三點三冰室

Open Now

Now Closed

之前係airside都試過呢間餐廳，不過個時就食下午茶，今次想試下佢個常餐，我叫唔少人都會加錢轉鮮油多，搞到我都跟埋一份🤤常餐都幾豐富，一個主食再有炒蛋同丹麥酥多士，加$10就可以轉鮮油多，我勁耐冇食heavy野，間唔中先破例一次賣相幾吸引😆新鮮烘焗出來的吐司，中間夾住厚身冰凍牛油，冰火交融，先係食到外脆內軟麵包，之後食到滑身牛油，有點點融化，真係要快d食，另外仲加錢叫左兩杯飲野，整體都ok，青衣有多個選擇

今天早上11時45分經過青衣城，見到之前原本做高級日本壽司舖位轉左另一間新開的「冰室」，好奇之下走去睇睇佢地個餐牌，發覺餐牌菜式熟口熟面(同之前樓上的羅麥記有啲似)，所以就想入去試試呢度個常餐是怎麼樣!由於呢間冰室舖位屬於開放形式設計，所有餐枱都好open! 入到去冰室，其實當時未算午餐高峯時間，所以還未滿座，但侍應已安排我同另外一對couple搭枱，枱與枱中間無隔板，又無拉開，感覺當然好close啦(我有些唔自在)！不過算啦，我都係諗住食個常餐，好快攪掂， 由得佢叫我坐邊就坐邊，反正我一個人!這間冰室都是採用手機掃QR code 落單，侍應人手應該鬆動，但客人要自己去水吧斟水，全自助形式，都幾得!以茶餐廳冰室嚟計，又要自己落單，又要自己斟水，又要坐得咁open, 整個餐牌價錢的確略為貴! 最後我order了一個常餐，有叉燒濃湯意粉，配煎雙蛋加丹麥酥多士，熱奶茶，價錢要$65! 個煎雙蛋賣相就好一般，丹麥酥多士咬落不太鬆化；至於個叉燒湯意粉份量與味道尚可，叉燒算多，都幾大塊；意粉就跟一般港式茶餐廳煮法差不多，腍口! 杯熱奶茶ok啦，無茶澀味，應該是新茶!三點三冰室扺唔扺食？！見仁

🦪咖喱吉列炸蠔飯 超讚！再加上炸蠔酥脆口感 簡直絕配🍛🍚鮑魚蛋白素翅炒飯 鮑魚素翅搭配超豪華 口感超級豐富☺️🦆妙齢乳鴿 一開二 肉質鮮嫩多汁 調味恰到好處 一口咬下去感受到廚師功力💕🐣秘制辣雞翼 辣到爆炸 雞翼肉質鮮嫩 辣味十足 超適合鍾意辣嘅嘅朋友😍🍨雪糕紅豆冰 太過癮！雪糕紅豆組合超清涼 甜度剛好 一口接一口根本停唔到☺️==============================青衣城有呢一間高質嘅冰室就唔使捱貴嘢之餘仲食到好食嘅經濟餐廳😊••••••••••••••••••••••••••••••

晚餐時段一個人等了 3 分鐘入坐，坐位和位置坐得不算舒服。點了乾炒牛河和熱奶茶。奶茶很快就到，味道正常，但乾炒牛河等咗好耐，點知來到時是凍的！加上買相麻麻，味道一般，河粉有點爛，埋單$9X，不會再光顧。

同2個朋友👩🏻‍💼🧒🏻一齊喺青衣城我哋3個人👩🏻‍💼🧒🏻🥷嚟咗呢間冰室🧊醫肚🤣$82「哈哈哈炒飯」：餐牌寫住有「蝦羔蝦米蝦球」；蝦膏🍤炒飯香口😋，其實唔止蝦米係比較大隻嘅蝦乾😋，蝦仁🍤都算幾大隻肉質新鮮結實😋，仲灑咗啲櫻花蝦🍤喺面😋，整體好味😋$83「海南雞飯」：海南雞🐓拆咗骨啖啖肉雞肉夠滑👍，仲有青紅蘿蔔豬骨湯👍，又有雞油飯👍，亦都有薑蓉甜辣醬黑醬油👍跟住食甜品 $42「黑白多士🥪」：黑=黑芝麻醬，白=煉奶，黑芝麻醬+煉奶 搽喺多士🥪上邊，變成黑鼆鼆，又夠晒甜，幾好玩👍跟住番轉頭食鹹點🤣，$72 嘅「芝心🧀蝦🍤多士🥪(6件)」：蝦多士🥪炸到脆脆哋，非常香口，特別嘅係裏邊有啲熱溶咗嘅流心芝士🧀🤩$102 嘅「二世祖撈丁」：出前一丁簡直係偉大發明👍，梗係好食啦😆，仲加埋鮑魚同帶子，感覺幾豪華又幾有趣😆，仲有兩隻大花菇都好食😋$18「熱奶茶」：要咗多奶，夠晒滑👍

晚餐選了呢間新開嘅冰室，見到餐牌好多選擇，而且好多意想不到懷舊食品同飲品都有。～芝心蝦多士（6件）$72多士澤到好脆，而且真係有蝦夠足料，咬到一半有啲芝心流出嚟，非常好味😋😋～二世祖撈丁（鮑魚、帶子、冬菇）$102估唔到冰室都有啲咁豪華嘅食品，除咗有兩大花菇，三粒超巨型嘅帶子，連一隻都比想像中大嘅鮑魚，再撈埋公仔麵，非常之豪華🥰🥰～黑椒汁香燒羊架餐（套餐包括一碗粟米湯）$128粟米湯麵，好Creamy，😇羊架一上菜非常之令我驚訝，用鐵板上，鐵板夠熱，所以有啲吱吱渣渣聲音，再自行淋上黑椒汁，令到讓加黑椒汁香味緊急撲鼻。而且估唔到百零蚊已經有三大嚿羊架可以食，而且仲包咗個焗薯，焗薯亦整得非常之可口。～飲品方面-黑牛（朱古力雪糕加可口可樂）$38咁特別嘅冰室當然要叫啲平時冇嘅飲品，叫返一杯傳統嘅黑牛，已經好耐冇飲過，飲落去仍然咁好味-薄荷梳打$28震震嘅薄荷味溝上梳打，平時出邊亦都冇呢一款飲品，飲落去非常之新鮮。另外餐廳環境方面，主要亦是自助形式，先自助取飛後入到去，如果要拎水亦都可以自助。每一張枱座位一拉開就係好齊全，而且乾淨嘅餐具、調味料、紙巾等等。而且落單亦是用QR code落單，方便

冰室係平日唸唔到食咩時既好選擇，見青衣城開左間新冰室，就試試佢。三點三冰室環境寬敞，坐位同坐位間唔會好迫，坐得好舒服。打開menus發現選擇勁多，不論係主食、小食、甜品定飲品都好多款式，有懷舊食品，亦有創意料理。西冷牛扒餐 $128 - 成個餐好豐富，牛扒大大塊，可以簡幾成熟，仲會配粟米湯同焗薯仔（或薯條），份量十足！鐵板餐最緊要鐵板夠熱，一上枱已經滋滋聲，再淋上黑椒汁真係不得了！芝士蝦多士 $72 - 芝士蝦多士有六大舊，賣相好靚仔，食落酥脆可口，唔止有滿滿既蝦膠，一咬半融芝士仲會流出，好正！哈哈哈炒飯 $82 - 依個炒飯好有心思，唔止有蝦仁，仲有蝦米同櫻花蝦乾，係明符其實既「蝦蝦蝦」😆平日用蝦醬整既料理好易過咸，但三點三既炒飯係濃咸適中，而且炒得粒粒分明，咪道相當唔錯！狂牛 $38 - 大大杯材料好豐富，由雜果、七喜、利賓納加士多啤梨雪糕而成，非常滿爽，係童年回憶既味道！雪糕香蕉🍌船 $42 - 以前好經典的甜品，難得見到有即點！香蕉切成兩半，中間夾著雲呢拿、草莓和朱古力雪糕，食完好滿足！

見新開，好似啟德都有一間。同一商場以前有另一間茶餐廳-羅x記。 都估係改名裝修新開。商場要求。叫左兩個茶餐。雞髀薯條同星洲炒米配熱奶茶。奶茶叫左多奶。一黎到飲左一口。澀。真係唔想再飲落去。跟住侍應就送上雞髀薯條。一睇碟野，雞髀睇落ok,但唔知點解，薯條睇落似係食剩。賣相不好。雞髀味道ok. 不過食落，乾爭爭。冇汁。薯條有油益味。。。。唔知自己食緊乜。似乎薯條冇炸熟？！？！就係唔係薯條。星州炒米睇落偏白。味道，都偏淡。如果要食香濃星州炒米，去其他茶餐廳就好。

青衣城新開嘅港式茶餐廳，取代咗以前嘅羅麥記，但係食物質素同分量就明顯差好遠！其實都唔係第一次嚟呢度，食過下午茶，晚飯都食過一次，下午茶試過星洲炒米，嚟到以為嚟錯，因為個樣同餐牌張相完全係兩回事！問職員佢話係咁，師傅係咁做嘅！本來都覺得算啦，但今次真係頂唔順要負評佢！今晚點咗個咖喱田園蔬菜煎蛋飯，嚟到咖喱得半份！好似食剩嘅咁！所謂嘅田園蔬菜你估有咩？西蘭花🥦一小節開邊嘅，三粒骰仔咁大嘅薯仔，少量濕濕碎碎嘅菜心，一粒車厘茄，冇喇！收$75！另外屋企人點咗杯薄荷青檸梳打，杯嘢得半粒青檸，淨係得薄荷味一啲青檸味都冇，而且粒青檸係硬到搾唔出汁！拎出嚟用手都榨唔出汁！同以前羅麥記大件夾抵食係兩回事！大家明白點解個個北上消費啦⋯⋯

叫左兩假日午餐，一個蛋白炒飯，一個常餐豬扒通。個炒飯除左一陣燶味之外，乜味都無。完全無落鹽咁。個常餐塊豬扒又係無味，好似無腌過咁。最奇係想叫咖啡，熱咖啡竟然售罄，凍飲又要加6蚊。

假期見有新開冰室就諗住試下, 一坐低又係手機落單。甘正常手機落單都唔會錯喇, 叫左杯野飲走甜, 黎到無走到甜, 叫佢換都係倒左杯野再沖過, 杯野仲係成陣糖水甜味, 飲2啖就算。野食常餐午餐肉蕃茄湯好似溝水甘, 無味又難食, 其他炒蛋多士一般, 不過不失。下午茶五香肉丁炒麵就味道正常但勁細份, 幾啖食晒。2樣野食加凍飲2杯賣單$136, 抵唔抵就見人見智總結以新開黎講, 服務態度差, 野食偏難食, 價格偏貴, 係青衣城有其他選擇可以考慮。

今晚同屋企人大概七點幾去到門口無人排裡面有幾張吉枱，侍應帶位咁啱張枱喺廚房門口未坐低我已經即刻問‘唔好意思可唔可以坐嗰張’跟住個四眼女侍應用不友善嘅眼神望住我但係無任何反應我無理佢自己坐咗另外張枱😤頂呀真係嬲嬲地張枱又唔係要你再set過只係我哋自己行過去坐咁大把😡😡😡QR code點餐見到啲價錢都唔平咁就睇吓你有幾好食，跟手隔離枱同個侍應講嚟錯咗嘢，又係嗰個無禮貌嘅四眼女侍應又係目無表情連一句唔好意思都無，真係貼錢買難受啲嘢食真心覺得唔值咁貴囉，連嘢飲差唔多人均一舊水，成日話啲人北上消費攪到好多食肆要執笠，我諗唔係啲人唔想留港消費而係唔值得洗喺你哋度🙅🏻‍♀️🙅🏻‍♀️🙅🏻‍♀️

前幾日同爸爸媽咪去左青衣城咁岩睇到依間三點三冰室，就一於入去試下🤤🍝二世祖撈丁 $102有鮑魚、帶子同冬菇。啲公仔麵索哂啲汁好入味好爽口🤤帶子又好大粒，好滿足🫶🏻🍚哈哈哈炒飯 $82內有蝦羔、蝦米同蝦球。飯粒粒分明，好爽口，好有鑊氣，但唔會有飯焦😝加上蝦球好大隻彈牙，唔錯👍🏻🍽️西冷牛扒餐配日式粟米湯及伴焗薯 $128牛扒可以揀七成熟同全熟，我地揀左七成熟，不過都係煮耐左少少🤏但都好大舊好厚肉！粟米湯好結身，正常味道。個焗薯如果再煮耐少少會更加好🥺🍹黑牛 $38非常適合炎熱既天氣飲☺️味道甜中帶有少少苦澀，可樂氣泡同雪糕既滑膩口感有個強烈對比，非常正😆🍹美祿暴龍(有忌廉) $38一杯冰鎮美祿加上未溶解的美祿粉末製成，味道濃郁香甜，加埋忌廉口感豐富，飲到底唔會過甜❤️整體來講質素唔錯，起碼好過牛奶冰室同百分百🤣大家去開青衣城可以試下❤️

新開諗住試下叫左個雜扒餐同牛扒餐餐湯飲得出係粉開粟米湯 好難飲牛扒 係扒咩？仲衰過大家樂啲肉落太多鬆肉粉 淋到好難食條腸諗住無死 點知仲難食 入啲乜貨？？個焗薯上面啲醬有無試過？夾咩？？無下次

食物質素普通，好多食物要另外散叫飲品，依個價錢我令願去大家樂，大快活或太興，分別叫了一個鴛鴦飯同星米，食物好快上呀，但係二碟都唔熱既，問個所謂女經理，佢話係即刻整，真係唔知佢講既所謂"即刻"係咪石器時代，問題係煙都冇喎，仲要係凍既，問佢可唔可以換，佢仲要look大隻眼同態度好串咁講話煮咗出嚟冇得換，換咗咁依碟點! 嗰刻我知錯，我應該照食唔可以有埋怨既，真心終於有服務界精英係青衣！俾錢食凍飯仲要受氣，真係無下次！