，個鐵板餐嚟到一啲都唔熱，難為佢個名叫‘吱吱喳喳’鐵板餐，啲扒好似煮好咗放咗好耐咁，塊豬扒又柴到好難食，燒汁唔知咩事似茄汁，個餐湯好似老人院入邊啲老人家食嗰啲糊仔咁，杰到一個點，個星洲炒米一嚟到一啲鑊氣都冇，食第一啖仲覺得啲米粉有啲啱啱淥好嘅滾水嗰陣味，難食到一個點，以後唔會再幫襯

自從啟德airside的商場開了，我同朋友都有趁放假的時候去行吓街🧡 ，我們見到商場都多餐廳🍴林立， 但有間平民美食的茶餐廳🍴，我覺得性價比不錯，值得支持海南雞飯海南雞肉嫩多汁，點上三款醬送飯一流，油飯油香味俱全！鰻魚蛋包飯原條鰻魚肥美鮮甜配以滑溜蛋好滋味二世祖西多士原來是由鮑魚同西多的配搭，鮑魚口感十足，配以醎味西多又幾配襯，沒有違和感👍三點三冰室 九龍城啟德協調道2號AIRSIDE B1樓B127號舖

放工同朋友嚟到airside，發現咗間好高質嘅冰室，一定要推薦俾大家！價位合理 好受歡迎👍🏻 餐廳裝潢簡約有格調，環境乾淨企理，坐得好舒適 菜式選擇豐富，份量好多，人均$100以下，性價比高，上菜速度快，難怪咁多人光顧👍🏻晚市四人消費：$396（不設加一費用）💟食評💟💟三點三雜扒餐（豬，雞，司華力腸，煙肉）配日式粟米湯、薯條、燒汁推薦！抵食雜扒餐😍 特別推薦雞扒十分嫩滑軟腍，啖啖肉！粟米湯香甜濃郁😆 份量多，好飽肚😋💟XO醬豬扒炒烏冬簡單惹味之選！厚身豬扒切件 份量好多，口感好軟腍 不會柴，啖啖肉 好滋味😋 烏冬麵爽滑彈牙 好入味～💟焗豬扒飯經典之選😋 永遠不會失望的焗豬扒飯，鋪滿大大塊豬扒，用上炒飯底，米飯乾身 粒粒分明，配上蕃茄醬汁一流😍 飽肚感十足！💟鰻魚滑蛋炸熱狗好大份，份量十足！第一次食炸熱狗😆 口感酥脆可口，配上面層大大件鰻魚同滑蛋，再加上鰻魚汁好好味，賣相非常吸引呀😍😍❤️‍🔥💟一口雪花西多必試甜品🥰🥰 西多士有六粒可以開心share！配上糖漿香甜酥脆，好好味

啟德新商場AIRSIDE地庫一間港式茶記👍🏻✨🤩🦥這是一間地道茶餐廳，三點三象徵著香港人休閑時光，用心帶來最地道的美食體驗。以輕鬆愉悅的風格，為都市人在美食中紓解疲憊，享受悠閒的用餐時光，讓每一刻都成為美好的回憶，是餐廳的宗旨，很有意思！👍🏻👍🏻👍🏻有心思！餐牌上有經典的鐵板扒餐，是此點了《西冷牛扒餐》$128，配日式粟米湯和焗薯，選了蒜蓉汁。吱吱又喳喳的港式鐵板扒餐，非常豐富，牛扒大塊，配菜的焗薯更為出色。既有特色又保存傳統，欣賞！《三眼仔豬扒飯》$78，採用了日本的雞蛋和日本的醬油，三眼仔代表著三隻雞蛋，加上煎得惹味的豬扒，加上醬汁，撈飯簡直一流！《沙嗲牛肉西多士》$52，西多士本是港式傳統的小食，但餐廳加了新意，形成這款沙嗲牛肉西多士，外脆內軟的西多士內夾著惹味的沙嗲牛肉，超香！牛肉的厚度也有份量，同時沙嗲從西多士中慢慢流出來，賣相也很令人振奮！好吃！飲品點了美祿暴龍，有忌廉在表面，小朋友一定很喜歡的飲品！👍🏻👍🏻

本來餐廳食物比一般茶餐廳貴，我女友食了咖喱雞扒飯+凍檸茶，埋單88元。服務員不夠主動及目口目臉，不太有禮貌。餐廳本來有9折給airside商場職員，我女朋友著商場客服晒製服，有埋airside名牌，但無比折，轉頭返舖頭問剛剛有否比折，收銀話：你要出聲先有，無出聲就無，我唔會認得晒所有人。明明我女友經常去食，個個收銀都認得的，仲話你識QR code落單不用餐牌了吧？現在埋單就故意不給折，收銀不主動問，要職員自己提出比折lo~不過我女友不會再去食了！！！

Airside 有間三點三，食過佢嘅分店，幾唔錯！港色餐廳食物款式多，又夠港式，啱晒我口味🤩兩個鐵板餐，大大份，有埋粟米湯，好抵食😳粟米湯好Creamy,又多粟米粒粒🥰雜扒鐵板餐😋有齊豬扒，雞扒，司華力腸同煙肉，份量十足😉極度豐富！啲調味都好好味☺️雞扒外皮超香脆，啲肉又juicy🫡豬扒又係好唔錯！重點係連司華力腸都好高質😏牛仔骨鐵板餐😋有5塊牛仔骨🤭好抵食，啖啖肉！啲肉仲要幾滑❤️薯仔🥔原隻上，有啲煙肉粒粒加酸忌廉，好正！忍唔住叫多份鹽酥花枝丸，勁香口又彈牙🤩拍得上台灣夜市買到嘅花枝丸✌🏻

最近Airside新開嘅餐廳多到眼花撩亂🤣今次想食港式地道茶餐廳3點3冰室好多款選擇🤘🏻有鐵板燒、焗飯、日本太陽蛋飯、西多士等等港式地道之余，加啲Fusion菜式🥢🥢鰻魚蛋包飯成條鰻魚都幾長，滿足哂鐘意食鰻魚嘅朋友～鰻魚肉質嫩滑，微微煙薰味，配上鰻魚汁啖啖蛋包飯都好滿足☺️🍴西冷牛扒鐵板餐西冷扒極巨型，大過成塊手掌啊熱辣辣，淋上黑椒汁香噴噴7成熟剛好，肉質鮮嫩有口感，高質！薯條keep到脆卜卜，沾黑椒汁又幾滋味🤤🐖焗豬扒飯即叫即焗🍴炒飯底拌勻蕃茄醬三件豬扒厚薄適中，肉質爽口配埋半溶芝士同蕃茄醬 ，好正啊🍞一口雪花西多西多預先切好六件方形一切開入邊沾滿香濃牛油上面灑上椰絲，在沾蜜糖食，甜甜地當甜品又幾好味啊🤤冰室梗系要加配特飲紅豆冰超多紅豆，紅豆🫘綿密大大粒，口感十足

Airside唔係淨係得貴野食㗎如果想貼地價啲 呢間三點三冰室係個好選擇好多卡位坐得舒服 冰室嚟講食物質素好高芝心蝦多士炸到金黃色好香脆 蝦肉唔算厚但食落都幾鮮點埋沙律醬好香口開胃 唔會油膩妙齡乳鴿好高質 好食過好多酒樓 皮脆肉嫩又juicy一人一隻先夠喉呀 沙嗲牛肉西多士西多食得多 但係夾沙嗲牛肉真係第一次食勁港式 沙嗲牛好惹味 淋上糖漿鹹鹹甜甜好正鐵板牛仔骨牛仔骨好嫩唔怕韌 加黑椒汁好惹味可惜個鐵板唔夠熱 聽唔到喳喳聲唔夠過癮老干媽怒炒牛河唔係好知咩係怒炒 不過夠晒鑊氣老干媽有少少辣 惹味過平時啲牛河 好正！飲品散叫有啲貴 不過跟價就抵飲好多雪糕紅豆冰啲紅豆勁綿密又唔會太甜 好味呀

佢$75就食到一條勁大條嘅鰻魚，仲長過我嘅手掌，而且仲會有炒蛋同埋炸熱狗。炸過嘅麵包非常之鬆脆好好食，就好似食緊吉列豬扒咁，勁邪惡，令人食完一啖又一啖，非常之推薦大家都要試一下！另外梗係要叫埋佢嘅芝心蝦多士啦，有六件細細地嘅多士，雖然佢睇落細細份，但係由於炸過，所以其實好飽肚，一咬落去，就有爆漿嘅芝士，勁幸福！加上每一個多士上面都會有一隻蝦，好正！同時我哋仲嗌咗咖喱安格斯牛肉飯，佢嘅咖喱係甜咖喱裏便好足料有薯仔，牛肉同埋紅蘿蔔等等各樣嘅配料，用嚟配飯都唔錯！另外呢度居然有懷舊嘅黑牛飲品，可以可樂加雪糕，而且飲落唔會太甜！

今日去啟德商場搵朋友，等區放飯，要搵定食飯地方，見到呢間三點三，響外面睇入去環境都舒服，餐牌價錢平民化，睇落去性價比都幾高，之後就比一個西多吸引左入去，就決定吃呢間，可以掃碼落單，幾方便，於是叫左喇沙湯雞扒油面，茶走，超邪惡西多，瑞士雞翼撈丁，三個餐外加兩個小食，一個係妙齡乳鴿，一個係瑞士雞翼，真係超級豐富。喇沙湯唔係太濃郁，一般，比較平常，最值得食噶就係超級邪惡西多，就係比區吸引入來噶，外脆內軟，外面蛋香加牛油加煉乳，裡面還有花生醬，口感超豐富，真係好邪惡，瑞士雞翼做得好入味，妙齡乳鴿皮脆肉嫩多汁，值得食。

以前成日聽老竇講3.3下午茶，生活都輕鬆啲。朋友鍾意帶寵物去商場行街，最近新寵兒係九龍城啟德的 AIRSIDE ，底下超市買完嘢之後，就去咗抵食三點三冰室。新裝修整潔光猛，店內裝飾簡約時尚，喜歡這裡沒有限時，適合相約三五知己來聚聚。是日選擇充滿香港情懷的鐵板餐、法蘭西多士等等的特色美食。三點三雜扒餐（豬，雞，司華力腸，煙肉）配薯條熱辣辣淋上黑椒汁，必點三點三雜扒餐，勁鍾意佢黑椒汁醬，香辣惹味，配搭香脆可口的薯條食，原來咁正架！鐵板上的豬，雞，司華力腸，煙肉；陣容強大，非常豐富。煙肉鹹香。食肉獸最愛豬扒，厚身大大件，食鐵板腸特別有風味。老虎蟹避風塘炒麵（軟殼蟹，虎蝦大辣）秘制辣軟殼蟹，皮脆肉嫩，虎蝦辣味十足，避風塘炒麵，每一口都充滿了辣椒香味，傳統避風塘的風味，非常開胃。日式粟米湯日式粟米湯濃郁順滑，加埋啲粟米粒粒，好好飲。雪糕紅豆冰跟餐配埋特飲，雪糕紅豆冰清新爽口，質素都唔錯。Jumbo檸檬茶茶香，清新開胃，解油膩。雪糕西多士冰室點都要試吓法蘭西多士，加埋雪糕，口感絕佳，而且價錢合理。迷你炸饅頭當係中式甜品，炸饅頭外皮酥脆，內裡鬆軟，迷你細細粒，非常美味。

得知Airside有見過人地食懷舊食品，老公叫左我好耐，終於陪左佢去食啦！🔸懷舊鴛鴦飯現時香港🇭🇰已經好小會再見到鴛鴦飯嫁啦！更何況係而家新開既餐廳🍴，鴛鴦飯一睇就知一邊係白汁，一邊係茄汁制作，而入面既飯都係炒飯底黎既，而且店舖都整得好好食😋🔸西冷牛扒餐西冷牛扒係以鐵板上，七成熟真係做到岩岩好嫁！🔸瑞士雞翼瑞士雞翼超入味呀！佢仲要係大大隻，隻隻都好飽滿嫁！炆得好夠時間呀！🔸芝心蝦多士蝦多士炸到脆卜卜，非常香口，裏邊有啲熱溶流心芝士嫁🤩🔸雪糕紅豆冰而家好小地方會有雪糕紅豆冰嫁啦！通常見到都係紅豆冰多，有雪糕配紅豆冰係好飲好多嫁！🔸黑牛黑牛係可樂配上朱古力雪糕

難得係Airside食到間性價比唔錢嘅餐廳地方大坐得又舒服用QRcord落單，重點無收加一好耐無食港式鐵板餐，包咗餐湯，配菜可以揀咗薯條/焗薯叫左個牛仔骨，牛味幾濃，肉質幾嫩焗薯夠哂大個，夾住沙律醬同煙肉粒妙齡乳鴿脆卜卜，熱辣辣又多肉汁，肉質細嫩又唔會太肥細細隻，一人一隻唔係好過份姐炸饅頭炸到外脆內軟，除左仲有黑糖可以蘸，必試啊！老虎蟹避風塘炒麵（軟殼蟹，虎蝦)炒麵乾爽，沒有油膩感避風塘好惹味，同時辣度十足仲有原隻炸軟殼蟹同虎蝦炸得香口，唔錯

呢日同屋企人去咗啟德Airside行街，我哋搵咗呢間餐廳食dinner，餐廳嘅環境都幾大同新淨。呢間冰室有好多唔同種類嘅嘢食可以選擇，好吸引。呢度用QR code落單，好方便。今次就揀咗海南雞飯、二世祖撈丁、蜜桃燒汁雞扒飯同埋鹽酥花枝丸，有齊晒東南亞、港式同台式嘅食物。海南雞飯都唔錯，嫩滑嘅雞肉配上傳統嘅海南雞醬料，幾好味。二世祖撈丁呢個菜式好特別特，平民食材既撈丁配上高級嘅食材，入面有大大隻嘅鮑魚、帶子同埋冬菇，別有一番風味。