A-1 Bakery & Cafe (Closed)

章魚燒？不！這是章魚燒造型的麵包，外形及包裝都毫無破綻，像真度極高！而味道亦很像章魚燒的！醬汁及木魚是同出一轍的，只是沒有真章魚燒的外層脆皮及內裡Creamy的口感，而且亦沒有爽口的章魚在內。但味道沒有差很遠，感覺就像在吃放涼了的章魚燒。

新同事返工，賀一賀啦，有人買左個A1 cake，哈，二話不說切左先講，相機先食無呢樣野，埋到我手已經係一件cake, 個cake叫盤滿鉢滿所以外層有福字，其實仲有咩字我真係不知其實好似水果cake，無咩分別，但聽返同事講，係有假蝦同鮑魚個D 架，又幾得意WOR除了士多啤梨有D酸之外，個CAKE好好味呀，CAKE好鬆，cream又合理，不會太多太少

放工同朋友行葵芳。上次食，過今次都係食佢^_^叫左德國咸豬手同三文魚通粉，2個人share 食德國咸豬手好大隻@@ 吾怪得要$188皮燒得太硬，比較難咬，同埋感覺熱氣。但皮下的脂肪、肉，層次分明，質感較粉嫩，吾會肥膩。份量非常足夠，最終食吾晒。細食的人，吾建議點選三文魚通粉的汁十分足夠，質感亦幾好套餐跟面包。面包的外皮好煒，難咬開。而內裡就好軟，有面包的彈性、鬆軟質感

是日晚餐，大約食餐2小時就會趕你走，因人多。總括食物味道，份量都高分。價錢合理。 餐前包有好多任你揀，仲有4款醬你揀。熱熱地，好食。 豬手正，肉質比起其他餐廳淋身（我食過幾間，這間是最淋身，好食)，皮香脆 ，十分推介。帶子黑松露意大利飯，落左黑松露當然極香。帶子外熟內生不錯，很嫩滑，有2大粒。三文魚薯仔長通粉，我十級推介。因為三文魚肉份量多，又大件（出面餐廳多數碎哂肉上，超少係件頭上)，而且魚肉剛剛熟，又超juice ，真係超好食。好驚喜

香港地周圍都係大財團連鎖店, 要逛街就去葵芳站, 起碼有特色小店. 行到腳軟疲倦, 就到附近商場揾食.  眼見這餐廳有位, 二話不說坐下了.  餐牌多選擇, 於是向店員指點迷津, 他禮貌地介紹了餐牌上的食物, 服務態度一流.餐飽我選了芝士飽, 芝士味好香, 飽亦軟熟, 再塗上olivi oil和黑醋, 非常好吃.  餐湯要了羅餸湯, 雖不是好濃, 但材料足.  主菜點了海鮮龍蝦汁意粉, 端上枱賣相吸引, 陣陣龍蝦香味樸鼻, 海鮮有青口, 尤魚, 蜆肉, 大蝦, 鮮甜爽口, 意粉硬度適中彈牙, 最喜歡那個龍蝦汁夠濃, yummy yummy....至於咖啡特濃, 香氣四溢.如下次再去葵芳逛街會再來的!

提早收工去肥髀學校出席活動，要食啲嘢打底先！一入新都會廣場又比麵包店吸引！白色光鮮裝修！麵包好多款式，店內人山人海，轉個身都無位！攞個盤入店內，已經比個蕃薯包吸引住！個包見到半個黃蕃薯，外層係灑滿朱古力粉嘅麵包！我對呢種甜包無抵抗力！因為好充實，好飽滿嘅餡好吸引我，雖然$15一個包，真材實料都值得！當時已有十人在排隊比錢，好在兩個店員，一個袋包，一個收錢，所以速度都好快！而且又有八達通，免卻找贖！離開麵包店即刻一啖咬落個包度，鬆軟麵包連蕃薯蓉一齊食，滿口香甜，外面朱古力粉帶少少甘味，更加襯托出蕃薯嘅甜！而蕃薯中間仲連住皮（蕃薯皮咬落會帶啲煙韌），覺得更加原始風味！不過食完一定要抺咀！因為咀邊會沾滿朱古力粉！好Man!

($11) 今次是首次寫此店食評，每次幫襯此店都是吃這款包，這法式鮮奶包其實是將長條法包的一頭一尾浸了奶蛋漿然後焗，吃起來外面有咬口，內裏軟的，味道像吃燉蛋，甜度適中，頗有蛋奶味。其實很久以前它出品是更好吃，幾乎整個包都有蛋奶味，現在只是一頭一尾，幸好中間部份因麵包皮香口，所以味道都不差。

今日嚟到葵芳，周圍都有人等位食 Lunch, 見到 A1 好似ok, 就試下。環境 : 開放式，上層的人都可以say hi店員 : 人手有些不足，所以好忙，有時叫佢地都無理到。地方整潔，還ok 啦。點左 2個 lunch set, 可以4選1 個款式的麵包。仲有醬汁配。個包 軟綿綿暖暖的，再加 牛油 or 銀魚醬，有咸香味，都幾得意。個set 可選 湯 or 沙律。焗海鮮飯，都ok,份量都足夠，有白汁的香味。牛扒配法包，牛扒ok, 可惜凍左DD, 但都叫 唔鞋，唔un, 都幾香牛肉味 ，但個法包 有些硬，果然有口感。

今朝趕時間，原本琴晚已經諗好咗今朝食咩，點知行到過去竟然執咗. . . 唯有反上上層去a-1買包包算！圍繞a-1行咗一圈，心大心細，見到雪櫃放咗兩款三文治,牛油果雞肉沙律同照燒雞及火腿芝士三文治，見幾厚身大大份，賣相吸引，早餐又想吃點比較濕潤的，就決定要一盒雙併，可以一次試晒兩款～照燒雞及火腿芝士三文治 $18打開盒後感覺都好吸引呢～先試照燒雞三文治，仔細一望，照燒雞好薄，當中還夾雜住雞皮及脂肪，先試一口，除了吃到雞扒的油脂外，方包還塗上了牛油. . . 這種膩感，即使加入了生菜，亦無補於事. . . 而兩片方包亦沒有想像中的香. . .而理應比較健康的火腿芝士三文治，不單方包上塗了牛油，火腿與芝士間還加入了沙律醬. . . 雖然吃落味道不錯，芝士味十分濃郁，但真是肥得要命. . .後記：原以為三文治比較健康，怎料店方為了令味道變得更好就加入很多致肥的醬料，實在失察了！

A1 bakery有兩種味道既牛角酥，分別係朱古力味同吉士味，就錦買一個要$7.5，兩個就$13，所以就買兩個黎試下。吉士味牛角酥size比較大，酥皮面有白色既糖粉，裏面吱滿淡黄色既吉士醬，但吉士醬太甜，甜到漏，酥皮就幾脆，食到一層層既感覺！朱古力味牛角酥size相對較細，酥皮面有花生碎，裏面一樣係吱滿朱古力醬，朱古力醬都係過甜，早餐食晒兩個牛角酥真係超晒標！

葵芳地鐵天橋一出，入到新都會廣場就會見到A1麵包店，早上8點05分，麵包店員工仲未將麵包上晒架，已經有客人入去買包啦，我都唔使錦多買埋一份先，今次就買左咖啡朱古力包試試，其實黎個包都幾大個，可以撕開三小塊黎食，入口唔算特別軟或特別硬，有淡淡既咖啡味，麵包裏面平均分佈左朱古力粒，所以每一啖都會食到朱古力而又唔會太甜，唔錯

當日lunch到A-1想買特別款式的麵包,而我揀左1款 古力金寶包 $9個賣相幾似朱古力扭紋棒,而呢款金寶包係將朱古力扭紋棒切成細細粒,再佈滿整個麵包之上,再加左1層牛奶味的麵包~非常滋味!又唔會過甜~香濃牛奶朱古力味!!!! 呢個價錢唔會好貴,加上呢款麵包咁特別,值得吃的!! 

當日lunch到A-1想買特別款式的麵包,而我揀左1款 古力金寶包 $9個賣相幾似朱古力扭紋棒,而呢款金寶包係將朱古力扭紋棒切成細細粒,再佈滿整個麵包之上,再加左1層牛奶味的麵包~非常滋味!又唔會過甜~香濃牛奶朱古力味!!!! 呢個價錢唔會好貴,加上呢款麵包咁特別,值得吃的!! 

想起家中已無麵包，碰巧路經A-1，肥妹便決定在此進貨。日式番薯包 $15蝴蝶酥 $16@5抹茶波堤 $11番薯包設計方面頗有心思，撲滿可可粉的半橢圓形麵包像極燒過的半件番薯，而內還真是放了成蓉的黃心番薯作餡料。雖然麵包是普通軟熟的白麵包，但連著軟綿帶小甜的番薯蓉同吃便不會顯得單調。蝴蝶酥16元有5件，大小適中，口感有點像是海綿蛋糕的扎實版，咬開便看到面是有頗多的氣孔，加上是由酥皮焗成，酥軟輕盈的口感搭上面上的少許大糖粒，是件不錯的誘人小吃。在香港甚少有波堤售賣，雖然價格昂貴，但眼見賣相不錯便決定要了個，可惜經過回家的長途路程，回到家後面上的抹茶便已露出裂痕，還有點因融化而變得黏手的感覺，更慘的是，波堤被其他麵包壓得有點變形，導致賣相有點差了。波堤口感有點煙韌，一邊咀嚼一邊散發出波堤的微微甜味，不過抹茶味卻無影無蹤，恐怕若不是面上淋有抹茶醬都不會覺得是抹茶產品吧。

朱古力酥自小便吃，多數在家吃，媽媽拿進微波爐叮一會，朱古力頓變流心狀，同時燙手，好不過癮。這天，麥當勞太清早便大排長龍，吃麥芝蛋不果，只好買包。左看右看，還是朱古力酥吸引。雖然看似結實，其實中間鬆散而空虛，不太撐肚子，朱古力沒叮之一像較固體狀，欠精彩。如更流質，或略帶微溫，朱古力呈流質則更滋味，一小個酥都要$12還要不飽，以為不會吃這作早餐。