5% Cafe

Open Now

Now Closed

放假約咗朋友帶我去旺角樓上5% cafe食下午茶，位置非常方便。係油麻地地鐵站出口，登高氏大樓，入到餐廳店員服務態度有禮貌，地方唔算大環境舒適。裝修得好有特色唔會覺得拘謹感覺，見到食客玩緊唔同種類遊戲牌，好似去咗playground，想放鬆一下，可以選擇嚟個地方唔錯。雙重芝士焗肉醬窩夫薄餅(8吋) ($108)窩夫外脆內軟，肉醬配上芝士好似肉醬意粉味道，一口一口食過不停好好味。黃金炸物拼盤 ($68)泰式魚餅有少少辣、麥樂雞外脆雞肉嫩好juicy、薯條熱辣辣卜卜脆好香口。

今日上左黎一間鬧市中既商廈cafe，環境優靜，又有打卡位，岩哂閏蜜聚餐，仲有好多games可以借玩，可以一大班人一齊邊食邊玩。不得不說呢度服務好好，由我入座，雖然menu有得睇哂，但職員都好耐心咁講有咩選擇同介紹返餐牌內容，亦都全程保持微笑，老實講有幾可有餐廳有真係「用心」既服務態度去招呼客人。所以我雖然逗留時間不長，但全程用餐愉快。荔枝梳打So fresh~~~透心涼💕唔會太甜，係打開左味覺咁。日式天婦羅🍤卡邦尼煙肉意粉一間餐廳既質素能在簡單菜式上演繹出。天婦羅🍤鬆脆，蝦肉飽滿爽口。卡邦尼意粉醬料絕不馬虎，入哂味且creamy！意粉又唔會煮到太軟，煙韌有口感，會想一口接一口食。炸物拼盤有泰式魚餅，麥樂雞同薯條。泰式魚餅微辣夠惹味，最中意佢個冬蔭公味。其餘的麥樂雞同薯條炸到脆卜卜，不油膩，食多也不怕啦💕日式梳乎厘芝士蛋糕呢個cheese cake 好好味，非常新鮮鬆軟，入口即化。

星期六夜晚人都唔多，有board game玩，每星期都會慶祝(?)韓星/出名明星出道/生日之類，我果日係慶祝N.flying，有好多海報同相貼晒出嚟。*炭燒雞扒漢堡配薯條 $138 包$40之內飲品意外的迷你，可能細過我個手掌添，其實少失望，麵包望落好乾，實際上咬落外脆內軟，雞扒juicy唔乾，醃得好夠味，偏少少甜，不過就食唔出炭燒味，夠厚但好細舊，仲細過個麵包，仲有片車打芝士，番茄同生菜。薯條好脆，但同時好油，冇薯仔味，中間半空心，基本上得個薯條殼。不出所料，食完唔會飽，sad🥲

呢間cafe本身係以boardgames做主打，所以對佢嘅食物無咩期望，不過食完又覺得質素其實唔錯，選擇亦頗多。再加上佢啲位大部分都係梳化，嗰日星期四夜晚去到都唔算多人，幾適合同朋友傾下計慢慢食。；chocolate smoothie (snow style) $56平時好少飲甜嘢，今次偷咗朋友嗰杯黎飲，朱古力味濃得黎唔會過甜，配埋cream一齊飲特別滑，最上面仲有啲脆脆嘅coco pops添，好味。；新豬肉漢堡 $128 (??) forgot hahaha新豬肉食落幾可亂真，係口感散少少，成個包一齊食就唔覺。個包無咩特別，反而配菜番茄同生菜好新鮮，食落非常refreshing。薯條 超 好 食 ！！！熱辣辣又夠多，雖然唔係我最鍾意嘅粗薯條不過依然滿意～• 用eatigo book有半價，更加抵食呀• 店員非常有禮貌，服務態度認真( ˘ω˘ )

朱古力蛋糕外形做得好精緻，佢個口感做得好綿滑，有朱古力香濃同埋cream香味。雙重芝士焗肉醬意粉，由於有兩層芝士，所以芝士味好足夠。意粉係屬於粗小小，咬落去好有口感。呢度啲意粉係即叫，即刻局出嚟，熱辣辣。朱古力沙冰，朱古力味香濃，朱古力同沙冰比例剛剛好，上面有一層幼滑cream。餐廳環境好舒服，俾人有一種家嘅感覺。另外顏色，用咗啡色，同埋用咗木地板，俾人一種溫暖嘅感覺。窗邊擺放咗啲公仔，用嚟做裝飾和陪襯。

約了兩位很久沒見的朋友聚聚舊，找了這間位於油麻地的樓上cafe。這裏環境舒服，梳化座位闊落，是傾談聚舊的好地方！這有board game 提供呢！這個餐是全晚最好吃的東西，薯條是粗身多薯的，配上普通的蕃茄醬，漢堡牛肉很厚，而且中間是粉粉的肉色，很嫩滑多汁，有驚喜呢！而它的麵包也不馬虎，加了牛油烘了底。天婦羅蝦只有一隻，意粉汁要先撈勻，但都是偏淡味，我兩位朋友都覺得不夠味道，吃得出意粉汁加了雞蛋漿。蜆肉排得靚靚的😂但份量就一眼看到很少。這碟意粉比剛才的有味，蒜香味都夠。我們最後還點了棉花糖雪糕窩夫作甜品，是最伏的一份，窩夫不脆粉厚，像是吃麵包的質感😕，雪糕朋友就吃得出熟悉的味道，是家庭裝雪糕雲呢拿味。我地一致認為如果要再吃這間餐廳，應該只會點漢堡餐呢！

今日難得放假同朋友上網搵到呢間大受好評嘅Cafe，於是就黎試吓！估唔到服務態度十分之好間嘢係油麻地地鐵站A1站行5分鐘到就到啦，十分之方便。入面環境舒適、十分之有氣氛仲有得玩Board game，岩哂同一大班朋友一齊係度chill吓輕鬆吓。我地叫一個植物肉芝士漢堡配薯條同埋一個日式天婦羅蝦卡邦尼煙肉意粉兩杯嘢飲同埋一個紅豆朱古力窩夫！個日式天婦羅蝦卡邦尼煙肉意粉好惹味彈牙，份量十足而植物肉芝士漢堡本身以為會冇乜味，但食落估唔到肉汁好多，有另一種風味啲薯條大條又香脆，最梗要夠熱，好正最後就係呢個紅豆朱古力窩夫，好有意外驚喜，一啖食落口食到紅豆同忌廉軟綿，同埋窩夫香脆啲口感，入面仲有抹茶，十分推薦總括黎講，我同我朋友都食得好飽好滿足，值得一提嘅係服務態度十分之好，服務員會好細心講解有啲咩注意事項，會主動幫手，值得一試嘅cafe!

好耐冇食cafe, 今日專登同男朋友去旺角行街, 順便食上到去見到有啲霓虹燈, 打卡一流，又有好多唔同嘅卡games, 已經feel到超適合一大班朋友呢!一入到去啲waiter嘅服務態度, 超級窩心,又nice夜晚六點後每人最低消費90蚊，我叫咗個impossible素肉漢堡配薯條， 舊肉好juicy， 完全feel唔到佢係索漢堡， 個包hon到好脆！！ 身為漢堡包迷嘅我，完全覺得佢一百分另外再叫咗杯americano, 入口順滑完全冇苦澀味，另外再叫咗炸天婦羅蝦卡邦尼意粉，隻蝦好脆， 個汁好味😎😎亦唔會好油膩或者好濟嘅感覺，最後叫咗個綠茶紅豆窩夫， waffle綠茶味好濃，又好脆， 簡直就係一流！！😆下次一定會同一大班朋友再嚟過！！

忙碌左足足好幾個星期，實在需要找個地方relax番下，今晚心血來潮，找到間位於油麻地地鐵站附近，地點勁方便嘅樓上Cafe，過番個輕鬆嘅夜晚。<5% Cafe>地方都不算少，而且佢哋每一張枱都幾闊落，空間感好足夠，張梳化仲幾好坐，感覺都幾有私人空間感，好啱同朋友喺到傾下計食下野。大大張梳化，坐足成晚，感覺非常舒適，有點像家的感覺。而且cafe仲供應大量遊戲，任你玩，好啱同朋友仔聚會。Cafe嘅meun都有吾少選擇，無論Lunch，Tea 同Dinner都有套餐，大約都係百幾蚊位，仲包$40飲品一杯，加錢仲可以有甜品，都幾抵食吖!!~先來兩杯飲品:荔枝梳打入口好冰涼解渴，淡淡荔枝味道，都幾清新。熱榛子朱古力，味道幾濃，入口綿綿細滑。<黑椒雞扒拼司華力腸意粉>黑椒雞扒外面炸得好香脆，雞肉夠厚，入面非常之嫩滑，司華力腸雖然得半條，不過都好大條，而且味道非常惹味，就連意粉嘅份量都非常多，值得一讚！！雞扒新鮮即炸，熱辣辣又夠juicy。<香脆龍利柳配牛肝菌汁長通粉>牛肝菌汁好香濃，長通粉夠creamy好好味，龍利柳半煎炸，外面沒有多餘炸粉，魚肉非常大

今天放假，悶悶地搵朋友吹吓水，消磨吓時間。朋友介紹左我嚟呢間要上樓的旺角西式咖啡廳。咖啡廳佈置好簡潔，而且好寧靜。入左去，好似完全去左另一個空間咁，超舒服，仲有大量桌遊，供客人玩樂，你想休息幾耐都可，唔會好似出面一d餐廳，要你係個半鐘食完走人，趕頭趕命咁，食左都消化唔到啦。呢間餐廳最適合攪吓party或者活動，大家吹吹水，玩吓遊戲。我同朋友合共叫左兩個午餐：1）黑松露手打牛肉漢堡拼薯條漢堡的麵包外層脆，增加口感。薯條夠脆手打牛肉漢堡就係這個餐的靈魂，唔錯，幾好味。但黑松露就一般般啦！總括而言，是不錯的選擇。2）天婦羅炸蝦煙肉卡邦尼意粉天婦羅蝦處理得很好，不會太膩，但略嫌太少，只得一隻，兩個人唔夠分。至於卡邦尼意粉的意粉不會太（淋）身，配合埋卡邦尼汁剛剛好。飲品，Mocha同Latte, 飲品我覺得有d淡味，特別是Latte,如果可以濃d就好。我一定要讚，就係呢度的服務員的服務態度超好，超親切，為這間餐廳加左好多好多分數。我實在要俾5個贊。💖💖💖💖💖

🍴雙重芝士焗肉醬意粉 $108即叫即焗，上枱熱辣辣，芝士鋪滿面頭，份量好足，而且真係見到兩隻色嘅芝士，芝士控必食！意粉唔會焗到乾晒，啖啖芝士好正。/🍴荔枝紅茶（跟餐)最驚啲藥水味嘅水果糖漿，但係呢杯荔枝紅茶就冇藥水味，反而仲幾真，淡淡嘅荔枝味好清香，同紅茶好夾，又唔會搶走紅茶味。重點係唔會太甜。/呢度有好靚嘅霓虹燈牌可以影相打卡，仲有多過50幾款嘅Boardgame 可以任玩，係一個同朋友hea嘅好地方!

5% Cafe 旺角彌敦道577號高氏大樓2樓BC號舖/🍴炭燒雞扒漢堡配薯條 $138唔係太肚餓嘅關係，叫咗個漢堡餐，個包嘅大細剛剛好，入面夾咗芝士、雞扒、生菜、蕃茄，層層分明，賣相唔錯。食落又點呢？原來雞扒用咗照燒汁去煎，非常惹味，亦都夠Juicy，加埋好新鮮嘅蕃茄同埋生菜，感覺冇咁有罪惡感。/ 🍴玫瑰洛神花茶 +$12嚟M嘅關係，唔叫凍野，養生少少叫個洛神花玫瑰花茶，可以理氣解鬱、調經止痛😊一大壺茶用火烘住，保證可以keep到溫度，亦都令到花茶焗得更加香，非常細心。食完薯條漢堡再飲花茶，感覺亦都好解膩。/#food #foodie #hkfood #hkfoodie #foodporn #foodstagram # #hkfoodblogger #foodblogger #foodlover #foodphotography #hkig

疫情持續左咁耐，總要搵地方chill下～抖下氣～正所謂 ‘放鬆下啦 香港人’ ，而樓上cafe就係一個好選擇啦！呢間5% Cafe坐落旺角，雖然唔係位於最中心地帶，但交通都係好方便裝修簡約舒適，地方尚算寬躺，坐得舒服提供好多唔同種類嘅boardgame俾顧客任玩，岩晒約埋一班朋友上嚟玩到天昏地暗！當日放工過嚟已經係dinner time，晚餐套餐每款大概一百零蚊，包一杯$40野。除左有特色飲品，更有幾款由cocktail改良嘅無酒精飲品，好吸引！下次再嚟一定要試吓日式天婦羅蝦卡邦尼煙肉意粉 - $108天婦羅蝦炸得脆口，蝦細細隻，味道一流。意粉就十分出色，卡邦尼汁好重芝士味，每一啖意粉都沾滿醬汁，芝士控絕對要一試！炭燒雞扒漢堡配薯條 - $138雞扒燒得剛好，肉質keep到juicy，係經典嘅漢堡配搭，十分好食。薯條亦係新鮮炸起，熱辣辣嘅薯條雖然明知唔健康，但係都食到停唔到口抹茶Smoothie - $16好濃嘅抹茶味，味道甜荔枝梳打 - 跟餐係而家炎熱嘅天氣下，一啖冰凍嘅梳打 爽度絕對爆燈啊！

旺角出名多Cafe 今次去咗高氏大廈5% cafe一入門口已經見到好多唔同種類嘅遊戲可以任玩 Cafe座位闊落 坐得舒服又唔窄 入面仲有個霓虹燈打卡位 員工好悉心咁介紹每一頁嘅餐牌 選擇都算多晚餐有set叫5%黑松露手打牛肉芝士漢堡配薯條睇個名就知係呢間Cafe嘅主打菜 黑松露味雖然唔算濃 但作為一個漢堡來講都算高質 手打牛肉味濃 火喉啱啱好 唔會太熟 鎖住到肉汁 包嘅底面都有煎 香脆好食 😋薯條雖然係配菜 但炸得好好食 擺咗陣都未冧 有驚喜跟餐包左杯$40樓下既飲品 over左要補返差價試左雪梨桂花茶 開頭會比較淡 浸耐左茶味濃郁 成set茶上 飲曬仲可以refill 好岩係cafe 一邊傾一邊慢慢嘆 黑松露長通粉 比漢堡呢個長通粉勁重黑松露味 分量相當之多 每一條長通粉都有黑松露醬 不過食完會比較濟 要慢慢品嚐 配合花茶可以消濟 好啱同長通粉一齊食朱古力沙冰 比平時特別嘅係加咗薄荷味 朱古力味都好濃甜品Tiramisu蛋糕 Tiramisu味比較淡 似咖啡蛋糕 海棉蛋糕部份軟身 cream都幾滑 不錯

I made my booking to dine but they ended up putting me the table in front of the door, the main problem is the air conditioning is so bad. We requested them to turn up the air conditioning but I didn’t feel anything change after they adjusted the temperature. This is one problem, the second problem is their drinks are so bad. “Rainbow” is overly sweet. “Honey Butterfly” isn’t even cold despite they put some ice cubes into it, it is nowhere near to cool too it’s just in room temperature. The dess