5% Cafe

Open Now

Now Closed

【黃店推介 - 旺角樓上Cafe鬆一鬆 - 5% Cafe☕️】🐷🐷🐷🐷💭哈佬！今次嚟到旺角呢間樓上cafe食Tea~ 佢入面有好多唔同種類嘅board game可以借嚟玩玩！而且小店環境好舒服，店員又會主動教我地點玩啲board game, 好有家嘅感覺呢～🐷🐷🐷🐷💬1️⃣ 生炸雞脾配薯角($68) 配熱蜜糖綠茶抵食推介, 好大隻炸脾同薯角, 特別塊雞皮炸到好脆口, 非常邪惡, 熱辣辣即叫即做!! 而且仲包$40 以下嘅野飲!! 飲品好多選擇, 揀左養生蜜糖綠茶滋潤下, 唔使加錢架!!🐷🐷🐷🐷💬2️⃣ 千島海鮮窩夫薄餅 ($58) 配 熱黑咖啡 (Americano) 呢個係最平嘅TEA SET, 兩塊窩夫Pizza即叫即做, 千島醬夾海鮮好岩, 而且有大量粟米粒配襯! 一啲都唔DRY!! 海鮮份量唔多, 想輕食可以考慮下!! 反正重點在於環境舒服, 空間感大又有好大張沙發, 傾計同玩game 都唔怕嘈到人尷尬!! 想見番下朋友又唔知做咩好, 可以考慮喺呢個鬧市下嘅小店完美咁消磨一個下晝!!

好懷念呀‼️😆 超級耐冇黎旺角樓上cafe🥳讀U嘅時候成日都要搵地方reu聚會( •̀∀•́ )✧要有可以坐得耐玩game 食物環境又OK嘅都幾難 以前成日做搞手真係好慘😢 今次呢間cafe幾推薦比大家٩(˃̶͈̀௰˂̶͈́)و 仲要係黃店💛 位置唔算多 平日夜晚佢都full左 記得要book‼️board game 種類都幾多睇相就知 可以玩餐飽🤪👍🏻❣️Set menu 配$40以下飲品———————————————————🍔5%黑椒手打牛肉芝士漢堡配薯條 $128 🍟真係食得出手打既鬆軟 漢堡扒混合洋蔥口感唔錯😆 包應該係現成 兩邊都烘過 配埋半溶嘅芝士👌🏻薯條份量好多 粗薯正 炸得幾香脆 (๑‾ ꇴ ‾๑) 🐟香脆龍利柳拼牛肝菌汁長通粉 $128 🍝我自己比較鍾意呢碟😚 勁大嚿龍利柳啖啖肉🤤而且牛肝菌汁調味幾正! 個汁又有啲菇 通粉唔會過淋過硬✅ 仲有少少沙律伴碟 個賣相更好👍🏻🍹荔枝紅茶🍹餐廳都有好多特飲 不過老了都係鍾意飲最普通嘅 叫咗少甜係我鍾意嘅甜度🐷 好多Cafe都唔理會覺得自己飲緊糖漿😥 ———————————————————❣️想讚下佢哋服務好好 隔離有枱人問店員個boardgame點

最近忙着幫公司選購燈飾，逛完旺角忙裏偷閑，放工時間走到樓上 cafe 享受與 bestie 的愉快時光。店員會先為客人量體溫，有消毒搓手液供使用，防疫措施做到足。來這裏的大部份都喜歡玩 board game，門口放了很多不同種類型的 board game ，年輕店員非常熱情的教我地點玩，不過記得叫定嘢食然後一邊玩遊戲一邊等美食。5%黑淑手打牛肉芝士漢堡配薯條 $128賣相很好有層次感，熔岩般嘅芝士好似就快要流出來，黑椒手打牛肉味道濃郁，厚身多肉汁，十分有驚喜。就連漢堡包兩面都焗得非常香脆，芝士漢堡配脆口薯條感覺係最吸引，份量好十足，食到停唔到口，推薦試吓好滋味 。 套餐配 $40 以下飲品，其他補差價就可以了，我點了最愛的 Cappuccino，賣相平實樸素，咖啡香味撲鼻，口感綿密，味道層次分明。最後當然我唔會錯過 加$28配自家製蛋糕啦！當日我揀咗 tiramisu ，味道突出，入口鬆軟，甜度適中，令人回味。旺角地點交通方便，又食又玩，一大班朋友或者幾個閨蜜傾偈放鬆，一個很好的選擇。

偶然搵到呢間5%cafe上到去都未算繁忙時間就坐住等friend到一邊睇餐牌揀食咩等時都發現呢都好似partyroom 咁 可以一大班人一齊玩，又有broadgame 玩 食物方面：order 左兩個主食 另加兩杯drinks5%黑椒手打牛肉芝士漢堡配薯條🍟紅酒繪牛脷配意粉🍝等左一陣staff 送上熱辣辣嘅兩個主食上枱我個牛肉漢堡睇落都幾厚肉多汁 薯條都幾好食😋唔會太濃味 份量十足 好夠飽👍🏻用牛脷煮意粉好特別 通常紅酒繪牛腩 未試過 味道都幾match 飲品方面：一杯係Pure colada (菠蘿汁 耶漿 雲呢拿糖漿 煉奶 肉粉）調製而成 感覺好冰涼唔因為係重甜 😋nice另一杯就係ice cappuccino 同平時飲開嘅差唔多環境方面：舒適

放工想揾間cafe坐底輕鬆下，就嚟咗呢度。叫咗個5%黑椒手打牛肉芝士漢堡配薯條，漢堡塊包烘得唔錯，外脆內軟，塊手打牛肉好厚好大塊，都保留咗唔少肉汁，好juicy ,係好食嘅。不過薯條就差少少，唔係即叫即炸，所以唔夠脆，係林林地嗰隻，真係睇個人口味喇。另外叫咗脆魚手指同雞塊做小食，雖然都係急凍再翻炸嗰啲，但就價錢而言算係咁啦。野飲叫咗芒果百香果梳打。估唔到呢兩隻味又幾夾喎，而且唔會溝得太甜，跟餐仲唔使加錢添。

假期前夕又出來食番餐輕鬆下，最佳地點一定係樓上Cafe 店，可以俾大家慢慢暢談之餘，又可以食到各款特式美食確係一個唔錯嘅聚餐好地方，係旺角呢頭開飯比較多選擇，就去了呢間5%cafe品嚐一餐美食未入門口已聽見陣陣歡笑聲音，就知道係一個聚會好地方，坐喺軟綿梳化凳上邊食邊傾特別輕鬆，係餐牌上有一系列菜式同小食，連特色飲品同甜品肯定滿足到大家食慾，我就點了一款小食同一款晚市套餐一齊享用，先來有千島海鮮窩夫薄餅用咗窩夫做餅底入口更加香脆可口，表面沾滿各款海鮮配料同芝士，味道香濃鮮味十足輪到主菜係雙重芝士焗鮮茄肉醬意粉芝士嘅香味特別濃厚加上惹味肉醬粒，每口意粉都吸收晒兩款芝士味道提升口感，食落飽滿滋味十足再襯杯matcha smoothie 啖啖清新綠茶味道特別香滑又繼續邊食邊傾品嚐一餐晚餐。

行完信和買完玩具想座下慢慢嘆，這裡就係一個唔錯嘅選擇，首先地方闊落座位舒適，最緊要係就腳，在信和行過去2至3分鐘，而餐牌上都有不同食物選擇，set menu 內嘅選擇已包了$40價錢以內飲品，可補差額選擇其他特色飲品，我點了黑椒汁雞扒配司華力腸配薯角，加多個小食雞塊併手指魚柳，加埋杯巧克力smoothie!等餐時跟住望吓戰利品，上下網再望望吓時，小食雞塊併手指魚柳上枱，4件雞塊3件手指魚柳，邊吃住啖啖肉嘅雞塊，味道都唔錯！而手指魚柳外脆內裡肉質嫩滑，加埋個沙律醬入口味道十分配合！接住就係今晚我嘅主菜，黑椒汁雞扒配司華力腸配薯角，大大塊炸雞扒，炸得十分香脆，切開時內裡嘅肉質仍然十分嫩滑軟熟，點少少黑椒汁入口帶點辣，夠晒刺激！而司華力腸亦十分香口，還有大大件嘅炸薯角，真係十分滿足！嘆住杯巧克力味道濃郁嘅冰涼沙冰，再慢慢品嘗戰利品之餘，又可以享用了滿足嘅晚餐，絕對係一個唔錯嘅地方！

旺角有好多樓上Cafe，小弟好多年前去過之後就冇再去過。呢日就約咗朋友嚟咗呢間樓上Cafe聚一聚。上到去環境好舒適，亦都見到有好多桌上遊戲可以借比客人玩。小弟亦都見到有唔少人係度relax下傾下計，咁舒適嘅環境真係好難想像原來樓下就係好繁忙嘅彌敦道。一上枱就見到塊好吸引嘅芝士，勁邪惡小弟食burger最怕就係食到好論盡，啲汁滴到周圍都係，呢個burger啲汁就啱啱好，塊漢堡都好厚身薯條炸得好脆，份量都好多龍脷柳好香脆，即叫即炸，上到枱仲係熱辣辣！而且肉質好滑，一啲都唔鞋長通粉個汁好有驚喜，同長通粉好夾好香牛肝菌味，好好食飲花茶最怕就係淡茂茂，但係呢度嘅花茶好足料，味道好濃仲要有蠟燭喺下面暖住，啱晒慢慢坐喺度邊飲邊同朋友傾偈

🥰朋友聚 @5percentcafe·🍔5%黑椒手打牛肉芝士漢堡配薯條（$128）賣相吸引～熱溶🧀鋪上juicy手打牛肉🐮👍🏻👍🏻味道剛好唔會過咸🙌🏼薯條香脆🐮·🍝海鮮卡邦尼意粉（$118）蠻不錯.雖然海鮮得青口同炸蝦2隻較單調，但意粉彈牙🥰sauce 濃郁～·🍹Virgin mojito($52)薄荷味頗重.飲落清新☺️·🍵枸杞菊花茶 ($56) 老人家要養生都係飲番熱野🤣👵🏻·📍5% cafe 旺角彌敦道577號高氏大樓2樓BC號鋪

依一間Cafe環境舒適，梳化好好坐，仲有好多board game玩，同朋友黎hea, 係一個唔錯嘅選擇! 食物方面，我點左:1. 瑞士汁雞翼($58)雞翼一客5件，夠大隻，雞翼調味適中，另有瑞士汁比你點，好貼心。2. 黑椒汁雞扒司華力腸配飯($108)賣相吸引，將飯弄成熊仔頭，有心思，雞扒大大件，外皮煎到好脆，肉質嫩滑又夠入味 ，司華力腸如果可以多啲就更好喇，因為我好鍾意食㗎！黑椒汁係另上，要黎撈飯唔錯！特別推薦榛子朱古力，朱古力味濃郁，奶味重，夠香夠滑！可以一試👍

想約朋友食下野傾下計，環境唔嘈又坐得耐既，cafe真係一個好地方，但樓上cafe試過好多次都中伏，不過上網見呢間係黃店，同埋正評都幾多，就比次機會佢.食物種類比較少，不過價錢同出面既cafe差不多，主菜有7款$98-$128，已包一杯$40既飲品，而小食就得炸薯條、洋蔥圈等，如果有埋沙律或者薄餅會更好🙈－－－－－－1. 5%黑椒手打牛肉芝士漢堡配薯條 $128 7/10薯條份量都幾足，不過顏色唔似係即叫即炸，味道較淡同埋唔夠香脆，反而主角burger整得幾好😋兩邊漢堡包都有烘過，芝士呈熱溶狀態，牛肉幾鬆軟，不過黑椒味唔夠重2. 香脆龍利柳併牛肝菌汁長通粉 $128 7.5/10一份有兩大塊龍利柳，真係煎至金黃脆口，魚幾嫩滑唔乾身，牛肝菌汁都唔錯，滲哂入長通粉，食落幾滋味🤤不過長通粉再腍身一點會更好3. 雙重芝士焗鮮菇肉醬意粉 $98 6.5/10芝士比想像中少，所以唔太做到拉絲效果，不過肉醬味同burger牛肉好似，味道都幾濃郁4. Chocolate Smoothie $56 7/10飲品都幾有心思，有朱古力碎碎係杯邊，面層仲加左上cream，不過朱古力偏甜，飲到最後真係好飽

第十次寫食評今天，來到一間在油麻地港鐵站附近的樓上Cafe, 名叫5％。一踏進門口，感到燈光有點昏暗。這裡的座位，基本上全是較矮的梳化。坐下，點了一碟小食，一杯凍飲。瑞士汁雞翼：雞翼有5隻，size算ok，味道方面，肉身有點硬，但算入味薄荷凍朱古力：味道唔錯，薄荷不算重，沒有搶走朱古力味多謝你100個大洋左右

考試期間真係好鍾意喺旺角依頭搵Cafe🤫要係黃店又坐得耐🌝咁就比我發掘到依間🤗-嘢食黎之前✨老細好好人教咗我哋玩這個game👉🏻超級犀牛超好玩(●°u°●)​ 」由於佢實在太似啊足（動森所以我哋就比佢陪我哋食咗一晚嘢🦏-📌香脆龍利柳拼牛肝菌長通粉套餐🐟🍄（💰128）一上枱‼️嘩‼️咁大塊‼️點食得哂呀唔止望落大份仲好厚身不過佢咁脆🤤又入味🤤最後都係比我食晒當然通粉嘅軟硬度都岩岩好🤤-📌凍芒果百香果綠茶🍵跟餐👉🏻少甜（單叫：💰40）佢哋野飲都幾多元化無論係朱古力🍫奶茶☕️咖啡定係梳打都有唔同味可以揀💕杯嘢飲好香芒果🥭同百香果味(⁎⁍̴̛ᴗ⁍̴̛⁎)但係竟然可以整到唔甜💕真係好難得仲諗住少甜都會好甜(;´༎ຶД༎ຶ`)好幸福🥰終於唔使專登叫熱飲要自己較甜度💕-📌小食：薯條🍟洋蔥圈🧅（💰38 & 💰38）炸粉脆得仲有啲煙韌平平哋🥴食住小食嚟玩game吹水唔錯👍🏻-店員老闆都勁好人(˶‾᷄ ⁻̫ ‾᷅˵)會教人玩🥺岩哂我乜都想玩又乜都唔識既新手（平時邊有人同我玩）∠( ᐛ 」∠)＿同埋原來佢哋有時都會搞活動俾人識現實朋友咁我就有人陪我玩∠( ᐛ 」∠)＿-✨題外話：我都幾鍾意佢有時會播迪士尼音樂\(//∇//)\仲有前

記得中學時代很喜歡一群同學約去Cafe聚會，吹水的吹水，玩board game的玩board game，打牌的打牌，隨著人越來越大就變得少去左Cafe消遣。今日同中同兩丁友想搵個地方吹下水休息，經過油麻地上左呢間5% Cafe。入面地方幾大，裝修都係cafe格局，裝修簡單靚靚地，地方夠大，坐同傾計都好舒服! 最特別既係Cafe強調與朋友相聚的樂趣及board game，非常classic的港式cafe!講番食物先，5%黑椒手打牛肉芝士漢堡配薯條味道唔錯，配搭簡單清新，牛肉多汁Juicy，薯條係剛剛炸起，不太咸而幾好食。食得出有心機既製作黎。香脆龍脷柳牛肝菌長通粉龍脷柳都係岩岩炸起，值得一讚! 而牛肝菌醬長通粉味道都十分唔錯，去Cafe食野有時落味道落到好overwhelming, 但呢間既通粉清新簡單又唔會食到有味精，唔錯!飲品方便叫左接骨木梳打同Pure Colada，梳打清新唔會太甜，配合炸物一流，另外Pure Colada真係新鮮即打(老闆提我地留意攪拌機聲, HAHA)，味道亦十分唔錯，同行嘴刁友人都飲到一滴不漏!

旺角高氏大廈一直都知有好多樓上cafe,今次就揀中左5% cafe。晚上人數都算滿，卡位之間都設置間板，私隱度都十足。當中更有打卡位，霓虹燈字及可瞭望著人車來往的彌敦道。*行入門口而有店員為客人度體溫及設置消毒搓手液，防疫措施做足功夫。近門口擺放了不同種類的board game供客人遊玩，店員更非常踴躍介紹遊戲。*一行四人 叫左：5%黑淑手打牛肉芝士漢堡配薯條 x2Burger同薯條份量好足，男仔都絕對食得飽。薯條係厚切嗰種，薯味濃同好脆口，食到停唔到口😂最中意burger有蘑菇汁，加埋芝士同牛肉，好有層次感。不過就略嫌黑椒味唔夠濃，overall個包係推薦的（burger黎講友人推薦five guys ）*香脆龍利柳併長通粉 x1龍利柳炸得非常香脆，而魚質並沒有炸得太乾，還保留著嫩滑🐟。蘑菇汁配長通粉為set 提供澱粉質，還有少許沙律🥗均衡飲食係非常重要喔！*紅酒燴牛脷飯 x1紅酒燴牛肋 繪得好軟身👍🏻併埋蕃茄的酸甜味，而當中有四五塊牛肋片，啲飯既量 對一個女仔👧🏻黎講夠曬足料。最中意係白飯質感 軟硬適中，唔會好似出面有啲鋪頭太水太冧身。（牛脷飯黎講友人推薦4粒星⭐️）*最後，叫埋Ho