嘆杯貓茶

Open Now

Now Closed

🚶🏻‍♀️離地鐵站唔遠，穿葵芳d 出口過2個商場一落天橋右邊就會到工廈門口 ，大約7-8分鐘距離～💰$118就可以玩全日🥰 $50/hr $88/2hra 大小同價無低消無加一 👍🏻👍🏻的確平過唔少貓cafe，location嚟講又方便大家玩完去掃街/行街👍🏻呢到嘅店員都好盡責🤍，入嚟嘅時候會講清楚收費，另外會提醒下其他注意事項～ 我地玩緊嘅時候又會同我地分享下平時同貓咪嘅相處🤣👀會嚟貓Cafe 都記得好好跟足指引，保障返貓貓同自己嘅安全🤍呢度有幾十隻貓🐱🐱🐱，牆上面有幾幅family tree + 貓貓關係圖，好搞笑好記得佢有隻貓寫住溝唔到另一隻😂😂😂呢度有5個空間：reception+廚房位一個貓人共處嘅大廳一間quiet room一間貓貓嘅廁所（透明玻璃可以望住佢地🫢😂）大廳有個閒人勿進嘅小空間養著貓bb🐱, 佢地都好可愛，希望佢地好好成長健健康康 (ㅅ´˘`)♡大廳仲有個屬於貓貓嘅大城堡🏰，另一邊牆係佢地嘅跳板同爬架檯同座地凳都拍晒牆，有需要可以自己佔用～ 另外仲間quiet room 喺比人喺入面做下嘢，入面都有組合爬架比貓貓玩～✨❕呢度嘅貓貓比起我去過嘅其他地方都痴人/唔怕人

今日同米飯班主去左行葵廣，當然要掃下街😂見到有間小食店貼左貓cafe既廣告紙，路程只需要5分鐘，小食店既野食仲可以帶去貓cafe慢慢嘆，同埋部份收益會作支援浪浪拯救用途，所以我地即興咁買左啲野食再過去貓cafe🤭招牌手工波提 $25呢個係類似冬甩，塗上朱古力醬，食落有啲咬口，面頭仲有啲彩色朱古力碎。波波Double May $32呢個都係煙煙韌韌，淋上煉奶同加左Oreo餅碎，好有趣☺️芋圓芋泥鮮奶 $34肯定係咀嚼控首選，以芋頭鮮奶作為基底，加上Q軟彈牙的芋圓，整杯配料豐富。朱古力鮮忌廉Oreo脆脆 $34本身都鍾意飲朱古力，唧左幼滑既鮮忌廉，令到杯朱古力更香滑，加埋Oreo脆脆，朱古力味道更濃郁。去到貓cafe，要先除鞋同消毒雙手先可以進入🤩裡面有超過30隻唔同品種既貓貓，一入內貓貓就好熱情咁歡迎我地👍米飯班主本身都係貓奴，又好鍾意貓貓，黎到貓cafe就已經眼bling bling🤩😍貓貓們好乖又嗲人，好鍾意玩貓捧，米飯班主玩到唔捨得走😂有得玩又有得食，CP值極高😂

個個都話啲貓任摸唔嬲真係比你捉到摸到咪係🤭因為呢度每隻貓都好有性格所以話熟客實認得出貓貓係真嘅個個帶定玩具同佢地玩有隻明顯超級活躍的成個泰山咁爬到最高處搞嗰燈管又鍾意搞下你袋野食咁另外有隻英短極鍾意人拍屁股但高傲地嗲下你又行開要你主動望住佢地相處都幾好笑龍虎爭霸戰都見到有興趣可以支持下入場費門檻低學生更可黎溫書print野收費都用作支援救浪浪🐾☕嘆杯貓茶 Cafe葵芳大連排道162-170號金龍工業中心二座24樓J號舖 🍡葵廣小食店嘆杯貓茶葵芳葵富路7號葵涌廣場2樓007號舖

今日朋友去左”嘆杯貓茶” 貓Cafe玩呢到有大概30隻貓貓, 仲有超多貓玩具同擺設俾啲貓玩d 貓貓超得意, 食食下野仲會突然踩上枱面, 同你爭野食🤣整體空間感幾大, 仲有唔少小食款式可以選擇係葵廣仲有佢地既小食店, 可以帶d食物上貓貓cafe 一齊食👍我喺小食店就揀左9吋長糖霜肉桂棒+ 手工香蕉卷, 同朱古力鮮忌廉oreo 脆脆, 飲落朱古力味超濃郁, 肉桂棒面頭怖滿肉桂粉,好鬆脆香口另外, 都叫左椒鹽杏鮑菇同脆炸爆汁小籠包, 入面超多汁, 一口超迷你, 咬落鬆脆香口仲有燒雞肉串, 牛肉漢堡同酥炸流心芝士雞扒, 芝味香濃 🧀

之前Easter 連假, search 左呢間喵cafe. 最特別係佢係葵涌廣場2樓有一間小食店-嘆杯貓茶. 買完可以帶小食店食物去貓cafe坐低食, 路程只需ard 5 mins真皇牌蚵仔煎$60爆汁小籠包 $10蕉思暮想$35蚵仔煎略油, 有白菜同幾多蠔仔, 配左甜辣醬小籠包好Mini, 炸得勁脆.蕉思暮想有兩條churro 好脆coat 左沙糖肉桂, 仲有兩件香蕉春捲, 入面蕉蓉香甜抹茶芋泥鮮奶 $32自家拼配青蘋果純茶 $20比較喜歡茶, 飲落唔會太甜都幾清爽呢度有超過40隻唔同品種喵喵. 喵都好乖幾痴人. 勁可愛, 同喵玩到唔捨得走. 牆上有佢哋族譜同名食野時有d 喵喵都好奇跳上枱, 有d 好為食想偷食咁, 所以都要快d 食完包好. 人類食物對喵可能好危險…難得係貓cafe價錢唔算貴, 佢哋會撥部分收入支援救援浪浪. 實際有幾隻都係店主好有心咁領養番黎

工厦隱世貓cafe，本身我地好鐘意小動物，聽講葵芳工厦都有貓cafe,我地就黎同貓貓玩下啦小朋友同貓貓玩到吾捨得走，呢度好多貓貓，隻隻都有名呀，佢地好乖原來係葵涌廣場仲有一間小食店-嘆杯貓茶，小食店食物係可以帶去貓cafe坐低食，路程相當近只需5分鐘就行到兩間店舖都近地鐵站，相當容易搵所以去到小食店買野食可以去埋貓貓cafe探下佢地，小食店同cafe食物選擇都算多，有啲都幾有特色小食店好多特色小食選擇：我地叫左既食物：自創波波DoubleMay(奶蓋黑糖波提)：幾特別既甜品，之前未試過，店員推薦試下，覺得好好味呀爆汁小籠包：一啖食哂超正超惹味豬肉餃子：好香口台灣香草腸日式菜肉餃10隻 (貓cafe)：超香脆可口，連餃子皮都好香脆飲品：紅豆鮮奶 (奶味香濃)芋圓鮮奶茶 (超多芋圓)小朋友都好鐘意食，食物吾差，對於有得同貓貓玩佢已經好滿足，係呢度同貓貓玩價錢都好廉宜，所以我地都逗留左好耐，貓貓好嗲人又為食同好乾淨，店員人有禮貌又照顧得佢地好好，好有愛心！收費：$50一小時 $88兩小時 $118全日學生更再享有優惠而且貓cafe所有收入會用作捐助流浪貓玩樂之餘仲可以做埋善事，下次會再黎

想過一個休閑又治癒嘅周末，經朋友介紹知道呢間除咗喺葵廣有小食店，仲喺5分鐘路程有一間貓貓Cafe，而小食店既野食可以帶去貓貓Cafe慢慢嘆。先嚟到葵廣小食店，以甜品同飲品為主，仲有啲夜市小食，門口貼有好多貓貓相一眼就認到。招牌手工波提外型似冬甩，食落Q彈煙韌口感一流，塗上朱古力醬同七彩糖，又靚又好吃。九吋玉桂棒即叫即炸金黃香脆，食落外脆內軟，外層仲沾滿肉桂糖，令人無法抗拒。招牌絲襪奶茶配黑白珍珠港台嘅fusion，絲襪奶茶入口順滑且茶香回甘，黑白珍珠兩款嘅口感略有不同，增加唔少層次。朱古力鮮忌廉Oreo脆脆撒上Oreo脆，令朱古力更香濃。行5分鐘路程嚟到位於金龍工業中心嘅貓貓Cafe，一入到去d貓貓已經好熱情咁圍埋嚟歡迎我哋。貓貓好活潑又好痴人，仲好鍾意玩貓棒。品種方面有我最鍾意嘅緬因貓同人見人愛嘅短毛貓，數量眾多差唔多有30隻，鍾意比貓圍嘅一定要嚟！$118就可以坐全日，食物方面以主食為主。雞全部都係雞真係全部都係雞，有雞扒、炸雞粒、雞軟骨、雞串燒，雞肉都算嫩滑，有咁多款唔同嘅味道，連貓貓都想偷食。King究極屈機漢堡巨形漢堡，疊到好高，有雞扒、辣肉腸、煙肉、蕃茄等等，足料又夠喉！整

葵廣不只多嘢食，原來附近仲有好正嘅貓cafe!✔️葵廣 嘆杯貓茶 小食店既野食可以帶去貓貓cafe;路程只需5分鐘;Cp值極高;貓cafe收入撥作支援救援浪浪用途✔️葵廣 嘆杯貓茶 有超多特色小食和飲品選擇，做人最緊要有選擇✔️超推介 九寸玉棒的蕉思暮想，脆脆春卷嘅外皮淋上朱古力醬，最震撼係咬一口春卷感受隱藏嘅香蕉蓉爆香兼爆餡✔️爆汁小龍包又是驚喜之選，細細粒似手指頭外表超可愛，脆炸更是少見，一口全粒放入口，細細粒都竟然係啖啖肉，好癲✔️絲襪奶茶配黑白珍珠 vs 朱古力Oreo鮮忌廉脆脆，我比較喜歡絲襪奶茶配黑白珍珠 ，招牌飲品果然係招牌飲品，呢杯嘢簡直係港台美食嘅融和✔️離開葵廣行去 嘆杯貓茶 貓cafe 都好近，天橋過天橋大約5分鐘就到工廈✔️好多貓！真係好多貓！全部都係貓！10隻？20隻？30隻？總之就好多！✔️工廈地方唔細，開揚寬敞，感覺到貓貓們都很舒適✔️貓貓都好活潑願意親近人，摸摸絕對無難度✔️唔只摸摸，貓貓更加喺貓樹上跳來跳去，追抓貓捧，人同貓都樂在其中✔️不論 住附近 或者 去開葵芳 或者 專登 嚟玩 都非常推介

朋友係常客，推介我去wts book左位先會教你點由地鐵站行過去仲可以問佢睇menu買左全日通$118，果日係閒日，晏晝由1點坐到7點，聽聞可以坐到11點地方真係好闊落，坐地下(有背靠+坐墊)亦都可以坐高腳椅，不過坐地下易啲吸引貓貓XD2個人食左流心牛肉burger*2+蕃薯條*1蕃薯條要左大份，好飽食淨小小去到太肚餓冇影到相burger舊牛好juicy，個burger都幾大舊難以一口掌握貓cafe重點當然係貓貓，真係好多隻朋友係狗派，但係都冇養過小動物，一開始有啲驚唔知點接觸貓貓不過其實唔主動去摸摸佢地，坐喺度已經好多貓貓腳邊跑黎跑去貓貓超親人，去過第二啲貓cafe，真係未見過咁多貓都係咁親人我都唔算好識幫佢地R痕，有幾隻係摸極都唔走，仲反埋肚打呼嚕，勁誇張店內有逗貓棒，有board game，不過我地2個都帶左board game去玩檯面有野貓貓唔會上去搗亂，不過跌左啲紙落地下佢地好似想擔走佢咁XD呢間真係去過最舒服的貓cafe，唔使同人逼亦都好容易摸到貓貓，適合想hea成日放鬆下的人惟一缺點係葵坊對我黎講太遠，如果唔係可能都會買全月通成日去

呢間貓cafe位於葵芳工廈，相當隱世🤍佢有超過10隻貓貓會同大家玩，$50/1 hours；$100/2 hours；$150/ full day，另外大家仲可以叫漢堡包、Pizza、飲品、小食，一邊食一邊玩貓🐈💓(或者其實係俾貓玩返轉頭😀)：-1️⃣「忌廉芝士磨菇釀雞翼🍗(4 pcs)($58)」呢個好食！雞翼係已經去咗骨，中間好多芝士餡，雞翼香口～Chicken wings stuffed with cheese and mushrooms 👍🏻-2️⃣「五重芝士Pizza🍕($54)」加咗煙三文魚(+$20)，食落鹹香鹹香，不過驚喜度唔大~Cheesy pizza with salmon -3️⃣「King究極burger🍔($80)」中間塊漢堡扒超好食🤣，juicy得黎中間仲有芝心，黎貨唔錯！不過個包咗乾咗d、d 煙肉都麻麻-🐰💬小結：店員幾Nice，都會落場同d貓玩下，d貓嘅性格好唔同，有d會主動過嚟搵你玩，有d好高冷🤣，食物質素尚可，個場有少少味，不過勝在好抵玩！

貓Cafe來講，我覺得個性價比係非常之高嘅，所以我都推薦。首先都提醒大家如果去呢一間餐廳嘅話，要先食少少嘢落肚啦，否則職員忙嘅時候都要等好耐嘅。不過啲職員係好Nice嘅！嘢食叫了雞粒，味道OK嘅，同埋都叫咗啲嘢飲啦，仲可以叫花茶一齊飲！呢度嘅貓都好多㗎，仲好貪食嘅。呢度都好多人嗌咗貓貓嘅零食，啲貓貓聽到聲音即刻圍住一齊，個場面都好墟冚呢！非常融化～這裡係一個可以同朋友相聚得好開心嘅地方，非常難忘！

葵芳工廈隱蔽貓貓cafe 整體價錢平過其他貓貓cafe 最近仲係葵廣開左茶飲分店 衝左去試試 （最後面有貓貓片）.今次行程先係葵廣買完野食 再去cafe玩貓貓係葵芳行過去工廈cafe大概8分鐘一入門要除鞋 同消毒雙手呢日大概1800黎到 唔多人一入門就比5-6隻貓貓圍全場大概20隻貓貓up左右出左黎活動大概有10隻到左夜小小1900開始多客人貓貓比客人餵飽左之後2000玩耐左貓貓就開始訓不過如果你有零食 幾時都係全場貓貓焦點.全場行一行睇貓貓 點知見到勁多貓bb見到有隻係咁喵我 勁x得意想即刻打包一隻番屋企🤣不過貓bb就係保護區 只可以睇 唔可以玩.一邊飲野 一邊玩貓唔錯嘅野食方面 今日漢堡唔太得似用左新方法bagel設計 小油 我唔太鐘意用番普通麵包 包面烘一烘已經ok.店員幾花心思 飲品每杯有畫上貓貓圖案 同字句⭐️士多啤梨奶昔 👌🏻比較偏甜 常見大眾奶昔口味⭐️朱古力鮮忌廉Oreo脆脆 👍🏻朱古力好飲 相比之下冇咁甜 個人鐘意呢杯多d.除此之外佢地仲有⭐️自家手工波提$25件 48/2件比較特別 見到有買2送1 賣相幾靚 口感煙韌 有唔同口味.‼️特別一提 貓貓d爪比較尖 如果有貓貓貪玩

Cp值好高 睇番佢地既價錢 係有減價 而且好平地方又夠大 岩岩$388升級左全月通行 佢地係葵廣都開左一間茶飲店 我同隔離枱夾單叫左一 招牌珍奶; 茶味好香 唔太甜；如果大家叫應該唔好叫少甜 正常已經岩岩好 聽職員講 如果先去葵廣買滿$50 係貓咖即減$10 好平民既收費 開心

我一開始睇到IG啲相我以為好似係好似旺角嗰啲🥲室內光猛 多貓 有啲人咁樣結果原來設施老舊 牆紙都爛埋得半個場開咗燈from老細拑電腦客人得我一個 九成貓喺度瞓覺 喺度望住佢哋瞓覺我都想瞓覺剩返嗰啲可能係我嘅親和力不足同埋我接觸貓貓嗰陣發現有隻有口炎個嘴黑晒有隻明顯黑下巴俾我感覺啲貓貓好似冇俾人細心照顧我頂到半個鐘就已經想走因為見到個場就覺得伏伏地所以冇嗌嘢食 淨係叫咗杯嘢飲嘢飲就細杯 性價比不高老實講冇下次🙂

早兩日放工又去做下奴才服侍下啲主子先😂今次小編就去左位於葵芳嘅「嘆杯貓茶」😬係地鐵站一出行大約5-8分鐘就到！都算方便架！上到去空間都幾闊落！見到好多主子等緊我去服侍呀！😂即刻衝埋去睇下主子有咩吩咐先！主子們多數都灘左係度等我過去做全身按摩💆我哋都叫一啲小食黎食！1小時$50、2-3小時$100、全日通$150場地星期一至四(沒有最低消費)比鐘錢就可以了！而星期五六日及公眾假期需要點餐，每位最低消費$50