Video
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
今日約咗朋友嚟到元朗食個悠閒嘅brunch😌 咁佢就帶咗我嚟呢間 87 coffee~ 淨係個地點已經覺得好chill😌 入去坐低睇睇餐牌 叫咗兩個lunch set 包咗黑咖啡或者茶😬 午市推介仲好抵食添😍 咖啡同茶我哋一人揀咗一樣咖啡仲可以選擇加奶 咖啡味濃 不錯～茶就係揀咗柚子茶 入面仲有百香果肉 酸酸甜甜啱晒而家熱辣辣嘅夏天～ 磯煮鮑魚香蒜墨魚汁意粉 $68見到好多人都食呢個午市推介 我都試吓先～ 一上枱 蒜蓉味勁香 鮑魚好大隻 食落爽口彈牙 不錯😌意粉好味煮得軟硬適中 仲有一點超好 佢嘅墨汁意粉 係唔會食到個嘴勁黑🤣 依加Follow IG & FB 即送小食一份🤣 小食就係薯仔粒粒 炸得香脆 配埋茄汁好味😋 牛油果比目魚漢堡包 配 有皮粗薯條 $118呢個組合勁吸引🤩 成個餐好大份 麵包用牛油煎過好香 牛油果新鮮又夠熟 比目魚煎得啱啱好 大件冇雪味👍🏻 薯條炸得香脆 配咗少少鹽 味道啱啱好 仲有蕃茄同埋生菜 配埋沙律醬 好好食😋 大推👍🏻 提拉米蘇牛角窩夫 配 雪糕 $68最後梗係食個甜品😗 牛角窩夫熱辣辣 配埋冰凍既雲呢拿雪糕 再加埋濃縮咖啡 呢個配搭真係好完美😍 推👍🏻 整體嚟講 呢間87 coffee 環境舒適 店員服務態度好 食物質素不錯 好適合嚟傾偈chill一下 一定會再嚟😌
continue reading
今日同朋友喺附近行街就見到呢一間，87coffee, 上網睇咗啲評價同埋價錢我哋都覺得合適，所以我哋就決定去試吓食晚餐，餐廳嘅位置都幾方便，唔會太偏僻都幾容易搵，店員都好客氣為我哋介紹餐牌，最後我哋揀咗兩個餐同埋兩杯飲品，整體上成個經驗愉快，而且坐得都幾舒服，適合朋友或者家庭聚會。風乾番茄鮮蝦意大利飯💥，大大隻鮮蝦，咬落去都爽口。而且餐廳喺意大利飯嘅調味都做得幾好，絕對唔會好鹹，而且擺盆上亦都非常靚仔，我同朋友都忍唔住攞電話出嚟打咭，個面仲有少少芝士碎，令到成個口感上嘅層次更加提高，呢一個價錢嚟講CP值真係好高，份量幾多，絕對唔會食唔飽！紐西蘭一級肉眼扒💥，肉眼扒非常厚身，切開中間係鮮嫩嘅粉紅色，喺烹調嘅時間控制得非常好，而且味道都好好食，肉眼扒有柔軟既口感同埋豐富牛香，質素非常高，再加埋薯菜，整體上都覺得唔錯，而且價錢真係唔貴，非常抵食。番茄濃湯餐包💥，我哋另外加咗兩個餐湯同埋餐包，係好飲嘅蕃茄濃湯，應該係餐廳自家製，絕對唔係罐頭湯嘅味道，我同朋友都非常鍾意！飲品我哋就叫咗兩杯凍檸茶，茶底都非常香濃，總括嚟講呢一個價錢真係冇得輸，不妨可以嚟試一次，而且店員非常有禮貌，有機會會再返嚟幫襯！
continue reading
雖然Cafe位於水車館街的巷子裏，但附近交通也很方便。坐位唔多，但枱與枱之間空間夠坐得舒服，仲有樓梯可以上一層。老闆娘好親切友善，店員也很有禮，感覺很溫馨有少少Home feel 💕午餐包黑咖啡/ 茶，也可以補錢叫其他飲品。✨主菜：✨🧡香辣欖油鮮茄海蝦扁意粉🧡海蝦有5 隻咁多肉質爽口彈牙，用橄欖油炒香過的意粉吃起來帶微微的辣。🧡鮮菠菜蟹肉蕃茄醬寬條麵🧡蟹肉份量好多，還有我好喜歡吃的菠菜，蕃茄醬汁酸甜適中，寬條麵質也煮得剛好，每條麵都掛滿汁，食落去好豐富。✨Drinks:✨🔹榛子鮮奶咖啡 ☕️🔹黑咖啡 ☕️**套餐附送的黑咖啡仲可以免費添飲**✨甜品：✨💛提拉米蘇牛角窩夫配雪糕💛甜品上枱先知原來呢個提拉米蘇係好似意式甜品Affogato 咁，Espresso 濃縮咖啡+雪糕 一齊食冰火交融，感受到甜苦平衡的味道，牛角窩夫焗得好香好脆。老闆娘真係好親切友善，會同客人傾下計，又問下我地啲食物啱唔啱口味，要唔要添飲咖啡。呢度食物真的不錯，價錢也合理，值得再來。
continue reading
星期六，風和日麗嘅好天🌞，打算去幫襯一下小店。明白小店人手緊絀，所以落單之後都耐心等待。等待一個鐘頭後，真係太耐了，所以催咗一次單。1小時10分後，都係未有上菜，所以再催咗一次，獲得嘅回應係「整緊」。點知道， 1小時20 分鐘後被告知漢堡包已經賣晒，整整等了1小時20分鐘！！最終只上咗一碟，明太子墨魚仔櫻花蝦闊條麵。以食物品質而言，只能說極度普通，墨魚仔竟然唔係熱嘅。十分無言☹️當中，等候嘅期間，見到另一枱係漏單，都係等咗1小時有多都冇上菜。又見到樓上嘅一行四人，等得太耐，唔食離開。睇嚟上菜速度嘅問題，唔並係偶發事件🤷🏻♀️最後埋單係比咗少少折扣，但完全彌補唔到我同屋企人等待嘅時間，同星期六嘅好心情🥲每個人嘅時間都係寶貴嘅，如果大家係珍惜自己嘅時間嘅話，去呢一間舖頭之前絕對要三思👋🏻👋🏻👋🏻
continue reading
喺元朗發現一間高質素嘅🍝❤️西餐小店, 本身淨係諗住食牛扒🥩但係見佢個意粉🍝好吸引, 所以我哋就選擇每樣各一份🥰加多$15就可以嗌埋🥖餐包同埋🥣餐湯， 呢個價錢真係冇得投訴佢個餐湯真係好用心去做而且係好濃郁嘅🍅蕃茄湯， 個小餐包🥯都係好有質素⭐️牛扒🥩我哋揀咗🇳🇿紐西蘭肉眼扒， 塊扒好大塊而且外層煎得好香口裏面仲係粉紅色❤️嘅內心， 再加埋🥔🥕🥒薯菜同燒汁， 所有嘢配合埋一齊真係好夾🫶🏻🥳最估唔到佢哋個意粉係咁有質素， 個🍷紅酒鴨胸真係不得了啲鴨肉好嫩滑，而且個意粉軟硬度係好完美， 一啲都唔淡口好濃郁嘅⭐️香草蒜香味佢哋仲有好多款甜品🧁🍪🍩🍫🥧我下次一定會過嚟試埋佢，琴晚真係太飽想食都食唔到😛雖然係一間小店但係坐得好舒服環境又好靚老闆娘同店員都超級好人😘
continue reading