叁拾士多

Open Now

Now Closed

燒賣大家都食過，甚至由細食到大，屋企都會放啲存貨，得閒蒸黎食，所以今次介紹會不斷回購嘅燒賣比大家，仲要香港製造！•🥢 魚肉燒賣 (連醬油及辣椒油) $35呢款燒賣形狀有啲不規則，社交平台話用上門鱔魚肉作基本整成，食落夠彈牙，唔會好粉，亦唔會好腥，味道適中，點埋佢配嘅醬油同辣椒油(小包裝)剛剛好～•🥢 夠抽甜醬油 $48同樣係香港製造，「夠抽」比一般甜豉油杰，偏甜，唔係好鹹，同燒賣好夾，如果覺得佢送嘅小包裝唔夠，可以另外買一枝點埋其他野食～

係屋企嘅時間多咗，都要煮下飯。對於我呢啲咁懶嘅人黎講，最好一上手就只需要碌就可以。唔難搵，一行埋去勁大個logo都幫襯左好一段時間，最近先拎啲餸出黎整。呢款魚肉燒賣有買，35元，好抵食，拎左番公司個個同事話好食。仲有其他，另外我買左魚蛋，買2送1包，70元。下次要買佢個汁呢個set都幾抵，買和牛牛丸配埋個粉都係99元。俾個樣大家睇下。河粉係好嘢，夠哂滑，細細碗都幾好。我都有買大魚蛋，48元，碌7分鐘就食得，超級彈牙，勁有魚味同juicy，我個人覺得好味過長洲個啲。個泡菜餃子係掂，皮薄餡靚，45元。

之前經網上知道依間燒賣同和牛牛丸好好食，一直心郁郁，之後上網order左佢嘅燒賣，潮汕牛筋丸，同埋佢嘅醬醃魚籽帶子裙邊呢三樣嘢。之前以為直接上去攞貨就可以啦，點知上到去同我講話會打電話確認咗之後先有貨攞，所以我等左差唔多三日，先再次上去攞。攞左之後唔使一兩日，就即刻煮咗燒賣嚟食，佢啲燒賣係包左辣椒油同豉油，燒賣好大包，計落仲好抵添，$35就有一大袋，起碼有30粒，食過之後水準中上，唔會粉，跟住我開埋帶子邊嚟食，佢有少少辣，送飯一流，價格合理，不過最好食嘅都係牛筋丸，煮完之後食落口肉汁別晒出嚟，好少係街度食得到，價格亦都唔算特別貴，間唔中買來食過吓癮一流

之前在fb睇到有post推介呢間觀塘區嘅工廈鋪，內裡有泰國冷凍榴槤雪條賣🍦，就係因為好友們知道只有我在觀塘區返工，所以好友們都好想食食😋試試，咁唯有我特地到來買比好友們作今晚飯聚後嘅甜品啦！但題外話…其實我係唔食榴槤架喎！不過，為左好友們……好啦！呢度除左賣fb上最出名嘅…泰國冷凍榴槤雪條，其實仲有冷凍芒果雪條，冷凍椰子雪芭。大型雪櫃內還有扒類，牛扒，豬扒…等等。而且仲發現左有急凍燒賣……同事們可以買返公司丁丁來食。榴槤雪條 - $35/支，$100/3支芒果雪條 - $22/支，$100/5支

D燒賣味道和口感完全就是惠X超市自家品牌那款燒賣, 所以去那超市任何一間分店買就得, 無須專登去觀塘買. 另外附送的醬油只有2小包, 根本就不夠30幾粒燒賣點. 失望!

中午十二點前來到成業工業大廈三樓, 門口已經出現排隊俾錢的人龍, 之前上過來一次, 係下午的時間, 店員話燒賣牛丸已經賣晒, 今次再上過來! 目測冰隔燒賣存貨唔多, 手快快攞左兩大包去排隊俾錢。一袋都有三四十粒, 放冰隔可以keep 半年, 買燒賣的會跟甜豉油和辣油。返屋企試過, 燒賣算好食, 沒有很出色, 醬汁係靈魂, 大概將街頭小食的感覺帶回家中。上次試碗仔翅, 細包的係三人份量, 足料唔咸, 可以一試。聽講和牛牛丸好好食, 有機會再上去買來試下。 **記得自備保溫袋/ 環保袋!