英王麵包店

Open Now

Now Closed

餅店：英王麵包店地點：銅鑼灣港鐵站【期間限定】A-1 x 祇園辻利宇治抹茶梳乎厘芝士蛋糕(15cm) $258見到呢排周圍有賣呢款蛋糕廣告，好想試試。造型係圓拱形外形，比想像中細個。外形主要係祇園辻利抹茶朱古力甘納許忌廉，面頭加有少少可可粒殼。入面係祇園辻利抹茶混合北海道LUXE忌廉芝士慕絲，忌廉芝士梳乎里，日本丹波黑豆，最下底係朱古力海綿蛋糕。成個蛋糕最正係d祇園辻利抹茶朱古力甘納許忌廉，又滑又香！抹茶迷必試。反而入面忌廉芝士梳乎里好實而芝士味又唔出，太乾身，要點大量抹茶忌廉食先得。下底日本丹波黑豆粒就頗特別。值得一贊係有免費朱古力牌，不過上面有個數字寫錯，要即場改......

餅店：英王麵包店地點：銅鑼灣港鐵站從來都未試過英王麵包店出品，見做緊買4送1，就即管試試！日本靜岡士多啤梨千層件裝蛋糕 $34多層分別有：甜王士多啤梨千層皮士多啤梨忌廉士多啤梨醬北海道牛乳千層蛋糕 $34多層分別有：杏脯醬法國吉士忌廉北海道牛乳班戟皮海綿蛋糕大久保白桃千層蛋糕 $34多層分別有：大久保白桃片白桃味班戟皮日本白桃忌廉海綿蛋糕意大利芝士千層蛋糕 $34多層分別有：咖啡味淋面醬Mascarpone芝士和奧地利忌廉咖啡味班戟皮朱古力海綿蛋糕總括而言，千層蛋糕大概數到有18層，食落較乾身，唔夠忌廉，似食班戟皮多，而且個底多左層海綿蛋糕，味道主要靠面層果醬。北海道牛乳千層蛋糕味道主要靠面層，無水果，唔推介。大久保白桃千層蛋糕桃味香甜。日本靜岡士多啤梨千層蛋糕最甜，士多啤梨味好正，呢款最好食。意大利芝士千層蛋糕就偏苦。如果你決定試，就Expect忌廉偏少，味道靠面層果醬。