Video
Opening Hours
Today
08:00 - 21:30
Mon - Sun
08:00 - 21:30
Public Holiday
08:00 - 21:30
Public Holiday Eve
08:00 - 21:30
Above information is for reference only. Please check details with the restaurant.
今日去咗屋企樓下商場Airside入面一間叫「三點三冰室」嘅餐廳食晚餐，主打快靚正嘅港式平民美食，晚市餐牌有多款小菜同套餐可以選擇，餐廳環境光猛企理，座位寬敞令客人坐得舒服。🍊 招牌脆皮雞（半隻）脆皮雞炸到外皮香脆，注重健康嘅我都忍唔住食咗幾塊雞皮，入面嘅雞肉燒完之後仍然保持嫩滑多汁，食落唔會覺得嚡口，配埋脆皮雞專屬嘅甜豉油醬汁，送白飯一流，半隻雞嘅份量亦都好足夠，另外老火湯有紅蘿蔔同青蘿蔔等材料，飲落唔重味精🍊 二世祖撈丁餐牌呢一個「二世祖撈丁」嘅名好吸引，冇諗過係冰室都會食到鮑魚、花菇同帶子做材料嘅瑞士汁撈出前一丁，各樣食材都煮得好入味，味道唔算好濃味並帶有少少甜味；好耐冇飲過香港茶餐廳獨有嘅黑牛，朱古力雪糕溶化喺可樂入面嘅口感好特別🍊 泰式墨魚餅墨魚餅即叫即炸，上枱時仍然熱辣辣，食落充滿墨魚嘅味道，內裏口感彈牙，外層炸得酥脆，配上泰式甜酸醬一齊食好惹味🍊 柚子雞翼炸雞翼上淋滿柚子醬，雞翼炸得香脆，柚子醬帶嚟甜酸酸甜甜嘅味道咁好開胃📍 九龍城啟德協調道2號AIRSIDE B1樓B127號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊
continue reading
餐廳環境比一般冰室佳，座位夠多又算闊落。菜式選擇頗多，有懷舊也有創新。芝心蝦多士賣相精美，多士炸得金黃鬆脆，內裡蝦膠彈牙，配上流心芝士加添陣陣咸香。法蘭西多士大件又厚身，外層酥脆內裏軟糯，炸得恰到好處，完全不乾。多士內夾有不少粒粒花生醬，味道香濃又富口感。蝦頭油蟹籽粉絲蝦煲熱騰騰香噴噴，份量十足，意想不到有多隻大蝦，而且超大隻啖啖肉。粉絲吸滿醬汁也很惹味。加錢可配老火湯及飲品，菠蘿冰好大杯，內有大量菠蘿好足料，果肉香甜多汁。西冷牛扒餐好豐富，附送日式粟米湯、焗薯、飲品。牛扒牛肉熟成度剛剛好，肉質夠嫩又不失嚼勁。咸檸七檸味十足，十分解渴。
continue reading
三點三冰室（啟德）餐廳位於九龍城啟德協調道2號Airside B1 地牢,餐廳裝修族新,環境舒適光猛,餐廳主打港式茶餐廳,服務員招呼到位。頭抽乾炒牛河廚師用頭抽烹調炒牛河,配料有洋蔥,韭黃,芽菜和芝麻.炒得夠乾身,不膩,有鑊氣,嫩滑牛肉大大件,每條河粉都掛滿頭抽汁,飲品有檸檬百香果茶。法蘭西多士配有糖醬和牛油,厚切炸到金黃色,不肥膩,西多士中間的花生醬美味可口。瑞士雞翼瑞士雞翼有五隻,入口嫩滑的雞翼帶有香濃的瑞士汁。黑椒牛仔骨焗飯牛仔骨與黑椒最佳配搭,黑椒味辛,炒飯底,越食越野味,飲品有黑牛可樂加朱古力雪糕。吞拿魚碎蛋多士多士超大件,厚切,吞拿魚和碎蛋比例剛剛好,包身烘得夠脆口,配有老火湯。
continue reading
三點三雜扒餐 🍖$108呢個套餐勁抵食，雜扒包括有豬扒、雞扒、司華力腸、煙肉，另外仲可以配焗薯或者薯條！仲包咗日式粟米湯，加飲品都係加幾蚊就有交易！雜扒餐上枱真係大碟到嚇親人，豬扒雞扒都好大塊，食落口感都唔係千年雪藏豬扒，一句講晒就係大件夾抵食！😜焗豬扒飯🐷$75呢類型嘅冰室通常焗豬扒飯都好足料好好食，呢度嘅果然冇令我失望，豬扒好腍而且整得好入味，而且真係即叫即焗，入面嘅芝士做到拉絲效果😋😋 另外，個飯係炒飯底，認真有誠意！七彩銀針粉 $78銀針粉炒得好有鑊氣，又唔會太過油膩，下次嚟到會再試吓佢其他炒粉麵，相信一定唔會令人失望😜三眼仔雞扒飯🐔 $72呢個絕對係健身人士必食嘅，充滿protein！雞扒有兩塊大大塊嘅，再加三隻煎得好香嘅太陽蛋，用蛋黃汁撈飯真係好正啊！迷你炸饅頭（6件）$36不嬲都好鍾意食炸饅頭，呢度炸嘅一樣都做到金黃香脆，而且又唔會太燶！另一個特別位就係佢哋會配兩款醬汁，分別係黑糖同煉奶，比起大部份嘅舖頭一款選擇😍
continue reading
三點三冰室 - 啟德全新分店今日間位於啟德區嘅港式冰室，餐廳名字係3點3 ，即刻聯想到下午茶時間，而家無論係咩時間都可以好似3點3咁放鬆吓，食個港式冰室！今晚食乜餸系列豉汁蒸比目魚 $128叫咗一個港式嘅家常小菜，比目魚魚肉嫩滑，配上豉汁非常惹味，送飯一流。3點3冰室鐵板餐，吱吱又喳喳3點3雜扒餐 $108嚟到冰室梗係要嗌鐵板餐啦，一個扒餐有齊豬扒、雞扒、司華力腸、煙肉，仲有焗薯添。狂牛 $19佢係黑牛個friend，就係七喜再加士多啤梨雪雪糕。咖喱吉列炸蠔飯 $98魚柳同豬扒就成日食，外脆內嘅吉列炸蠔，配上咖喱汁！
continue reading