陸陸雞煲火鍋 (Closed)

今晚去左朋友公司附近既餐廳打邊爐，全場爆滿，我地叫左個人氣$338 陸陸雞煲海鮮火鍋套餐，又有雞煲食，又可以打邊爐，真係一石二鳥！ 前菜有冷盤花螺小食，之後就黎左個雞煲半隻，叫左BB辣，味道好惹味，唔會太辣，唔食到辣既朋友都接受到，雞肉都好嫩滑，洋蔥超厚身！ 食完雞煲就換左另一個煲要黎打邊爐！湯底係好香噴噴好足料既龍蝦湯底 ，配海鮮拼盤 （鮑魚、貴妃蚌、廣島蠔、蟶子、海蝦、魚片、蟹），所有海鮮都好鮮美，焯一焯就食得，否則就會太un, 蟶子、鮑魚、貴妃蚌都好大隻，食落口都好鮮甜！而火鍋🍲配料有手打牛丸、墨丸、豬肉丸，全部都好實肉，手打丸好Q彈！雲吞、水餃、白菜餃、魚皮餃，個皮都好薄身，餡料豐富！ 炸魚皮、響鈴都好脆口！仲有香菇拼盤、蔬菜拼盤頂級美國肥牛、牛柳粒、豬肉片，口感柔軟肉味濃！最後仲有綠茶🍵紅豆雪糕糯米滋同西瓜🍉做甜品，好豐富既火鍋🍲晚餐😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

話說男友最愛食雞煲，當然要搜尋🔍所有好食雞煲食盡佢見呢間好評如潮 即刻要去食下啦📍陸陸雞煲火鍋店內裝修好靚，色彩繽紛食都食得開心！重點係店內座位距離又唔會好迫，同三五知己黎食very good！一入門有個巨型star wars白兵機械人，正🤣店員先比醬油同配料比我地選擇！先送上前菜小食，係花螺冷盤過一下口癮，開開胃先雞煲火鍋海鮮套餐，每位只需$388(+1)先上半隻雞煲，我地揀BB辣，已經好惹味雞肉都好嫩滑，汁料好香 夠哂入味食到8899店員就幫我地轉煲打邊爐龍蝦海鮮湯底，好鮮甜！第一時間放d海鮮落去等個湯更鮮更岀味海鮮盤超豐富 有鮑魚，貴妃蚌，蠔，蟶子，蜆，蝦，鯇魚片都估唔到樣樣都咁新鮮，真心覺得好抵食！一碟美國肥牛，牛柳粒，豚肉片肉質爽口，而且全部都大大片手打牛丸，墨魚丸，豬肉丸全部都係新鮮手打，真材實料又彈牙，每樣有2粒，剛剛好！餃子類有雲吞，魚皮餃，菜肉餃皮薄餡足，男友大讚好好食！菇類拼盤我的最愛😍咩菇類都有齊！又大盤，好開心！蔬菜都有3種，每棵都係新鮮靚菜❤️仲有炸魚皮同響鈴！真係豐富兼抵食！埋單仲有甜品附送西瓜同雪米糍，滿足到爆！

話時話香港人就最鍾意十下十下 而我同班手足梗係唔例外啦 次次約食飯都係會食下雞煲火鍋果類野架啦 因為可以一路飲住啤酒一邊吹水 不知幾快意人生 我地今日就約左食呢間唔係任食既火鍋黎試下佢啦 我地都係一人叫左一個海鮮拼盤既餐就算數 我地都係諗住可能食唔飽既心態去食既 首先啦 我地叫左個小辣小麻雞煲先 食落幾香 唔會太辣而且炒得好香 而且雞肉好滑 唔會食到有渣 十分好同惹味！就食完雞煲既時候 佢地既店員就上左個海鮮拼盤比我地啦 跟住我地就加快速度 拿拿林食完雞煲 轉龍蝦湯底打邊爐啦xd佢地既龍蝦湯底好足料 真係落足一隻龍蝦 佢地將龍蝦一開二 係慢慢煮火鍋既時候 同時會吸左湯底既鮮甜 食落不但唔鞋口 而且好多肉 十分滿足 d海鮮都算好新鮮 店員仲教我地唔洗綠太耐 就可以食 因為太耐會令到海鮮冇咁好食xd~佢地仲有小小牛肉同堆手工餃子 味道都算唔錯 用料真係算十分好 而且仲有好多菜 唔洗怕唔夠飽xd 我地2個大男人去食都食到十分飽 而且唔會令到你太飽 唔洗下下食放題既 有時候呢d小店仲更加好味xd 推薦大家一試~

舊同學聚會想傾耐少少, 食雞煲再打邊爐就最佳選擇, 早排經過白布街既陸陸雞, 見人氣幾旺, 上網做過下Research, 見評價都唔錯, 於是今次聚會就揀左去呢間喇! 餐廳分兩層, even 人多, 都可以被安排坐長檯。除左散叫, 呢度亦有兩個套餐選擇, 而今次我地就揀左$338/位呢個套餐!入座送上冷盤前菜, 螺肉爽口雞煲可自選辣度(可以揀唔辣), 我地就揀左BB辣, 唔太食得辣既朋友都可以handle到。雞煲送上檯時雞件已熟, 有大量香料, 侍應協助炒幾炒, 再焗一陣, 就開蓋食得!食雞煲確實有d辣先惹味! 每件雞件其實唔太多肉, 但勝在肉質幾滑又入味, 夾集配料莞茜食, 多一份香氣!食完雞煲後換上蕃茄龍蝦火鍋湯底開始第二part既打邊爐!自由混醬配料湯底中竟然有原隻龍蝦!!湯底雖然冇龍蝦味, 但蕃茄湯底清甜, 而且龍蝦拆殼後, 肉質彈牙鮮甜海鮮併盤、餃類、丸類、肉類、菜籃、炸魚皮、響鈴亦陸續上檯!海鮮併盤都幾豐富, 而且清潔得唔錯, 每款都唔會食到有沙! 蟶子肥美大大條, 鮮甜爽口,唯一嫌魚質地極林, 焯熟後一夾即散, 沒有口感可言。餃類沒有水氣, 似係當日即包, 如果大隻返D會

今日起油麻地收工同個好耐無見的朋友食飯，揀左呢間陸陸雞煲火鍋，好近旺角東火車站。餐廳有好多poster 貼左起門口，除咗$338的雞煲海鮮火鍋套餐，仲有個$308蒸海鮮套餐，餐廳仲可以散叫，用平板電腦點野食，好high-tech! 我哋叫咗呢個$338 套餐，好似都幾多嘢食，另外要加一同埋醬油費。打邊爐個豉油碟好重要，餐廳都有提供基本醬料如辣椒、炸蒜、蔥花等等。同時有個冷盤花螺可以食住等雞煲，花螺無臭味，合格。最期待的雞煲出現了，雞煲的配料和味道幾正，有好多青椒同埋紫洋蔥，又有好多花椒好惹味，叫左小辣唔算好辣但夠麻不過個friend就唔係好食到辣，要叫飲品，青檸梳打($63) 一榨。食完個雞煲就打邊爐，原隻龍蝦用來做湯底，個湯都幾重龍蝦味。龍蝦本身唔算多肉，主要都係取其味。海鮮拼盤好豐富，有鮑魚、聖子、蜆、蝦、魚片同蠔。份量都幾多，食完海鮮都已經差唔多飽。聖子幾厚肉，個蠔就爭d。基本的打邊爐配料，有牛肉豬肉、水餃雲吞魚皮餃、手打牛丸墨魚丸豬肉丸、當然唔少得打邊爐必備的響鈴卷！ 魚皮又係食唔停口。有大量菇菜都好新鮮，食d菜無甘大罪惡感總括嚟講餐廳地理位置方便，近火車站同地鐵站，而且唔限時

已經唔係第一次去陸陸雞煲火鍋，上次同朋友慶祝生日朋友都話好食，今次就決定帶媽咪去試吓😊之前黎仲未有套餐，今次見到$338已經包左咁多嘢食，仲有海鮮，同龍蝦湯，唔使諗，就決定叫個餐嚟試吓😁首先有個前菜冷盤，即刻食得嘅👍之後就到個雞煲有得揀BB辣小辣中辣，我點左BB辣，其實都已經食得出辣味，個雞煲炒得好香，啲雞好滑，洋蔥好甜，平時兩個人食雞煲食到後尾會覺得太多雞，但係今次唔會因為啲雞真係好好食😋😋食完雞煲就俾咗個龍蝦湯我哋打邊爐，隻龍蝦都仲係入面㗎😂海鮮拼盤裏面嘅海鮮種類都唔少，餐廳好貼心，有個牌寫到明海鮮煮熟所需時間，唔使怕啲海鮮唔夠熟或者太熟😋啲海鮮好新鮮，我最鍾意食貴妃蚌同鮑魚，超鮮味，好大隻，連埋龍蝦湯真係好好味，本身諗住食得落嘅話會叫多隻貴妃蚌，但真係太多嘢食😂之後就係牛肉牛粒同埋豬肉，牛味好重，一食就知唔同平時啲cheap嘢，牛粒好淋，無根👍不過有少少唔夠喉😋當然仲有打邊爐必備嘅響鈴同埋炸魚皮😁之後係自家製嘅手打丸，種類都好多，魚皮餃牛肉丸豬肉丸都有，但因為我已經好飽，我無所有款都食晒，但媽咪話幾精緻，細細粒，易入口，又唔會厚皮👍最後就係菜同菇，種類都好多，連一啲平時比較少見嘅

好耐無食雞煲又無打過邊爐，見到呢個海鮮套餐，可以滿足晒兩個願望。記得拉埋, 朋友。餃菜菇響鈴都可以任食。晚上黎到都已經幾多客人。陸陸，兩人份量有半隻雞，雞件份量都幾多，皮薄肉厚。我地揀左微辣，所以辣度唔算好高，微微香辣，由於煲裡仲有好多香葉，八角，蒜頭，芫荽等等香料，所以好香口惹味，雞肉亦都相當入味，嫩滑美味。海鮮拼盤、蟶子、蜆、海蝦、魚片，鮑魚、貴妃蚌、廣島蠔聽落都覺得豐富，最鍾意蠔同蟶子，蠔海水味濃又肥美，蟶子扎實爽口。仲有特飲同鮮榨果汁的，即叫即榨，好新鮮。

之前已經聽講過呢間係白布街既人氣「陸陸雞煲火鍋」，有好幾次都想Walk in，點知門口都太多人排隊了，選擇放棄了😔今次就專登平日時間，一放工就黎食，早食早消化嘛😝餐廳裝潢設計睇得出係有落過心機的，每一個位都唔馬虎😍而呢度既點餐形式係用iPad落order的，自助形式，每一張枱都有一部，唔需要麻煩侍應，想食咩就點咩，非常方便，而且還有一個「呼叫服務」；當然，都有足夠既侍應係餐廳內招呼客人🤓同朋友一個話想食雞煲、另一個想食火鍋，決定就點呢個雞煲火鍋海鮮套餐，可以一次過滿足曬大家既願望😆先揀選醬汁配料☺️前菜小食，可以係等既過程(雞煲製作都需時)，有啲小食落肚🤤先食雞煲，雞煲既辣度由BB辣、小辣、中辣至大辣，任均選擇，而我地就點了微辣，辣度都不會太辣，岩曬我地食唔到辣，又想過下辣既口癮🤪雞既質地係非常嫩滑，而份量都剛剛好，先食少少，後再食火鍋足料海鮮拼盤，個人最鐘意既係鮑魚、貴妃蚌同蟶子🤩絕對無誇張成分，真係成枱面都係野食，超豐富🤗🤗火鍋既湯底係龍蝦湯配原隻龍蝦的🦞😵海底好鮮甜，加埋海鮮配料之後，湯底鮮味更加濃郁飲品方面有好多選擇，除了基本的啤酒、汽水之外，仲有特飲同鮮榨果汁的，即叫即榨，好新

今日約咗好耐冇見嘅朋友食飯🙆🏻🙆🏻約咗旺角食就腳啲🤓🤓揀咗呢間陸陸雞煲貪佢又有雞煲又有打邊爐食🤓門口仲有白兵造型💂🏻‍♀呢度除咗可以散嗌之外都有兩款套餐畀我哋揀😆我哋今日就揀咗338蚊嘅雞煲海鮮火鍋套餐🍴🍴茶芥醬料 $10@有好多款醬料畀我地自己溝個套餐仲包咗冷盤花螺小食😆😆食雞煲前食下冷盤都幾好 幾開胃之後就會上🐥陸陸雞煲 我哋揀咗bb辣職員好好人間唔中會行過嚟幫我哋搞下費事黐底👍🏻👍🏻一打開個蓋就聞到好香嘅雞煲味💕💕雖然係bb辣但都好惹味有好多蔥蒜 越食越想食😍😍雞件好嫩滑同埋好入味雞煲嘅份量啱啱好唔會好多食到飽曬✌🏻食完雞煲就可以叫職員幫我哋換咗個龍蝦湯個龍蝦湯真係有一隻完整嘅🦞龍蝦喺入面㗎個湯底都有好濃郁嘅龍蝦同埋蕃茄味😋😋海鮮拼盤啲海鮮好新鮮👍🏻今日有鮑魚 貴妃蚌 廣島蠔 蟶子 蜆 🦐海蝦 🐟魚片同埋大頭蝦個蟶子真係好大條🆙唔好以為得兩隻 兩隻嘅下面仲有兩隻Total有四隻咁多呀💕💕今日嘅海鮮都好唔錯冇沙好鮮甜夠新鮮😋😋有咁多款好味嘅海鮮食即刻覺得呢餐邊爐好抵😂😂除咗海鮮個套餐仲包咗好多其他嘢食放到成枱都係😎😎🐮頂級美國肥牛 🐂牛柳粒 🐷豬肉片豬肉肥瘦適中肥牛同埋牛柳粒都幾好

今晚想食海鮮，諗起呢度有海鮮之餘又有雞煲，加上打卡有得任食餃子同菜，決定試吓。蒸海鮮同雞煲之間，最後揀咗雞煲，問過兩個餐嘅海鮮冇乜大分別先來雞煲，中辣，味道唔錯，半隻雞好快食完跟住我哋以為待應會直接加啲湯打邊爐，點知原來係轉龍蝦湯。講真個湯冇乜特別，應該都係味粉開出嚟，唯一有睇頭嘅係浮著一隻已經煮熟左嘅龍蝦。隻龍蝦都係得個睇字，拆開來舊肉同一隻大蝦差唔多重點黎啦，海鮮拼盤，一見到就知唔係最新鮮嗰隻，冇一樣識郁令人最失望嘅係嗰兩隻廣島蠔，仲係結緊冰嘅（令我諗起759雪櫃入邊果一大包）另外塊魚片都十分唔掂，係用最渣嘅大魚切片，夾硬切斷啲骨，食落成口骨，放棄左跟住有肉類，份量唔多，不過唔緊要，因為味道一啲都唔吸引，我每樣食咗一舊就放棄仲有可以無限添加嘅餃子，都係唔掂丸好似係冇得加嘅，睇相係咪覺得OK ？我覺得得粒墨魚丸勉強叫食得落（唔通我太嘴刁？）不得不提呢粒叫做「終極打大佬」，我估係梅菜豬肉丸，真係又梅又難食仲有響鈴魚皮其實以呢個價錢來講，加埋一四百零蚊一位都算幾豐富，我哋都冇再加任何免費餃子同菜。雞煲係幾好食，可惜其他食材真係好一般，特別啲海鮮唔夠新鮮，感覺上用差唔多價錢寧願去其他鋪頭食

先食雞，後打邊爐！佢個雞煲好掛汁，D汁痴哂系D雞到，入味但吾會覺得咸，雞肉好嫩滑！雞件切得size幾好 吾會太大舊。之後加湯打邊爐個雞子用酒沉住 恰熟左都好有酒香味 好好食！另外手切牛肉都好好食 好重牛味。

一行入去以為得好細間 原來樓上仲有位坐低即刻有一d 烚熟既東風螺仔食唔知係唔啱食定點我唔係好鍾意個豉油等個雞煲出既時候就可以溝定個豉油醬料啦 基本配料都有齊 可以自己揀.佢地會係你面前整熱返個雞煲個雞煲係可以自己揀辣度既 我地揀左微辣雞件算幾多肉 個味底會甜d 有綠色燈籠椒同紫洋蔥 兩樣都係加重甜味既野雞煲好夠味 同埋裡面有好多蔥 所以食落好香食食下覺得想食飯 所以就問有無得加飯啦 點知原來無 不過都好 留返個肚食火鍋跟著唔知點解我地食食下就勁快出左個for 火鍋既海鮮拼盤可能要解凍？？.食完雞煲就到火鍋 呢度既套餐包埋個龍蝦湯底🦞龍蝦湯底裡面有原隻波士頓龍蝦！**注意d 海鮮唔好煮太耐 會變乾身唔好食架佢地有張紙教你每樣海鮮需要煮幾耐跟著佢煮應該就無錯的了我地個海鮮火鍋拼盤裡面有鮑魚 帶子 廣島蠔 蟶子 蜆 海蝦 魚片係不設指定海鮮款既 我覺得可以再洗得乾淨d個魚片同廣島蠔幾好食仲有其他肉類應該係牛肩胛 羊肉片同豬肉片 仲有幾粒好硬既唔知咩豬肉片無咩脂肪 肉質較鞋但健康好多羊肉同牛肉係超級好食！除左肉類當然唔少得菜啦我覺得佢地既蔬菜藍放得好美觀裡面有成四款菜 全部都唔老菇都有 仲要有

地點算係幾就腳，都方便朋友聚餐。巨型海鮮盤上枱，海鮮拼盤頗豐富，有蟶子皇、貴妃蚌鮑魚、廣島蠔、蟹、蚬、海蝦等等。我自己比較喜歡貴妃蚌和蟶子。貴妃蚌大大隻，肉身厚實鮮甜。蟶子滾左十零秒就食得，非常爽口味道鮮甜。龍蝦湯味夠濃郁，入面真係有大隻龍蝦比你食。肉質算是不錯。最吸引的是在中間那豐滿的龍蝦膏，非常滿足。豬肉肉嫩最後其餘的食材陸續奉上餃子、水餃非常好吃，用上新鮮的豬肉和蝦突出整個餃子的味道。丸子也是自家制作的，非常鮮美最後將佢哋全部變成雞煲！

#陸陸雞煲火鍋 故名思議是吃🐥雞煲加火煱兩食。見到有個陸陸雞煲海鮮套餐，好豐富咁，乜都有得食，就試了這個套餐。😙😙🔹$338 一位，就包齊雞煲，海鮮等火煱食物，但飲品除外。(小食東風螺，主食: 陸陸雞煲、海鮮拼盤、約6至10款海鮮、原隻龍蝦湯底煱、肥牛、豬肉、牛柳粒、手打丸、餃子、炸魚皮、響鈴、雜菌、蔬菜等🔹陸陸雞煲，點了BB 辣，味道剛好，非常惹味，不吃辣的也可以試bb. 辣。值得讚是雞肉大大件，沒有吃到碎骨，比起其他雞煲店要好，因為通常雞煲的雞肉好細件，食得唔暢快，又多碎骨，所以我覺得要讚👍👍🔹龍蝦蕃薯湯底煱，原隻波士頓龍蝦滾湯，進食小貼士💡龍蝦熟透後，先拿上碟cool down 約五分鐘才食，因為會比較易剪開隻龍蝦又不會燙手😀✌🔹海鮮拼盤都集合多種類海產，鮑魚、聖子、海蝦、廣島蠔等等 請看圖吧🐟🐚🔹其他火煱食物也有太多啦，沒有可能吃不飽。太厲害啦，最後還送上水果，雪糕作結尾🍨🍨

首次光顧，點了最昂貴的蕃茄海鮮湯底，味道一般。四十五分鐘后，急速腹瀉😫😖😷🤮，花了近年最痛苦的十五分鐘在洗手間內，差點把大腸也排泄出來。洗手間衞生尚可 - 這是唯一安慰。