A-1 Bakery & Cafe (Closed)

下午出席完朋友的婚禮後, 還有好幾個小時才到婚宴, 但依家又超級肚餓, 所以同朋友去到A1 BAKERY CAFÉ食個TEA, 唔洗周圍搵地方HEA之餘順便上埋堂, 一舉三得!三個人共點了四份TEA SET, 包括︰意式燴飯 $70當中含意大利巴馬火腿沙律, 南瓜忌廉汁焗蔬菜, 牛肉漢堡, 牛肝菌意式燴飯聽落好似好豐富, 可惜份量就少了點…不過味道是不俗的.- 蔬茶好清新, 加入少許芝麻醬容易入口.- 焗蔬將蔬茶煮得好淋- 牛肉漢堡味道好好, 應該是自己手打製作, 配上自家製的醬汁, 味道好夾.- 燴飯中加入菌類, 食落更有口感, 味道可口.特色公司三文治 $58- 穩陣之選, 公司三文治的好處, 就是有好多配料夾埋麵包一齊食, 既飽肚又好味. 有蔬茶, 有蛋, 煙肉等, 顏色鮮艷已很吸引. 麵包內層更有烘燶, 食落又香口.牛肉蕃茄烏冬 $67- 蕃茄湯底夠濃郁, 烏冬用上讚岐烏冬, 好彈牙, 上面加上一隻生雞蛋, 混埋一齊食更滑口. 牛肉則是半肥瘦的打邊爐肥牛.最後係<一口甜品下午荼餐> $48 (任選其中三種迷你甜品另配$28以下之飲品)一口甜品, 故名思意即係迷你

今日(30-8-2014 Sat)等男友放工後去食lunch,由於我須要用轉錯去credit card o既錢,所以耍揀可用credit card埋單o既餐廳,原本想去莎樂美,但唔可以用,咁去Pokka吧,排長龍,去A1啦,同樣多人,不過可以攞飛,而且冇咁多人,就等呢間啦,不過.等o左唔係好耐就有位.我坐低後先影menu俾男友揀食咩o野,佢揀o左$75.00o既1號餐,係健康素食意粉,有意式番茄芝士沙律,南瓜忌廉汁焗蔬菜,菠菜薯餅,蘑菇薯餅,蘑菇欖油意粉.我要3號$78.00o既意式燴飯,有意大利巴馬火煺沙律, 南瓜忌廉汁焗蔬菜,牛肉漢堡,牛肝菌意式燴飯.跟自家製麵包一件,是日餐湯或沙律,餐茶,我o地要一個要餐湯,一個要沙律.再加$10.00要薯角.Order完後,男友就到o黎,亦好快,麵包,沙律同餐湯都到o黎,明顯一個有亞麻籽o係面,一個冇.我o地塗上牛油食, 麵包冇整返暖但鬆軟,不過一定要塗牛油至香滑.沙律係麻醬沙律,蔬菜新鮮冇問題,而餐湯顏色怪怪地,紅唔紅白唔白,究竟係咩湯?飲落,就係冇落茄膏o既紅湯,好騎呢囉,而且又加啲煙肉落去,想點?之後我o既意式燴飯到o黎,先食啖飯,好重菇

現在每天乘坐巴士也會經過A1-Bakery&Cafe，每次經過在櫥窗外都會看到裡面人頭湧湧，顧客吃得津津有味的畫面，正好今天沒人相伴，也望不著頭腦吃什麼，忽然間就想起A1-bakery。首先，從服務與環境說起，服務員的態度不俗，會留意顧客需要，如不需要舉手示意需要加水等等。再者，服務員亦不會帶給顧客有「趕客」的感覺，例如不會立即收拾餐盤和餐具等，除非顧客個人要求或有其他菜式上桌，否則不會立即收拾。在環境方面，環境潔淨，顧客也很溫文，不會騷擾到其他顧客。在食物方面，本人點了烤香蒜黑胡椒豬扒意粉。（原先打算加24元轉餐，轉餐有湯，餐包及飲品。可是男朋友不在，若是他在場他一定會幫我「掃清光」！哈哈自己一人又肯定吃不下，所以只點了意粉），不得不讚豬扒實在烹調得是水準之上，豬扒肉質非常軟綿，有入口即溶的感覺，再者，豬扒不會過乾，有肉汁，也非常入味。加上配合茄汁，三色茄和黑胡椒，醬汁微酸微辣甜甜的非常醒胃！整體上，在服務，環境和食物上也是不俗，可是食物不會讓人感到難忘，驚喜。但是，可當作是一個普通的午餐和晚餐，若果是特別日子則不會選擇前來光顧。最後，會再次光顧A1-Bakery&Cafe

這款蘋果玉桂撻（$50）並不是每間A1 bakery都有賣的， 所以見這間有，便買了一個來試， 蘋果跟玉桂的配搭，很難會不好食，這個撻的表面覆滿了蘋果薄片，內餡應該是蘋果玉桂蓉，撻皮是厚厚硬硬的，整體的味道不會過甜，但蘋果的味道及口感都不突出，因為只有表面的蘋果薄片，內裏又沒有蘋果粒，食不出蘋果的果汁及香甜，相對來說，玉桂味較突出， 撻是乾身的類型，撻底雖然硬，但食起來都挺香，撻看起來不大，但食起來很飽，食了1/4個，已經覺得膩，雖然整體的味道不差，但也沒有特別之處，

前日(21-3-2014 Fri)男友放工後,o係名島買完o野後又o係o度買,佢買o左$9.00o既抺茶日式蜜瓜包同$12.00o既煙肉芝士圈各一.到尋日(22-3-2014 Sat)朝早起身後一齊食,男友對抺茶日式蜜瓜包好有期待,但切開後睇,可單只冇餡,重要只係一個普通o既麵包.食落,食到面上o既抺茶味,雖然舖有砂糖o係上面,但都唔太甜,抺茶味係甘甘地.食唔到蜜瓜味,個面就脆脆,扮菠蘿包嗎?而包身口感都係一般.造型似月亮o既煙肉芝士圈呢?口感係煙韌啲,未食到煙肉都已經食到芝士o既(火羅)味,食到煙肉時,成個包就好鹹,,都係麻麻.

大前日(15-3-2014 Sat)等男友放工後一齊落荃灣食晏,原本想去Pokka,但太人,而就算有吉枱,佢o地都唔安排搭枱,且多數人客都係o岩o岩坐低,男友就諗起呢間,於是佢行o黎睇,我就繼續等,冇耐,佢打俾我話有位,咁就即行過o黎喇.由於我o地等位前都食o左兩串燒賣,所以都唔太餓,睇餐牌,見到個$58.00又多o野o既兒童餐想要,但佢寫明只供10歲或以下兒童享用,咁大人想食少啲唔o徙o野都唔得?最後男友要$66.00o既蘆筍蝦肉龍蝦忌廉汁意粉餐,我就要$58.00o既蜆肉番茄意式燴飯餐,兩個都有麵包,是日餐湯/沙律,同咖啡/茶/橙汁跟.是日餐湯係南瓜忌廉湯,我o地一個要湯一個要沙律,再加$10.00炸薯角.好快,兩個麵包,南瓜忌廉湯同沙律都到o黎,我先飲南瓜忌廉湯,個湯好熱,裡面有粟米,但唔夠腍,難食.而南瓜忌廉湯味道唔多夠,要加胡椒粉.之後食麵包,男友已經食o左一半,我就食埋o個一半,兩個包都暖暖地o既,圓形o個個有啲籽o係o度,增加o左口感,唔錯.另外o個個白麵包就比較清新.而沙律呢?有生菜,少少羅馬生菜,粟米同火腿,原本呢個應該冇乜問題,但沙律醬味道好似唔同平時o個啲,味道有

尋日(7-3-2014 Fri)男友放工後買啲麵包今朝食,呢間係其中一間,佢o係o度買o左兩個包,一個係炸咖哩包,一個係朱古力蛋糕包.我o係唔知情下,攞第一個外表金黃o既o黎食,我切開一半,嗅到咖哩味,內裡係一糰咖哩醬,食落,咖哩香甜,但成個包都冇乜驚喜.然後食朱古力蛋糕包,佢面上有層朱古力粉,朱古力蛋糕唔係好鬆軟,外面有少少牛油香o既酥皮有啲韌,唔知係咪因為擺過夜而影響o左.總括o黎講,呢兩個包都係冇驚喜.

1-5-2013 (Wed)晏晝,男友落o左荃灣,到1:43pm,我有啲肚餓,想打畀男友,不過唔好喇,自己蒸o野食啦.點知o岩o岩蒸o左2分鐘男友就返o黎,佢重買o左幾個麵包添.咁我o地兩樣o野都食啦,.睇睇佢買o左咩o野麵包?有$11.00o既特色芝士圈同$17.50o既迷你號角酥3個,有吉士同朱古力味.我先食吉士味號角酥,吉士cream唔太甜但好滑,同唔太漏o既號角酥幾夾.味道: 5分然後係朱古力味號角酥,呢個朱古力cream同樣係滑但甜o左啲,可能o衣o家唔多鍾意食咁甜o既朱古力啦,個人覺得朱古力味同號角酥係唔多夾.味道: 4.5分最後係特色芝士圈,開頭我覺得唔特別,但男友食一啖後高呼厲害,原來裡面係藏o左一粒粒o既鹹鹹地o既芝士,而唔係o係製造過程中,將芝士加入麵糰裡面做,已經教人有驚喜,加上佢洒o左啲辣粉o係面,帶啲辛辣,感覺神奇,不過個麵包有啲韌.味道: 4.8分

之前都唔見有呢間嘢, 應該開咗冇耐! 地方雖然好細, BUT都幾雅致！！叫咗個SET 有麥皮包, 南瓜湯, 沙津, 墨汁意粉麥皮包, 好正, 呢間出名包, SO 佢D包係好好食~~先講講佢果南瓜湯, 南瓜打到好溶, 食落口好香南瓜味 !!田園沙津～　普通，　唔係好特別好食, 而且好細婉>< 大D會更好~~墨汁意粉!! 呢個係好唔錯~~ D墨魚圈好爽, 對於我就覺得D分量太大!! 食到一半就食唔落!!整體我覺得都唔錯, SERVICE 都幾快!!

22-5-2012 (Tue)o係公司忙到冇停手,又唔想OT令今日休假o既男友一個人o係屋企,就決定準時放工,第二日盡地一O.灰灰咁返到屋企,男友話佢買o左西餅返o黎請我食,我即刻話早知佢用餅咭去攞啦.我問佢o係邊間買?佢答A1.A1又貴又唔好食,佢冇睇我之前o係o度寫o既食評. 不過都要食o架啦,o係雪櫃攞出o黎,個盒好grand,打開睇睇,原來佢買o左4件,得3個人,使唔使咁多?佢話其中一件做特價.睇睇張單,原來佢買o左黑森林,抺茶栗子森林,紅莓芒果慕絲蛋糕同Open Cake, Open Cake就係做特價o個件,應該係Tiramisu.由於爸爸唔食得栗子,所以抺茶栗子森林就由我同男友食,男友揀最普通o個件紅莓慕絲蛋糕o黎食,點解佢最普通?因為男友買o既時候係同職員講要紅莓芒果慕絲蛋糕,但睇實物就知唔係,只係一件普通o既紅莓慕絲蛋糕,好明顯係職員拎錯但單就照打,好彩價錢一樣啫.好,就咁決定.我同男友share食呢兩件.先食紅莓慕絲蛋糕,一食到紅莓慕絲,覺得微酸,如果呢個畀爸爸食,佢實話酸.之後食食吓又覺得OK喎,蛋糕鬆軟,食到好香蛋味,味道豐富,今次呢個唔錯.味道: 4分之後食抺

好鍾意芝士口味麵包…哩度除左巨型o既法式芝士軟包食極吾厭之外…今日又多試一款圓谷谷叫芝士高寶o既純芝士包包…芝士味高濃, 袋住都散發陣陣誘人香氣…單睇佢”芝”味十足o既”岩慚”外表就己經心動; 喜歡包包質地夠厚帶韌性有嚼勁, 加上面頭豐富o既咸芝士, 啖啖芝(滋)味可口架!!! 巡一轉, 發現有隻未見過o既心心丹麥酥…即係普遍叫蝴蝶酥果隻!!...一件4蚊, 買五件就$15…約掌心大一個, 外形討好亦可嗅到牛油香味, 甜甜帶脆, 味道不錯!!...要趁新鮮食, 比較快洩氣~

第一次寫食評，就咁就俾咗A-1啦！對A-1嘅麵包一直有份好感，以前屋企附近商埸有間A-1,每次行經附近都聞到好香麵包味，不過2年前間鋪被地產霸權收咗，就無再唸起過隻味道。最近看過部關於整麵包嘅動漫，又令我唸番起以前喺商場聞到嘅麵包味，唸起都留口水...於是有日經過荃灣A-1立即入去唸住從溫舊夢，睇晒全埸至吸引我嘅係要成$14嘅炸豬扒包，爲咗重拾美好回憶，貴啲都要架啦！當滿心其待一咬下去，第一個感覺係好硬，第二個感覺係好凍。個包已經開始發硬，好難咬入囗，塊豬扒係凍就唔再講，食落只有極淡嘅豬味，更加唔好講香味，再講就太難為塊豬排啦...咬落去有種油浸嘅感覺，再加啲沙津醬，嗰種感覺真係要靠自己先領唔到。到底係咪一定要放入微波爐先好食呢，係咁不如佢地出獨立包裝等客人想食時在雪櫃拿出來叮叮佢，咁咪唔洗等人特登去到A-1買新鮮出爐麵包囉！反正都係凍同硬之嘛！

今日呀媽唔想煮野食，所以就出去食啦，我家姐就話想再食A-1...記得上次好好味，仲要係好大份咁....但係估唔到上次其實只係巧合......我呀媽就散叫焗白汁海鮮飯 $59，再加$15配甘筍cream湯&朱古力咖啡(要加5蚊) 個飯既賣相係我地四個之中，最靚既，但係份量就好少個朱古力咖啡就等左好奈先有，其實佢只係將朱古力同咖啡拌勻，倒入杯裡面，再加上cream同朱古力漿，冇咩特別，加5蚊既話就唔抵..我呀爸就叫左晚餐 6 . 薑汁豬柳 跟飯 、凍啡 $72 豬柳好似漢堡扒咁細咁薄，D飯得手掌咁大，根本就唔夠食既....我家姐就叫晚餐 10. 新西蘭牛肉眼扒 跟意粉、凍檸茶 $79 明明講左係8成熟，但係個肉裡面係呈深紅色，得5成熟，都唔聽人講野既我就叫左晚餐 1. 沖繩風味墨魚汁意大利粉 跟凍檸水 $59過左一陣(其實我覺得都算奈，因為只係夾幾個包唔洗咁奈，1分鐘都得啦，效率低)，有餐包、餐湯(兩紅兩白)&沙津(3碗)我又係選左個長身麵包，d包都ok，暖暖地，好鬆軟，而且我鍾意佢表面有少少麵粉，好味甘筍cream 湯 - 我呀媽就話同普通既cream湯冇咩分別，食唔到有甘筍味雜菜湯

我有陣時搭巴士經過見到e間野係買麵包既，但係又有d枱比人食野，所以就想試下啦行到去(約6點半)，見到都幾少人，而且佢show左個晚餐餐牌&sample都幾令，價錢都合理，所以就入左去啦我就散叫左個野蔬燴意粉(番茄汁)$48，再加$15，就有餐湯、餐包&餐飲，都抵呀我呀爸就見到今日推介有雜菜燴羊膝$63，e個就包晒餐湯、包&飲品我家姐就叫左晚餐裡面既9號餐 - 新西蘭西冷牛排$79，包晒野既...過左7分鐘，d野食黎啦首先就有餐湯&餐包，湯就有兩款，雜菜湯&南瓜湯，我就飲紅湯，雖然個份量少左d，有少少hot，係我個喉嚨係咁hot hot hot...，但係好多料，有西芹、紅蘿蔔&薯仔，夠淋，正^^而，d包包我就chose左長身、表面有d麵粉個個麵包，好鬆軟，我一咬落去，個包跟住我d牙壓低左，但係當我鬆開口，個包即刻彈番起^^而且唔會有好多氣泡，發酵得唔錯，d粉都唔會話太多，岩岩好，唔太"漏"雜菜湯 - 好多料呀好快就黎左我個個啦(3分鐘)，都幾多種蔬菜，有西蘭花、蜜豆、蘑茹、栗米、紅蘿蔔，仲有一粒車厘茄，冇咩野，意粉夠彈牙，個湯汁好似係番茄湯咁，如果佢稍為"結"身d，會好D，但係都好好味

昨天做完facial經過呢度,諗起上次食過一個飽好好味,所以就諗住今日再食呀.其實我唔記得個名的,入嚟搵左一陣先認得個樣,買左一個嚟食.依家d麵包都唔平喎.我覺得今次個墨西哥飽同上次好似有一d分別,好甜呀,入面既料,之前好似冇咁甜的.個飽面係有些花生粒的,入面有些墨西哥蓉,不過我覺得太甜了!個飽係好軟的,雖然已經唔熱,但都唔會硬呀!