8鍋臭臭鍋 (葵芳匯)

Open Now

Now Closed

十幾個人食，上菜已經慢一個人最後未有，叫蒜鍋冇辣，等左45分鐘先話煮錯有辣要重整終於等到，又發現漏左落肉100g入去等45分鐘~1小時先食到其他人都食完都未有得食😂超差體驗

想食臭臭鍋即刻OpenRice。發現咁多間分店得返葵芳分店。冇辦法即刻食先，驚連呢一間都執埋～閑日兩點左右入場。🍲一去到全場冇人得員工，仲諗係咪休息。點知原來營業中。🍲之前都嚟過葵廣匯食過一次嘢，每層個裝修都一模一樣。🍲我揀王牌臭臭鍋，味道係幾好，比較特色，有大腸米血糕臭豆腐，但係價錢就冇牛大人閑日午市咁抵。落單係QR code落單嘅，冇咩服務嘅，不過攞過嚟都OK嘅。飲品選擇ok，但係要加椰果珍珠嗰啲就要加$5。🍲收費偏貴，兩個人食埋單183。🍲比較困擾嘅係佢張餐牌裏面寫$72一個餐，但係肉就另外要加十幾廿蚊，唔計埋落總數超白痴，即係變相加價。🍲同埋音樂有啲嘈囉，中間係咁播容祖兒啲歌臨尾播返啲普通話歌好啲。

葵芳除咗好多掃街之外， 亦有好多好味嘅餐廳， 今日行出葵涌廣場少少， 過咗條天橋， 呢間八鍋臭臭鍋喺正葵芳匯， 一眼就睇到， 吸引咗我入去食飯。 呢間餐廳主打一人一鍋嘅特色鍋， 套餐有好多選擇， 有唔同嘅湯底 ， 例如藥膳鍋、臭臭鍋。 每個鍋都配住唔同嘅配料。店內空間好寬闊， 張枱好大可以擺到好多食物。 我同老公分別點咗酸辣鍋同牛奶鍋， 在加咗一碟牛同一碟豬。 等咗一陣個鍋就到咗， 熱辣辣香噴噴。 兩個鍋味道濃郁， 配料都好豐富， 有啲丸類仲爆漿添！另外，滷肉飯好香口。 套餐份量都唔細， 食完好滿足好飽肚。 值得推介！

門口話72入到，去餐牌變咗92。唔明點解可以全部好評。煲湯乾曬水叫加湯， 加咗五分鐘都未加到， 大家樂大快活服務仲好過佢， 仲要收加一服務費。八個鍋其實得兩個味，鹹同辣。 沙茶冇沙茶味， 藥藥膳 冇藥材味， 船蒜蓉又係得個鹹字 。 加錢嘅肉類全部已經放曬入去煮。 雞肉全部係雞肉粒， 夾埋好似一塊雞扒斬碎咁。 牛肉就係30蚊一磅街市嗰啲。啲嘢飲全部糖水咁。免費跟白飯同粉絲， 但係加錢嗌過滷肉飯， 就冇咗免費嘅白飯。 咁即係嗰堆細細地嘅滷肉就十蚊。一定唔會再有下次。

Cp值超高的台式火鍋店🍲$72起一個套餐有肉、配料、主食和飲品一人一鍋😌可以按自己口味選擇不同湯底例如：招牌臭臭鍋、臺式麻辣鍋，芝士牛奶鍋每個鍋都好豐富🤣 食材全都放到滿滿的🤤配送白飯/粉絲/公仔麵，所以都會食得好飽亦可再加錢加配食物😊午市人流不算多～環境相對寧靜座位安排闊落 店內冷氣都很夠！可以同朋友慢慢聊天💬因為不是任食 不會食過量🤰🏻啱啱好！肉和蔬菜比例很好 蛋白質同纖維都十分足夠Keep fit/做開gym 但又想打邊爐嘅呢間都係一間不錯的選擇！💪🏻【招牌臭臭鍋】 $72⭐️⭐️⭐️⭐️主要都淨係臭豆腐會臭臭的🙂其他一整體食落不算很臭🤣 但味道還是正宗的！鴨血好大舊！粉絲索曬啲湯汁食好正👍🏻【臺式麻辣鍋 】 $72⭐️⭐️⭐️⭐️湯底好濃味！加埋王子麵索晒啲湯汁，超級正🤩油炸鬼同湯底又出奇地夾🤣辣度亦可以自選🌶️本身湯底已經有包泡麵，另外再送個主食，真係超級飽！餐點：4 / 5服務：3 / 5環境：4.5 / 5 性價比：4.5 / 5

和同事一齊Happy Friday - 打邊爐🍲種類多，飲品多，價錢又合理☺️我每次都會選擇香蒜濃湯鍋，小辣🌶️因為我非常喜歡蒜😝今次我沒有加肉，因為已經很夠食因為每個鍋都會有一個飯/粉絲提供🤩飲品我選擇了盆栽奶茶🥤(朱古力奶茶+朱古力餅碎)好好飲😋😋

行完葵芳廣場，行左出嚟搵嘢食，見到有間臭臭鍋，今晚一於試下先。店舖舒適，幾大，枱又夠大張。九十二蚊一個鍋，包一碗白飯，飲品散叫，今次我地就叫左台式麻辣鍋同埋芝士牛奶鍋。台式麻辣鍋俾我想像中更加拉辣，最後要叫店員加湯，但係只係得到水冇湯。哩嗰麻辣鍋嘅餸唔多，感覺好似快餐店打邊爐，仲要肉要再加錢，認真麻麻地!另一款芝士牛奶鍋，湯底比較香，餸感覺上都多啲，呢個就真係幾好食!不過呢個臭臭鍋初體驗對我黎講就真係好太好。

襯聽日放假去左遠啲搵食，見到呢度有間８鍋，之前係銅鑼灣食過，覺得唔錯，原來葵芳呢間都係上年先開，係以一人一鍋既模式既，夠方便衛生。因為鍾意食辣既關係就叫左台式麻辣鍋，入面有好多款唔同既配料，包括麻辣餃、鴨血同油炸鬼等等，個油炸鬼浸左係麻辣湯度，索晒啲湯汁，都幾好食。本身係火鍋入面都跟左半個王子麵，另外仲可以配粉絲同飯，滿滿既澱粉質呀😍😍😍😍😍😍😍😍仲可以用優惠價配埋台式飲品，我最鍾意加芋香奶茶，個顏色好靚，不過略嫌就算少甜都有啲太甜既感覺🥶

今日中午嚟咗呢間位於葵涌興芳路208號葵芳匯2樓201號舖嘅8鍋臭臭鍋食lunch，一人一鍋，不同口味，三個人叫咗三個鍋，一個係特濃沙茶鍋，一個係養生藥膳鍋，一個係香蒜濃湯鍋，再配上美國肥牛片，台灣腸，大腸，滷肉飯，再加三杯飲品，好豐富嘅午餐。特濃沙茶鍋，沙茶湯味濃，配菜有粟米，大白菜，丸子，豆角，蕃茄，蓮藕，金針菇，炸支竹，粉絲另外上，將肥牛片放上去滾一滾，沙茶好入味，加埋配菜一齊食，非常夾。養生藥膳鍋，藥材嘅味道好濃鬱，當歸味比較出，配菜有大白菜，粟米，蓮藕，炸支竹，木耳，鮮冬菇，貢丸，鳴門卷，材料豐富。香蒜濃湯鍋，蒜味香，湯青甜，配菜都差不多，有油條吸湯。滷肉飯，呢個真係必點，滷得剛剛，鹹甜適中，豬肉還見到肥瘦，食到滷肥肉噶甘香，眼前一亮。台灣腸都係必點，配蒜片食，可以減低台灣腸噶鹹味，增加蒜香味，又無左蒜片噶辣味，口感幾特別。大腸處理得乾淨，滷得比較入味，肥膏唔多。飲品就係平時噶手搖飲品，飯后解渴。午餐又解決了。

Lunch @ 8鍋臭臭鍋 (葵芳匯) ~新春大吉，當然食個台式火鍋 happy 下，「8鍋臭臭鍋」價錢平，食物質素也不差，是我們當天的選擇 ~招牌臭臭鍋：湯頭都幾濃香，喜歡這個鍋就是因為有臭豆腐 & 豬大腸 , 其他的肉、丸丸、蔬菜等，都只是 "坐冷板凳的二打六" 而已，味道來說，是正正常常，肥牛片也都 okay ~黑金滷肉飯：味道來說，正正常常，略嫌滷肉不夠肥，這個可能是因為我比較喜愛重口味 ~邊吃火鍋，邊吃滷肉飯，邊飲冬瓜茶，Taiwan feel 妙極！本篇完 ~

同朋友係葵芳行到攰，搵咗間坐得舒服啲嘅餐廳，休息一下，順便醫埋個肚，之前成日食尖沙咀嗰間，而家葵芳都有得食啦，晚飯時間仲好似少啲人等添。而今次店員仲安排咗我哋坐卡位，好多空間，係唯獨坐某啲位會有盞射燈照住者。今次叫咗香蒜濃湯鍋小辣，唔知係咪因為叫小辣，所以連蒜味都俾想像中輕描淡寫，但唔緊要，依間餐廳好在可以自己再加料，即刻加多匙蒜蓉落去……而家都仲回味緊。肉類方面就叫咗雞肉，不過不失啦，其他丸同菜嘅份量都唔少，再加埋個吸水粉絲，真係飽到上心口。而醬料方面，好欣賞佢個豆瓣醬，唔係平時個啲得個酸字，係有種台味嘅感覺。

📍8鍋臭臭鍋 (葵芳匯) (葵涌)葵涌興芳路208號葵芳匯2樓201號舖==============================葵芳匯重新裝修之後進註左好多食肆，呢間臭臭鍋係最近先出現，位置非常方便，距離葵芳地鐵站大約3分鐘，旁邊就係葵涌廣場同新都會廣場，可以食飽再去shopping==============================黑金滷肉飯滷肉好入味，配一碗飯份量岩岩好秘製酸辣鍋湯底偏酸辣度適中，唔會辣到蓋其他食物味道特濃沙茶鍋沙茶味道濃郁，配肉非常夾👍🏻

是日兩人同去這間葵芳餐廳8鍋臭臭鍋打邊爐，叫了一人一個湯底的火鍋，台式麻辣火鍋套餐 ［湯底：一鍋小辣、一鍋中辣］、套餐可配［白飯或者是粉絲］也可，我們兩人選［白飯］共兩碗，套餐不包肉類，但另可加錢加配，是次我們加了雞腿肉200g $20 及 另一份則加了肥牛片200g $28，肉類來到份量足夠，大食些的人都夠食，飲品是單點的，價錢較貴（要成$30以上），所以我們無點飲品，但餐廳有一個缺點就係餐廳內有些悶熱，可能餐廳將冷氣開好細關係。

呢間餐廳有好多鍋，鍋湯水一陣間就無晒，又無人加湯，成個鍋都係野，好似食盤菜咁，好難食，食完又流又滯，d野飲又貴又唔好飲，服務態度差，埋單都唔得閒收錢，仲人手不足

台式一人一鍋｜8鍋臭臭鍋兩三年前食過一次喺尖沙咀嘅8鍋臭臭鍋，當時要排隊排咗好耐先有得食。最近喺葵芳匯重溫舊味，仲試埋佢新出嘅嘢，依舊好評👍🏻😍全日套餐🍽️人均：$100-$150🕰️時間：週末中午（⭕️walk in）每個鍋套餐都係$88‼️另外再按自己嘅肉食量點選肉量同類別😋自由配搭。另外仲包一碗白飯或粉絲，同一杯台式手搖飲品（部分需另加錢）。成個套餐都十分抵食😍🎃招牌南瓜鍋南瓜🎃係期間限定㗎🥳湯底濃郁加上真係有南瓜在內，真材實料😍之後加湯都係用返南瓜湯，唔會變淡味😉🌶️秘製酸辣鍋湯底夠辣，加上有好多酸菜，味道好足👍🏻辣度方面大家可以揀BB辣、小辣、大辣🌶️肉類方面，我哋揀咗雞腿肉、肥牛片同白豚肉片各200g，好多protein🤣🤣🥤香芋奶茶🥤茉香綠茶飲品夠台，好飲😋Bible rating: 9.5/10📍地址：8鍋臭臭鍋 (葵芳匯) (葵涌)葵涌興芳路208號葵芳匯2樓201號舖