英王麵包店

Open Now

Now Closed

🥖肉鬆包 $18行過中染大廈，入去轉左一圈，好多包都好吸引，特別係冬甩🍩.最後比左個肉鬆包吸引左，個樣勁大個，食落都好足料！口感係超厚實麵包配足料沙律醬同肉鬆🤤，食完勁飽。

Intro: A1啲麵包同出邊係貴一截，不過麵只係幾蚊，但個味道同質素真係保持水準，同埋麵包嘅款式好日式好特別，而每次嘅選擇都係一啲好特別嘅麵包，今次就選擇咗四重芝士法包，都只係買$16咋！___________________🍽 四重芝士法包 ⭐️ 7.75/10💰 16/個✍🏻 法包好大個，揸上手好硬又脆卜卜咁✍🏻 麵包皮有唔少芝士絲，鹹鹹地嘅味道✍🏻 本身以為呢個價錢麵包入面應該冇乜芝士餡，但估唔到入面咁多芝士粒，真係好邪惡✍🏻 法包口感唔算太硬，叮翻熱嚟食會更好___________________🏠 A-1 Bakery Group (荃灣8咪半店）📍Shop 110-111, 1st Floor, CDW Building, 388 Castle Peak Road, Tsuen Wan⭐️ 8/10 （麵包）___________________

Intro: A1新出左最新日式嘅系列，包括係吉列咖喱包，只係賣緊15蚊嘅價錢，個款式好似以前去日本旅行嘅時候搭新幹線做早餐嘅麵包，真係令人好懷念日本！___________________🍽 吉列咖喱包 ⭐️ 7.5/10💰 15 / 個✍🏻 吉列咖喱包嘅外皮口感好脆✍🏻 咖喱包嘅內餡呢部份真係佔好多✍🏻 由於係凍食，味道就冇熱食咖喱咁好食✍🏻 凍左會變左一part醬，餡嘅口感會冇咁好___________________🏠 A-1 Bakery Group (荃灣8咪半店）📍Shop 110-111, 1st Floor, CDW Building, 388 Castle Peak Road, Tsuen Wan⭐️ 8/10 （麵包）___________________

忽然間想食甜野，又想平平哋所以去咗A1買咗個瑞士卷。寫住日本直送，有三款口味：士多啤梨、朱古力、抹茶黑豆。朱古力味寫住係比利時朱古力，味道非常香濃。海綿蛋糕非常綿滑鬆軟。朱古力忌廉香滑，中間仲有一粒幾大嘅朱古力。口感多樣，值得細味品嚐。

石板街雪糕食得多，見到有石板街蛋糕🎂就試試佢最中意杏仁朱古力🍫整個蛋糕都好甜，濃濃朱古力，因為有綿花糖、Oreo、杏仁，每一啖都有咬口，而海棉蛋糕入口鬆軟🤤

雖然我就唔係太好咖啡，但我對Tiramisu味嘅嘢食都情有獨鍾今日口痕想食返個甜品，就見到A-1 bakery有得賣呢款Italian coffee cream cup，於是就買咗嚟試一試啦真係太期待去食，所以食咗幾啖先記得影返相成個cup好滑，有濃濃嘅意式咖啡味，食落又唔覺得太膩，雖然細細杯，不過如果同我一樣鍾意食tiramisu味嘅話，值得一試

📍中村藤吉 - 雙式奶黃月餅💰價錢：$220/盒（一盒4個）·今年A-1 Bakery同中村藤吉合作推出咗香港限定既抹茶焙茶奶黃月餅中村藤吉抺茶出名大家都知所以一話推出茶系月盒個陣討論度都幾高而且配合埋奶黃 唔知會點😂所以入手一盒 試下味道如何·先講外觀 個盒好靚一件大約50g 顏色上分得出邊款係抹茶 邊款係焙茶都幾綠 幾啡一打開包裝 好重茶味 奶味都唔弱聞落奶味都幾突出 其實齋聞都分得出抹茶同焙茶食之前焗一焗一切落去 碎咗好多😖一開始以為係因為焗咗太脆既關係先會碎原來唔關事 我拎咗件冇焗既月餅切都一樣碎🙄而且切開發現 咩料 空心既？😥仲要件件都係咁☹️ 扣曬分唔緊要 味道都係重點抹茶個款 有濃濃既抹茶味 苦中帶甘其實都幾苦下😂先講 我唔係抺茶控 比較少食抺茶野由我角度去判斷 係偏苦既鐘意苦味濃既抺茶控應該好鐘意另外焙茶個款茶味一樣好濃 但不苦😂甜度適中焙茶控可以一試但缺點係兩款一樣基本上食唔出有奶黃味你唔講係奶黃都冇人知😂所以當佢係單純抺茶焙茶月餅就冇問題😂最後 餅皮易碎同埋空心餡係最大問題但 中村藤吉出產既茶味冇得輸總結 呢款月餅 二百蚊四隻嚟講 有啲失望但未至於難食分數就俾佢中上始