三點三冰室

Open Now

Now Closed

滿滿的人群，青衣城的三點三冰室門庭若市，原來餐牌闊度非常廣🥩鐵板牛仔骨餐$118.0滋滋作響的鐵板，稔軟的牛仔骨，還有一大顆入口即化的忌廉焗薯，是典型的港式西餐🐷焗豬扒飯$75.0我最愛的炒飯底，加上芝士跟茄醬，還有豬扒；是非常正宗的港式豬扒飯！🐟涼瓜炆䱽魚$98.0大大條䱽魚跟大量的涼瓜同炆，口感爽脆，份量充足！🥬魚湯鮮枝竹浸菜遠$78.0意料之外地大份的菜心跟炸枝竹，還有紅蘿蔔🥕，給予這餐充足的膳食纖維！🍋珍寶檸檬茶+$19檸檬超級多！超抵飲的巨型檸檬茶！三點三冰室 (青衣)青衣青敬路31-33號青衣城1地下G24-G25號舖

位於青衣嘅三點三冰室以地道港式風味吸引眾多食客。呢度嘅菜式多樣，價錢公道，係一個食飯好去處。鐵板牛仔骨餐🥩優質嘅牛仔骨再加上香濃嘅醬汁，同鐵板嘅香氣互相交融，牛仔骨夠內嫩妙齡乳鴿🕊️乳鴿經過精心烹調，外皮香脆，內裡肉質鮮嫩多汁法蘭西多士🍞西多士外層炸至金黃酥脆，內裡鬆軟香甜，配上黃油同楓糖漿，口感豐富且香甜魚香茄子肉碎煲🍆茄子煮得軟嫩入味，再加上肉碎嘅鮮味，每一口都充滿濃郁嘅風味，非常下飯。奶油多士🧈鬆軟嘅多士片，塗上香濃嘅牛油，再烤至金黃，外脆內軟

香港茶餐廳飲都幾多元化今晚來到青衣城用膳, 三點三冰室炒粉麵飯中西餐俱備, 還有特色小食、小菜和鐵板扒餐等, 包羅萬有。點了幾款中式小菜, 吃個家常便飯。咕嚕肉 無骨嘅一口肉, 炸得幾香口, 配菜有三色椒和菠蘿, 甜甜酸酸幾醒胃。蠔皇牛肉炒菜遠碟頭幾足料, 牛肉夠嫩滑, 菜遠翠綠香脆, 蠔油醬汁味道調教得好, 鹹度適中, 好有家庭小菜感覺。海鮮雜菜煲 湯底奶白色, 味道濃郁鮮甜, 帆立貝大隻厚肉, 海蝦和青口好鮮味, 蔬菜有菜心和白菜, 味道清甜, 上湯用嚟泡白飯吃, 又是一個美味配搭。沙薑雞（半隻） 雞件嫩滑有雞味, 掛滿沙薑獻汁, 有一種鹹中帶鮮嘅味道, 雞肉夠入味又有質感。

偷得浮生半日閒, 行完公司購物後, 去茶餐廳吃個自在下午茶。位於青衣城嘅三點三冰室, 食物款式多元化, 有套餐和多款中西餐點, 任君選擇。xo醬叉燒炒腸粉 炒得幾有鑊氣又入味, 腸粉香滑掛滿xo醬, 叉燒腍滑不會乾柴, 香口得嚟又不會有油膩感。邪惡西多士 西多士好厚身, 外層香脆, 包身軟熟, 内饀是雙層花生醬, 配以牛油和煉奶, 甜滑充滿油香。自選雙併公仔麵選配午餐肉和煎蛋, 午餐肉幾香口, 煎蛋流心香脆, 公仔麵煮得爽口, 湯底不濃味。吉列魚柳薯條 魚柳外層脆香, 肉質滑而不會柴, 薯條炸得香脆, 熱辣辣點配沙律醬最合適。海南雞飯雞件好嫩滑, 肥瘦適中, 份量都唔少, 雞油香飯熱暖又惹味, 唔會有油膩感。蠔皇牛肉炒菜遠碟頭份量十足, 炒得好夠鑊氣, 蠔皇牛肉鹹香嫩滑, 菜遠翠綠鮮甜, 送飯好合適。

早排放工番到青衣同朋友搵野食，今次就去左間位於青衣城嘅冰室食dinner，裝修以卡座為主，坐得舒服，Menu選擇都好多，食物份量比較大，最岩叫多啲同朋友開心share芝心蝦多士一份有6件 多士香脆，內有芝士夾心🧀面頭有層蝦膠爽口彈牙🍤沾上沙律醬更美味印尼姐姐撈麵撈麵份量多，平時食開既印尼撈麵加上蝦片、雞串及魚蛋夠曬豐富，最岩同朋友開心share咖哩脆脆豬扒飯值得一讚咖哩香甜，豬扒大大塊外脆內鬆化，沾上咖哩汁秘制辣瑞士雞翼睇雞翼咁黑色已經知好入味，食既時候真係幾辣下，香口惹味法蘭西多士好邪惡，牛油係厚厚的金黃香脆多士上慢慢溶化，沾上糖漿一齊食大滿足迷你炸饅頭（6件）細細粒一口可以食掉，外皮內軟，沾上煉奶/黑糖一齊食香甜滋味

同朋友嚟青衣城影相打卡，行完就順道來這間「三點三冰室」吃頓晚飯。門面以開放式作設計，環境光猛，座位寬敞，感覺悠閒舒適。食物選擇非常多元化，由炒粉麵飯、秘方咖喱、地道小食，以至鐵板扒餐等，應有盡有。妙齡乳鴿 ($62@)  乳鴿新鮮即炸，皮脆肉嫩，香口得嚟又有肉汁，入口不油不膩，唔使點淮鹽食都已經好夠味。二世祖撈丁 ($102)  豪華版丁麵，用上彈牙鮑魚、鮮甜帶子同入味冬菇做配料，再配搭加入左醬油嘅撈丁，絕對係二世祖級嘅享受。鮑魚蛋白素翅炒飯 ($82)  米飯炒得夠乾身，粒粒分明香噴噴；素翅鮮嫩有嚼勁，加埋面頭隻爽彈鮑魚，真係冇得輸，轉個頭已經清碟。法蘭西多士 ($48)  西多外脆內軟，夾層塗滿粒粒花生醬，配金黃牛油同糖漿，邪惡又美味！飲品點左熱奶茶 (跟餐+$8) 同 龍鳳檸樂 ($28)，奶茶順喉香滑；龍鳳檸樂酸酸甜甜，非常醒胃。

平日很少出青衣，今天跟朋友到青衣城逛街，偶預「三點三冰室」。我之前去過啟德分店，覺得食物質素不錯，而且款式又多，於是帶朋友去試試。這店的店員也親切友善。鐵板脆皮黑椒鹹豬手（$118）原隻鹹豬手送來時已切件起肉在鐵板上，十分細心的安排。豬手的外皮十分香脆，咬落去卜卜聲。脆皮下有層滑滑的脂肪包着嫩滑的豬肉，口感一流。鹹香的豬手加上微辣的黑椒汁，十分惹味。西冷牛扒餐（$128）五成熟大大塊的牛扒，很香牛肉味，而且肉質軟嫩。套餐有香濃的粟米湯，也可選擇薯蓉或薯條。份量十足，性價比高。魚湯鮮枝竹浸菜遠（$78）主菜吃了很多肉，這個魚湯菜遠很合適。這菜清淡而不失魚湯的香味，以紅蘿蔔、什菇、枝竹、薑片來調色調味，色香味俱全。薄荷青檸梳打（跟餐+$14）清涼的薄荷，配青檸梳打，甜度適中。檸檬百香果茶（跟餐+$19）檸檬和百香果的味道很夾，酸酸甜甜配搭得很好。

第二次夜晚黎3.3食飯，今次同朋友黎食，但係今次黎幫襯真係好嬲囉，自助落單吾緊要啊，但我地想點個樣食物鎖左機😓咁舉手問一問個侍應有冇存貨係度，個侍應反應真係無禮貌到 ，佢答反我吾知喎 鎖咗無架啦食第二樣啦⋯⋯着黑色衫戴眼鏡同事😓😓真係差到

嚟青衣城一定要食呢間性價比高嘅冰室😚 今日帶爸爸媽媽食，叫咗三個主食、一個小食同一個甜品，人均大約$118食到好飽，食物質素高好好味😋😋🥢避風塘炒麵超！正！😍 鍾意食辣一定要試🔥 炒麵香氣濃郁，搭配香脆炸蒜蓉及炸大蝦及軟殼蟹，風味獨特，香辣味十足 好惹味😋😋🥢鰻魚蛋包飯令人驚豔的日式風味料理，大大條鰻魚鮮嫩多汁，搭配滑蛋，超吸引🤩 米飯吸收了鰻魚醬汁的香氣和蛋的滑嫩，好滋味～🥢三眼仔豬扒飯3隻太陽蛋😍😍 好大塊豬扒！外焦內嫩，肉質鮮美，米飯搭配香濃的甜豉油，好吸引🤤鹽酥花枝丸（6粒）外皮酥脆，內餡彈牙，搭配鹽酥味調味粉，鹹香味十足，適合作為開胃小食😋雪糕西多士必食甜品😍 外層酥脆，配搭香甜雲呢拿雪糕，又凍又熱口感好豐富

[✨青衣三點三冰室•高質港式風味]#青衣 #三點三冰室🔸鮑魚蛋白素翅炒飯 $82蛋白炒飯炒得夠乾身好香，配埋鮑魚+素翅，好豐富😋🔸二世祖撈丁 $102撈丁應該係瑞士汁嚟，夠入味！配料鮑魚+帶子夠哂豪華，粒帶子仲要大大粒輕輕香煎過，好惹味🤣🔸XO醬豬扒炒烏冬 $78烏冬炒得好有鍋氣😋豬扒夠腍，唔會話太肥太油，份量都幾多，唔錯！🔸鹽酥花枝丸🐙 $42花枝丸外脆內彈，鹽酥風味好好食，有成6粒作成小食好出色🤓🔸妙齡乳鴿 $62外皮烤得金黃香脆，肉質嫩滑多汁，簡單嘅調味已經好好味。🔸雪糕紅豆冰 跟餐 +$19甜度適中，雪糕都幾好食！🔸黑牛 跟餐 +$19茶餐廳懷舊特色飲品，可樂加上香濃嘅朱古力雪糕球，飲落真係透心涼👍————————♡♡♡♡♡♡————————✨總結裝修以卡位為主，坐得舒服；食物份量比較大，味道出色款式亦好多！位於青衣區內最大嘅地鐵商場，交通方便，係一間唔錯嘅港式茶餐廳😊💕📍三點三冰室🏠青衣青敬路31-33號青衣城1地下G24-G25號舖#jmhkfoodie #hkfoodie #hkeat #hkeats #hkfood #hkig #hkgirl #food #hongko

平日食到差既餐廳，都唔想浪費時間留言，反正好快倒閉，但今次真係太差，忍唔住要提醒其他人避雷。雜扒餐啲扒炸到老晒，都仲食到雪味，差評。難得有得送熱飲，其他餐大部份原價叫飲品，點知奶茶煲到好似涼茶咁苦澀，又冇奶味，侮辱咗冰室呢個名稱。啲雞翼本身細隻冇肉，煮到老晒，個汁只有甜味唔香。三眼仔系列既蛋居然聞唔到有味道，炸蛋都唔香，真係唔知點先煮得到。問侍應有冇茶就只答冇，要我再問有冇水，佢先會指個方向叫我自己倒。自助攞水都正常，但佢會企喺我同水中間條窄路側身等我過，果度兩個人行要同時側身先過到。我返位時又有另一位顧客攞水，佢仍然會企喺嗰度，等我避開完果位顧客，再要從佢身邊側身過，一直冇考慮過離開盛水位。

唔會再幫襯， 焗飯同個雜扒餐裡面既嘢大部分多只係暖嘅狀態。完全不能接受！我真係第一次食到茶餐廳既焗飯係暖嘅同埋如果你雜扒餐如果你唔熱既你不如直接用碟上唔好整塊唔熱既鐵板係下面jmX，好彩個汁係另上如果唔係諗落去肯定凍晒，食物偏鹹同所有野一個味，同埋個粟米湯勁難飲。不如唔好跟湯比人飲凍熱野飲一定無咁出事。又公平d 咁講，我見到隔離枱嘅牛同埋羊嘅鐵板係熱嘅，起碼有煙出，但另一邊同樣都係嗌雜扒餐嘅就同我哋一樣冇煙出我好唔想咁評論，但大X樂絕對100%整得好食過佢地好多同d野肯定係熱既。

跟餐有粟米湯同餐飲。個什扒配焗薯擺滿左喺鐵板上面，同傳統鐵板什扒一樣有司華力腸、煙肉、豬扒、雞扒，極豐富嘅畫面。旁邊配個焗薯都算係咁，配酸忌廉有香滑感。小食當中見到乳鴿，皮香，拍得住酒樓，點一點淮鹽更咸香；秘制辣雞翼個瑞士汁夠甜夠色，加左七味粉增添少少辣香。見二世祖撈丁個名幾得意，玩味得黎每樣餸都幾好味。帶子香，鮑魚有鮑魚味，冬菇入味，唔係得個玩字，都ok。飲品就飲d懷舊得意野，好似「狂牛」同紅豆奶茶。狂牛由雜果+七喜+利賓納+士多啤梨雪糕調成，奶茶中加左紅豆。有紅豆甜嘅狂牛都幾正。

就咁當食餐便飯都好劣質當日叫左個海南雞飯同埋頭抽乾炒牛河：海南雞飯一上枱外表已經話俾我知係垃圾，啲雞冇雞味而且似係冰鮮，跟住煮唔熟嘅雞。個飯以為佢係油飯啦，頂你點知有椰漿飯既味，食咗兩舊計停手乾炒牛河仲犀利，一放上枱一陣燒衣紙既味，好奇地試咗一啖佢老味又可以完全冇味燶，但有浸水喉水味叫樓面聞吓係咪正常，佢都合作換過碟。不過第二點上嚟係純粹有鹹味，如果瞌埋眼俾你食叫你估，你係唔會知道係乾炒牛河兩樣食物十分之差，偷聽到隔籬枱都好唔滿意

少在外一個人午餐，今天來到青衣城找食，見有此店試一試。點了一個名為套餐~X0醬豬扒炒烏冬$78，再點普通飲品原來要$8元，就算了，一杯鴛鴦，飲品先來，咖啡及茶味嘗到。跟著食品到，份量比想像中少，食完半飽。但味道真不行，圖片有辣椒一隻但完全不辣，油多了點，豬扒份量算足，有四小塊但鬆肉粉味仍存，而豬扒就無味，整體而言五十分合格就最多值四十五分。