英王麵包店

Open Now

Now Closed

趕時間買飯返公司食，醒起香港站閘內呢間A1 bakery有飯賣，見佢個滑蛋豬扒飯個樣都幾靚仔，買嚟試下～原價$48，會員折咗$43返到公司跟指示叮，連盒叮3.5分鐘就食得～啲蛋係綿綿的，雖然蛋味唔多，但都正常味，豬扒都唔expect好好食，但啲肉都唔柴口，仲出奇地幾多肉，吉列炸粉亦適量，仲保留到少少脆口，好難得👍🏻總括嚟講係比想像中好！如果有會員都試得過～冇折就稍貴喇，尤其而家出面咁多外賣自取優惠

見到A one出咗期間限定A1脆脆朱古力批，即刻放工去買來試吓！價錢只係$60就有一大個！性價比好高，佢朱古力蛋糕個底仲有麻糬幾特別好少西式蛋糕有麻糬。整體味道就一般般啦，不過不失都唔錯嘅底食，不過未到就有啲偏甜，可以一試😆

A1 每個月 7 號都有一款特價品, 所以個個月嘅 7 號我總會行入去望下. 今日都唔例外.可能時間尚早, 店員忙於擺放麵包, 所以蛋糕唔算多.各種麵包好新鮮, 擺放整齊, 而且款式夠多, 總有一款啱你口味. 雪櫃內有各種飲品： 咖啡、 茶類、 乳酪等......今日特價貨竟然係特濃朱古力脆脆蛋糕, 有 7 折 即刻買返個先, 折實 $153 都唔使 返到屋企慢慢嘆兩粒白朱古力波波好吸引仲有好多塊朱古力, 我最鍾意上面嘅朱古力 cream一層蛋糕一層忌廉, 上面嘅朱古力忌廉特別滑同冰凍 , 非常好食

因為有電子現金券，所以先黎地鐵站幫襯呢間麵包舖，因為始終呢度定價高，最平嘅包都要大概$15左右，而且比較細個、食唔飽，通常要買嘅話，就要買$28個啲健康包，大份飽肚。

有一次是旦買個海鹽飽食，一試覺得好好食，於是返工時搭地到香港站，就順便買早餐，就會買這個😃，一個9蚊，兩個15蚊，仲有藜麥海鹽飽，試過都是原味好食，外層少少脆，少少的鹽恰到好處，內裡是軟綿綿的😃早上這店都多人，都是怱怱地入黎買個飽就趕著返工的人，要排隊，收錢的人快，所以買飽的人好快就走得🤣，好趕時間返工可以試下這款飽，好易見到架，堆了一座山的飽就係了🤣，其他都有好多款色的，食過芝士棒都不錯，13蚊🙂

好少見到包店有賣玉桂卷就買左一個試下因為第二日先食所以用左氣炸鍋翻熱，個包係屬於鬆軟果隻，入面既玉桂味都算濃，一開始我仲覺得上面啲cream咁少，不過焗完出嚟整體係偏甜，鐘意食甜既我都仲接受到🤣 下次沖杯咖啡送黎食肯定好正🤤聖誕玉桂卷$17 - A1 bakery

A1 bakery group 同Godiva crossover 新推出既chocolate mousse cake🍰😋🍫包裝精美🎁口感順滑，朱古力味濃郁🍫🍫🍫，蛋糕有層次感，最面層係朱古力粉同蛋糕，下面係忌廉同埋朱古力碎， 最底層係chocolate mousse， 蛋糕唔會好甜，唔會覺得滯。售價有些少貴，因為佢係crossover Godiva，所以小小嘅朱古力蛋糕仔賣緊$40，不過製作非常之有誠意，好好味，食完會心思思下次再買！